Leyfisgögn KA-manna bárust leyfisstjórn á föstudag og er KA því annað félagið sem skilar gögnum fyrir keppnistímabilið 2009, en áður höfðu Valsmenn skilað.  Þetta er í fyrsta sinn sem leyfisumsækjendur hafa skilað gögnum fyrir jól.

Valsmenn urðu í dag fyrstir til að skila fylgigögnum með leyfisumsókn sinni fyrir keppnistímabilið 2009.  Rétt er að vekja athygli á því að aldrei áður hefur það gerst hér á landi að leyfisumsækjandi skili gögnum fyrir jól. 

Um miðjan október fór fram víðtækt gæðamat á skipulagi leyfiskerfis KSÍ.  Matið er framkvæmt árlega af fulltrúum SGS, sem er alþjóðlegt vottunarfyrirtæki, og var gæðavottun á leyfiskerfi KSÍ staðfest án athugasemda.

Ingi Jónson verður dómaraeftirlitsmaður UEFA á leik Spartak Moskvu og Nec Nijmegen frá Hollandi í UEFA bikarnum.  Liðin leika í D riðli í og fer leikurinn fram á morgun, miðvikudaginn 3. desember og verður leikinn á Luzhnki Stadium í Moskvu.

Boðað hefur verið til funda með leyfisfulltrúum félaga í Landsbankadeild karla og 1. deild karla.  Farið verður yfir nokkur mikilvæg atriði tengd leyfishandbókinni og leyfisferlinu.

Í dag var dregið í riðlakeppni EM 2010 hjá U17 og U19 kvenna. Landslið U17 kvenna dróst í riðil með Þýskalandi, Frakklandi og Ísrael.  Ákveðið hefur verið að þessi riðill verði leikinn hér á landi.2009. Riðill U19 kvenna verður leikinn í Portúgal. Lesa meira

Samkvæmt Leyfishandbók KSÍ hefur þeim félögum sem hyggjast sækja um þátttökuleyfi í Landsbankadeild karla og 1. deild karla 2009 verið sendar nauðsynlegar upplýsingar, áður en vinna við Leyfisumsókn hefst.

Áfrýjunardómstóll KSÍ hefur tekið fyrir áfrýjun í máli Tindastóls gegn ÍH vegna leiks félaganna í 2. deild karla fyrr á þessu ári. Áfrýjunardómstóllinn staðfestir hinn áfrýjaða úrskurð.

Hér að neðan er þátttökutilkynning fyrir Deildarbikarkeppni KSÍ. Tilkynna ber þátttöku í síðasta lagi sunnudaginn 23. nóvember.   Félög sem sendu meistaraflokk til keppni á Íslandsmótinu 2008 og hyggja á keppni á Íslandsmótinu 2009 hafa heimild til að senda lið til keppni.

Eysteinn Húni Hauksson, knattspyrnuþjálfari hjá Grindavík, hlaut á dögunum styrk KSÍ til fræðslumála og nýtti hann til að kynna sér knattspyrnuþjálfun hjá West Ham. 

Á Borgarfirði Eystri er í byggingu sparkhöll sem vafalítið á eftir að nýtast knattspyrnuiðkendum á svæðinu vel.  Búið er að loka sparkhöllinni fyrir þó nokkru síðan og nú er verið að smíða allt það sem smíða þarf að innan.

Vegna umfjöllunar í fjölmiðlum um hvort til standi að fresta viðureign kvennalandsliða Íslands og Írlands vill KSÍ að fram komi að leikdagurinn, leiktíminn og leikstaðurinn stendur - fimmtudagurinn 30. október kl. 18:10 á Laugardalsvelli.

Jafntefli varð niðurstaðan í fyrir umspilsleik Írlands og Íslands en leikið var í Dublin í dag.  Lokatölur urðu 1-1 eftir að íslenska liðið komst yfir á fyrstu mínútu leiksins og leiddu í hálfleik.  Írar jöfnuðu á 64. mínútu og þar við sat.

Varðandi samþykkt frá stjórnarfundi KSÍ á miðvikudag er rétt að skýrt komi fram að allar kröfur þær sömu og áður.  Það eina sem breytist er lokatímapunkturinn til að ljúka framkvæmdum við aðstöðu áhorfenda og fjölmiðla.

