Póstlagðar hafa verið þátttökutilkynningar til aðildarfélaga KSÍ og munu þær því berast til félaganna á næstu dögum.  Nauðsynlegt er fyrir félögin að skila inn frumriti af þátttökutilkynningu sinni og skal henni skilað fyrir 20. janúar næstkomandi.

Samtök íþróttafréttamanna hafa tilkynnt hvaða tíu einstaklingar urðu í efstu sætunum í kjörinu á íþróttamanni ársins 2010.  Knattspyrnufólk er á meðal þessara tíu en Gylfi Þór Sigurðsson og Hólmfríður Magnúsdóttir eru á lista þessa frækna íþróttafólks.

Nú á dögunum tryggðu Fjölnismenn sér Íslandsmeistaratitilinn í Futsal hjá meistaraflokki karla með sigri á Víking Ólafsvík.  Lokatölur urðu 3 - 2 fyrir Fjölnismenn í hörkuleik þar sem hart var barist.  Hér má sjá mörkin úr úrslitaleiknum.

Næsta sumar verður merkilegt í íslenskri knattspyrnusögu, ekki eingöngu vegna þess að U21 landslið karla mun leika í úrslitakeppni EM í fyrsta sinn, heldur vegna þess að þá mun 100. Íslandsmótið fara fram. 

Willum Þór Þórsson, landsliðsþjálfari í Futsal, hefur valið æfingahóp sem verður við æfingar 28. og 29. desember og fara æfingarnar fram á Ásvöllum.  Ísland mun taka þátt í forkeppni Evrópkeppni landsliða í Futsal í janúar á næsta ári en þetta er í fyrsta skiptið sem Ísland sendir landslið til leiks í Futsal.  Riðill Íslands verður leikinn á Ásvöllum dagana 21. - 24. janúar.

KSÍ sendir öllum landsmönnum kærar jólakveðjur með von um að allir eigi góða daga yfir hátíðirnar.  Vonandi fá allir pakka, harða jafnt sem mjúka.  Smellið hér að neðan til að skoða upplýsingar um opnunartíma skrifstofunnar yfir hátíðina.

FIFA hefur staðfest íslenskar tilnefningar á FIFA-lista yfir dómara og aðstoðardómara fyrir árið 2011.  Tveir aðstoðardómarar fara af listanum í þetta skiptið.  Íslenskir FIFA dómarar fyrir árið 2011 eru eftirfarandi:

65. ársþing Knattspyrnusambands Íslands verður haldið í húsakynnum KSÍ laugardaginn 12. febrúar 2011.  Minnt er á að tillögur fyrir ársþingið þurfa að berast í síðasta lagi, miðvikudaginn 12. janúar næstkomandi.

Á dögunum færðu Knattspyrnusamband Íslands Jólaaðstoðinni bolta og bækur sem ætlaðar eru í góða jólapakka um þessi jól.  Jólaaðstoðin er samstarfsverkefni Mæðrastyrksnefndar, Rauða Krossins í Reykjavík, Hjálparstarfs kirkjunnar og Hjálpræðishersins. 

Knattspyrnusamband Íslands framlengdi í dag samning við Sigurð Ragnar Eyjólfsson sem landsliðsþjálfara A landsliðs kvenna og gildir samningurinn til ársloka 2012.  Nýr samningur þess efnis var undirritaður í dag í höfuðstöðvum KSÍ.

Það voru Fjölnismenn sem hömpuðu Íslandsmeistaratitlinum í Futsal hjá meistaraflokki karla en úrslitaleikurinn fór fram í dag á Álftanesi.  Fjölnir lagði Víkinga frá Ólafsvík í æsispennandi úrslitaleik með þremur mörkum gegn  tveimur.  Staðan í leikhléi var jöfn, hvort lið hafði þá skorað eitt mark.

Það verða Fjölnir og Víkingur Ólafsvík sem leika til úrslita í Íslandsmótinu í innanhússknattspyrnu (Futsal).  Leikurinn fer fram á morgun, sunnudaginn 19. desember, og hefst kl. 13:30 á Álftanesi.

Í dag fara fram undanúrslit Íslandsmótsins í innanhússknattspyrnu (Futsal) hjá meistaraflokki karla og verður leikið í íþróttahúsinu á Álftanesi.  Fjölnir og ÍBV mætast kl. 14:30 og Víkingur Ólafsvík og Keflavík kl. 16:00.  Sigurvegarar leikjanna leika til úrslita á morgun, sunnudag, á Álftanesi og hefst úrslitaleikurinn kl. 13:30.

Þegar þetta er ritað hefur helmingur félaga í Pepsi-deild skilað fylgigögnum með leyfisumsókn, öðrum en fjárhagslegum.  FH skilaði sínum gögnum miðvikudaginn 15. desember og Fylkir skilaði síðan gögnum sínum í dag, föstudag.

Mótanefnd KSÍ hefur gefið út drög að niðurröðun leikja í Lengjubikarnum 2011 sem hafa verið birt á vef KSÍ.  Riðlaskiptingu í karla- og kvennaflokki má sjá hér að neðan en félögin hafa frest til 3. janúar til þess að gera athugasemdir.

Knattspyrnudeild Stjörnunnar óskar eftir að ráða aðstoðarþjálfara fyrir 2.flokk karla og 3.deildarlið KFG. Hlutverk aðstoðarþjálfara verður að aðstoða aðalþjálfara beggja liða, sinna almennri þjálfun og samræma verkefni liðanna.

Úrslitakeppni meistaraflokks karla í innanhússknattspyrnu (Futsal) hefst nú á föstudaginn, 17. desember, og fara þá fjórir leikir fram.  Leikið verður svo til undanúrslita á laugardaginn og á sunnudaginn, 19. desember, verða Íslandsmeistarar krýndir. Undanúrslitin og úrslitaleikurinn fara fram á Álftanesi en hér að neðan má sjá leikstaði 8 liða úrslita.

KSÍ hefur boðið endurskoðendum og fulltrúum þeirra félaga sem undirgangast leyfiskerfið á fund um fjárhagshluta kerfisins.  Aðrir endurskoðendur, eða áhugasamir aðilar, eru jafnframt velkomnir.  Fundurinn verður haldinn í höfuðstöðvum KSÍ þriðjudaginn 11. janúar.

A-landslið karla fellur um tvö sæti milli mánaða á styrkleikalista FIFA og endar því árið 2010 í 112. sæti.  Frá upphafi hefur Ísland lægst verið númer 117 á listanum, en hæst í 37. sæti.  Ef aðeins UEFA-þjóðir eru teknar með í reikninginn er íslenska liðið númer 45.

KR-ingar skiluðu fylgigögnum með leyfisumsókn sinni fyrir keppnistímabilið 2011, öðrum en fjárhagslegum, á mánudag.  Þar með hefur þriðjungur Pepsi-deildar félaga skilað gögnum, en áður höfðu Grindavík, Valur og Keflavík skilað.

KSÍ vekur athygli á því að skrifstofa sambandsins er lokuð milli kl. 11:30 og kl. 13:15 þriðjudaginn 14. desember.  Óskað er eftir því að aðildarfélög og aðrir viðeigandi aðilar komi skilaboðum áfram innan sinna raða, svo enginn fari nú fýluferð í Laugardalinn ...

Það verður íslenskur dómarasextett sem dæmir viðureign enska liðsins Liverpool og Utrecht frá Hollandi í Evrópudeild UEFA á miðvikudag.  Leikurinn fer fram á Anfield Road í Bítlaborginni Liverpool.

Keflavík hefur skilað leyfisgögnum sínum öðrum en fjárhagslegum, vegna umsóknar um þátttökuleyfi í Pepsi-deild karla 2011.  Þar með hafa þrjú félag skilað gögnum, allt Pepsi-deildarfélög.  Keflvíkingar voru einnig þriðja félagið í þeirri deild til að skila gögnum fyrir síðasta keppnistímabil.

65. ársþing Knattspyrnusambands Íslands verður haldið í húsakynnum KSÍ laugardaginn 12. febrúar 2011. Sambandsaðilar eru beðnir um að kynna sér eftirfarandi efnisatriði tengd þinghaldinu:

KSÍ IV þjálfaranámskeið verður haldið helgina 28.-30. janúar.  Bóklegi hluti námskeiðsins fer fram í höfuðstöðvum KSÍ og verklegi þátturinn í Kórnum í Kópavogi.  Þátttökurétt hafa allir þjálfarar sem setið hafa KSÍ III þjálfaranámskeið og skilað verkefni af því námskeiði.

Leikmannaval KSÍ hefur valið Gylfa Þór Sigurðsson og Hólmfríði Magnúsdóttur knattspyrnufólk ársins 2010.  Þetta er í sjöunda skiptið sem að knattspyrnufólk ársins er sérstaklega útnefnt af KSÍ.  Það eru fjölmargir aðilar,  m.a. fyrrverandi landsliðsmenn, þjálfarar og forystumenn í knattspyrnuhreyfingunni, er velja knattspyrnufólk ársins.  Veitt eru verðlaun fyrir þrjú efstu sætin hjá körlum og konum

Landsliðskonan Hólmfríður Magnúsdóttir hefur síðustu daga heimsótt félög á Suðurlandi og hitt þar káta knattspyrnukrakka.  Hólmfríður verður í Hveragerði í dag og á morgun lýkur hún ferð sinni um Suðurlandið þegar hún heimsækir Eyrarbakka.

KSÍ hélt kynningarfund í gær um Pro licence þjálfaranámskeiðið sem fer fram í Englandi.  Willum Þór Þórsson þjálfari Keflavíkur og Þorvaldur Örlygsson þjálfari Fram voru viðstaddir fundinn og sögðu áhugasömum þjálfurum meðal annars frá sinni reynslu af því að taka þetta nám hjá enska knattspyrnusambandinu. 

Drög að niðurröðun í Reykjavíkurmótinu 2011 hjá meistaraflokkum karla og kvenna hefur verið birt.  Í meistaraflokki karla er leikið í tveimur riðlum en í einum hjá meistaraflokki kvenna.  Áætlað er að keppni í karlaflokki hefjist 13. janúar en hjá konunum 22. janúar.

Um komandi helgi fara fram landsliðsæfingar hjá U16 kvenna og fara æfingarnar fram í Egilshöllinni og Kórnum.  Þorlákur Árnason, landsliðsþjálfari, hefur valið 35 leikmenn fyrir þessar æfingar.

Landsliðskonan Hólmfríður Magnúsdóttir mun í dag hefja heimsókn sína til félaga á Suðurlandi. För hennar hefst í Vík í Mýrdal og lýkur á föstudaginn með heimsókn til Eyrarbakka. Nánari dagskrá er hér fyrir neðan.

