Samtök íþróttafréttamanna hafa tilkynnt hvaða aðilar skipa 10 efstu sætin í kjöri á íþróttamanni ársins 2005, en úrslitin verða kynnt 3. janúar næstkomandi.  Á meðal þessara tíu eru fimm knattspyrnumenn.

Drög að niðurröðun leikja í Deildarbikarkeppni KSÍ 2006 liggur nú fyrir og má skoða hér á vefnum.  Athugasemdum við niðurröðun ber að skila í síðasta lagi föstudaginn 6. janúar. 

Leikstaðir og leikdagar í Íslandsmótum yngri flokka karla og kvenna innanhúss 2006 hafa verið ákveðnir og má skoða niðurröðun leikja hér á ksi.is.  Úrslitakeppni fer fram helgina 18. og 19. febrúar.

Ísland er í 19. sæti á styrkleikalista FIFA fyrir kvennalandslið í lok ársins og fellur um tvö sæti frá því listinn var síðast gefinn út.  Þýskaland er sem fyrr í efsta sæti og litlar breytingar eru við topp listans.

Samningur milli KSÍ og menntamálaráðuneytisins um 200 milljóna króna styrk ríkisins til uppbyggingar aðstöðu áhorfenda á Laugardalsvelli var undirritaður í höfuðstöðvum KSÍ í dag, miðvikudag.

Landsbankinn stóð fyrir boðsmiðaleik í tengslum við Landsbankadeild karla í sumar fyrir krakka 16 ára og yngri.  Fyrsti vinningur, ferð fyrir fjóra á leik í Meistaradeild UEFA, verður dreginn út í beinni á NFS í dag. Lesa meira

Síðasti FIFA-styrkleikalisti ársins fyrir karlalandslið hefur verið gefinn út og er Ísland í 94. sæti.  Brasilíumenn ljúka árinu á toppi listans, eins og þeir hafa reyndar gert síðustu fjögur árin.

Æfingaáætlun fyrir æfingar yngri landsliða karla og kvenna 2006 hefur verið birt.  Áætlunin gildir fram á vor og er fyrir U19 karla, U19 kvenna, U17 karla, U17 kvenna og U16 karla.

Ákveðið hefur verið að Bjarni Jóhannsson muni aðstoða Eyjólf Sverrisson með þjálfun A-landsliðs karla, og að Birkir Kristinsson muni aðstoða með þjálfun markvarða liðsins.

Jólamót KRR hefst laugardaginn 17. desember með keppni í yngstu flokkunum og fara allir leikir fram í Egilshöll.  Smellið hér að neðan til að skoða leikjadagskrá mótsins fyrir hvern dag, ásamt umsjónaraðilum.

Ákveðið hefur verið að leikið verði með sérmerktan knött í öllum leikjum Landsbankadeilda karla og kvenna 2006 - Landsbankadeildarknött.  Samið hefur verið við Hoffell ehf. um Mitre Pro 100T knöttinn.

FIFA hefur gert samstarfssamning við SOS barnaþorpin í tengslum við HM 2006 í Þýskalandi.  KSÍ hefur á sama hátt gert samkomulag við SOS barnaþorpin á Íslandi til að afla fjár til bágstaddra barna.

Vel á fjórða tug leikmanna hafa verið boðaðir á úrtaksæfingar fyrir U21 landslið karla.  Æfingarnar fara fram í Fífunni dagana 17. og 18. desember.  Þjálfari U21 landsliðs karla er Lúkas Kostic.

Haukar sigruðu á Tindsmóti HK í meistaraflokki karla sem haldið var í Fífunni um helgina, en þar er leikið í 7 manna liðum og á stór mörk.  Haukarnir mættu liði HK-1 í úrslitaleik mótsins og unnu þar stórsigur, 6-0.

Bókin Íslensk knattspyrna 2005 eftir Víði Sigurðsson, íþróttafréttamann á Morgunblaðinu, er komin út og er þetta 25. bókin í þessum bókaflokki sem hóf göngu sína árið 1981.

Nýr listi Alþjóða Lyfjaeftirlitsstofnunarinnar (WADA) yfir efni og aðferðir sem bannað er að nota í íþróttum tekur gildi þann 1. janúar og fellur þá eldri listi jafnframt úr gildi.  

Mánudaginn 12. desember verður val á knattspyrnumanni og knattspyrnukonu ársins 2005 kunngjört í móttöku á Nordica Hótel og viðurkenningar veittar fyrir þrjú efstu sætin hjá körlum og konum.

Leikjaniðurröðun í Jólamóti KRR hefur verið staðfest og má sjá hér á ksi.is.  Nánari upplýsingar um skipulag og umsjón í mótinu verða sendar þátttökufélögum innan skamms.

Dregið hefur verið í riðla fyrir Opna Norðurlandamót U21 landsliða kvenna, sem fram fer í Noregi í júlí 2006.  Ísland er í riðli með Danmörku, Noregi og Bandaríkjunum.

Vel á fjórða tug leikmanna hafa verið boðaðir á úrtaksæfingar U16 landsliðs karla um komandi helgi.  Þetta er fyrsti hópurinn af þremur sem verða boðaðir á æfingar liðsins í vetur.

Þrír sparkvellir voru teknir í notkun í Rangárvallasýslu föstudaginn 2. desember síðastliðinn.  Sparkvellir voru vígðir við við grunnskóla á Hellu, Laugalandi í Holtum og á Hvolsvelli.

Leyfisferlið fyrir keppnistímabilið 2006 hófst 15. nóvember síðastliðinn, þegar nauðsynleg gögn voru send til þeirra félaga sem unnið hafa sér rétt til að leika í Landsbankadeild karla 2006.

Íslandsmótum meistaraflokka innanhúss lauk á sunnudag með úrslitakeppni 1. deilda karla og kvenna og keppni í 3. deild karla. Keflvíkingar hömpuðu Íslandsmeistaratitlinum í karlaflokki, en Blikastúlkur í kvennaflokki.

Keppni í 1. deildum karla og kvenna innanhúss fer fram um helgina - riðlakeppni á laugardag og úrslitakeppni á sunnudag.  Breiðablik hefur oftast hampað sigri í kvennaflokki, en Valur í karlaflokki.

Drög að leikjaniðurröðun í Jólamóti KRR 2005 liggja nú fyrir og má skoða þau hér á vefnum.  Mikilvægt er að hlutaðeigandi kynni sér reglur mótsins. Athugasemdir við niðurröðun þurfa að berast í síðasta lagi 6. desember.

Dómaranefnd KSÍ hefur lokið við flokkun landsdómara sambandsins fyrir árið 2006, en þeim er raðað í þrjá flokka - A, B og C.  Nokkrar breytingar eru á listanum milli ára.

Skrifstofa KSÍ hefur á þessu ári unnið í því að koma öllum eldri úrslitum inn í gagnagrunn sambandsins.  Allir landsleikir Íslands frá upphafi í öllum landsliðum hafa verið skráðir, ásamt öllum leikjum í efstu deild karla.

KSÍ leggur mikla áherslu á háttvísi innan vallar sem utan. Í Landsbankadeild karla gefa eftirlitsmenn KSÍ liðunum einkunn eftir hvern leik sem tekur mið af ýmsum þáttum.

Norræn ráðstefna um knattspyrnu í grasrótinni fór fram í Helsinki í Finnlandi í október og sótti Halldór Örn Þorsteinsson ráðstefnuna fyrir hönd KSÍ. Gögn frá ráðstefnunni eru nú aðgengileg hér á ksi.is.

Árleg ráðstefna UEFA - Knattspyrnusambands Evrópu um knattspyrnu barna og unglinga er haldin á Kýpur í vikunni.  Ástráður Gunnarsson og Luka Kostic sitja ráðstefnuna fyrir hönd KSÍ.

Um helgina fer fram keppni í 2. og 4. deild karla á Íslandsmótinu innanhúss og er leikið í íþróttahúsinu í Austurbergi í Breiðholti.  Keppni í 4. deild fer fram á laugardag, en 2. deildin er leikin á sunnudag.

A landslið karla hefur fallið um eitt sæti milli mánaða á styrkleikalista FIFA og er nú í 93. sæti.  Brasilíumenn eru efstir sem fyrr, en tékkar lauma sér upp fyrir Hollendinga í 2. sætið og þar fyrir neðan eru Argentínumenn og Frakkar.

A landslið kvenna mætir Hollandi í vináttulandsleik 12. apríl á næsta ári og hefur leikstaður nú þegar verið ákveðinn. Leikurinn fer fram á Oosterenk leikvanginum í Zwolle, um 125 kílómetrum frá Amsterdam.

Fulltrúar KSÍ og formaður samtaka félaga í efstu deild karla (SED), ásamt fulltrúum Landsbankans og VISA, sóttu á mánudag vinnufund um markaðsmál í knattspyrnu hjá fyrirtækinu Sport Five í Hamborg í Þýskalandi.

Síðastliðinn föstudag var sparkvöllur formlega tekinn í notkun í Vogum á Vatnsleysuströnd. Völlurinn er við Stóru-Vogaskóla, en sama dag var nýr áfangi skólans vígður.

Jólamót Sparisjóðs Kópavogs verður haldið í 22. skipti dagana 27. - 30. desember næstkomandi og er keppt í öllum yngri flokkum karla og kvenna, frá 2. flokki til 7. flokks.  Leikið verður í Fífunni, Digranesi og Smáranum.

Deildarbikarkeppni KSÍ fer af stað um miðjan febrúar og hafa öll félög sem sendu meistaraflokk til keppni á Íslandsmótinu 2005 heimild til að taka þátt.  Þátttaka skal tilkynnt í síðasta lagi föstudaginn 25. nóvember.

Reykjavíkurmót meistaraflokka karla og kvenna hefjast í lok janúar og er stefnt að því að riðlakeppni sé lokið áður en keppni í Deildabikar hefst. Þátttökutilkynningar þurfa að berast í síðasta lagi mánudaginn 28. nóvember.

ÍBV var á dögunum veitt sérstök viðurkenning fyrir besta grasrótarviðburð ársins 2005 - Shellmót ÍBV.  Það voru fulltrúar KSÍ sem afhentu fulltrúum ÍBV viðurkenninguna á Náttúrugripasafninu í Vestmannaeyjum.

Formenn og framkvæmdastjórar félaga í Landsbankadeild karla funduðu í Vestmannaeyjum á fimmtudag.  Rætt var um ýmis mál tengd Landsbankadeildinni 2005 annars vegar og 2006 hins vegar.

Samkvæmt reglugerð KSÍ um samninga og stöðu félaga og leikmanna hefur skrifstofa KSÍ gefið út afreksstuðla leikmanna og hafa þeir verið uppfærðir á vef KSÍ.