Sigurður Ragnar Eyjólfsson, landsliðsþjálfari, hefur valið 18 leikmenn er halda til Írlands á morgun til að leika í umspili fyrir úrslitakeppni EM 2009.  Leikið verður á Richmond Park, sunnudaginn 26. október kl. 15:00.  Lesa meira

Aga- og úrskurðarnefnd hefur úrskurðað í máli Tindastóls gegn ÍH vegna leiks félaganna í 2. deild karla. 

Landsbankinn verðlaunaði stuðningsmenn liðanna í Landsbankadeildum karla og kvenna í sumar líkt og áður, og nú liggur fyrir hverjir eru stuðningsmenn ársins í þessum deildum.

Lokahóf knattspyrnumanna fer fram á laugardag og hefur einn af dagskrárliðum þeirrar hátíðar verið að kynna lið og þjálfara ársins. Nú hefur hins vegar verið ákveðið upplýsa um þessar viðurkenningar hér á vef KSÍ.

Dagana 16. og 17. október  mun fara fram víðtækt gæðamat á skipulagi leyfiskerfis KSÍ og því starfi sem unnið er við rekstur þess.  Matið er framkvæmt árlega af alþjóðlegu vottunarfyrirtæki. 

Lesa meira

Magnús Þórisson verður dómari í úrslitaleik KR og Fjölnis í VISA-bikar karla, sem fram fer á Laugardalsvelli á laugardag kl. 14:00.  Aðstoðardómarar verða þeir Gunnar Gylfason og Jóhann Gunnarsson.

Opnað hefur verið fyrir netsölu á úrslitaleik VISA-bikars karla, sem fram fer laugardaginn 4. október kl. 14:00 á Laugardalsvelli.  KR og Fjölnir leika til úrslita og eru allar líkur á spennandi leik og mikilli stemmningu í stúkunni. 

Umferðir 15 – 22 í Landsbankadeild karla voru gerðar upp í dag. Davíð Þór Viðarsson var valinn besti leikmaðurinn og Heimir Guðjónsson besti þjálfarinn.  Dómari umferðanna var valinn Jóhannes Valgeirsson og stuðningsmenn Keflavíkur fengu verðlaun.

Stelpurnar í U19 kvenna leika lokaleik sinn í undankeppni EM í dag þegar þær mæta Írum í Ísrael.  Stelpurnar eru snemma á ferðinni því leikurinn hefst kl. 08:00 að íslenskum tíma.  Ólafur Þór Guðbjörnsson, landsliðsþjálfari, hefur tilkynnt byrjunarliðið.

Þriðjudaginn 30. september kemur í ljós hverjir hafa skarað fram úr í umferðum 15-22 í Landsbankadeild karla.  Viðurkenningar verða afhentar í höfuðstöðvum KSÍ í hádeginu þann dag.

Lokahóf KSÍ verður haldið laugardaginn 18. október næstkomandi á veitingastaðnum Broadway.  Dagskrá kvöldsins og miðapantanir verða tilkynntar hér á síðunni þegar nær dregur.

Dagana 20. til 28. september eru Háttvísidagar FIFA haldnir hátíðlegir á knattspyrnuleikjum víðs vegar um heiminn.  Á háttvísidögum er minnt á að besta leiðin til að leika knattspyrnu er að leika af háttvísi. 

Lúka Kostic, landsliðsþjálfari U17 landsliðs karla, hefur valið landslið Íslands sem keppir á undankeppni EM hér á landi 24. – 29. september.  Fyrsti leikur Íslands verður á miðvikudaginn gegn Sviss og fer sá leikur fram á Akranesvelli.

Í dag voru veittar viðurkenningar fyrir umferðir 13 - 18 í Landsbankadeild kvenna.  Dóra María Lárusdóttir var valin besti leikmaðurinn og þjálfarar Vals, Elísabet Gunnarsdóttir og Freyr Alexandersson, voru valdir bestu þjálfararnir. 

Umferðir 13-18 í Landsbankadeild kvenna verða gerðar upp í hádeginu á þriðjudag, þegar viðurkenningar fyrir umferðirnar verða afhentar í höfuðstöðvum KSÍ.  Úrvalslið umferðanna verður kynnt, besti leikmaðurinn og besti þjálfarinn.

Fyrir viðureign Íslands og Skotlands í undankeppni HM 2010 á miðvikudag verður gefin út leikskrá með ýmsum áhugaverðum og gagnlegum upplýsingum.