Vegna starfsmannafundar opnar skrifstofa KSÍ kl. 09:30 á morgun, föstudaginn 3. desember, í stað 08:00.  Að venju verður skrifstofan svo opin til kl. 16:00.

Í dag var tilkynnt í höfuðstöðvum FIFA hvaða þjóðir halda úrslitakeppnir HM árin 2018 og 2022.  Það kom í hlut Rússlands að halda úrslitakeppnina 2018 en Katar halda keppnina 2022.  Næsta úrslitakeppni HM verður í Brasilíu 2014.

Knattspyrnusamband Evrópu hefur gefið út hvernig fyrirkomulagi undankeppni EM kvenna 2013 verður háttað.  Úrslitakeppnin fer fram að þessu sinni í Svíþjóð.  Það eru 44 þjóðir sem taka þátt í keppninni að þessu sinni.

Bókin Íslensk knattspyrna 2010 eftir Víði Sigurðsson er komin út hjá Bókaútgáfunni Tindi. Þetta er þrítugasta árið í röð sem árbókin um íslenska fótboltann er gefin út en sú fyrsta leit dagsins ljós árið 1981. Bókin er 240 blaðsíður og þar af eru nú 96 síður í lit, fleiri en nokkru sinni fyrr.

Á  dögunum var haldin hér á landi Norðurlandaráðstefna um þjálfaramenntun. Ráðstefnuna sóttu fræðslustjórar allra Norðurlanda auk annarra starfsmanna knattspyrnusambandanna sem koma að einhverju leiti að þjálfaramenntun í sínu heimalandi.

Njarðvík hefur óskað eftir því við leyfisstjórn að félagið gangist undir leyfisferlið fyrir keppnistímabilið 2011 með öllu sem því fylgir.  Njarðvíkingar leika í 2. deild, en í þeirri deild er ekki keyrt leyfiskerfi og er þessi ósk merki um mikinn metnað félagsins.

Síðastliðinn mánudag hélt Vanda Sigurgeirsdóttir fróðlegt erindi um börn með sérþarfir í knattspyrnu.  Erindið var haldið á súpufundi KSÍ en þar er boðið upp á súpu og fróðleg erindi.  Hér að neðan má finna myndaband frá þessu erindi Vöndu og einnig glærur frá fundinum

Hér má sjá efni af nýjum mynddiski þar sem farið er yfir umhirðu og viðhald knattspyrnuvalla.  Í þessum hluta er fjallað um umhirðu grasvalla.

UEFA hefur gefið út vandaðan mynddisk þar sem farið er yfir umhirðu og viðhald á knattspyrnuvöllum.  Diskurinn skiptist í tvennt þar sem annars vegar er fjallað um grasvelli og hinsvegar um gervigrasvelli.

Landsliðsþjálfararnir, Gunnar Guðmundson og Kristinn R. Jónsson, hafa valið leikmenn til úrtaksæfinga um komandi helgi.  Æfingarnar fara fram í Kórnum og Egilshöllinni.  Tveir hópar eru valdir hjá U17 karla og mæta þeir einnig á æfingu á föstudeginum.

Í dag var dregið í undankeppni EM 2012 hjá U17 og U19 karla. Einnig var dregið í milliriðla hjá U17 karla fyrir EM 2011 en þar var Ísland einnig með í hattinum. Í undankeppninni hjá U17 mun Ísland leika í Ísrael, hjá U19 karla á Kýpur og í milliriðli hjá U17 karla verður leikið í Ungverjalandi.

Knattspyrnusamband Íslands og Spkef Sparisjóðurinn í Keflavík undirrituðu á föstudag samkomulag um samstarf til næstu þriggja ára (2011-2013).  Geir Þorsteinsson formaður KSÍ og Einar Hannesson Sparisjóðsstjóri undirrituðu samninginn, en í honum felst stuðningur Sparisjóðsins við starfsemi KSÍ á öllum sviðum og nær samningurinn m.a. til allra landsliða Íslands af báðum kynjum.

Þórir Hákonarson, framkvæmdastjóri KSÍ, verður eftirlitsmaður UEFA á leik Tottenham og Werder Bremen í kvöld.  Leikurinn fer fram á heimavelli Tottenham, White Hart Lane, og er í A riðli Meistaradeildar UEFA.

Yfirlýsing frá Félagi deildadómara á Íslandi varðandi beiðni frá skoska knattspyrnusambandinu um dómgæslu í Skotlandi næstu helgi. Ástæða þessarar beiðni er verkfall skoskra knattspyrnudómara.

Um komandi helgi fara fram úrtaksæfingar hjá U17 og U19 kvenna.  Landsliðsþjálfararnir, Þorlákur Árnason og Ólafur Þór Guðbjörnsson, hafa valið úrtakshópa fyrir þessar æfingar.  Æfingarnar fara fram á Stjörnuvelli og í Egilshöll. 

Freyr Sverrisson, landsliðsþjálfari U16 karla, hefur valið hóp til úrtaksæfinga um komandi helgi.  Að þessu sinni eru einungis valdir leikmenn úr félögum á Norðurlandi og fara æfingarnar fram í Boganum á Akureyri.

Aðalfundur Knattspyrnuþjálfarafélags Íslands verður haldinn í fræðslusetri KSÍ á Laugardalsvelli, fimmtudaginn 2. desember n.k. klukkan 20:00.

Í dag var dregið í töfluröð í 1. og 2. deild karla og er því ljóst hverjir mætast í hverri umferð.  Dregið var í töfluröð í höfuðstöðvum KSÍ í dag en þar fór fram fundur formanna og framkvæmdastjóra aðildarfélaga KSÍ.

Í dag var dregið í töfluröð í landsdeildum, þ.e. Pepsi-deild karla og kvenna og 1. og 2. deild karla.  Dregið var í höfuðstöðvum KSÍ í lok formanna- og framkvæmdastjórafundar.  Það er ljóst að í 1. umferðinni taka Íslandsmeistarar Breiðabliks á móti KR og nýliðarnir í deildinni, Víkingur og Þór etja kappi.

Á nýjum styrkleikalista FIFA, sem út kom í dag, þá fellur íslenska kvennalandsliðið niður um eitt sæti.  Ísland er í 17. sæti listans en það eru Bandaríkin sem tróna á toppnum.  Engar breytingar eru á 8 efstu sætum listans.

Félögin sem undirgangast leyfiskerfið virðast ætla að halda uppteknum hætti frá síðasta ári hvað varðar skil á leyfisgögnum, og skila snemma.  Leyfisferlið hófst síðasta mánudag og á fimmtudag bárust gögn frá fyrstu tveimur félögunum - Grindavík og Val.

Það voru heimamenn í Ísrael sem höfðu betur gegn Íslendingum í vináttulandsleik sem fram fór í gær.  Lokatölur urðu 3 - 2 Ísraelsmönnum í vil og var grunnurinn af sigrinum lagður í fyrri í hálfleik því heimamenn gengu til leikhlés með þriggja marka forystu.

Alfreð Finnbogason og Kolbeinn Sigþórsson skoruðu mörk Íslands.

Á nýjum styrkleikalista FIFA, sem birtur var í dag, stendur íslenska karlalandsliðið í stað.  Ísland er í 110. sæti listans.  Sem fyrr eru Spánverjar í efsta sæti listans en engar breytingar eru á níu efstu sætum listans.

Ólafur Jóhannesson, landsliðsþjálfari, hefur tilkynnt byrjunarlið sitt er mætir Ísrael í vináttulandsleik.  Leikurinn fer fram á Bloomfield Stadium í Tel Aviv og hefst kl. 17:35 að íslenskum tíma.

Vel fer um landsliðshópinn sem staddur er þessa dagana í Tel Aviv.  Þar leika þeir vináttulandsleik gegn Ísrael á morgun, miðvikudag.  Í gær var æft á keppnisvellinum, Bloomfield Stadium og er hann í góðu standi. 

Aðildarfélög KSÍ hafa fengið senda þátttökutilkynningu fyrir Deildarbikar KSÍ fyrir árið 2011  Þátttökufrestur er til 23. nóvember næstkomandi. Öll félög sem sendu meistaraflokk til keppni á Íslandsmótinu 2010 og hyggja á keppni á Íslandsmótinu 2011 hafa heimild til að senda lið til keppni. 

Í dag var dregið í riðla í undankeppni EM hjá U17 og U19 kvenna og var dregið í höfuðstöðvum UEFA í Nyon.  Ennfremur var í dag dregið í milliriðla fyrir keppnina 2010/2011 og var Ísland í skálunum góðu í öllum dráttunum.

Ljóst er að Gylfi Þór Sigurðsson getur ekki leikið gegn Ísrael en íslenska karlalandsliðið leikur vináttulandsleik í Tel Aviv á miðvikudaginn.  Hann meiddist í leik um helgina og verður ekki leikfær á miðvikudaginn.

Dregið verður í milliriðla EM hjá U17 og U19 kvenna á morgun, þriðjudaginn 16. nóvember.  Við sama tækifæri verður dregið í undankeppni EM U17 og U19 kvenna sem fram fer 2011/2012.  Ísland er í efsta styrkleikaflokki hjá U17 og í öðrum styrkleikaflokki hjá U19 þegar dregið verður í milliriðla.

Um komandi helgi verða úrtaksæfingar hjá U17 og U19 karla og fara þessar æfingar fram í Kórnum og Egilshöll.  Landsliðsþjálfararnir, Gunnar Guðmundsson og Kristinn R. Jónsson, hafa valið ríflega 90 leikmenn til þessara æfingar.

Áfrýjunardómstóll KSÍ hefur hrundið fyrri úrskurði aga- og úrskurðarnefndar KSÍ í máli nr. 5 2010.  Þar hafði Aftureldingu verið dæmdur sigur í leik liðsins gegn Keflavík í eldri flokki karla 30+ en leikurinn fór fram 19. september 2010 á Varmár velli.

Ólafur Jóhannesson, landsliðsþjálfari, hefur gert breytingu á hópnum er mætir Ísrael í vináttulandsleik þann 17. nóvember næstkomandi.  Arnór Sveinn Aðalsteinsson kemur inn í hópinn í stað Grétars Rafns Steinssonar sem er meiddur.

Um komandi helgi fara fram úrtaksæfingar hjá U17 og U19 kvenna en þessar æfingar fram í Egilshöllinni og Kórnum.  Landsliðsþjálfararnir, Þorlákur Árnason og Ólafur Þór Guðbjörnsson, hafa valið hópa fyrir þessar æfingar.