Félögum sem halda opin mót 2006 er boðið að senda upplýsingar um viðkomandi mót til KSÍ líkt og áður á póstfangið ksi@ksi.is.  Munið eftir tengli á vefsíðu mótins, þar sem við á.

Dagana 19. og 20. nóvember næstkomandi fara fram úrtaksæfingar fyrir U19 landslið kvenna á Stjörnuvelli í Garðabæ og í Egilshöll í Reykjavík.  Æfingarnar fara fram undir stjórn Ólafs Þórs Guðbjörnssonar, þjálfara liðsins.

Á aðalfundi  KÞÍ 12. nóvember síðastliðinn voru Ólafur Jóhannesson þjálfari FH og Úlfar Hinriksson þjálfari Breiðabliks útnefndir þjálfarar ársins í Landsbankadeildum karla og kvenna fyrir árið 2005.

Jólamót KRR - Knattspyrnuráðs Reykjavíkur verða haldin í Egilshöll í desember.  Í ár verður gerð tilraun með að leika árgangaskipt í 5. flokki og yngri í 7 manna liðum samkvæmt reglum KSÍ í miniknattspyrnu.

Á aðalfundi KÞÍ síðastliðinn laugardag veitti formaður félagsins, Sigurður Þórir Þorsteinsson, fjórum aðilum gullmerki KÞÍ fyrir framlög sín til þjálfaramenntunar í knattspyrnu hér á landi.

Keppni í 2. og 3. deild kvenna í innanhússknattspyrnu fór fram í íþróttahúsinu í Austurbergi á sunnudag.  Haukar og Sindri tryggðu sér sæti í 1. deild að ári, Grindavík og Ægir fóru upp í 2. deild.

Síðastliðinn laugardag fór fram fundur með formönnum aðildarfélaga KSÍ og var hann haldinn á Hótel Nordica í Reykjavík.  Á fundinum var rætt um ýmis málefni sem tengjast knattspyrnunni hér á landi.

Knattspyrnudeild HK og Bókaútgáfan Tindur halda mót fyrir meistaraflokkslið í knattspyrnuhúsinu Fífunni í Kópavogi sunnudaginn 11. desember.  Leikið er í 7 manna liðum, en á stór mörk. 

Ákveðið hefur verið að A landslið kvenna leiki vináttulandsleik gegn Hollendingum ytra 12. apríl næstkomandi.  Leikurinn er liður í undirbúningi fyrir leiki í undankeppni HM kvenna í maí og júní 2006.

Íslandsmót meistaraflokka í innanhússknattspyrnu fer af stað næstkomandi sunnudag þegar keppni í 2. og 3. deild kvenna fer fram í íþróttahúsinu í Austurbergi í Breiðholti.

KSÍ heldur IV. stigs þjálfaranámskeið helgina 11-13. nóvember næstkomandi.  Alls hafa rúmlega 40 þjálfarar skráð sig á námskeiðið.  IV.stigs þjálfarar fara síðan í UEFA B próf í janúar 2006.

Lesa meira

Esso-mót KA 2006 hefst miðvikudaginn 5. júlí og endar með kvöldvöku laugardaginn 8 júlí.  KA mun taka í notkun nýtt keppnissvæði sem gerir umgjörð mótsins enn glæsilegri.  Mótið sem fram fer næsta sumar er tuttugasta Esso-mótið og verða ýmsar skemmtilegar uppákomur í tengslum við það.

Fundur með formönnum allra aðildarfélaga KSÍ fer fram á Hótel Nordica laugardaginn 12. nóvember næstkomandi kl. 10:00. Dregið verður í töfluröð í Landsdeildum karla og kvenna 2006 á sama stað kl. 13:00.

ÍSÍ stendur fyrir fjármálaráðstefnu föstudaginn 11. nóvember kl. 16:00 - 18:00.  Fjallað verður um fjárhagsstöðu boltaíþrótta og meðal annars um hlutafélagavæðingu knattspyrnufélaga.

FIFA hefur sektað KSÍ um 5.000 svissneska franka, andvirði um 230.000 króna, vegna fjögurra áminninga sem leikmenn Íslands hlutu í lokaleik liðsins í undankeppni HM 2006, gegn Svíum á Råsunda 12. október.

Úrtaksæfingar fyrir U17 landslið karla fara fram í Fífunni og Egilshöll um næstu helgi.  Alls hafa 36 leikmenn verið boðaðir til æfinga að þessu sinni og koma þeir frá félögum víðs vegar um landið.

Í byrjun mánaðarins fóru fram tveir leikir í riðli Íslands í undankeppni HM kvennalandsliða, síðustu leikirnir í riðlinum á þessu ári.  Portúgal lék heimaleiki við Svía og Tékka og tapaði þeim báðum með þriggja marka mun.

Dagana 28. og 29. október fór fram í annað sinn norræn ráðstefna um knattspyrnu í grasrótinni - Grassroots.  Að þessu sinni var ráðstefnan haldin í Helsinki í Finnlandi og var Halldór Örn Þorsteinsson, starfsmaður mótamála, fulltrúi KSÍ.

Samkvæmt 19. grein laga KSÍ hefur stjórn sambandsins gert breytingar á keppnisfyrirkomulagi í meistaraflokki kvenna innanhúss. Opnað er á þann möguleika að fjölga deildum kvenna úr tveimur í þrjár.

KRR stendur fyrir mótum fyrir eldri flokka karla og kvenna föstudaginn 4. nóvember 2005 í Egilshöll. Keppt verður í 6 manna liðum og leikið á 1/4 velli.  Nú þegar hafa nokkur lið frá Bandaríkjunum tilkynnt þátttöku.

Grunnskólamót KRR fór fram síðustu tvær helgar í Egilshöll.  Þátttakan í mótinu var mjög góð og voru alls 30 grunnskólar í Reykjavík sem mættu til leiks.  Borgaskóli, Hamraskóli og Réttarholtsskóli voru sigursælir.

KSÍ heldur II. stigs þjálfaranámskeið helgarnar 28-30.október og 4-6.nóvember næstkomandi í Reykjavík/Keflavík og helgina 28-30.október á Akureyri.

Lesa meira

Ísland er í 92. sæti á styrkleikalista FIFA fyrir karlalandslið, sem gefinn var út í síðustu viku, og stendur því í stað frá því listinn var síðast gefinn út.  Brasilíumenn eru efstir sem fyrr og Hollendingar eru áfram í öðru sæti.

Dregið hefur verið í riðla Íslandsmóts meistaraflokka karla og kvenna í knattspyrnu innanhúss. Leikjaniðurröðun í einstökum mótum mun vera birt á vef KSÍ fljótlega í næstu viku.

Spurningaspilið Spark kom í verslanir á föstudag, en um er að ræða fyrsta íslenska spurningaspilið um knattspyrnu, samkvæmt fréttatilkynningu frá framleiðanda.

Fyrstu skóflustungur að nýjum gervigrasvelli á Seltjarnarnesi voru teknar í gær og eru þetta sannarlega stór tíðindi fyrir knattspyrnuna á nesinu.  Það voru stúlkur og drengir úr 5. flokki Gróttu sem munduðu skóflurnar.

KSÍ heldur 1. stigs þjálfaranámskeið í Reykjavík/Keflavík helgina 14-16.október.  Alls hafa rúmlega 40 þjálfarar skráð sig til þátttöku á þessu námskeiði sem er bæði bóklegt og verklegt. 

Ísland er í milliriðli í EM U19 landsliða kvenna með Englandi, Danmörku og Rúmeníu, en dregið var í riðla í Osló í Noregi í dag, miðvikudag.  Milliriðlarnir fara fram í lok apríl á næsta ári.

Samkvæmt reglugerð KSÍ um knattspyrnumót eiga þau félög sem unnið hafa sér keppnisrétt í landsdeildum karla og kvenna að staðfesta þátttöku sína fyrir 1. nóvember ár hvert.

KSÍ hefur boðað til fundar með formönnum allra aðildarfélaga á Hótel Nordica laugardaginn 12. nóvember næstkomandi.  Sama dag og á sama stað verður dregið í töfluröð í Landsdeildum karla og kvenna.

Víkings R. óskar eftir að ráða metnaðarfullan og öflugan þjálfara fyrir 3. flokk karla. Umsækjendur þurfa að hafa reynslu af þjálfun og tilskilin réttindi frá KSÍ eða sambærilega menntun.

Íslenskur dómarakvartett verður á viðureign CSKA frá Moskvu og franska liðsins Marseille í UEFA-bikarnum á fimmtudag.  Kristinn Jakobsson dæmir leikinn, en CSKA er sem kunnugt er handhafi UEFA-bikarsins.

Síðari leikur Vals og Potsdam í Evrópukeppni félagsliða kvenna fór fram á sunnudag.  Skemmst er frá því að segja að þær þýsku sýndu Valsstúlkum enga miskunn og unnu 11-1 og því samanlagt 19-2 í leikjunum tveimur.

Stjórn KSÍ hefur ákveðið að endurnýja ekki samninga við þjálfara A landsliðs karla, þá Ásgeir Sigurvinsson og Loga Ólafsson, en samningar þeirra renna út 31. október næstkomandi. 

A landslið karla er í 5. styrkleikaflokki samkvæmt flokkun UEFA fyrir undankeppni EM 2008.  Dregið verður í riðla í Montreux í Sviss 27. janúar næstkomandi.  Úrslitakeppnin fer fram í Austurríki og Sviss.

Síðari leikur Vals gegn þýska liðinu Potsdam í 8-liða úrslitum Evrópukeppni félagsliða kvenna fer fram í Þýskalandi á sunnudag.  Eins og kunnugt er vann þýska liðið fyrri leikinn 8-1 á Laugardalsvellinum.

Athygli er vakin á því að skrifstofa KSÍ verður opin frá kl. 09:00 til 16:00 á föstudögum í vetur og lokar því einni klukkustund fyrr á föstudögum en aðra virka daga.

Um helgina hefst keppni í Framhaldsskólamóti KSÍ og Grunnskólamóti KRR.  Leikið verður í Framhaldsskólamótinu í Boganum á Akureyri og að Ásvöllum í Hafnarfirði, en í Grunnskólamóti KRR í Egilshöll í Reykjavík.

Baráttuglaðir Íslendingar biðu lægri hlut gegn sterku liði Svía í lokaumferð undankeppni HM 2006, en liðin mættust á Råsunda í Stokkhólmi í dag.  Íslenska liðið tók forystuna í leiknum, en Svíar stóðu uppi sem sigurvegarar, 3-1.