Skellið ykkur á eintak af leikskránni og geymið sem minjagrip um leikinn! 

Aga- og úrskurðarnenfd úrskurðaði á fundi sínum 26. ágúst síðastliðinn í máli Víðis/Reynis gegn Leikni Reykjavík.  Í úrskurðarorðum kemur fram að Víði/Reyni skuli dæmdur sigur í leik félaganna í 4. flokki kvenna 7 manna.

Aga- og úrskurðarnefnd úrskurðaði á fundi sínum 26. ágúst síðastliðinn í máli Hvatar gegn KA.  Í úrskurðarorðum kemur fram að Hvöt er dæmdur sigur í leik félaganna í 4. flokki kvenna 7 manna.

Aga- og úrskurðarnefnd úrskurðaði á fundi sínum 26. ágúst síðastliðinn í máli Hamars gegn Knattspyrnusambandi Íslands.  Í úrskurðarorðum kemur fram að umræddur leikmaður fái ekki leikheimild með nýju félagi á yfirstandandi keppnistímabili.

Það verða Valur og KR er mætast í úrslitaleik VISA bikars kvenna en undanúrslitin fóru fram nú um helgina.  Þar lögðu Valsstúlkur Stjörnuna að velli og KR sigruðu Breiðablik.

Ólafur Jóhannesson, landsliðsþjálfari, hefur tilkynnt byrjunarliðið er mætir Aserum í vináttulandsleik í kvöld.  Tveir nýliðar eru í hópnum og er annar þeirra, Jóhann Berg Guðmundsson, í byrjunarliðinu.

Aga- og úrskurðarnefnd hefur úrskurðað í máli KR gegn HK vegna leik félaganna í U23 karla er fór fram á KR vellinum 7. ágúst síðastliðinn.  Í úrskurðarorðum kemur fram að KR er dæmdur sigur 3-0 og HK er dæmt í 10.000 króna sekt.

Enska úrvalsdeildarfélagið Aston Villa reyndist of stór biti fyrir VISA-bikarmeistara FH.  FH-ingar sýndu prýðisgóðan leik á köflum, en segja má að tvö mörk gestanna á upphafsmínútum leiksins hafi gert útslagið.

Þann 6. ágúst tók Aga- og úrskurðarnefnd KSÍ fyrir mál Vina/Hamranna gegn Þrótti Vogum.  Kærandi taldi að þjálfari Þróttar, sem var í leikbanni, hefði tekið þátt í leik liðanna.

Það verður stórleikur í Laugardalnum í kvöld þegar FH-ingar mæta enska úrvalsdeildarliðinu Aston Villa í UEFA-bikarnum.  Þetta er án efa einn stærsti Evrópuleikur íslensks félagsliðs í langan tíma.

Sjálfsagt kannast íslenskt knattspyrnuáhugafólk ekki við marga leikmenn í landsliðshópi Asera, en þjálfarinn er þó vel kunnur í knattspyrnuheiminum, sjálfur Berti Vogts.

Keld Bordinggaard, þjálfari U21 landsliðs Dana, hefur tilkynnt landsliðshóp sinn fyrir vináttuleikinn gegn Íslandi á KR-velli 20. ágúst.  Nokkuð er um meiðsli á meðal fastamanna og því telur Bordinggaard hópinn vera veikari en ella. 

Í kvöld, miðvikudagskvöld, fara fram fjölmargir leikir í 3. deild karla, Landsbankadeild kvenna og 1. deild kvenna.  Þrettánda umferð Landsbankadeildar kvenna klárast í kvöld og þar tekur m.a. Þór/KA á móti Fjölni á Akureyrarvelli.

Miðasala er hafin á vináttulandsleik Íslands og Aserbaídsjan, sem fram fer á Laugardalsvelli miðvikudaginn 20. ágúst næstkomandi.  Sem fyrr fer miðasalan fram í gegnum vefinn midi.is. 

U21 karlalandslið Íslands og Danmerkur mætast í vináttulandsleik á KR-velli 20. ágúst, sama dag og A landsliðið leikur gegn Aserbaidsjan á Laugardalsvellinum.  Luka Kostic hefur tilkynnt íslenska hópinn fyrir leikinn.

Um 130 stelpur í 6. og 7. flokki af Norðurlandi æfðu saman og skemmtu sér á KA-svæðinu 29. júlí síðastliðinn. Þessi sameiginlegi æfingadagur var að frumkvæði þjálfara og yngriflokkastarfs KA og er óhætt að segja að vel hafi til tekist.