Ólafur Jóhannesson, landsliðsþjálfari, hefur gert tvær breytingar á hópnum sem mætir Ísrael í vináttulandsleik ytra, 17. nóvember næstkomandi.  Þeir Steinþór Freyr Þorsteinsson og Stefán Logi Magnússon koma inn í hópinn.

Í dag var dregið í riðla í úrslitakeppni EM hjá U21 karla en úrslitakeppnin fer fram í Danmörku, dagana 11. – 25. júní.  Ísland er í A riðli með Danmörku, Sviss og Hvíta Rússlandi..  Leikir Íslands fara fram í Álaborg og Árósum. Fyrsti leikur Íslendinga verður gegn Hvít Rússum, laugardaginn 11. júní.

Ólafur Jóhannesson, landsliðsþjálfari, hefur tilkynnt hópinn sem mætir Ísrael í vináttulandsleik miðvikudaginn 17. nóvember.  Leikið verður í Tel Aviv en þetta er í þriðja skiptið sem þessar þjóðir mætast hjá A landsliði karla

Hið geysisterka mót Algarve Cup fer fram dagana 2. - 9. mars en kvennalandslið Íslands er þar á meðal þátttakenda.  Ísland er í B riðli og eru þar með Svíum, Kínverjum og Dönum.  Fyrsti leikur íslenska verður gegn Svíum.

Dregið verður í riðla í Álaborg í Danmörku, þriðjudaginn 9. nóvember og verður hægt að fylgjast með drættinum á heimasíðu UEFA.  Athöfnin hefst kl. 14:00 að íslenskum tíma.  Þjóðunum er raðað niður eftir árangri í undankeppninni og er Ísland í efri styrkleikaflokki ásamt gestgjöfum Danmerkur, Tékklandi og Spáni.

KSÍ með mannvirkjanefndina í forystu hefur verið vakandi yfir þróun gervigrass á undanförnum árum og er það af hinu góða. Gervigras hefur bætt aðstæður til knattspyrnuiðkunar á Íslandi, gömlu malarvellirnir eru horfnir, en mannvirkjanefndin hefur einblítt allt of mikið á gervigrasið.

Í dag var gengið frá ráðningu Willums Þórs Þórssonar sem landsliðsþjálfara Íslands í Futsal.  Ísland sendir í fyrsta skiptið landslið til keppni í Futsal og leikur í undankeppni Evrópumóts landsliða.  Riðill Íslands verður leikinn á Ásvöllum, dagana 21. - 24. janúar.  Með Íslandi í riðli leika Grikkland, Armenía og Lettland.

Íslenskir dómarar hafa hafið undirbúning sinn fyrir næsta keppnistímabil en formlegar æfingar hófust nú 1. nóvember.  Líkt og áður eru KSÍ og Háskólinn í Reykjavík í samstarfi varðandi þjálfun og undirbúning dómara og er mikil ánægja með þetta samstarf.

Um helgina hefst Íslandsmótið í innanhússknattspyrnu en það er meistaraflokkur karla sem ríður á vaðið.  Nokkur fjölgun er í þátttöku að þessu sinni og er leikið í fjórum riðlum á suðvesturhorninu og einum á Norðurlandi.  Úrslitakeppnin fer svo fram 17. - 19. desember og er það fyrr en áður sem er vegna þátttöku Íslands í Evrópukeppni landsliða í Futsal í janúar.

Kristinn Jakobsson dómari mun dæma vináttulandsleik á milli Írlands og Noregs, miðvikudaginn 17. nóvember næstkomandi.  Honum til aðstoðar verða þeir Gunnar Sverrir Gunnarsson og Frosti Viðar Gunnarsson.  Leikurinn fer fram á Aviva vellinum í Dublin.

Um komandi helgi verða æfingar hjá landsliðum U17 og U19 karla og fara þær fram í Egilshöllinni og Kórnum.  Þjálfararnir Gunnar Guðmundsson og Kristinn R. Jónsson hafa valið 90 leikmenn til þessara æfinga en tveir hópar eru valdir hjá U17.

Næstkomandi laugardag mun fara fram landsliðsæfing í Fjarðabyggðahöllinni hjá landsliði U17 kvenna.  Þorlákur Árnason, landsliðsþjálfari U17 kvenna, hefur valið leikmenn af Austurlandi fyrir þessa æfingu og koma þeir frá sex félögum.

Í tilefni af 40 ára afmæli Knattspyrnuþjálfarafélags Íslands blæs félagið til afmælisráðstefnu í samvinnu við KSÍ.  Ráðstefnan fer fram í höfuðstöðvum KSÍ, laugardaginn 13. nóvember og hefst kl. 10:00. Um kvöldið verður svo blásið til afmælisveislu.

Endurmenntun Landbúnaðarháskóla Íslands tók höndum saman við KSÍ, GSÍ, SÍGÍ og ÍTR og setti saman námskeiðsröð í grasvallarfræðum.  Markmiðið er að nemendur verði betur í stakk búnir til að sjá um viðhald grasvalla til að hámarka endingu þeirra og gæði.

Þrír íslenskir dómarar eru þessa dagana í Sviss þar sem þeir sækja námskeið fyrir unga og efnilega dómara.   Er hér um að ræða áætlun um þjálfun og menntun dómara á aldrinum 25. - 30 ára.  Þetta eru dómarinn Gunnar Jarl Jónsson og aðstoðardómararnir, Birkir Sigurðarson og Gylfi Már Sigurðsson.

Helgina 5.-7. nóvember mun KSÍ standa fyrir 5. stigs þjálfaranámskeiði. Námskeiðið er upphafið að KSÍ A (UEFA A) þjálfaragráðu. Seta á þessu námskeiði framlengir einnig gildistíma KSÍ B skírteinis (UEFA B skírteinis) um þrjú ár.

Dregið verður í milliriðla EM hjá U17 og U19 kvenna þann 16. nóvember næstkomandi.  Við sama tækifæri verður dregið í undankeppni EM U17 og U19 kvenna sem fram fer 2011/2012.  Ísland er í efsta styrkleikaflokki hjá U17 kvenna og í öðrum styrkleikaflokki hjá U19 kvenna.

Unglingadómaranámskeið verður haldið  í  Grunnskólanum á Reyðarfirði sunnudaginn  7. nóvember kl. 14:30.  Um að ræða tveggja og hálfs  tíma fyrirlestur og próf viku seinna.   Áhersla er lögð á knattspyrnulögin, reglugerðir í 7 mannabolta og ýmis hagnýt mál.

KSÍ boðar til fundar formanna og framkvæmdastjóra aðildarfélaga laugardaginn 20. nóvember í höfuðstöðvum KSÍ á Laugardalsvelli og hefst kl. 12:00.  Kl. 14.00 verður dregið í töfluröð í Pepsi-deild, 1. og 2. deild karla og Pepsi-deild kvenna á sama stað.

Síðastliðinn laugardag var haldið upp á 20 ára afmæli félaganna sem mynda KFS frá Vestmannaeyjum, en þessi félög eru Framherjar og Smástund.  Félögin sameinuðu krafta sína 7. september 1997 og léku fyrst undir merkjum KFS í 4. deild 1998.

Strákarnir í U19 töpuðu lokaleik sínum í undankeppni EM en riðill þeirra var leikinn í Wales.  Síðasti leikurinn var gegn Tyrkjum sem að fóru með sigur af hólmi, 2 - 1.  Íslenska liðið hafnaði því í þriðja sæti og komast ekki áfram í milliriðla.

KSÍ mun halda ráðstefnu um þjálfun barna föstudaginn 12. nóvember næstkomandi.  Aðalfyrirlesari verður Ian Bateman tækniþjálfari frá enska knattspyrnusambandinu.  Ian mun verða með bóklegan fyrirlestur og verklegar æfingar.  Aðgangur að ráðstefnunni er ókeypis og öllum opin.

Um komandi helgi fara fram æfingar hjá U17 og U19 kvennalandsliðum Íslands og verður æft í Kórnum og í Egilshöll.  Landsliðsþjálfararnir, Þorlákur Árnason og Ólafur Þór Guðbjörnsson, hafa valið hópa sína og eru tæplega 60 leikmenn boðaðir á þessar æfingar.

Strákarnir í U19 leika lokaleik sinn í undankeppni EM í dag þegar þeir mæta Tyrkjum.  Riðillinn er leikinn í Wales og hefst leikurinn kl. 16:00 að íslenskum tíma.  Íslenska liðið þarf á sigri að halda til þess að tryggja sér sæti í milliriðlum keppninnar.

Síðastliðinn laugardag, 23. október, var haldið upp á 70 ára afmæli Leiknis Fáskrúðsfjarðar og var mikið um dýrðir.  Hátíðin fór fram í Grunnskóla Fáskrúðsfjarðar og mættu um 200 manns þangað.

Strákarnir í U19 leika í dag, annan leik sinn í undankeppni EM en leikið er í Wales.  Mótherjarnir eru einmitt heimamenn og hefst leikurinn kl. 16:00 að íslenskum tíma.  Strákarnir lögðu Kasaka í fyrsta leiknum, 4 - 0. 

Knattspyrnusamband Íslands mun halda 1. stigs þjálfaranámskeið á Reyðarfirði helgina 5. - 7. nóvember 2010.  Bókleg kennsla fer fram í Grunnskóla Reyðarfjarðar og verkleg kennsla í Fjarðabyggðarhöllinni.

Knattspyrnusambönd Íslands og Ísraels hafa komist að samkomulagi um að karlalandslið þjóðanna leiki vináttulandsleik 17. nóvember næstkomandi.  Leikið verður í Tel Aviv en þetta er í þriðja skiptið sem þessar þjóðir mætast hjá A landsliði karla.

Strákarnir í U19 byrjuðu undankeppni EM á því að bera sigurorð af jafnöldrum sínum frá Kasakstan.  Lokatölur urðu 4 - 0 Íslendingum í vil eftir að staðan hafði verið 3 - 0 í leikhléi.  Í hinum leik riðilsins gerðu Wales og Tyrkland jafntefli, 3 - 3, þar sem heimamenn í Wales jöfnuðu á 5. mínútu í uppbótartíma.

Á nýútgefnum styrkleikalista FIFA sem gefinn var út í morgun, fellur karlalandsliðið um 10 sæti og er nú í 110. sæti listans.  Spánverjar eru sem fyrr í efsta sæti styrkleikalistans og í öðru sæti eru Hollendingar.