Þrjár breytingar hafa verið gerðar á byrjunarliði Íslands fyrir leikinn gegn Svíum í undankeppni HM 2006 á Råsunda í kvöld.  Árni Gautur Arason, Gunnar Heiðar Þorvaldsson og Heiðar Helguson koma inn í liðið.

Franska liðið Montpellier, þýsku liðin Frankfurt og Potsdam og lið Djurgården/Älvsjö frá Svíþjóð eru í góðri stöðu eftir fyrri leikina í 8-liða úrslitum Evrópukeppni félagsliða kvenna.

Landslið Íslands og Svíþjóðar hafa mæst sex sinnum á þessu ári og hefur Svíum ekki enn tekist að sigra.  Öll yngri landslið karla hafa leikið gegn sænskum landsliðum á árinu, sem og A landslið kvenna.

U21 landslið karla lagði Svía að velli á glæsilegan hátt með fjórum mörkum gegn einu þegar liðin mættust í lokaumferð undankeppni EM í Eskilstuna í Svíþjóð fyrr í dag, þriðjudag.

Unglingadómaranámskeið verður haldið í október/nóvember og er að mestu leyti um heimanám að ræða.  Þátttakendur fá námsefnið sent í þrennu lagi með tölvupósti en námskeiðinu lýkur síðan með prófi 19. nóvember.

Eyjólfur Sverrisson, þjálfari U21 liðs karla, hefur tilkynnt byrjunarlið Íslands gegn Svíum, en liðin mætast í lokaumferð undankeppni EM í Eskilstuna í dag og hefst leikurinn kl. 16:30 að íslenskum tíma.

Úrtaksæfingar fyrir U17 landslið kvenna fara fram í Fífunni í Kópavogi um næstu helgi.  Alls hafa leikmenn 35 frá félögum víðs vegar af landinu verið boðaðir til æfinga að þessu sinni.

Fimm leikmenn í 22 manna hópi Svía sem tilkynntur var fyrir leikina gegn Króötum og Íslendingum leika með sænskum félagsliðum.  Sex leikmenn í 20 manna hópi Íslands leika hér á landi.

Ákveðið hefur verið hvar Norðurlandamót yngri landsliða fara fram árin 2006 - 2012.  Þrjú mót eru áætluð á Íslandi - U17 kvenna 2008, U21 kvenna 2009 og U17 karla 2011.

Haustmótum KRR í yngri aldursflokkum er nú flestum lokið.  Valur, Fjölnir, ÍR, Fylkir og KR hafa þegar unnið til verðlauna.  Haustmót í 2. flokki karla og kvenna og 3. flokki karla fara fram í október.

Það er ekki einungis í Landsbankadeild sem lið ársins er valið af fjölmiðlum.  Vefsíðan Fótbolti.net hefur undanfarin ár kynnt lið ársins í 1. og 2. deild karla og afhent viðkomandi leikmönnum veglegar viðurkenningar.

Áhugavert er að bera lið ársins í Landsbankadeild karla hjá Morgunblaðinu og Fréttablaðinu saman við lið ársins sem kynnt var á lokahófi KSÍ.

Lokaumferð undankeppni HM 2006 fer fram á miðvikudag.  Í 8. riðli þurfa Svíar a.m.k. jafntefli gegn Íslendingum á Råsunda til að tryggja sæti í lokakeppni HM í Þýskalandi næsta sumar.

Valur tapaði með sjö marka mun gegn þýska liðinu Potsdam í 8-liða úrslitum Evrópukeppni félagsliða kvenna á Laugardalsvellinum í dag, sunnudag.  Liðin mætast að nýju í Þýskalandi eftir viku.

Íslenska landsliðið tapaði vináttulandsleik gegn Pólverjum í Varsjá í dag, föstudag.  Fimm mörk voru skoruð í leiknum og átti íslenska liðið tvö þeirra, bæði í fyrri hálfleik. Tveir leikmenn léku sinn fyrsta A-landsleik. 

Dómaratríóið í fyrri viðureign Vals og þýska liðsins Potsdam í 8-liða úrslitum Evrópukeppni félagsliða kvenna kemur frá Ungverjalandi.  Aðgangur á leikinn, sem fram fer á Laugardalsvelli á sunnudag, er ókeypis.

Á fundi aganefndar KSÍ var Vilmundur Sveinsson, leikmaður 2. flokks karla hjá Víkingi R., úrskurðaður í tímabundið leikbann og er honum óheimil þátttaka í öllum opinberum mótum innan vébanda KSÍ til og með 17. júní 2006.

U19 landslið karla vann í dag, föstudag, góðan 2-0 sigur á liði Bosníu/Hersegóvínu í lokaumferð síns riðils í undankeppni EM, en riðillinn fór einmitt fram í Sarajevo í Bosníu.  Bæði mörk íslenska liðsins komu seint í leiknum.

Nokkrar breytingar voru gerðar á byrjunarliði U19 landsliðs karla fyrir leikinn gegn Bosníu/Hersegóvínu í undankeppni EM í dag, sem hefst kl. 09:00 að íslenskum tíma.  Hvorugt liðið á möguleika á að komast áfram í riðlinum.

Króatar gerðu dramatískt sigurmark gegn Íslandi á lokamínútunni í undankeppni EM U19 landsliða karla, en liðin mættust í Sarajevo í Bosníu í dag, miðvikudag.  Íslenska liðið á því ekki möguleika á að komast upp úr riðlinum.

Dómgæslan í báðum leikjum A-landsliðs karla sem framundan eru verður í höndum Rússa - í vináttulandsleiknum gegn Pólverjum og leiknum í undankeppni HM 2006 gegn Svíum.

Guðni Kjartansson, þjálfari U19 landsliðs karla, hefur valið byrjunarlið Íslands fyrir leikinn gegn Króatíu í undankeppni EM í dag.  Riðillinn fer fram í Sarajevo í Bosníu.

Leikjaniðurröðun í Grunnskólamóti KRR (Knattspyrnuráðs Reykjavíkur) hefur nú verið birt hér á ksi.is.  Mótið er fyrir grunnskóla í Reykjavík (7. og 10. bekk) og fer fram í Egilshöll.

Áfram Ísland klúbburinn verður með upphitun  fyrir leik Svíþjóðar og Íslands í undankeppni HM 2006 þann 12. október næstkomandi. Upphitunin fer fram á Crazy Horse, Sturegatan 12, í miðbæ Stokkhólms. 

Eyjólfur Sverrisson, þjálfari U21 landsliðs karla, hefur valið þrjá leikmenn sem leika með U19 landsliðinu í hópinn fyrir lokaleik U21 liðsins í undankeppni EM 2006, gegn Svíþjóð 11. október.

Viltu þjálfa skemmtilegasta knattspyrnulið á Íslandi?  Knattspyrnufélag Árborgar auglýsir eftir metnaðarfullum þjálfara til að þjálfa meistaraflokk karla á komandi keppnistímabili. Aðsetur félagsins er á Selfossi en Árborg leikur í 3. deild.

Á lokahófi KSÍ á Broadway síðastliðinn laugardag voru afhentar hinar ýmsu viðurkenningar fyrir frammistöðu á nýloknu keppnistímabili.  Allan Borgvardt og Laufey Ólafsdóttir voru kosin leikmenn ársins.

Þrátt fyrir 1-5 tap gegn Rússum í lokaumferð undankeppni EM U19 liða kvenna komst Ísland áfram í milliriðla, sem fram fara í apríl á næsta ári.  Greta Mjöll Samúelsdóttir gerði mark Íslands gegn Rússum.

Knattspyrnudeild Fram leitar eftir þjálfurum sem vilja slást í hóp metnaðarfullra þjálfara sem nú þegar starfa hjá deildinni.  Æskilegt er að þjálfarar hafi reynslu við þjálfun barna og unglinga og hafi sótt þjálfaranámskeið hjá KSÍ.

Drög að leikjaniðurröðun í Framhaldsskólamótinu má nú skoða hér á ksi.is.  Leikið er í Hafnarfirði og á Akureyri dagana 15. - 16. og 22. - 23. október.  Úrslitakeppni fer fram í Egilshöll laugardaginn 29. október.

Leikjaniðurröðun í Faxaflóamóti/Haust hefur verið staðfest og má skoða hana hér á ksi.is.  Skila þarf leikskýrslum fyrir hvern leik og hefðbundnar reglur gilda um breytingar á leikjum.

A landslið karla leikur tvo landsleiki í október - vináttulandsleik gegn Pólverjum og leik í undankeppni HM 2006 gegn Svíum.  Íslenska liðið hefur aldrei hampað sigri gegn Pólverjum, en hefur tvisvar sinnum lagt Svía að velli.

U19 kvenna vann í dag annan stórsigurinn í röð í undankeppni EM.  Lið Bosníu/Hersegóvínu var lagt að velli með fimm mörkum gegn engu og þar með er sæti í milliriðli öruggt.

Klara Ósk Bjartmarz er eftirlitsmaður UEFA með riðli í undankeppni EM U19 landsliða kvenna.  Riðillinn fer fram í Portúgal í vikunni og í honum eru, auk heimamanna, Slóvakía, Wales og Kasakstan.

Á lokahófi KSÍ á Broadway næsta laugardag verður meðal annars kynnt niðurstaða kosningar leikmanna í Landsbankadeildum karla og kvenna á bestu og efnilegustu leikmönnum deildanna árið 2005.

U19 landslið kvenna leikur gegn Bosníu/Hersegóvínu í undankeppni EM í dag og hefst leikurinn kl. 14:00 að íslenskum tíma.  Riðillinn fer fram í Sarajevo, þannig að bosníska liðið er á heimavelli.

Landsliðsþjálfararnir Ásgeir Sigurvinsson og Logi Ólafsson hafa valið íslenska hópinn fyrir vináttulandsleikinn gegn Pólverjum í Varsjá 7. október og leikinn gegn Svíum í Stokkhólmi í undankeppni HM 2006 12. október.

Pólverjar hafa tilkynnt hóp sinn fyrir vináttuleikinn gegn Íslandi 7. október, en leikurinn er liður í undirbúningi liðanna fyrir lokaumferð undankeppni HM.  Pólverjar leika gegn Englendingum 12. október.

Svíar hafa tilkynnt gríðarsterkan 22 manna landsliðshóp fyrir síðustu tvo leiki sína í undankeppni HM 2006, gegn Króatíu í Zagreb 8. október og Íslandi á Råsunda í Stokkhólmi 12. október.

FIFA hefur sektað KSÍ um 10.500 svissneska franka, eða um hálfa milljón króna, vegna fjölda áminninga sem A landslið karla fékk í tveimur leikjum í undankeppni HM 2006, gegn Króatíu og Búlgaríu.