Umferðir 8-14 í Landsbankadeild karla voru gerðar upp í höfuðstöðvum KSÍ í hádeginu í dag, mánudag.  Jóhann Berg Guðmundsson úr Breiðabliki var valinn besti leikmaður umferðanna.

Handhafar A-passa frá KSÍ fá aðgöngumiða á leikinn FH-Aston Villa afhenta miðvikudaginn 13. ágúst, frá kl. 10:00 - 16:00. Miðarnir verða afhentir á skrifstofu KSÍ gegn framvísun skírteinis.

Víðismenn úr Garði hefja leik í Evrópukeppni félagsliða í Futsal á sunnudag, en þeir eru fyrsta íslenska liðið sem tekur þátt í keppninni.  Futsal er sú tegund innanhússknattspyrnu sem leikin er víðast hvar í heiminum .

Úrtökumót KSÍ fyrir drengi fædda 1993 fer fram að Laugarvatni dagana 15. - 17. ágúst næstkomandi.  Ríflega 60 leikmenn frá félögum víðs vegar af landinu hafa verið boðaðir á úrtökumótið.

Umferðir 8-14 í Landsbankadeild karla verða gerðar upp í hádeginu á mánudag, þegar viðurkenningar fyrir umferðirnar verða afhentar.  Úrvalslið umferðanna verður kynnt, besti leikmaðurinn, besti þjálfarinn og besti dómarinn.

Úrslitakeppni Polla- og Hnátumóta KSÍ 2008 fer fram dagana 16. og 17. ágúst næstkomandi.  Úrslitakeppnin er svæðisbundin og er leikið annars vegar SV-lands og hins vegar NL/AL.

Fjórir leikir í Landsbankadeild kvenna fara fram í kvöld, föstudagskvöld.  Leikirnir eru allir í 13. umferð deildarinnar, en umferðinni lýkur á laugardag þegar Þór/KA sækir Breiðablik heim.

Eins og kunnugt er mætast FH og Aston Villa í UEFA-bikarnum á Laugardalsvelli fimmtudaginn 14. ágúst.  UEFA hefur nú skipað dómara og eftirlitsmenn á leikinn og kemur dómarakvartettinn frá Tékklandi.

Aga- og úrskurðarnefnd hefur tekið fyrir kæru Snæfellsness á hendur Haukum vegna leiks í b-riðli Íslandsmóts 5. flokks kvenna.  Kærandi taldi lið kærða hafa verið ólöglega skipað í leiknum.

Í hádeginu í dag, miðvikudag, voru veittar viðurkenningar fyrir umferðir 7-12 í Landsbankadeild kvenna.  Rakel Hönnudóttir úr Þór/KA hlaut viðurkenningu sem besti leikmaður umferðanna.

Ísland er í 97. sæti á nýútgefnum styrkleikalista FIFA fyrir karlalandslið og hækkar um eitt sæti.  Evrópumeistarar Spánverja halda efsta sætinu og Þjóðverjar fara upp fyrir Ítali í 2. sætið. 

U17 landslið karla hafnaði í 6. sæti á Opna Norðurlandamótinu, sem fram fór í Svíþjóð og lauk á laugardag með leikjum um sæti.  Okkar drengir léku gegn Skotum um 5. sætið og biðu lægri hlut.

Dregið hefur verið í 2. umferð forkeppni UEFA-bikarsins og er óhætt að segja að íslenskir knattspyrnuunnendur hafi dottið í lukkupottinn.  VISA-bikarmeistarar FH drógust gegn enska úrvalsdeildarliðinu Aston Villa.

FH-ingar unnu stórglæsilegan 5-1 sigur á liði Grevenmacher og eru komnir áfram í 2. umferð forkeppninnar.  Skagamenn eru hins vegar úr leik þrátt fyrir frábæra frammistöðu og 2-1 sigur gegn Honka frá Finnlandi á Akranesvellinum.

U17 landslið karla vann í dag góðan 3-0 sigur á Finnum í lokaumferð riðlakeppninnar á Opna Norðurlandamótinu, sem fram fer í Svíþjóð.  Mörkin þrjú komu öll seint í leiknum.  Leikið er um sæti á laugardag.