Strákarnir í U19 hefja leik í dag í undankeppni EM en riðill þeirra er leikinn í Wales.  Leikið verður við Kasakstan kl. 16:00 í dag en í hinum leik riðilsins, sem fer fram á sama tíma, mætast Wales og Tyrkland. 

Byrjunarlið Íslands hefur verið tilkynnt.

Knattspyrnusamband Íslands mun um næstu helgi, 22.-24. október, halda KSÍ II þjálfaranámskeið á höfuðborgarsvæðinu. Þátttökurétt hafa allir sem hafa 1. stigs þjálfararéttindi.

Gunnar Guðmundsson, landsliðsþjálfari U17 karla, hefur valið 64 leikmenn til æfinga um komandi helgi.  Er þarna um tvö hópa að ræða og er annar hópurinn eingöngu skipaður leikmönnum sem fæddur er árið 1995.

Lokahóf knattspyrnufólks fyrir keppnistímabilið 2010 fór fram í gærkveldi á veitingastaðnum Broadway og tókst vel.  Að venju voru veittar viðurkenningar til þeirra sem höfðu staðið fram úr á nýliðnu tímabili.

Blikastúlkur eru úr leik í Meistaradeild UEFA kvenna en þær léku seinni leik sinn við Juvisy Essonne í gær.  Fyrri leikurinn tapaðist heima 3 - 0 og því ljóst að róðurinn yrði erfiður í seinni leiknum.  Eftir að staðan hafði verið 1 - 0 fyrir Frakkana í leikhléi þá gengu heimastúlkur á lagið og fóru að lokum með 6 - 0 sigur af hólmi.

Það voru svo sannarlega margir krakkar sem stóðu sig frábærlega í knattþrautunum í sumar og var frábært að fylgjast með.  Þau sem þóttu standa sig best hjá hverju félagi fékk sérstaka viðurkenningu og var boðið á landsleik á Laugardalsvelli.

Nú er mótum sumarsins lokið en síðasti úrslitaleikurinn fór fram um síðustu helgi þegar KR og Breiðablik léku til úrslita í eldri flokki 40 ára og eldri.  Eins og alltaf þá hafa skipst á skin og skúrir á knattspyrnuvöllum landsins í sumar.  Hér á neðan má sjá lista af þeim liðum sem brostu hvað breiðast en hér má sjá Íslands- og Bikarmeistara sumarsins.

Á morgun, föstudag, verður hér á landi aðili frá Prozone fyrirtækinu og hyggst halda kynningu fyrir Knattspyrnusamband Íslands.  Fyrirtækið er með lausn fyrir félög og landslið þar sem hægt er að notast við upptökur með einni myndavél.

Forseti Knattspyrnusambands Evrópu (UEFA), Michel Platini, mun heimsækja Ísland föstudaginn 22. október  og funda með forráðamönnum Knattspyrnusambands Íslands.  Með Platini í för verður kona hans Christéle Platini, Allan Hansen sem situr í Framkvæmdastjórn UEFA, Theodore Theodoridis og Kevin Lamour frá UEFA. 

Valsstúlkur hafa lokið keppni í Meistaradeild kvenna á þessu keppnistímabili en þær léku seinni leik sinn við spænska liðið Rayo Vallecano á Vodafonevellinum í gær.  Skildu leikar jafnir, 1 - 1, eftir að markalaust hafði verið í leikhléi.  Spænska liðið er komið áfram í 16 liða úrslit keppninnar. Breiðablik leikur seinni leik sinn í dag gegn franska liðinu Juvisy Essonne og er leikið í París

Nú í október eru þrír íþróttafræðinemar í vettvangsnámi hjá Knattspyrnusambandi Íslands og hefur Sigurður Ragnar Eyjólfsson fræðslustjóri umsjón með þeim á meðan þeir eru hér. Nemendurnir heita Haukur Már Ólafsson, Hrannar Leifsson og Kristinn Ólafsson og stunda þeir nám í Háskóla Íslands á Laugarvatni. 

Í gærkvöldi var það ljóst hvaða þjóðir munu leika í úrslitakeppni EM U21 karla í Danmörku á næsta ári.  Ísland er þar á meðal átta þjóða í úrslitakeppni og er það í fyrsta skiptið í þessum aldursflokki sem það gerist.  Aðrar þjóðir eru auk gestgjafanna í Danmörku: Spánn, England, Sviss, Hvíta Rússland og Úkraína.

Kristinn R. Jónsson, landsliðsþjálfari U19 karla, hefur valið hóp sinn er leikur í undankeppni EM nú í október.  Leikið varður í Wales, dagana 20. - 25. október en í riðlinum eru, auk heimamanna, Kasakstan og Tyrkland.

Íslendingar biðu lægri hlut gegn Portúgölum á Laugardalsvelli í kvöld en leikið var í undankeppni EM.  Lokatölur urðu 1 - 3 fyrir gestina eftir að staðan hafði verið 1 - 2 í leikhléi.  Það var Heiðar Helguson sem að skoraði mark Íslendinga með skalla og jafnaði þá metin, 1 - 1.

Ólafur Jóhannesson landsliðsþjálfari hefur tilkynnt byrjunarlið Íslands sem mætir Portúgölum í undankeppni EM 2012 á Laugardalsvelli í kvöld.  Uppselt er á leikinn, sem hefst kl. 19:45 og er í beinni útsendingu á RÚV.

Síðari leikir Vals og Breiðabliks í 32-liða úrslitum Meistaradeildar kvenna fara fram í vikunni.  Á miðvikudag leikur Valur gegn Rayo Vallecano frá Spáni og fer leikurinn fram á Vodafone-vellinum að Hlíðarenda.  Breiðablik leikur á fimmtudag gegn FCF Juvisy Essonne í Frakklandi.

U21 landslið karla hefur náð þeim frábæra árangri að tryggja sér sæti í úrslitakeppni Evrópumóts UEFA.  Árangurinn náðist með tveimur 2-1 sigrum gegn Skotum í umspili um sæti í lokakeppninni, sem fram fer í Danmörku í júní 2011.  Gylfi Sigurðsson skoraði bæði mörk Íslands í seinni leiknum með glæsilegum spyrnum. 

Eins og kynnt hefur verið er uppselt á leik Íslands og Portúgals í undankeppni EM 2012, en liðin mætast á Laugardalsvelli á þriðjudag og hefst leikurinn kl. 19:45.  Fólk er hvatt til að mæta tímanlega til að forðast biðraðir og troðning við innganga.   Völlurinn opnar kl. 18:45.

Það er í kvöld sem seinni umspilsleikur á milli Skotlands og Íslands fer fram á Easter Road i Edinborg.  Í húfi er sæti í úrslitakeppni EM U21 sem fer fram í Danmörku í júní á næsta ári.  Íslensku strákarnir unnu fyrri leikinn á Laugardalsvelli 2 - 1 og má því segja að allt sé í járnum.

Laugardaginn 16. október nk. verða viðurkenningar afhentar fyrir Pepsi-deildir karla og kvenna og VISA-bikar 2010 á Broadway.  Hófið hefst með opnu húsi kl. 20:30 á laugardagskvöldið og lýkur svo með dansleik þar sem hljómsveitin Buff leikur fyrir dansi.

Strákarnir í U21 karlalandsliðinu eru nú staddir í Edinborg en á morgun leika þeir seinni leikinn í umspili um sæti í úrslitakeppni EM U21.  Leikurinn fer fram á morgun, mánudag, á Easter Road og hefst kl. 18:45 að íslenskum tíma.  Fyrri leiknum lauk með 2 – 1 sigri Íslendinga.

Eyjólfur Sverrisson, landsliðsþjálfari U21 karla, hefur gert eina breytingu á hóp sínum er hélt til Edinborgar í morgun.  Þar verður leikinn seinni umspilsleikurinn í við en í húfi er sæti í úrslitakeppni EM í Danmörku að næsta ári.

Íslenska karlalandsliðið sat hjá í umferð í undankeppni EM 2012 sem leikin var á föstudagskvöld.  Norðmenn eru enn með fullt hús stiga eftir 2-1 sigur á Kýpverjum á Kýpur og Portúgalar unnu sinn fyrsta sigur í keppninni.

Í hálfleik á viðureign Íslands og Portúgals á þriðjudag munu fimm heppnir vallargestir fá tækifæri til að spyrna knetti frá vítateigsboganum (efst á boganum) með það fyrir augum að hitta þverslána.  Vinningurinn er ferð fyrir tvo til Evrópu með Icelandair!

Það verða Austurríkismenn sem sjá um dómgæsluna á viðureign Íslands og Portúgals í undankeppni EM 2012 á þriðjudag.  Dómarinn heitir Thomas Einwaller, er 33 ára gamall og hefur verið FIFA-dómari síðan 2005.

Strákarnir í U21 unnu góðan sigur á Skotum á Laugardalsvelli í kvöld að viðstöddum 7.255 áhorfendum.  Þetta var fyrri leikurinn í umspilsleikjum um sæti í úrslitakeppninni í Danmörku á næsta ári.  Seinni leikurinn verður í Edinborg, mánudaginn 11. október á Easter Road.

Eyjólfur Sverrisson, landsliðsþjálfari U21 karla, hefur tilkynnt byrjunarlið sitt er mætir Skotum í kvöld á Laugardalsvelli kl. 19:00.  Þetta er fyrri umspilsleikur um sæti í úrslitakeppni EM U21 sem fer fram í Danmörku á næsta ári.  Seinni leikurinn fer svo fram í Edinborg, mánudaginn 11. október.

Fyrri leikur Íslands og Skotlands í umspili fyrir EM U21 karla sem fram fer á Laugardalsvelli í kvöld klukkan 19:00 verður í beinni á SportTv.is og livefromiceland.com fyrir Íslendinga erlendis. Það þarf því enginn að missa af þessum landsleik.

Í kvöld fer fram fyrri umspilsleikur á milli Íslands og Skotlands en leikið er um sæti í úrslitakeppni EM U21 karla.  Leikurinn hefst kl. 19:00 á Laugardalsvelli en miðsala á vellinum hefst kl. 12:00.  Áhorfendur eru hvattir til þess að vera tímanlega í því til að forðast biðraðir rétt fyrir leik.

Kristinn Jakobsson dómari verður við störf næskomandi föstudag þegar hann dæmir leik Albaníu og Bosníu Hersegóvínu en leikið verður í Tirana.  Leikurinn er liður í D riðli undankeppni EM. 

Þjálfararnir Gunnar Guðmundsson og Kristinn Jónsson, landsliðsþjálfarar U17 og U19 karla, hafa valið leikmenn til æfinga á næstu dögum.  Æfingarnar hjá U17 eru um komandi helgi en U19 hefur æfingar í dag.