U17 landslið karla hafnaði í 3. sæti síns riðils í undankeppni EM, sem fram fór í Bosníu/Hersegóveníu.  Lokaumferðin fór fram í dag, þriðjudag, og beið íslenska liðið 1-4 ósigur gegn Tékkum.

Áhorfendur á úrslitaleik Fram og Vals í VISA-bikar karla á Laugardalsvelli síðastliðinn laugardag voru alls 5.162.  Þetta er mesti áhorfendafjöldi síðan 1999 og voru áhorfendur í ár rúmlega 3.000 fleiri en í fyrra.

Ólafur Þór Guðbjörnsson, þjálfari U19 landsliðs kvenna, hefur tilkynnt byrjunarlið Íslands gegn Georgíu í undankeppni EM, en liðin mætast kl. 14:00 í dag að íslenskum tíma.

Kristinn Jakobsson verður dómari í viðureign pólska liðsins Groclin og Lens frá Frakklandi í UEFA-bikarnum, en liðin mætast í Póllandi á fimmtudag.  Um er að ræða síðari viðureign liðanna.

Íslandsmót meistaraflokka karla og kvenna innanhúss fara fram í nóvember og byrjun desember, en yngri flokkar leika í riðlakeppni í desember/janúar og úrslitakeppni í febrúar.

A landslið kvenna beið í dag, laugardag, lægri hlut gegn Tékkum í undankeppni HM 2007.  Eina mark leiksins kom snemma í fyrri hálfleik og þrátt fyrir mikla baráttu tókst íslenska liðinu ekki að jafna metin.

Valsmenn lögðu í dag Framara með einu marki gegn engu í úrslitaleik VISA-bikars karla.  Baldur Aðalsteinsson gerði eina mark leiksins snemma í síðari hálfleik og tryggði Val fyrsta bikarmeistaratitilinn síðan 1992.

Magnús Þórisson, dómari úr Sandgerði, verður dómari í leik Falkenbergs FF og Västra Frölunda IF á sunnudag, í næst efstu deild sænsku knattspyrnunnar, Superettan.

Jörundur Áki Sveinsson, þjálfari A landsliðs kvenna, mun tefla fram óbreyttu byrjunarliði frá jafnteflisleiknum gegn Svíum þegar íslenska liðið mætir Tékkum í undankeppni HM 2007 í Tékklandi á laugardag.

Hlutskipti liðanna sem leika til úrslita í VISA-bikar karla á laugardag er ólíkt á keppnistímabilinu sem er að líða.  Í úrslitaleiknum standa þau þó jöfn að vígi og eiga bæði jafn mikla möguleika á að verða bikarmeistarar.

U17 landslið karla vann í dag öruggan 6-0 sigur á Andorra í undankeppni EM, en riðillinn fer einmitt fram þar í landi. Í riðlinum leika einnig Svíþjóð og Tékkland, en þau lið mætast síðar í dag.

A landslið kvenna lenti í vandræðum á leið sinni til Tékklands til að leika við heimamenn í undankeppni HM.  Allur farangur liðsins varð eftir á Kastrup-flugvelli í Kaupmannahöfn.

Stuðningsmenn Fram og Vals munu fjölmenna á úrslitaleik VISA-bikars karla á Laugardalsvelli á laugardag og hafa nú þegar verið seldir um 2.000 miðar á leikinn.  Upphitun er í fullum gangi á vefsíðum félaganna.

Framkvæmdastjórn UEFA ákvað á fundi sínum á miðvikudag að halda fund framkvæmdastjórnar á Íslandi 12. og 13. júlí 2006, að nýlokinni úrslitakeppni HM 2006 í Þýskalandi.

Drög að leikjaniðurröðun í Faxaflóamóti / Haust hafa nú verið birt hér á á ksi.is.  Niðurröðun má skoða í valmyndinni hér til vinstri og er hægt að afmarka leit með ýmsum hætti.

Guðni Kjartansson, þjálfari U19 landsliðs karla, hefur valið 34 leikmenn í undirbúningshóp fyrir undankeppni EM, en riðill Íslands fer fram í Sarajevo í byrjun október.

Erla Hendriksdóttir, önnur leikjahæsta landsliðskona Íslands frá upphafi, hefur ákveðið að leggja skóna í hilluna í haust og því verður leikur Íslands gegn Tékkum í undankeppni HM 2007 á laugardag kveðjuleikur Erlu.

Fram og Valur mætast í úrslitaleik VISA-bikars karla á laugardalsvelli á laugardag kl. 14:00.  Þetta verður í þriðja sinn sem þessi lið mætast í úrslitum, en þau mættust einnig árin 1977 og 1979.

KSÍ hefur til sölu miða fyrir Íslendinga á viðureign Íslands og Svíþjóðar í undankeppni HM karlalandsliða 2006, sem fram fer í Svíþjóð 12. október næstkomandi, en um er að ræða lokaleik Íslands í riðlinum.

Systkinin Björg Bjarnadóttir og Birkir Bjarnason eru í U19 landsliðum Íslands.  Þau eru búsett í Stavanger í Noregi og eru börn Bjarna Sveinbjörnssonar, sem lék m.a. með Þór Akureyri og ÍBV hér á árum áður.

Samninga- og félagaskiptanefnd KSÍ hefur kveðið upp úrskurð í máli ÍBV gegn Val.  ÍBV taldi Val hafa brotið gegn reglugerð um samninga og stöðu félaga og leikmanna. 

Ráðstefnu KÞÍ í tengslum við úrslitaleik VISA-bikars karla, sem vera átti um næstu helgi, hefur verið aflýst.  Þess í stað mun KÞÍ í samvinnu við KSÍ standa fyrir afmælisráðstefnu 12. - 13. nóvember næstkomandi.

Viðurkenningar fyrir umferðir 13-18 í Landsbankadeild karla voru afhentar í dag, þriðjudag.  Auðun Helgason var valinn besti leikmaður umferðanna, Ólafur Þórðarson besti þjálfarinn og Egill Már Markússon besti dómarinn.

Þrátt fyrir að Framarar séu fallnir í 1. deild geta þeir enn tryggt sér sæti í UEFA-bikarnum fyrir næsta keppnistímabil, með því að sigra í úrslitaleik VISA-bikarsins gegn Val næstkomandi laugardag.

Það getur verið áhugavert að skoða skiptingu félaga í landsdeildir miðað við það hvaðan af landinu þau koma.  Landsdeildir eru þær deildir meistaraflokks þar sem keppt er á landsvísu.

Garðar Örn Hinriksson og Sigurður Óli Þórleifsson verða að störfum í undankeppni EM U17 landsliða karla í vikunni.  Þeir félagar starfa í leikjum riðils sem fram fer í Finnlandi.

Mikil dramatík var í lokaumferð Landsbankadeildar karla, sem fram fór í dag, laugardag.  Mesta spennan var í fallbaráttunni þar sem Grindavík, Fram og ÍBV áttu það öll á hættu að fylgja Þrótturum niður.

Valsstúlkur tryggðu sér í dag, laugardag, sæti í 8-liða úrslitum Evrópukeppni félagsliða kvenna á glæsilegan hátt með því að sigra Alma frá Kasakstan með átta mörkum gegn engu.

Lúkas Kostic, þjálfari U17 landsliðs karla, hefur valið 18 manna leikmannahóp fyrir undankeppni EM.  Riðill Íslands fer fram í Andorra 23. - 27. september og eru Tékkland og Svíþjóð einnig í riðlinum.

Ísland hefur hækkað um eitt sæti á styrkleikalista FIFA fyrir kvennalandslið og er nú í 17. sæti. Engin breyting er á efstu sætunum, Þjóðverjar eru áfram efstir, Bandaríkjamenn í öðru sæti og Norðmenn í því þriðja.

Mikill áhugi er í Svíþjóð á leiknum í undankeppni HM 2006 gegn Íslandi, en hann fer fram 12. október næstkomandi.  Nú þegar hafa 28.100 aðgöngumiðar verið seldir og talið líklegt að uppselt verði á leikinn.

Á laugardag tekur knattspyrnulið Reynis í Sandgerði á móti liði VB frá Færeyjum.  Leikurinn fer fram á Sandgerðisvelli og hefst kl. 11:00.  VB frá Vågi á sæti í efstu deild í Færeyjum og er eitt rótgrónasta félag eyjanna, en það varð 100 ára fyrr á þessu ári.

FH hefur tryggt sér áframhaldandi veru í Landsbankadeild kvenna með því að leggja Þór/KA/KS 4-1 samanlagt í aukakeppni um sæti í deildinni.  Markalaust jafntefli varð í síðari leik liðanna.

Valsstúlkur eru í góðri stöðu í sínum riðli í 2. umferð Evrópukeppni félagsliða kvenna.  Tvö mörk frá Margréti Láru Viðarsdóttur og eitt frá Rakeli Logadóttur tryggðu 3-0 sigur á liði Masinac Nis á fimmtudag.

Úrtaksæfingar fyrir U19 lið karla verða haldnar um næstu helgi, 17. og 18. september í Fífunni í Kópavogi. U19 landslið karla leikur í undankeppni EM í Bosníu í byrjun október.

Knattspyrnudeild Gróttu auglýsir eftir þjálfara 4. flokks karla fyrir árið 2005-2006. Félagið rekur metnaðarfulla starfsemi sem er ört vaxandi og hefur iðkendum fjölgað verulega síðastliðin ár.

Í dag, fimmtudag, undirrituðu borgarstjórinn í Reykjavík og formaður KSÍ samning um uppbyggingu á Laugardalsvelli.  Að framkvæmdum loknum munu verða um 10.000 sæti fyrir áhorfendur á vellinum.

Landsliðsmennirnir Gylfi Einarsson, Hermann Hreiðarsson og Tryggvi Guðmundsson heimsóttu Rjóður - hjúkrunarheimili fyrir langveik börn - þegar þeir komu til landsins fyrir leikinn gegn Króatíu á dögunum.

Valsstúlkur mæta serbnesku meisturunum ZFK Masinac-Classic Nis í Evrópukeppni félagsliða kvenna í dag kl. 15:00 að íslenskum tíma, en eins og kunnugt er fer riðillinn fram í Svíþjóð.

Valur tryggði sér á miðvikudagskvöld sigur í A-deild U23 liða karla með 2-2 jafntefli við Þrótt.  Þróttarar höfnuðu í 2. sæti, en með sigri í leiknum hefðu þeir náð efsta sætinu af Valsmönnum.

Valsstúlkur töpuðu naumlega gegn Djurgården/Älvsjö í Evrópukeppni félagsliða kvenna á þriðjudag.  Sigurmark sænsku meistaranna kom þegar tvær mínútur voru komnar fram yfir venjulegan leiktíma.