U17 landslið karla leikur í dag lokaleik sinn í riðlakeppninni á Opna Norðurlandamótinu sem fram fer í Svíþjóð.  Mótherjarnir eru Finnar og hefur Luka Kostic, þjálfari íslenska liðsins, tilkynnt hverjir hefja leikinn fyrir Íslands hönd.

Úrtökumót KSÍ fyrir stúlkur fæddar árið 1993 fer fram að Laugarvatni 9.-10. ágúst.  Um 40 leikmenn frá félögum víðs vegar af landinu hafa verið boðaðir.

FH og ÍA verða í eldlínunni á fimmtudag þegar liðin leika síðari leikina í 1. umferð forkeppni UEFA-bikarsins.  FH-ingar leika ytra gegn Grevenmacher frá Luxemborg, en Skagamenn leika á Akranesvelli gegn finnska liðinu Honka.

Önnur umferð Opna Norðurlandamóts U17 landsliða karla fór fram í dag, þriðjudag.  Ísland tapaði fyrir Englandi með eins marks mun og gerðu þeir ensku eina mark leiksins.

Í kvöld, þriðjudagskvöld, fara fram leikir í öllum deildum meistaraflokka karla og kvenna.  Nóg er um að vera á knattspyrnuvöllum landsins og er fólk hvatt til að mæta og hvetja sín lið.

U17 landslið karla leikur annan leik sinn á Opna NM í dag, en leikið er í Svíþjóð.  Mótherjar dagsins eru Englendingar og hefst leikurinn kl. 16:00 að íslenskum tíma. Fjórar breytingar hafa verið gerðar á byrjunarliði Íslands frá fyrsta leiknum. 

Íslenskir dómarar verða í eldlínunni í UEFA-bikarnum á fimmtudag.  Magnús Þórisson mun þá dæma síðari viðureign lettneska liðsins Liepajas Metalurgs og Glentoran frá Norður Írlandi í 1. umferð forkeppninnar.

Byrjunin á fyrsta leik U17 landsliðs karla á Opna Norðurlandamótinu var ekki sú sem leikmenn liðsins höfðu óskað sér.  Rautt spjald og víti á íslenska liðið og Norðmenn náðu forystunni.  Lokatölur leiksins urðu 4-1 fyrir Noreg.

Tilkynnt hefur verið að Guðmundur Pétursson verði eftirlitsmaður UEFA á viðureign pólska liðsins Wisla Krakow og Beitar Jerusalem frá Ísrael í 2. umferð forkeppni Meistaradeildarinnar.

U17 landslið karla leikur í dag sinn fyrsta leik í Opna Norðurlandamótinu, sem fram fer í Svíþjóð.  Mótherjar dagsins eru Norðmenn og hefst leikurinn kl. 15:00 að íslenskum tíma.  Luka Kostic, þjálfari íslenska liðsins, hefur tilkynnt byrjunarlið sitt.

Aga- og úrskurðarnefnd KSÍ úrskurðaði tvö þjálfara í bann á fundi sínum í gær.  Jónas Hallgrímsson, þjálfari Völsungs var dæmdur í eins leiks bann vegna ummæla sinna í fjölmiðlum 8. júlí síðastliðinn.  Þá var knattspyrnudeild Völsungs sektuð um 20.000 krónur.

Leyfisstjórn hefur borist fjöldi fyrirspurna um hvaða reglur gilda þegar þjálfara meistaraflokks karla er vikið frá störfum hjá félögum sem undirgangast leyfiskerfi KSÍ, þ.e. hjá félögum í Landsbankadeild karla og 1. deild karla.

Aga- og úrskurðarnefnd hefur úrskurðað í máli Fjölnis gegn Stjörnunni vegna leiks félaganna í VISA bikar keppni 2. flokks karla en leikurinn fór fram 4. júlí síðastliðinn.  Í dómsorðum kemur fram að úrslit leiksins skulu standa óbreytt.

Aga- og úrskurðarnefnd hefur úrskurðað í máli Hrunamanna gegn Gnúpverjum vegna leiks félaganna í 4. flokki karla 7 manna.  Hrunamönnum er dæmdur sigur í leiknum.

Aga- og úrskurðarnefnd hefur úrskurðað í máli KFG gegn Hömrunum/Vinum vegna leiks liðanna 30. maí síðastliðinn.  Í úrskurðarorðum segir að Hamrarnir/Vinir eru sýknaðir af kröfum KFG.