Eins og glöggir lesendur heimasíðu KSÍ hafa tekið eftir, og jafnvel nokkrir fleiri, hefur forsíðan aðeins breytt um lit. Bleikur litur ræður þar nú ríkjum en ástæðan er sú að vekja athygli á bleiku slaufunni sem er nú í sölu.

Miðasala á fyrri umspilsleik U21 karla, Ísland - Skotland, er nú í fullum gangi.  Það er um að gera fyrir knattspyrnuáhugamenn að tryggja sér miða í forsölu og forðast þannig biðraðir í miðasölu á leikdag.  Miðaverð er 1.000 krónur fyrir fullorðna en frítt er inn fyrir börn 16 ára og yngri. Á leikdag opnar miðasala á Laugardalsvelli kl. 12:00

Knattspyrnusamband Íslands mun á næstu vikum halda tvö KSÍ II þjálfaranámskeið á höfuðborgarsvæðinu. Annars vegar er um að ræða námskeið sem haldið verður helgina 15.-17. október og hins vegar 22.-24. október.  Þátttökurétt hafa allir þeir sem hafa 1. stigs þjálfararéttindi.

Það verða dómarar frá Hollandi sem dæma fyrri leik Íslands og Skotlands í umspili um sæti í úrslitakeppni U21 karla.  Dómari leiksins heitir Hendrikus Bas Nijhuis og honum til aðstoðar verða þeir Angelo Boonman og Erwin Zeinstra.  Fjórði dómari verður svo Jeroen Sanders.

Arnór Smárason verður ekki með U21 karlalandsliðinu í umspilsleikjum liðsins gegn Skotum sem fara fram 7. og 11. október.  Hópurinn æfði saman í gær en síðustu tveir leikmennirnir koma til móts við hópinn í dag

Uppselt er á leik Íslands og Portúgals í undankeppni EM 2012, en liðin mætast á Laugardalsvelli þriðjudaginn 12. október.  Ljóst er að Laugardalsvöllur verður því troðfullur af fólki og stemmningin verður vonandi frábær.

Ólafur Jóhannesson, landsliðsþjálfari, hefur tilkynnt landsliðshóp sinn er mætir Portúgölum í undankeppni EM.  Leikurinn fer fram á Laugardalsvelli, þriðjudaginn 12. október og hefst kl. 19:45.  Ólafur velur 22 leikmenn í hópinn að þessu sinni.

Um nýliðna helgi lauk keppni í Grunnskólamóti KRR en þá fór fram keppni 10. bekkja karla og kvenna.  Helgina á undan hafði verið keppt á milli 7. bekkja grunnskóla Reykjavíkur.

Knattspyrnugras, eða „plastið“, eins fjölmiðlamenn hafa stundum uppnefnt það, hefur verið löglegt undirlag í öllum alþjóðlegum keppnum í 6-8 ár, ef það uppfyllir ákveðna staðla, og  í dag er það notað í leikjum í Evrópukeppni milli toppliða í Evrópu ef svo ber undir.

Paulo Bento, nýráðinn landsliðsþjálfari Portugals, tilkynnti í dag hóp sinn er mætir Danmörku 8. október og Íslandi hér á Laugardalsvelli, 12. október.  Miðasala á leikinn er í fullum gangi en búist er við seljist upp bráðlega.

Síðastliðinn fimmtudag fór fram hér á landi fundur um norræn mótamál.  Er þessi fundur haldinn árlega en hann sitja starfsmenn mótamála hjá knattspyrnusamböndum Norðurlandanna.  Norðurlöndin skiptast á að halda fundinn og var komið að því að halda hann á Íslandi að þessu sinni.

Eins og kunnugt er leika Íslendingar og Skotar tvo leiki í umspili um hvort liðið kemst í úrslitakeppni EM 2011.  Fyrri leikurinn fer fram á Laugardalsvelli, fimmtudaginn 7. október og sá síðari í Edinborg, mánudaginn 11. október.  Miðasala er í fullum gangi á leikinn hér á Laugardalsvelli.

KSÍ heldur VI. stigs þjálfaranámskeið í Wokefield Park, Englandi dagana 9.-16. janúar 2011.  Reiknað er með að fleiri þjálfarar sæki um námskeiðið en hægt er að taka inn.   Umsækjendur verða að hafa lokið KSÍ V þjálfaranámskeiði eða verða að taka KSÍ V þjálfaranámskeið sem haldið verður helgina 5.-7. nóvember á þessu ári.

Handhafar A-passa frá KSÍ fá aðgöngumiða á leikinn Ísland - Portúgal afhenta þriðjudaginn 5. október frá kl. 10:00 - 16:00. Miðarnir verða afhentir á skrifstofu KSÍ gegn framvísun skírteinis. 

Aðsókn á leiki Pepsi-deildar karla var með allra besta móti í sumar en 1.205 áhorfendur að meðaltali sáu leikina.  Aldrei hafa fleiri áhorfendur mætt á völlinn í það heila en 159.062 áhorfendur mættu á leikina 132 en þetta er þriðja tímabilið sem 12 félög skipa deildina.

Kristinn R. Jónsson, landsliðsþjálfari U19 karla, hefur valið leikmenn til undirbúningsæfinga sem fara fram um komandi helgi.  Kristinn velur 26 leikmenn til þessara æfinga en þessar æfingar eru liður í undirbúningi U19 fyrir undankeppni EM.

Þó svo að ekki sé verið að ferðast lengur með knattþrautir KSÍ á milli félaga þá er um að gera fyrir iðkendur og þjálfara að halda áfram að æfa sig.  Hér að neðan má finna knattþrautirnar og uppsetningu þeirra sem hægt er að prenta út og hafa með sér úr á völl.

Billy Stark, landsliðsþjálfari U21 karla hjá Skotum, hefur tilkynnt 23 leikmenn sem munu mæta Íslendingum í tveimur umspilsleikjum fyrir úrslitakeppni EM.  Fyrir leikurinn verður hér á Laugardalsvelli, fimmtudaginn 7. október en sá síðari í Edinborg 11. október.

Eyjólfur Sverrisson, landsliðsþjálfari U21 karla, tilkynnti í dag hóp sinn er mætir Skotum í tveimur umspilsleikjum um sæti í úrslitakeppni EM.  Eyjólfur velur 23 leikmenn í hópinn en fyrri leikurinn fer fram á Laugardalsvelli 7. október og sá síðari í Edinborg 11. október.

Strákarnir í U17 tryggðu sér í dag sæti í milliriðlum EM þegar þeir lögðu Armena í Keflavík.  Lokatölur urðu 2 - 1 Íslendingum í vil eftir að staðan hafði verið 1 - 1 í leikhléi.  Ragnar Bragi Sveinsson og Oliver Sigurjónsson skoruðu mörk Íslands í leiknum.  Þessi úrslit þýddu jafnframt að Ísland varð í efsta sæti riðilsins.

Miðasala á leik Íslands og Portúgals í undankeppni EM gengur afar vel og fer miðunum fækkandi með hverjum deginum.  Leikurinn fer fram á Laugardalsvelli, þriðjudaginn 12. október kl. 19:45.  Þeir sem ætla að tryggja sér miða ættu að hafa hraðar hendur því flest bendir til þess uppselt verði á leikinn á næstu dögum.

Strákarnir í U17 leika lokaleik sinn í undankeppni EM í dag þegar þeir mæta Armenum í Keflavík.  Leikurinn hefst kl. 16:00 eins og leikur Tyrkja og Tékka sem fer fram í Grindavík.  Með sigri tryggir íslenska liðið sér sæti í milliriðlum en allar fjórar þjóðirnar eiga möguleika fyrir lokaumferðina.

Það var gríðarleg spenna í lokaumferðinni í Pepsi-deild karla en deildinni lauk í dag.  Þegar flautað hafði verið til leiksloka í öllum leikjum dagsins var ljóst að Breiðablik hafði tryggt sér titilinn.  Er þetta í fyrsta skiptið sem Blikar vinna Íslandsmeistaratitilinn í meistaraflokki karla.

Stelpurnar í U17 tryggðu sér í dag toppsætið í riðli sínum í undankeppni EM og þar með sæti í milliriðlum.  Þær lögðu Ítali örugglega í lokaleiknum 5 - 1 eftir að hafa leitt í leikhléi, 2 - 1.  Aldís Kara Luðvíksdóttir skoraði fjögur mörk og Telma Þrastardóttir eitt.

Skráning er þegar hafin í Íslandsmótin innanhúss 2011 en frestur til að skila inn þátttökutilkynningum er til sunnudagsins 3. október.  Leikið er eftir sama mótafyrirkomulagi og undanfarin ár en nánari upplýsingar má sjá hér að neðan sem og þátttökutilkynningu.

Stelpurnar í U17 leika við Ítali á laugardaginn og hefst leikurinn kl. 13:00 að íslenskum tíma.  Leikurinn ræður úrslitum um það hvor þjóðin hreppir efsta sætið í riðlinum og þar með öruggt sæti í milliriðlum.  Íslenska liðinu dugar jafntefli í leiknum.

Strákarnir í U17 unnu frábæran sigur á Tyrkjum í dag en leikið var á Víkingsvelli.  Lokatölur urðu 2 - 0 Íslendingum í vil eftir að staðan hafði verið markalaus í leikhléi.  Þetta var annar leikur Íslands í riðlinum og þýða þessi úrslit að riðillinn er galopinn fyrir síðustu umferðina en Tékkar og Armenar gerðu jafntefli í hinum leik riðilsins, 1 - 1.

Í dag var dregið í undankeppni EM landsliða í Futsal en Ísland tekur þar þátt í fyrsta skipti.  Ísland er í B riðli ásamt Grikklandi, Lettlandi og Armeníu.  Riðillinn verður leikinn hér á landi dagana 20. - 24. janúar 2011.

Um helgina fara fram lokaumferðirnar í Pepsi-deild karla og kvenna.  Karlarnir leika á laugardaginn en Pepsi-deild kvenna klárast á sunnudaginn með fjórum leikjum en einn leikur fer fram í dag, föstudag.

Þrjú félög eiga möguleika á að hampa titlinum í karlaflokki en hjá konunum stendur baráttan um annað sætið sem og baráttu þriggja félaga um fallið.

Valur og Breiðablik léku bæði fyrri leiki sína í Meistaradeild UEFA kvenna í gær og biðu bæði lægri hlut.  Blikar töpuðu heima gegn franska liðinu Juvisy Essonne og Valur tapaði ytra gegn spænska liðinu Rayo Vallecano.  Báðir leikirnir enduðu sem sömu markatölu, 3 - 0.