FH-ingar unnu 7-2 stórsigur á Fram í úrslitaleik bikarkeppni 2. flokks karla, en liðin mættust á Valbjarnarvelli á þriðjudag.  Þetta er aðeins í 2. sinn sem FH hampar sigri í bikarkeppni 2. flokks karla.

Breiðablik er bikarmeistari 2. flokks kvenna eftir 2-1 sigur á Stjörnunni í úrslitaleik sem fram fór að Hlíðarenda á þriðjudag.  Þetta er annað árið í röð sem Breiðablik hampar þessum bikar.

Úrtaksæfingar fyrir U17 landslið karla fara fram dagana 13. - 18. september og hafa 26 leikmenn verið boðaðir að þessu sinni.  Æfingarnar fara fram undir stjórn Lúkasar Kostic, þjálfara U17 landsliðs karla. 

Dómstóll KSÍ hefur kveðið upp úrskurð í kærumáli Fylkis gegn Fram vegna leiks í B-liðum 3. flokks karla þar sem Fylkir taldi Fram hafa teflt fram ólöglegum leikmönnum. Dómstóllinn féllst á kröfur Fylkismanna og dæmdi þeim sigur í leiknum.

Landsbankinn verður samstarfsaðili um efstu deild karla og kvenna í knattspyrnu til næstu fjögurra ára, eða til og með 2009.  Munu deildirnar því áfram heita Landsbankadeild karla og Landsbankadeild kvenna.

Þegar aðeins ein umferð er eftir í Landsbankadeild karla er ljóst að góðar líkur eru á því að sett verði aðsóknarmet.  Til þess að það takist þarf meðalaðsókn að leikjum sumarsins hingað til að haldast.

Á þriðjudag mætast FH og Fram á Valbjarnarvelli í úrslitaleik bikarkeppni 2. flokks karla.  FH hafnaði í 2. sæti A-deildar 2. flokks, en Framarar höfnuðu í 5. sæti.  Leikið hefur verið um sama farandbikarinn síðan keppnin fór fyrst fram, árið 1964.

Lokaumferð Landsbankadeildar karla verður leikin næstkomandi laugardag.  Mikil spenna ríkir enn í baráttu um Evrópusæti annars vegar og hins vegar í fallbaráttunni.

Breiðablik tryggði sér í dag, laugardag, sigur í VISA-bikar kvenna með því að leggja KR í úrslitaleik á Laugardalsvellinum með fjórum mörkum gegn einu.  Þetta er í 9. sinn sem Breiðablik hampar bikarmeistaratitlinum í kvennaflokki.

Víkingur R. er með góða stöðu í 2. sæti fyrir lokaumferð 1. deildar eftir öruggan 6-0 sigur á Haukum að Ásvöllum í 17. umferð, sem fram fór í dag, laugardag.  Á sama tíma tapaði KA 1-2 fyrir Breiðabliki á Kópavogsvelli.

Jörundur Áki Sveinsson, þjálfari A landsliðs kvenna, hefur tilkynnt hópinn fyrir viðureignina gegn Tékkum í undankeppni HM 2007, en liðin mætast í Kravare í Tékklandi 24. september.

Reynir Sandgerði lagði í dag, laugardag, Sindra frá Hornafirði 4-1 í úrslitaleik 3. deildar karla, en liðin mættust á Grindavíkurvelli.  Bæði lið leika í 2. deild að ári. 

Lokaumferð 2. deildar karla fór fram í dag, laugardag, en fyrir umferðina var ljóst hvaða lið myndu fara upp og hvaða lið myndu falla.  Efstu liðin tvö, Leiknir R. og Stjarnan, töpuðu sínum leikjum.

Dómstóll KSÍ hefur kveðið upp úrskurð í kærumáli ÍR gegn Leiftri/Dalvík vegna leiks í 2. deild karla þar sem ÍR taldi að Leiftur/Dalvík hefði notað þjálfara í leikbanni.  Dómstóllinn úrskurðaði ÍR 3-0 sigur.

Nýlega var sett af stað verkefnið Verndum bernskuna - Heilræði fyrir foreldra og uppalendur.  Það er ósk aðstandenda verkefnisins að það eigi eftir að vekja foreldra og uppalendur til umhugsunar um uppeldi barna sinna.

Breiðablik og KR mætast í úrslitaleik VISA-bikars kvenna á Laugardalsvelli á laugardag kl. 16:30.  Valur hefur oftast orðið bikarmeistari kvenna, en Breiðablik getur jafnað Val með sigri á KR laugardag. 

Framhaldsskólamótið í knattspyrnu fer fram í október.  Keppt verður í 7 manna liðum og getur hver skóli getur sent 2 karlalið og 2 kvennalið til keppni.

Áfrýjunardómstóll KSÍ hefur kveðið upp úrskurð í máli Vals gegn Fjölni vegna leiks í 3. flokki karla.  Fjölnir kærði leikinn og var úrskurður Dómstóls KSÍ þeim í hag.  Valsmenn áfrýjuðu og nú hefur Áfrýjunardómstóllinn hrundið fyrri dómnum.

Hvöt á Blönduósi  leitar eftir þjálfara fyrir meistaraflokk karla.  Ráðningartími yrði frá hausti 2005 til september 2006.  Búseta á Blönduósi er skilyrði yfir sumarmánuðina, þarf helst að vera spilandi leikmaður.

Aðsóknarmetið í Landsbankadeild karla er í seilingarfjarlægð.  Þegar tvær umferðir eru eftir hafa 87.296 áhorfendur sótt leiki deildarinnar, eða 1.091 að meðaltali.  Verður metið slegið?  Verður 100.000 manna múrinn rofinn?

Grunnskólamót KRR fyrir í 7. og 10. bekk verða leikin í Egilshöll í október.  Keppt verður í 7 manna liðum og getur hver skóli sent eitt lið af hvoru kyni til keppni í hvorn aldursflokk.

Úrtaksæfingar fyrir U17 landslið karla fara fram um helgina og hafa alls 17 leikmenn verið boðaðir til æfinga að þessu sinni.  Æfingarnar fara fram undir stjórn Lúkasar Kostic þjálfara liðsins.

Ein breyting hefur verið gerð á byrjunarliði Íslands frá leiknum gegn Króötum á dögunum fyrir leikinn gegn Búlgaríu í undankeppni HM 2006.  Kári Árnason kemur inn í liðið fyrir Gylfa Einarsson, sem er í leikbanni.

Búlgaría og Ísland mætast í dag, miðvikudag, í undankeppni HM 2006 á Vassil Levski leikvanginum í Sofia.  Leikurinn hefst kl. 16:00 að íslenskum tíma og er í beinni útsendingu á Sýn.

Það verða Reynir S. og Sindri sem leika til úrslita í 3. deild karla í ár.  Síðari leikir í undanúrslitum fóru fram á þriðjudagskvöld og höfðu bæði félögin betur gegn andstæðingum sínum, þrátt fyrir að leika á útivelli.

Breiðablik er sennilega sigursælasta félag í kvennaflokkum frá upphafi.  Gríðarlega gott starf er unnið í kvennaflokkum félagsins og bera fjórir titlar í ár þess vitni.

U21 landslið karla vann í dag, þriðjudag, frábæran 3-1 sigur á liði Búlgara í undankeppni EM 2006, en liðin mættust í Sofia í Búlgaríu.  Íslenska liðið lék vel í leiknum og var sigurinn fyllilega verðskuldaður.

Í kvöld, þriðjudagskvöld, fara fram síðari leikirnir í undanúrslitum 3. deildar karla.  Á Seltjarnarnesi mætast Grótta og Reynir S., en á Fáskrúðsfirði taka Leiknismenn á móti Sindra.

Ólafur Þór Guðbjörnsson, þjálfari U19 landsliðs kvenna, hefur valið 24 leikmenn í undirbúningshóp fyrir undankeppni Evrópumóts kvenna, sem fram fer um næstu mánaðamót í Bosníu-Hersegovínu.

Haustmótum KRR (Knattspyrnuráðs Reykjavíkur) í yngstu flokkum hefur verið raðað á daga og umsjónaraðilar hafa verið skipaðir með hverju móti fyrir sig.  Haustmót yngstu flokka eru öll leikin í hraðmótsformi.

Gerðar hafa verið tvær breytingar á byrjunarliði Íslands fyrir leikinn gegn Búlgaríu í dag í undankeppni EM.  Garðar Gunnlaugsson og Andri Ólafsson koma inn í byrjunarliðið.

Tyrkneskur dómara kvartett verður á viðureign Búlgaríu og Íslands í undankeppni HM 2006 á miðvikudag.  Fimm leikmenn íslenska liðsins eru á gulu spjaldi í keppninni og því vonandi að Tyrkinn verði í góðu skapi.

Eftir þriggja mark tap gegn gegn Svíum á laugardag hefur Hristo Stoichkov, þjálfari búlgarska landsliðsins, gert þá kröfu til sinna manna að þeir vinni sigur á Íslendingum á miðvikudag, og það á sannfærandi hátt.

Í næstu viku fer fram 2. umferð í Evrópukeppni félagsliða kvenna.  Valur, sem vann sinn riðil í 1. umferð á eftirminnilegan hátt, leikur í riðli með liðum frá Serbíu/Svartfjallalandi, Svíþjóð og Kasakstan.

Breiðablik tryggði sér á sunnudag Íslandsmeistaratitilinn í 3. fl. kvenna með því að leggja GRV í úrslitaleik.  Leikurinn var afar spennandi, en svo fór að lokum að Blikastúlkur unnu með tveimur mörkum gegn einu.

Skagamenn tryggðu sér á sunnudag bikarmeistaratitil í 3. flokki karla SV með því að leggja Breiðablik í úrslitaleik á KR-velli.  Leikurinn var æsispennandi og þurfti vítaspyrnukeppni til að knýja fram úrslit.

Lokaumferð Landsbankadeildar kvenna fór fram á sunnudag.  Breiðablik hafði þegar tryggt sér Íslandsmeistaratitilinn og fengu Blikastúlkur Íslandsbikarinn afhentan að loknum leik sínum gegn FH á Kópavogsvelli.

Gylfi Einarsson fékk að líta gula spjaldið í leiknum gegn Króatíu á laugardag og verður hann því í leikbanni gegn Búlgaríu á miðvikudag.  Bjarni Ólafur Eiríksson, leikmaður Vals, hefur verið kallaður í hópinn í hans stað.

Þrjú mörk Króata í síðari hálfleik tryggðu þeim sigur í á Íslendingum í undankeppni HM 2006 á Laugardalsvellinum í kvöld.  Íslenska liðinu tókst ekki að fylgja eftir góðum fyrri hálfleik og voru gestirnir mun sterkari í þeim síðari.

