Fræðsla
Knattspyrnuþjálfarafélag Íslands - KÞÍ

Aðalfundur og fræðsluviðburður KÞÍ 2. desember

Fyrirlestur frá Michael Bealy, knattspyrnuþjálfara yngri flokka hjá Liverpool akademíunni

20.11.2017

Hinn 2. desember nk. ætlar Knattspyrnuþjálfarafélag Íslands (KÞÍ) að sameina fræðsluviðburð (fyrirlestur og sýnikennslu) og aðalfund félagsins. Er þetta í fyrsta sinn í langan tíma sem það er gert. Stjórn KÞÍ vonast til þess að félagsmenn taki vel í þetta og fjölmenni á báða viðburði. Fræðsluviðburður og aðalfundur fara hvoru tveggja fram í Fífunni í Kópavogi. Sjá hér að neðan.

Leiðbeinandi fræðsluviðburðarins verður Michael Beale, yngriflokka þjálfari hjá Liverpool akademíunni. Michael hóf þjálfunarferil sinn hjá Chelsea, þar sem hann hann starfaði í rúm níu ár (2003-2012). Hjá Liverpool hefur hann starfað frá árinu 2012, að undanskildu nokkurra mánaða tímabili er hann starfaði hjá São Paulo í Brasilíu. Mikael er núverandi þjálfari yngstu leikmanna Liverpool, U6 til U9 ára. Michael ætlar í fyrirlestri sínum að fjalla um leikmannaþróun hjá Liverpool akademíunni og vera með eina verklega sýnikennslu.

Með því að smella HÉR er hægt að sjá upplýsingar um störf Mikael Bealy.

Akademían hjá Liverpool hefur verið annáluð fyrir að ala upp góða knattspyrnumenn. Dæmi um leikmenn sem komið hafa úr akademíu félagsins eru. Billy LiddellRonnie MoranIan CallaghanPhil ThompsonRobbie FowlerSteve McManamanMichael OwenJamie CarragherSteven GerrardJon Flanagan og Raheem Sterling, ásamt mörgum öðrum.

Ráðstefnugjald er FRÍTT fyrir félagsmenn sem greitt hafa árgjald KÞÍ en 3.000 kr. fyrir aðra. Skráning er hafin en hægt er að skrá sig fyrir fimmtudaginn 30. nóvember með því að senda tölvupóst á doribolti@hotmail.com með eftirfarandi upplýsingum: nafn, kennitala, tölvupóstfang og símanúmer.

Þjálfarar sem ekki hafa gengið frá árgjaldi eru hvattir að gera það hið fyrsta.

Fræðsluviðburðurinn telur sem fjögur endurmenntunarstig fyrir UEFA A og B þjálfaragráðum og er öllum opinn.

Dagskrá.

Kl. 15:00 - 16:15. Fyrirlestur og fyrirspurnir.

Kl. 16:15 - 16:30. Kaffihlé.

Kl. 16:30 - 17:30. Verkleg sýnikennsla.

Kl.17:45 - 18:30. Aðalfundur KÞÍ (auglýstur sérstaklega).

Kl. 18.30 -           Þjálfari ársins í m.fl. karla og kvenna – Viðurkenningar fyrir vel unnin störf við 

                           þjálfun yngri flokka. 




Fræðsla




Aðildarfélög




Aðildarfélög