Í dag verður dregið í undankeppni EM í Futsal en Ísland verður í fyrsta skiptið á meðal þátttakenda.  Undanriðlarnir fara fram dagana 20. - 24. janúar 2011 og hefur Ísland verið valið sem gestgjafar eins riðils.

Strákarnir í U17 leika sinn annan leik í undankeppni EM í dag þegar þeir mæta Tyrkjum.  Leikurinn fer fram á Víkingsvelli og hefst kl. 16:00.  Hinn leikurinn í riðlinum er á milli Tékka og Armena og fer sá leikur fram á Akranesvelli kl. 13:30.

Í dag hófst miðasala á leik Íslands og Skotlands en þetta er fyrri leikurinn í umspili um sæti í úrslitakeppni U21 karla.  Leikurinn fer fram á Laugardalsvelli, fimmtudaginn 7. október og hefst kl. 19:00.  Miðaverð er 1.000 krónur fyrir fullorðna en frítt er inn fyrir börn 16 ára og yngri.  Ekki er selt í númeruð sæti og því frjálst sætaval.

Íslandsleikar Special Olympics í frjálsum íþróttum og knattspyrnu verða haldnir laugardaginn 25. september n.k. í Kaplakrika í Hafnarfirði en leikarnir eru haldnir í samvinnu við frjálsíþróttadeild og knattspyrnudeild FH.

Bæði Breiðablik og Valur verða í eldlínunni í dag þegar þau leika fyrri leiki sína í 32 liða úrslitum Meistaradeildar kvenna.  Breiðablik tekur á móti franska liðinu Juvisy Essonne á Kópavogsvelli og hefst leikurinn kl. 16:00.  Valstúlkur mæta spænska liðinu Rayo Vallecano ytra og hefst leikurinn kl. 18:00 að íslenskum tíma.

Bryndís Sigurðardóttir hefur verið tilnefnd af UEFA sem einn af aðstoðardómurum í undankeppni EM hjá U17 kvenna en riðillinn er leikinn í Rússlandi dagana 26. sept. - 1. október.  Þetta er fyrsta verkefni Bryndísar á erlendri grundu síðan hún varð FIFA - aðstoðardómari.

Landslið Íslands, skipað leikmönnum undir 19 ára karla, beið lægri hlut gegn Norður Írum í gær þegar þjóðrinar mættust í vináttulandsleik á Fylkisvelli.  Lokatölur urðu 0 - 1 fyrir gestina eftir að staðan hafði verið markalaus í leikhléi.

Strákarnir í U17 töpuðu fyrsta leik sínum í undankeppni EM en tekið var á móti Tékkum á Laugardalsvelli.  Lokatölur urðu 2 - 4 Tékkum í vil en síðari hálfleikur var í meira lagi fjörugur þar sem staðan í leikhléi var markalaus.

Stelpurnar í U17 unnu öruggan sigur á heimastúlkum í dag í öðrum leiknum í undankeppni EM sem fram fer í Búlgaríu.  Lokatölur urðu 10 – 0 eftir að staðan hafði verið 4 – 0 í leikhléi.  Í hinum leik riðilsins unnu Ítalir öruggan sigur á Litháen 7 – 0 og er því framundan úrslitaleikur um efsta sæti riðilsins við Ítali á laugardaginn. 

Strákarnir í U17 karla hefja í dag, miðvikudag, leik í undankeppni EM en riðillinn fer fram hér á landi.  Fyrsti leikur Íslands verður gegn Tékkum á Laugardalsvelli og hefst hann kl. 19:15.  Fyrr um daginn, eða kl. 14:00, mætast Tyrkland og Armenía á KR velli.

Stelpurnar í U17 mæta jafnöldrum sínum frá Búlgaíu í dag en þetta er annar leikur liðsins í undankeppni EM og er leikið er við heimastúlkur.  Leikurinn hefst kl. 13:00 að íslenskum tíma og má búast við töluvert erfiðum leik í dag.

Knattspyrnusamband Íslands mótmælir harðlega ásökunum fréttastofu RÚV þess efnis að þriðjungur aðildarfélaga KSÍ mismuni börnum sem æfa knattspyrnu.  Knattspyrnuhreyfingin skapar stúlkum og drengjum jöfn tækifæri til þátttöku í knattspyrnu.

Það má segja að Einar Lars Jónsson hafi lokað hringnum í síðustu viku en þá voru tvö síðustu aðildarfélögin heimsótt með knattþrautir KSÍ.  Þetta voru stelpur úr FH og Haukum sem spreyttu sig á knattþrautunum.

Strákarnir í U17 karla hefja á morgun, miðvikudag, leik í undankeppni EM en riðillinn fer fram hér á landi.  Fyrsti leikur Íslands verður gegn Tékkum á Laugardalsvelli og hefst hann kl. 19:15.  Fyrr um daginn, eða kl. 14:00, mætast Tyrkland og Armenía á KR velli.

Gærdagurinn var upphafið af mikilli landsleikjahrinu hjá yngri landsliðum Íslands en á einni viku, 20 - 27. september, verða spilaðir átta landsleikir hjá þremur yngri landsliðum Íslands.  Þetta eru U17 karla og kvenna og U19 karla sem verða í eldlínunni í vikunni.

Endurmenntun Landbúnaðarháskóla Íslands býður upp á námskeiðsröð í grasvallarfræðum.  Námskeiðin eru í samstarfi við Knattspyrnusamband Íslands (KSÍ), Golfsamband Íslands (GSÍ), Samtök íþrótta- og golfvallastarfsmanna á Íslandi (SÍGÍ) og Íþrótta- og tómstundasvið Reykjavíkur (ÍTR)

Strákarnir í U19 biðu lægri hlut gegn Norður Írum í vináttulandsleik sem fram fór í Sandgerði í gær.  Lokatölur urðu 2 - 5 eftir að staðan hafði verið jöfn í leikhléi, 2 - 2.  Þessi lið mætast aftur í vináttulandsleik á Fylkisvelli á morgun, miðvikudag, kl. 16:00.

Um helgina varð það ljóst að Víkingur Reykjavík og Þór Akureyri munu leika í Pepsi-deild karla að ári en lokaumferð 1. deildar fór fram síðastliðinn laugardag.  Víkingar höfðu reyndar áður tryggt sér sæti í efstu deild en fengu afhentan titilinn á heimavelli eftir sigur gegn HK. 

Í kvöld hefst ráðstefna á vegum UEFA þar sem knattspyrna kvenna á Íslandi er kynnt fyrir þremur aðildarþjóðum UEFA.  Er þetta í annað skiptið á einu ári sem UEFA sér ástæðu til þess að senda hingað þjóðir til að kynna sér uppbyggingu og framþróun í knattspyrnu kvenna hér á landi og þá starfsemi sem fram fer innan KSÍ og hjá aðildarfélögum

Í framhaldi af vítaspyrnudómi í leik Stjörnunnar gegn FH þar sem Halldór Orri Björnsson tók forystuna fyrir heimamenn úr vítaspyrnu 1 - 0 spunnust miklar umræður um hvort hann hefði gerst sekur um svokallaða „gabbspyrnu“ í aðdraganda töku spyrnunnar.

Stelpurnar í U17 byrjuðu undankeppni EM af miklum krafti en leikið var gegn Litháen í dag.  Lokatölur urðu 14 - 0 eftir að staðan hafði verið 7 - 0 í leikhléi.  Riðillinn er leikinn í Búlgaríu og er næsti leikur við heimastúlkur á miðvikudaginn.

Strákarnir í U19 leika í dag vináttulandsleik gegn jafnöldrum sínum frá Norður Írlandi og fer leikurinn fram kl. 16:00.  Leikið verður á Sparisjóðsvellinum í Sandgerði en þjóðirnar mætast aftur á Fylkisvelli næstkomandi miðvikudag.

Stelpurnar í U17 verða í eldlínunni í dag þegar þær mæta Litháen í undankeppni EM.  Þetta er fyrsti leikur liðsins og er riðillinn leikinn í Búlgaríu.  Í hinum leik riðilsins í dag leika Ítalía og Búlgaría.  Þorlákur Árnason hefur tilkynnt byrjunarlið sitt en leikurinn hefst kl. 13:00 að íslenskum tíma.

Aga- og úrskurðarnefnd hefur úrskurðað í máli Hauka gegn Selfossi í 2. flokki karla sem fram fór 1. september síðastliðinn.  Í úrskurðarorðum kemur fram að úrslit leiksins skulu standa óhögguð.

Í tilefni af umræðu sem spannst í kjölfar framkvæmdar Halldórs Orra Björnssonar, leikmanns Stjörnunnar, á vítaspyrnu í leik liðsins gegn FH 16. september sl. vill Dómaranefnd KSÍ árétta eftirfarandi:

Örvar Sær Gíslason mun á laugardaginn dæma leik Bronshoj og FC Fyn í dönsku 1. deildinni.  Þetta verkefni er liður í norrænum dómaraskiptum sem hafa verið við lýði á milli knattspyrnusambandi Norðurlanda síðustu ár.

Stelpurnar í U19 kvenna rifu sig upp við fyrsta hanagal í morgun því leikið var við Úkraínu í undankeppni EM.  Þetta var síðasti leikurinn í riðlinum en báðar þessar þjóðir höfðu fyrir leikinn tryggt sér sæti í milliriðlum.  Stelpurnar okkar voru sterkari aðilinn frá byrjun og sigruðu með fjórum mörkum gegn engu.

Klara Bjartmarz, skrifstofustjóri KSÍ, verður eftirlitsmaður UEFA á leik Dana og Svía í umspili um sæti á HM kvenna 2011.  Leikið er í Vejle og má búast við hörkuviðureign á milli þessara frændþjóða.  Svíar fóru með sigur af hólmi í fyrri leiknum, 2 - 1.

Unglingadómaranámskeið verður haldið  í Fjölbrautarskólanum á Sauðárkróki  fimmtudaginn 23. september   kl. 11:20.  Um að ræða tveggja og hálfs  tíma fyrirlestur og próf viku seinna. Áhersla er lögð á knattspyrnulögin, reglugerðir í 7 mannabolta og ýmis hagnýt mál.

Ólafur Þór Guðbjörnsson, landsliðsþjálfari U19 kvenna, hefur tilkynnt byrjunarlið sitt sem mætir Úkraínu í dag.  Leikurinn er lokaleikur liðanna í riðlinum og hafa þessar þjóðir þegar tryggt sér sæti í milliriðlum en berjast nú um sigur í riðlinum.  Leikurinn hefst kl 08:30 að íslenskum tíma.