Landsliðsþjálfararnir, Ásgeir Sigurvinsson og Logi Ólafsson, hafa tilkynnt byrjunarlið Íslands gegn Króatíu, en liðin mætast á Laugardalsvelli kl. 18:05 í dag í undankeppni HM 2006.

Magni Grenivík tryggði sér í dag sigur í C-deild deildabikars karla með því að leggja Ými í síðbúnum úrslitaleik á Sauðárkróksvelli í dag.  Lokatölur leiksins voru 3-2, Magna í vil.

Forsölu aðgöngumiða á viðureign Íslands og Króatíu lauk á föstudagskvöld og hafa nú alls selst um 5.000 miðar á leikinn.  Miðasala við Laugardalsvöll er hafin og er fólk er hvatt til að tryggja sér miða sem allra fyrst og fjölmenna á völlinn.

U21 landslið karla tapaði 1-2 gegn Króötum á KR-vellinum í undankeppni EM í kvöld.  Króatarnir voru mun sterkari aðilinn í leiknum og var sigur þeirra fyllilega verðskuldaður.

Króatar, sem verða gestir á Laugardalsvellinum á laugardag, eiga í harðri baráttu við Svía um efsta sæti riðilsins í undankeppni HM 2006.  Sæti í úrslitakeppninni í Þýskalandi á næsta ári er í húfi.

Frestur til að tilkynna þátttöku í Faxaflóamót / Haust 2005 er til 12. september.  Leikið er í 2., 3. og 4. flokki karla og kvenna.  Mótið er það fyrsta á nýju tímabili og er miðað við aldursflokkaskiptingu 2006.

Leikjaniðurröðun í Haustmóti KRR (Knattspyrnuráðs Reykjavíkur) hefur verið staðfest og er mótið nú þegar hafið.  Félög eru beðin um að fara vandlega yfir staðfesta niðurröðun.

Lokaumferð Landsbankadeildar kvenna fer fram á sunnudag og hefjast allir leikirnir kl. 14:00.  Breiðablik hefur þegar tryggt sér Íslandsmeistaratitilinn og verður bikarinn afhentur að loknum leik liðsins gegn FH á Kópavogsvelli.

Sjónvarpsleikur 17. umferðar Landsbankadeildar karla á Sýn verður viðureign Keflavíkur og Fram á Keflavíkurvelli.  Sýn mun einnig vera með innslög frá Laugardalsvelli og Kaplakrika í beinni útsendingu.

Fylkir og Þór/KA/KS mætast í úrslitaleik 1. deildar kvenna á Blönduósvelli á sunnudag.  Liðið sem vinnur leikinn tryggir sér sæti í Landsbankadeildinni 2006.

Fyrri leikir í undanúrslitum 3. deildar karla fara fram á laugardag.  Sindramenn taka á móti Leikni á Sindravöllum í Hornafirði og Grótta verður í heimsókn hjá Reyni í Sandgerði.

Netsölu á viðureign Íslands og Króatíu, sem fram fer á Laugardalsvelli á laugardag, lauk á fimmtudagskvöld og hafa nú alls selst um 4.000 miðar á leikinn.  Forsala heldur áfram á Nestis-stöðvum ESSO í dag, föstudag.

Eyjólfur Sverrisson hefur tilkynnt byrjunarlið U21 karla gegn Króötum í EM, en liðin mætast á KR-velli í dag kl. 17:00.  Fjórir sterkir leikmenn eru fjarverandi og því fá nýir leikmenn tækifæri til að sýna sig og sanna.

Um helgina fara fram úrslitaleikir á Íslandsmótum 3. og 4. flokka karla og kvenna.  Úrslitaleikur 4. flokks karla fer fram á Sauðárkróki, úrslitaleikur 3. flokks kvenna á ÍR-velli og úrslitaleikur 4. flokks kvenna á Varmárvelli.

Guðni Kjartansson, þjálfari U19 landsliðs karla, hefur tilkynnt byrjunarlið Íslands gegn Hollendingum, en liðin mætast í Spakenburg í Hollandi í dag og hefst leikurinn kl. 17:30 að íslenskum tíma.

Um næstu helgi fara fram úrtaksæfingar fyrir U17 landslið karla undir stjórn Lúkasar Kostic, þjálfara liðsins.  Á laugardeginum verður æft á Tungubökkum, en á sunnudeginum í Egilshöll.

Þegar þetta er ritað hafa um 3.500 miðar verið seldir á viðureign Íslands og Króatíu í undankeppni HM 2006, en liðin mætast á Laugardalsvelli á laugardag kl. 18:05.  Netsölu lýkur í á fimmtudagskvöld kl. 20:00.

Langflestir leikmanna A-landsliðs Króata leika með félagsliðum utan Króatíu, eða 19 af 22 leikmönnum í hópnum.  Í U21 snýst dæmið við, en þar leika aðeins tveir leikmenn utan heimalandsins.

Heimsóknir á vef KSÍ í ágúst voru alls um 134.000, sem er svipaður fjöldi og árið á undan.  Heimsóknir á vef KSÍ eru nú að staðaldri yfir 100.000 á mánuði og vel rúmlega það yfir sumartímann.

Þrír leikmenn A landsliðs karla eru á gulu spjaldi í undankeppni HM 2006 og fara í eins leiks bann ef þeir fá eitt gult spjald til viðbótar.  Eiður Smári, Hermann og Gylfi hafa allir fengið gult spjald í keppninni.

Dómararnir í viðureign Íslands og Króatíu í á laugardag koma frá Þýskalandi, eftirlitsmaðurinn er danskur og dómaraeftirlitsmaðurinn ítalskur.  Dómararnir í leik U21 liðanna á föstudag koma frá Ísrael.

Handhafar A-passa frá KSÍ fá aðgöngumiða á leikinn Ísland - Króatía afhenta föstudaginn 2. september frá kl. 10:00 - 17:00 í norðurenda Laugardalsvallar (gengið inn um hlið sem merkt er Keppendur).

Leiknir F., Grótta, Sindri og Reynir S. höfðu betur samanlagt gegn mótherjum sínum í 8-liða úrslitum 3. deildar karla og eru þessi félög því komin í undanúrslit.  Fyrri leikirnir fara fram 3. september.

Þrír nýliðar eru í U21 hópnum fyrir leikina gegn Króatíu og Búlgaríu.  Framherjinn Hannes Þ. Sigurðsson, sem skorað hefur 6 af 7 mörkum Íslands í keppninni hingað til, er meiddur og getur ekki leikið.

Landsliðshópurinn sem mætir Króatíu og Búlgaríu í undankeppni HM í byrjun september hefur verið tilkynntur.  Hermann Hreiðarsson og Brynjar Björn Gunnarsson koma inn í hópinn að nýju eftir meiðsli.

Úrslitakeppni 5. flokka karla og kvenna lauk um helgina.  Breiðablik varð Íslandsmeistari í 5. flokki kvenna, en FH hampaði titlinum í 5. flokki karla.  Fjölnir og Fylkir voru sigursæl í C og D liðum.

A landsliði karla hefur ekki gengið vel í viðureignum sínum gegn þeim þjóðum á Balkanskaganum sem áður tilheyrðu Júgóslavíu.  Ísland hefur leikið gegn þremur þeirra, en ekki innbyrt sigur.

Þrír leikmenn Fylkis gerðu þrennu þegar lið þeirra mætti Hetti í undanúrslitum 1. deildar kvenna á sunnudag.  Fylkir vann viðureignir liðanna 17-1 samanlagt og leikur því til úrslita í 1. deild kvenna.

Tveimur umferðum er nú ólokið í 1. deild karla og er óhætt að segja að mikil spenna sé framundan, enda getur meirihluti liðanna í deildinni enn fallið.  Aðeins sex stiga munur er á neðsta sætinu og því fimmta.

A landslið kvenna náði í dag frábærum úrslitum á útivelli gegn sterku landsliði Svía í undankeppni HM 2007.  Niðurstaðan í Karlskoga varð 2-2 jafntefli og er íslenska liðið á toppi riðilsins eftir tvo leiki.

Jörundur Áki Sveinsson, landsliðsþjálfari A landsliðs kvenna, hefur tilkynnt byrjunarliðið sem mætir Svíum í undankeppni HM í Karlskoga í Svíþjóð.

Um helgina fer fram lokahnykkurinn á Íslandsmóti 5. flokks karla og kvenna.  Úrslitaleikir 5. flokks karla A og B fara fram á Stjörnuvelli í Garðabæ, en úrslitaleikir 5. flokks kvenna A og B á Leiknisvelli í Reykjavík.

Haustmót Knattspyrnuráðs Reykjavíkur (KRR) í yngri flokkum verða haldin í Egilshöll og á gervigrasvöllum í september og október.   Drög að leikjaniðurröðun liggur nú fyrir og má skoða hér á vefnum.

Breiðablik tryggði sér á fimmtudag sigur í 1. deild karla með jafntefli gegn Víkingi R. sem á í harðri baráttu við KA um 2. sæti deildarinnar.  Sæti Blika í Landsbankadeild 2006 var hins vegar þegar öruggt. 

Leiknismenn í Reykjavík eru öruggir með sæti í 1. deild á næsta ári eftir sigur í uppgjöri toppliða 2. deildar á Stjörnuvelli á fimmtudag.  Leiknir sigraði í leiknum með tveimur mörkum gegn einu.

Stjarnan tryggði sér á fimmtudagskvöld Íslandsmeistaratitilinn í 2. flokki kvenna annað árið í röð með því að leggja KR 6-0 í lokaleik sínum á Stjörnuvelli fyrir framan fjölmarga áhorfendur.

Keflvíkingar biðu í kvöld lægri hlut fyrir þýska liðinu Mainz í 2. umferð forkeppni UEFA-bikarsins, en liðin mættust á Laugardalsvellinum.  Þjóðverjarnir skoruðu eitt mark í hvorum hálfleik og reyndust það einu mörk leiksins. 

Byrjunarliðin í viðureign Keflavíkur og Mainz í UEFA-bikarnum hafa verið tilkynnt, en liðin mætast á Laugardalsvelli í kvöld kl. 19:15. Hörður Sveinsson og Guðmundur Steinarsson leika í framlínunni, eins og þeir hafa gert með góðum árangri í Landsbankadeildinni í sumar.

Guðrún Sóley Gunnarsdóttir leikur væntanlega tímamótaleik fyrir A landslið kvenna á sunnudag, þegar Ísland mætir Svíþjóð í undankeppni HM.  Taki Guðrún þátt í leiknum verður það 25. landsleikur hennar.

