Dómaramál
Kristinn, Birkir og Smári dæma á Copa del Sol 2012
Dæma á æfingamóti í boði norska knattspyrnusambandsins
Norska knattspyrnusambandið hefur boðið Kristni Jakobssyni að dæma á æfingamóti, Copa del Sol 2012, sem fram fer á La Manga og Benidorm á Spáni í byrjun febrúar.
Þá hefur dómaranefnd KSÍ valið Birki Sigurðarson og Smára Stefánsson til að fara með honum sem aðstoðardómarar.
Á Benidorm leika Molde og Rosenborg frá Noregi, IFK Gautaborg frá Svíþjóð, Olimpija Ljubljana frá Slóveníu, Spartak Moskva frá Rússlandi og Dalian Aerbin frá Kína.
Á La Manga leika Aalesund og Tromsö frá Noregi, Kalmar frá Svíþjóð, FC Köbenhavn frá Danmörku, Anzhi frá Rússlandi og Shakhtar Donetsk frá Úkraínu.