Frestur til að tilkynna þátttöku í ofangreindu móti er til og með 20. september. Ekki verður tekið við skráningum eftir þann tíma. Tilkynna ber þátttöku í fax 568 9793 eða á netfangið gulli@ksi.is.

Knattspyrnudeild Breiðabliks auglýsir eftir þjálfurum í 3. flokki karla og kvenna og 4. flokki karla og kvenna.  Um er að ræða fjölmenna flokka og því er mikil vinna í boði.  Viðkomandi verða að geta hafið störf í lok september og reynslu af þjálfun og þjálfaramenntun er æskileg.

Aðildarfélögum Knattspyrnusambandsins er bent á að opnað hefur verið fyrir umsóknir í Ferðasjóð Íþróttafélaga.  Til úthlutunar vegna ársins 2010 verða 57 milljónir króna.  Öll íþrótta- og ungmennafélög innan vébanda ÍSÍ geta sótt um í sjóðinn vegna ferða á fyrirfram skilgreind styrkhæf íþróttamót á árinu 2010. 

Gunnar Guðmundsson, landsliðsþjálfari U17 karla, hefur valið hópinn sem leikur í undankeppni EM.  Riðill Íslands fer fram hér á landi og verður leikinn dagana 22. - 27. september.  Þjóðirnar sem eru með Íslandi í riðli eru: Tékkland, Tyrkland og Armenía.

Ísland er eitt þeirra 9 landa innan UEFA sem aldrei hefur synjað félagi um þátttökuleyfi og jafnframt hafa allar leyfisumsóknir verið afgreiddar á borði leyfisráðs, þannig að aldrei hefur komið til þess að kalla þyrfti saman leyfisdóm. 

Haustið er handan við hornið með sínum föllnu og fölu laufum og það þýðir að knattþrautir KSÍ fara að renna sitt skeið á enda þetta sumarið.  Einar Lars Jónsson hefur heimsótt iðkendur í 5. flokki með knattþrautir KSÍ og hafa viðtökur verið með eindæmum góðar.

Framundan eru tveir vináttulandsleikir gegn Norður Írum hjá U19 karla.  Leikirnir fara fram hér á landi, á Sparisjóðsvellinum í Sandgerði og Fylkisvelli, dagana 20. og 22. september.  Kristinn R. Jónsson, landsliðsþjálfari U19 karla, hefur valið 22 leikmenn fyrir þessa leiki.

Mikil spenna er í Pepsi-deild karla en fjögur félög eru í baráttunni um titilinn þegar þrjár umferðir eru eftir af deildinni.  Spennan er einnig mikil á hinum enda deildarinnar og hefur þessi jafna deild skilað sér í góðri aðsókn á leikina í sumar.

Stelpurnar í U19 kvenna lögðu stöllur sínar frá Ísrael í dag í undankeppni EM en leikið er í Búlgaríu.  Lokatölur urðu 2 - 0 og komu bæði mörkin í fyrri hálfleiknum.  Katrín Ásbjörnsdóttir og Sigrún Ella Einarsdóttir skoruðu mörk Íslands.  Ísland hefur þegar tryggt sér sæti í milliriðlum.

Knattspyrnusamband Evrópu hefur samþykkt leikdaga fyrir leiki Íslands og Skotlands í umspili um sæti í úrslitakeppni EM U21 karla.  Fyrri leikurinn fer fram á Laugardalsvelli, fimmtudaginn 7. október en leiktími verður tilkynntur síðar. 

Ómar Smárason, leyfisstjóri KSÍ, og Lúðvík Georgsson, formaður leyfisráðs, sóttu á dögunum árlega UEFA-ráðstefnu um leyfismál.  Á ráðstefnunni var kynnt ný leyfisreglugerð UEFA sem nær nú einnig til reglugerðar um fjárhagslega háttvísi (Financial Fair Play).

KSÍ og Hjartaheill, landssamtök hjartasjúklinga, hafa ráðist í samstarf.  Dagana 21.-28. september nk. verður landssöfnun í formi merkjasölu þar sem Hjartaheill og KSÍ vonast eftir góðri þátttöku knattspyrnufélaga á landsvísu.

Knattspyrnusamband Íslands mun á næstu vikum halda tvö 1. stigs þjálfaranámskeið. Annars vegar er um að ræða námskeið sem haldið verður helgina 1.-3. október og hins vegar námskeið sem haldið verður helgina 8.-10. október.

Skagfirðingar tryggðu sér um helgina sigurlaunin í 3. deild karla þegar Tindastóll lagði Dalvík/Reyni í úrslitaleik.  Sauðkrækingar höfðu betur með einu marki gegn engu en leikið var á Ólafsfirði.  Bæði félögin höfðu fyrir leikinn tryggt sér sæti í 2. deild að ári.

Víkingar frá Ólafsvík fengu um helgina afhent sigurlaunin í 2. deild karla og var það gert eftir leik þeirra gegn Víði Garði.  Lokatölur urðu 3 - 1 fyrir Víkinga og þýddu þau úrslit að Víðismenn leika í 3. deild að ári.  Þegar ein umferð er enn eftir í 2. deild karla þá eru Víkingar ennþá taplausir í deildinni, hafa unnið sautján leiki og gert fjögur jafntefli.

Þann 21. september verður alþjóðlegur dagur friðar haldinn í 12. sinn.  Markmið verkefnisins er að hvetja stríðandi fylkingar um heim allan til að leggja niður vopn í einn dag.  Knattspyrnuhreyfingin um allan heim tekur þátt í þessu verkefni og tileinkar alla knattspyrnuleiki sem fram fara þennan dag baráttunni fyrir friði í heiminum

Stelpurnar í U19 leika sinn annan leik í undankeppni EM í dag þegar þær mæta Ísrael.  Leikið er í Búlgaríu og hefst leikurinn kl. 14:00 að íslenskum tíma.  Ólafur Þór Guðbjörnsson, landsliðsþjálfari, hefur tilkynnt byrjunarlið sitt í leiknum og gerir hann eina breytingu frá síðasta leik.

Stelpurnar í U19 byrjuðu undankeppni EM á góðu nótunum þegar þær lögðu Búlgaríu í dag.  Riðillinn er leikinn í Búlgaríu og voru heimastúlkur lagðar 2 - 0.  Berglind Björg Þorvaldsdóttir skoraði bæði mörk Íslands í leiknum, eitt í hvorum hálfleik.

Í dag var dregið í umspili fyrir úrslitakeppni EM U21 karla og fór drátturinn fram í Herning í Danmörku.  Íslenska liðið mætir Skotum og verður fyrri leikurinn leikinn hér heima.

Þorlákur Árnason landsliðsþjálfari hefur tilkynnt breytingu á landslið Íslands sem leikur í undankeppni EM dagana 20. - 25. september.  Elín Helena Jóhannsdóttir úr Breiðabliki hefur verið valin í hópinn.

UEFA tilkynnti í dag hvernig raðað er í styrkleikaflokka þegar dregið verður í umspilinu fyrir úrslitakeppni EM hjá U21 karla.  Dregið verður á morgun í Herning í Danmörku og hefst drátturinn kl. 10:30 að íslenskum tíma.

Í kvöld ræðst það hvaða félög munu tryggja sér sæti í 2. deild að ári en þá fara fram seinni leikir undanúrslita úrslitakeppni 3. deildar.  Tindastóll tekur á móti Árborg á Sauðárkróki og á Dalvík mætast Dalvík/Reynir og KB.  Báðir leikirnir hefjast kl. 17:15.

Íslendingar biðu lægri hlut gegn Dönum á Parken í gærkvöldi en heimamenn sigruðu 1 - 0.  Sigurmark leiksins kom þegar 90 mínútur voru liðnar af leiknum svo tæpara gat það ekki orðið.  Vonbrigði strákanna í leikslok voru gríðarleg enda átti íslenska liðið í fullu tré við Dani í leiknum, þá sérstaklega í síðari hálfleik.

Strákarnir í U21 karla tryggðu sér sæti í umspili fyrir úrslitakeppni U21 karla en hún fer fram í Danmörku á næsta ári.  Dregið verður í umspilið næstkomandi föstudag.  Ísland var með fjórða bestan árangur í öðru sæti úr riðlunum tíu.

Mótanefnd KSÍ hefur ákveðið að færa þá fimm leiki sem eru í Pepsi-deild karla nk. sunnudag fram um 30 mínútur. Er þetta gert vegna birtuskilyrða.  Eftirfarandi leikir verða því kl. 17:30.

Þorlákur Árnason landsliðsþjálfari hefur tilkynnt 18 manna hóp fyrir forkeppni EM U17 kvenna 2011.  Riðill Íslands verður leikinn í september í Búlgaríu og verða mótherjarnir, auk heimastúlkna, Litháen og Ítalía.

Ólafur Jóhannesson, þjálfari A-landsliðs karla, hefur tilkynnt byrjunarlið sitt gegn Dönum í undankeppni EM 2012 á Parken í kvöld.  Tvær breytingar eru gerðar á liðinu frá því í leiknum gegn Norðmönnum á Laugardalsvelli á föstudag.  Rúrik Gíslason og Birkri Már Sævarsson koma inn í byrjunarliðið.

Gunnar Guðmundsson, landsliðsþjálfari U17 karla, hefur valið 32 leikmenn sem munu æfa um komandi helgi.  Æfingarnar fara fram á Tungubakkavelli en framundan er riðill í undankeppni EM sem fram fer hér á landi síðar í mánuðinum.

Eyjólfur Sverrisson, landsliðsþjálfari, hefur tilkynnt byrjunarlið sitt er mætir Tékkum í dag kl. 15:00 að íslenskum tíma.  Leikurinn er síðasti leikur liðsins í undankeppni fyrir EM 2011.  Byrjunarliðið er þannig skipað:

Leikdagur er runninn upp hjá A-landsliði karla, sem mætir Dönum á Parken í Kaupmannahöfn í kvöld.  Leikurinn hefst kl. 18:15 að íslenskum tíma og er í beinni útsendingu á Stöð 2 sport.  Byrjunarliðið verður opinberað kl. 15:15 í dag.

Tvö karlalandslið Íslands, A landsliðið og U21 landsliðið, verða í eldlínunni í dag og í kvöld.  Strákarnir í U21 mæta Tékkum kl. 15:00 í lokaleik liðsins í undankeppni EM 2011.  A landsliðið leikur svo við Dani í undankeppni EM 2012 og hefst sá leikur kl. 18:15.  Báðir þessir leikir verða í beinni útsendingu á Stöð 2 Sport.