Króatar hafa tilkynnt landsliðshópinn fyrir leikina gegn Íslandi og Möltu í undankeppni HM 2006.  Króatar mæta Íslandi á Laugardalsvelli 3. september og Möltu fjórum dögum síðar.

Dómstóll KSÍ hefur kveðið upp úrskurð í kærumáli Fjölnis gegn Val vegna leiks í 3. flokki karla þar sem Fjölnir taldi Val hafa teflt fram ólöglegum leikmanni.  Dómstóllinn féllst á kröfur Fjölnismanna og dæmdi þeim sigur í leiknum.

Breiðablik og KR tryggðu sér á miðvikudagskvöld sæti í úrslitaleik VISA-bikars kvenna með því að leggja andstæðinga sína í undanúrslitum.  Þessi tvö lið hafa fjórum sinnum áður mæst í úrslitaleik bikarsins.

Guðni Kjartansson, þjálfari U19 landsliðs karla, hefur tilkynnt hópinn sem mætir Hollendingum í vináttuleik í Hollandi 2. september.  Í hópnum eru 5 leikmenn sem eru á mála hjá erlendum liðum.

Sænska kvennalandsliðið er á meðal þeirra sterkustu í heiminum í dag.  Svíar töpuðu naumlega í framlengingu gegn Norðmönnum í undanúrslitum í úrslitakeppni EM og eru í 6. sæti á styrkleikalista FIFA fyrir kvennalandslið.

Síðan Þýskubíllinn var settur af stað 13. júlí síðastliðinn hefur hann komið víða við og vakið áhuga fólks á HM 2006 og notkun þýsku í tengslum við knattspyrnu.  Viðkomustaðir hafa m.a. verið æfingar hjá knattspyrnufélögum.

Athyglisvert er að skoða markamismun liðanna í efstu tveimur deildum karla þar sem aðeins 5 af liðunum 20 eru með jákvæðan markamismun, þ.e. hafa skorað fleiri mörk en þau hafa fengið á sig.

Knattspyrnufélagið Þróttur þarf að bæta við sig þjálfurum fyrir næsta starfsár. Félagið rekur metnaðarfulla starfsemi sem er ört vaxandi.  Boðið er upp á bestu aðstöðu sem völ er á í Laugardalnum.

Íslenska kvennalandsliðið mæti Svíum ytra næstkomandi sunnudag í undankeppni HM 2007.  Þessi tvö lið hafa mæst 6 sinnum áður og hafa Svíar hampað sigri í öll skiptin.  Íslendingar hafa skorað eitt mark en Svíar 23.

Egill Már Markússon verður dómari í síðari viðureign pólska liðsins Wisla Plock og Grasshoppers frá Sviss í UEFA-bikarnum, en liðin mætast á Gorskiego-leikvanginum í Plock á fimmtudag.

Dómari í viðureign HK og KA í 1. deild karla föstudaginn 26. ágúst næstkomandi verður Henrik N. Kragh frá Danmörku.  Þetta er liður í samstarfi knattspyrnusambanda á Norðurlöndum um skipti á dómurum.

Frá því er greint í nýjasta fréttabréfi SOS-barnaþorpanna að barnaþorpið í Brovary, sem SOS-barnaþorpin á Íslandi og KSÍ hafa meðal annars sameinast um að safna fé fyrir, verður það fyrsta í landinu.

VISA-bikarmeistarar Keflavíkur mæta þýska liðinu Mainz öðru sinni í UEFA-bikarnum á Laugardalsvelli á fimmtudag.  Þjóðverjarnir unnu með tveimur mörkum gegn engu í fyrri viðureigninni, sem fram fór í Frankfurt.

Tveir leikmenn úr landsliðshópi kvenna sem mætir Svíum í undankeppni HM á sunnudag leika í Allsvenskan, sænsku úrvalsdeildinni.  Ásthildur Helgadóttir leikur með Malmö og Erla Steina Arnardóttir með Mallbacken.

Smellið hér að neðan til að skoða yfirlit yfir sigurvegara þeirra móta yngri flokka þar sem leikið er í 7 manna liðum.  Keppni í 5. flokki karla og kvenna lýkur um næstu helgi.

Erla Hendriksdóttir fékk afhenta sérstaka viðurkenningu frá KSÍ eftir leik Íslands og Hvíta-Rússlands í undankeppni HM 2007 á sunnudag fyrir að leika 50 leiki fyrir A landslið kvenna.

Hjá unglinganefnd knattspyrnufélags ÍA (UKÍA) eru nú lausar til umsóknar þjálfarastöður fyrir yngri flokka keppnistímabilið 2005-2006. UKÍA býður þjálfurum topp æfingaaðstöðu.

Undanúrslit VISA-bikars kvenna fara fram næstkomandi miðvikudag.  Á Kópavogsvelli mætast tvö efstu lið Landsbankadeildarinnar, Breiðablik og Valur, en á KR-velli verður 1. deildarlið Fjölnis í heimsókn.

Undanúrslit 1. deildar kvenna hefjast á laugardag þegar Haukar mæta Þór/KA/KS og Höttur tekur á móti Fylki.  Um er að ræða fyrri viðureignir liðanna, en síðari leikirnir fara fram þremur dögum síðar.

Úrslitakeppni 3. deildar karla hefst næstkomandi laugardag með fyrri leikjum í 8-liða úrslitum.  Síðari leikirnir fara fram þremur dögum síðar.  Átta bæjarfélög víðs vegar af landinu eiga fulltrúa í úrslitakeppninni.

FH-ingar tryggðu sér á sunnudag Íslandsmeistaratitilinn í meistaraflokki karla með því að leggja Valsmenn í Kaplakrika með tveimur mörkum gegn engu.  FH hefur þar með unnið alla leiki sína hingað til í Landsbankadeildinni.

A landslið kvenna vann í dag öruggan 3-0 sigur á liði Hvít-Rússa í fyrsta leik liðsins í undankeppni HM 2007.  Nokkur góð færi fóru forgörðum hjá íslenska liðinu og hefði sigurinn getað verið mun stærri.

Jörundur Áki Sveinsson hefur tilkynnt byrjunarliðið fyrir leikinn gegn Hvít-Rússum í undankeppni HM kvenna á sunnudag.  Ásthildur Helgadóttir leikur í framlínunni, eins og hún hefur gert með góðum árangri með liði Malmö.

Riðlakeppni 1. deildar kvenna lýkur um helgina og er óhætt að segja að öllu meiri spenna sé í A-riðli.  Þór/KA/KS og Höttur hafa þegar tryggt sér efstu tvö sæti B-riðils og þar með sæti í undanúrslitum.

Athyglisvert er að skoða hversu margir leikmenn hafa komið við sögu í leikjum liða í hinum ýmsu deildum Íslandsmótsins.  Liðin í 3. deild karla nota flesta leikmenn og þar trónir Eyjaliðið KFS á toppnum með hvorki fleiri né færri en 37.

Nokkur óvissa hefur skapast um túlkun rangstöðureglunnar eftir breytingar sem gerðar voru á knattspyrnulögunum síðastliðið vor. Alþjóðanefnd FIFA hefur nú gefið út ráðleggingar til að skýra málið nánar.    

A landslið karla er í 94. sæti á styrkleikalista FIFA sem gefinn var út í vikunni og fellur um tvö sæti frá því listinn var síðast gefinn út.  Lítil breyting er á efstu 10 sætunum, en Frakkar falla þó um tvö sæti.

Greta Mjöll Samúelsdóttir er eini nýliðinn í landsliðshópnum sem mætir Hvíta-Rússlandi í undankeppni HM kvenna á Laugardalsvelli á sunnudag.  Greta hefur gengið í gegnum öll yngri landslið Íslands.

Breiðablik er öruggt með sæti í Landsbankadeild karla 2006.  KA og Víkingur R. gerðu jafntefli á Akureyrarvelli á fimmtudag og þar með er sæti Blika í Landsbankadeild tryggt.  KA og Víkingur R. berjast því áfram um 2. sætið.

Landsleikur Íslands og Suður-Afríku fór fram á alþjóðlegum leikdegi fyrir landslið karla. Dagurinn virðist hafa verið óvenju vinsæll hjá knattspyrnusamböndum í Evrópu og tóku 49 þeirra þátt í landsleikjum þennan dag.

A landslið kvenna mun taka þátt í Algarve Cup í Portúgal í mars 2006.  Mótið er árlegt og í því taka þátt öll sterkustu kvennalandslið heims.  Ísland hefur tvisvar sinnum áður tekið þátt, árin 1996 og 1997.

Ísland mætir Hvíta-Rússlandi í undankeppni HM 2007 á Laugardalsvelli á sunnudag.  Aðgangur á leikinn er ókeypis og er fólk því hvatt til að mæta og styðja við bakið á íslenska liðinu, því mikilvægt er að hefja keppnina vel.

Dómaratríóið í viðureign Íslands og Hvíta-Rússlands í undankeppni HM kvenna á Laugardalsvelli á sunnudag kemur frá Búlgaríu.  Varadómarinn verður hins vegar íslenskur og eftirlitsmaður UEFA er norskur.

Íslenska landsliðið vann í kvöld glæsilegan sigur á Suður-Afríkumönnum í vináttulandsleik á Laugardalsvelli.  Fjögur glæsileg mörk frá íslenska liðinu og frábær frammistaða gegn einni af sterkustu knattspyrnuþjóðum Afríku.

Íslandsmeistarar Vals unnu á laugardag 8-1 stórsigur á eistnesku meisturunum, Pärnu, í Evrópukeppni félagsliða kvenna.  Sæti Vals í 2. umferð hafði þegar verið tryggt með sigrum gegn Röa og FC United.

Nýtt FH-blað er komið út og er margt áhugavert þar að finna, m.a. viðtöl við forráðamenn, þjálfara og núverandi jafnt sem fyrrverandi leikmenn, auk þess sem hin svokallaða Mafía er kynnt.

Stuart Baxter, þjálfari Suður-Afríku, hefur komið víða við á ferli sínum.  Hann hefur þjálfað félagslið í Noregi, Portúgal, Svíþjóð og Japan, auk þess að starfa hjá enska knattspyrnusambandinu.

Íslandsmeistarar Vals mæta í dag finnsku meisturunum í FC United í Evrópukeppni félagsliða kvenna og hefst leikurinn kl. 15:30 að íslenskum tíma.  Riðillinn fer fram í Finnlandi og er FC United því á heimavelli.

Dómstóll KSÍ hefur kveðið upp úrskurð í kærumáli Tindastóls gegn Aftureldingu vegna leiks í 2. deild karla.  Tindastóll taldi Aftureldingu hafa notað ólöglegan leikmann, en dómstóllinn var því ekki sammála.

Handhafar A-passa frá KSÍ fá aðgöngumiða á leikinn Ísland - Suður Afríka afhenta þriðjudaginn 16. ágúst frá kl. 10:00 - 17:00 í norðurenda Laugardalsvallar.  Athugið að takmarkað magn af miðum er í boði.

Á föstudaginn kemur mun Ken Henry Johnsen frá Noregi dæma viðureign HK og Víkings R. í 1. deild karla.  Þetta er liður í samstarfi knattspyrnusambanda á Norðurlöndum um skipti á dómurum.

Dómstóll KSÍ hefur kveðið upp úrskurð í kærumáli Fylkis gegn Breiðabliki vegna leiks í 3. flokki kvenna þar sem Fylkir taldi Breiðablik hafa teflt fram ólöglegum leikmanni.  Dómstóllinn féllst á kröfur Fylkismanna og dæmdi þeim sigur í leiknum.

Stuart Baxter, landsliðsþjálfari Suður-Afríku, hefur tilkynnt hópinn fyrir vináttulandsleikinn gegn Íslandi í næstu viku.  Nokkur vel þekkt nöfn eru í hópnum og ljóst að spennandi viðureign er framundan.

Jóhannes Valgeirsson verður dómari í viðureign Rhyl og Viking FK í UEFA-bikarnum á fimmtudag.  Aðstoðardómarar í leiknum verða Einar Sigurðsson og Eyjólfur Finnsson, fjórði dómari verður Garðar Örn Hinriksson.

VISA-bikarmeistarar Keflvíkinga leika fyrri leik sinn gegn þýska liðinu Mainz í 2. umferð forkeppni UEFA-bikarsins á fimmtudag.  Leikurinn fer fram á Commerzbank-leikvanginum í Frankfurt og hefst kl. 18:30 að íslenskum tíma.

Haustmót KRR í yngri flokkum verða haldin í Egilshöll og á gervigrasvöllum í september og október.  Mótin verða með svipuðu sniði og í fyrra og í yngstu aldursflokkum verður leikið í hraðmótsformi.

U19 landslið karla mun leika vináttuleik gegn Hollendingum ytra 2. september næstkomandi.  KSÍ þáði boð hollenska knattspyrnusambandsins um leikinn, sem er liður í undirbúningi liðanna fyrir undankeppni EM.

Ísland hefur einu sinni áður mætt Suður-Afríku, í vináttulandsleik í Þýskalandi í júní 1998.  Leikurinn var lokaundirbúningur Suður-Afríku fyrir HM í Frakklandi það ár.

Opna Norðurlandamóti U17 landsliða karla lauk á sunnudag og eru Danir Norðurlandameistarar 2005.  Framkvæmd leikja var til mikillar fyrirmyndar og eiga þau félög sem tóku að sér að sjá um leiki hrós skilið.

Það varð ljóst um helgina að landslið Kólumbíu kæmi ekki til Íslands til að leika vináttulandsleik 17. ágúst.  KSÍ tókst að semja um að Suður-Afríka kæmi hingað til lands í stað Kólumbíu.

Írar lögðu Englendinga með tveimur mörkum gegn engu í úrslitaleik Opna Norðurlandamóts U17 landsliða karla á Laugardalsvelli í dag.  Fyrra mark þeirra kom á upphafsmínútunum en það síðara undir lok leiksins.

Lokaumferð riðlakeppni Opna NM U17 karla fer fram í dag, föstudag.  Ísland mætir Noregi í Kaplakrika.  Allir leikir dagsins hefjast kl. 14:30.

Valsmenn tryggðu sér í kvöld sæti í úrslitaleik VISA-bikars karla með því að leggja Fylkismenn með tveimur mörkum gegn engu á Laugardalsvellinum.  Mótherjar Valsara verða Framarar, sem lögðu FH-inga á miðvikudagskvöld.

Ísland og Kólumbía mætast í vináttulandsleik á Laugardalsvelli 17. ágúst.  KSÍ hafði samið við Venesúela um að leika þann dag og Kólumbíumenn við Ástrali, en í báðum tilfellum hættu andstæðingarnir við.

Valur og Fylkir mætast í síðari undanúrslitaleik VISA-bikars karla á Laugardalsvelli í kvöld.  Leikurinn hefst kl. 19:40 og er í beinni sjónvarpsútsendingu á RÚV.  Valsmenn hafa unnið bikarinn átta sinnum en Fylkismenn tvisvar.

Óhætt er að segja að boðið hafi verið upp á sannkallaða knattspyrnuveislu í Laugardalnum í kvöld, þegar Fram og FH mættust í undanúrslitum VISA-bikars karla.  Framarar höfðu betur að lokum eftir vítaspyrnukeppni og mikla dramatík.

Alla Geira mótið fer fram á Húsavík í lok mánaðarins.  Um er að ræða tvö dagsmót - fyrir yngri flokka karla laugardaginn 27. ágúst og fyrir yngri flokka kvenna sunnudaginn 28. ágúst.

Íslandi tapaði með fjórum mörkum gegn engu í fyrsta leik liðsins á Opna Norðurlandamótinu.  Mótherjarnir í dag þriðjudag, Danir, voru einfaldlega mun sterkari í leiknum og áttu sigurinn fyllilega skilinn.

Laugardaginn 20.ágúst næstkomandi verður haldin hin árlega hópa og firmakeppni í knattspyrnu á Tungubakkavöllum í Mosfellsbæ. 

Guðni Kjartansson gerir eina breytingu á byrjunarliðinu frá því í sigurleiknum gegn Tyrkjum á þriðjudag.  Jón Davíð Davíðsson kemur í vinstri bakvarðarstöðuna fyri Boga Rafn Einarsson.

Lesa meira

ÍA mun leika vináttuleik við enska liðið Derby County í kvöld.  Leikurinn, sem er liður í undirbúningi enska félagsins fyrir keppnistímabilið þar í landi, fer fram á Akranesvelli og hefst kl. 19:00.

Íslandsmeistarar FH voru fyrstir til að tryggja sér sæti í undanúrslitum VISA-bikars karla, en þeir lögðu ÍA í 8-liða úrslitum í Kaplakrika á laugardag.  Leikurinn var jafn og spennandi, allt þar til komið var í framlengingu.

Dómarar hafa í mörg horn að líta og nauðsynlegt fyrir þá að þekkja bæði knattspyrnulögin og hinar ýmsu mótareglur.  Hefur þú það sem til þarf?

Samkvæmt reglugerð KSÍ eru félagaskipti innanlands ekki heimil frá og með 1. ágúst til og með 15. október. Á því tímabili geta leikmenn sem skráðir eru hjá erlendu knattspyrnusambandi heldur ekki skipt í íslenskt félagslið.

FH og ÍA mætast í Kaplakrika á laugardag í fyrsta leik 8-liða úrslita VISA-bikars karla.  Leikurinn hefst kl. 16:00 og er von á hörkuleik.  Aðrir leikir í 8-liða úrslitum fara fram í næstu viku.

ÍBV og færeyska liðið B36 gerðu 1-1 jafntefli í fyrri leik liðanna í UEFA-bikarnum, sem fram fór á Hásteinsvelli í Vestmannaeyjum.  Gestirnir náðu forystunni snemma leiks, en Pétur Óskar Sigurðsson jafnaði metin fyrir ÍBV.

Bikarmeistarar Keflavíkur gerðu góða ferð til Lúxemborgar í UEFA-bikarnum og unnu stórsigur á heimamönnum í Etzella, 4-0.  Framherjinn Hörður Sveinsson gerði sér lítið fyrir og skoraði öll mörk Keflvíkinga í leiknum.

Tindastóll stendur fyrir hinu árlega Króksmóti dagana 13. og 14. ágúst næstkomandi.  Mótið er fyrir 5. - 7. fl. karla og kvenna, þátttökugjald er kr. 6.000 á hvern keppanda og boðið er upp á gistingu fyrir liðin.

331 degi áður en Heimsmeistarakeppnin í knattspyrnu hefst í Þýskalandi var áhugavert verkefni sett af stað - Flautað til leiks með þýskubílnum.  Vigdís Finnbogadóttir setti verkefnið af stað með því að keyra þýskubílinn fyrsta spölinn.

Elísabet Gunnarsdóttir, þjálfari U21 landsliðs kvenna, hefur valið 18 manna hóp til þátttöku á Opna Norðurlandamótinu, sem fram fer í Svíþjóð síðar í mánuðinum.  Heimilt er að nota fimm eldri leikmenn í mótinu.

Jörundur Áki Sveinsson hefur valið íslenska hópinn fyrir vináttulandsleik gegn Bandaríkjunum, en liðin mætast í Los Angeles 24. júlí næstkomandi.  Tveir nýliðar eru í hópnum, Björk Gunnarsdóttir og markvörðurinn Sandra Sigurðardóttir.

Áhorfendur á leikjum Landsbankadeildar karla eiga þess kost að velja Mann leiksins með SMS-kosningu á meðan á leik stendur.  Þátttaka gerir áhorfendum mögulegt að vinna til veglegra verðlauna og styðja við bakið á sínu félagi.

8-liða úrslitum VISA-bikars kvenna lauk á þriðjudagskvöld með þremur leikjum.  Breiðablik, Fjölnir og KR unnu nokkuð örugga sigra á andstæðingum sínum og Valur hafði þegar tryggt sæti sitt í undanúrslitum.

ÍBV og Keflavík leika fyrri leiki sína í 1. umferð forkeppni UEFA-bikarsins á fimmtudag.  Keflvíkingar leika á útivelli gegn FC Etzella í Lúxemborg, en Eyjamenn taka á móti færeyska liðinu B36.

FH-ingar töpuðu með tveggja marka mun gegn Neftchi í fyrri viðureign liðanna í 1. umferð forkeppni Meistaradeildar UEFA, en liðin mættust í Baku í Aserbaidsjan í dag.  Liðin mætast aftur í Kaplakrika miðvikudaginn 20. júlí.

Guðni Kjartansson hefur valið U18 landslið karla (leikmenn fæddir 1988), fyrir mót í Falkenberg í Svíþjóð síðar í mánuðinum.  Fimm leikmenn í hópnum eru á mála hjá erlendum liðum.

Misskilnings hefur gætt varðandi meðferð leikskýrslna í keppni 7 manna liða. Mikilvægt er að þjálfarar og forráðamenn liða kynni sér vel þær reglur sem gilda.

Jóhannes Valgeirsson verður dómari í fyrri viðureign TVMK Tallinn og MyPa í UEFA-bikarnum á fimmtudag.  Aðstoðardómarar verða þeir Eyjólfur Finnsson og Ingvar Guðfinnsson, en varadómari verður Erlendur Eiríksson.