Knattspyrnudeild Íþróttafélags Reykjavíkur óskar eftir að ráða þjálfara fyrir 7. flokk kvenna. Knd ÍR starfrækir alla kvennaflokka sem í boði eru og er kvennafótboltinn í hraðri sókn. Tilvonandi þjálfari kemur til með að aðstoða við uppbyggingu kvennastarfsins og er hugsaður sem framtíðarþjálfari hjá félaginu.

Þóroddur Hjaltalín mun dæma leik Portúgals og Makedóníu í undankeppni EM hjá U21 karla en leikið verður í Portúgal  Þóroddi til aðstoðar verða þeir Ólafur Ingvar Guðfinnsson og Gunnar Sverrir Gunnarsson.  Varadómari leiksins verður Erlendur Eiríksson.

ÍBV tryggði sér sigur í 1. deild kvenna í gær þegar Eyjastúlkur lögðu Þrótt með þremur mörkum gegn einu en leikið var á Þorlákshafnarvelli.  ÍBV tryggði sér þar með sigurinn í deildinni en bæði félögin höfðu fyrir leikinn tryggt sér sæti í Pepsi-deild kvenna að ári.

Valsstúlkur tryggðu sér um helgina sigurinn í Pepsi-deild kvenna þrátt fyrir að tvær umferðir séu ennþá eftir af mótinu.  Valur vann öruggan sigur á Aftureldingu á útivelli en á meðan töpuðu helstu keppinautarnir, Breiðablik og Þór/KA, sínum leikjum og geta ekki lengur náð Valsstúlkum að stigum.

A-landslið karla er komið til Danmerkur fyrir leikinn við heimamenn í undankeppni EM 2012 á þriðjudag.  Æft var tvisvar á sunnudeginum við toppaðstæður á Tårnby Stadion, aðeins 10 mínútna akstur frá Hóteli íslenska liðsins.

Það voru Norðmenn sem höfðu betur í Laugardalnum í kvöld þegar Ísland og Noregur hófu leik í undankeppni fyrir EM 2012.  Lokatölur urðu 1 - 2 en Íslendingar leiddu í leikhléi 1 - 0.  Heiðar Helguson kom Íslendingum yfir á 38. mínútu.

Ólafur Jóhannesson, landsliðsþjálfari, hefur tilkynnt byrjunarlið sitt sem mætir Norðmönnum í undankeppni fyrir EM 2012.  Leikurinn fer fram á Laugardalsvelli og hefst núna kl. 19:00.  Hægt er að kaupa miða í miðasölu Laugardalsvallar sem og á netinu.

Sunnudaginn 5. september leika ÍBV og Þróttur til úrslita í 1. deild kvenna en þessi félög hafa þegar tryggt sér sæti í Pepsi-deild kvenna að ári.  Leikurinn fer fram á Þorlákshafnarvelli og hefst kl. 12:30.

Ísland mætir Noregi í undankeppni fyrir EM 2012 í kvöld á Laugardalsvelli og hefst leikurinn kl. 19:00.  Þetta er fyrsti leikur Íslands í þessari undankeppni en strákarnir leika svo gegn Dönum næstkomandi þriðjudag ytra. Miðasala hefst á Laugardalsvelli kl. 10:00 en hægt verður einnig að kaupa miða á netinu fram að leik.

ÍSÍ auglýsir eftir umsóknum um þjálfarastyrki fyrir tímabilið júlí – desember 2010.  Þjálfarar sem sækja sér menntun erlendis á fyrrgreindu tímabili geta sótt um styrk á þar til gerðum eyðublöðum inn á isi.is sem finna má undir „Efnisveita”.

Vert er að vekja athygli á heimasíðunni http://www.ibs.is/ en þar er hægt að senda strákunum í landsliðinu baráttukveðjur fyrir leikina gegn Noregi og Danmörku í boði Icelandair.  Þeir Benedikt Bóas Hinriksson og Elvar Geir Magnússon hafa einnig verið á ferðinni og tekið upp viðtöl og annað efni sem einnig er að finna á þessari síðu.

Að venju verður Tólfan í I hólfi á leik Íslands og Noregs sem fer fram á Laugardalsvelli á kl. 19:00.  Allir þeir sem hafa áhuga á því að hvetja sitt lið með jákvæðum hætti eru í Tólfunni og velkomnir í hópinn.

Í hálfleik á viðureign Ísland og Noregs á föstudagskvöld mun hópur barna úr Fossvogsskóla flytja nýja útgáfu á þjóðsöng Íslendinga.  Um þessar mundir er unnið að því verkefni að gefa íslenska þjóðsönginn út sem kennsluefni fyrir grunnskóla og heimili landsins. 

Ólafur Þór Guðbjörnsson, landsliðsþjálfari, hefur valið hópinn er fer til Búlgaríu til þess að leika í forkeppni fyrir EM 2011.  Auk heimastúlkna leikur Ísland þar gegn Ísrael og Úkraínu.  Leikirnir fara fram dagana 11. - 18. september.

Í hálfleik á viðureign Íslands og Noregs á föstudag munu þrír heppnir vallargestir fá tækifæri til að spreyta sig í erfiðri þraut.  Reynt verður að hitta þverslá marks af 35 metra færi, og vinningurinn ef það tekst er af glæsilegri tegundinni - ferð fyrir tvo útlanda með Icelandair!

Barna og unglingaráð Knattspyrnudeildar Keflavíkur óskar eftir þjálfara fyrir yngri flokka félagsins.  Óskað er eftir þjálfara með góða menntun og reynslu.  Umsóknir þurfa að berast fyrir 7. september.

Það var létt yfir íslenska landsliðshópnum á æfingu í Keflavík á þriðjudag.  Liðið æfði á Keflavíkurvelli við afar góðar aðstæður og greinileg tilhlökkun í mannskapnum fyrir leikinn við Noreg á föstudag.  Strákarnir vonast eftir sem flestum á leikinn og treysta á öflugan og háværan stuðning.

UEFA hefur frá og með deginum í dag, bannað svokallaða „Vuvuzelas“ lúðra á öllum leikvöngum þar sem leikir á vegum UEFA fara fram.  Á þetta bæði við um landsleiki sem og leiki félagsliða í Evrópukeppnum.

Knattþrautir KSÍ hafa verið í fullum gangi í sumar, líkt og síðasta sumar og hafa viðtökurnar verið ákaflega góðar.  Nú er farið að síga á seinni hlutann og flest aðildarfélögin hafa verið heimsótt með góðum árangri og enn betri viðtökum.

Eyjólfur Sverrisson, landsliðsþjálfari U21 karla, hefur valið hópinn sem mætir Tékkum, þriðjudaginn 7. september.  Leikurinn fer fram í Jablonec og hefst kl. 15:00 að íslenskum tíma.  Þrír nýliðar eru í hópnum að þessu sinni.

Senn líður að stórleik Íslands og Noregs fer fram á Laugardalsvelli, föstudaginn 3. september kl. 19:00.  Miðasala er í fullum gangi og um að gera fyrir knattspyrnuáhugafólk að tryggja sér miða á þennan fyrsta leik Íslendinga í undankeppni EM 2012.  Afsláttur er veittur af miðaverði ef keypt er í forsölu á netinu en forsölu lýkur fimmtudaginn 2. september.

Það verður ítalskur dómarakvartett á viðureign Íslands og Noregs á Laugardalsvelli á föstudag.  Dómarinn heitir Luca Banti.  Leikurinn hefst kl. 19:00 og er fyrstu leikur liðanna í undankeppni EM 2012.

Tilkynnt hefur verið um tvær breytingar á norska landsliðshópnum sem tilkynntur var fyrir fyrstu leiki liðsins í undankeppni EM 2012.  Þeir Per Ciljan Skjeldbred og John Carew eru meiddir og verða ekki með Norðmönnum í leikjunum gegn Íslandi og Portúgal.

KSÍ heldur VI. stigs þjálfaranámskeið í Wokefield Park í Englandi dagana 9.-16. janúar 2011.  Umsækjendur verða að hafa lokið KSÍ V þjálfaranámskeiði eða verða að taka KSÍ V þjálfaranámskeið sem haldið verður í nóvember á þessu ári.

Það er mikil spenna framundan í úrslitakeppni 3. deildar karla og 1. deildar kvenna.  Síðari leikir í 8-liða úrslitum 3. deildar fara fram á þriðjudag og síðari leikir í undanúrslitum 1. deildar kvenna fara fram á miðvikudag, og þar er sæti í Pepsi-deildinni í húfi.

Ingvar Þór Kale, markvörður Breiðabliks, hefur verið kallaður inn í landsliðshópinn fyrir leikina gegn Norðmönnum og Dönum í undankeppni EM 2012 og er hann 22. maðurinn í hópnum.  Fyrir eru markverðirnir Gunnleifur Gunnleifsson og Árni Gautur Arason. 

Stelpurnar í íslenska landsliðinu léku í dag lokaleik sinn í undankeppninni fyrir HM 2011 sem fer fram í Þýskalandi.  Íslenska liðið vann öruggan sigur með fimm mörkum gegn engu eftir að hafa leitt með tveimur mörkum í leikhléi.

Íslensku stelpurnar mæta stöllum sínum frá Eistlandi í lokaleik sínum í undankeppni fyrir HM 2011.  Ljóst er að annað sætið verður hlutskipti íslenska liðsins í riðlinum en stelpurnar engu að síður ákveðnar að ljúka keppni á sigurbraut.  Fylgst verður með leiknum á Facebook síðu KSÍ.

Þriðjudaginn 7. september leika Íslendingar við Dani í undankeppni EM 2010 á Parken í Kaupmannahöfn.  Hægt er að kaupa miða á þann leik hér á heimasíðunni en til að tryggja miða með kaupum á heimasíðu KSÍ, þarf að ganga frá pöntun í síðasta lagi föstudaginn 27. ágúst. 

Íslensku stelpurnar mæta stöllum sínum frá Eistlandi í lokaleik sínum í undankeppni fyrir HM 2011 á morgun, miðvikudaginn 25. ágúst.  Leikurinn hefst kl. 15:00 að íslenskum tíma og hefur Sigurður Ragnar Eyjólfsson, landsliðsþjálfari, tilkynnt byrjunarlið sitt og má sjá það hér að neðan.

Ólafur Jóhannesson, landsliðsþjálfari, hefur valið landsliðshópinn sem mætir Noregi á Laugardalsvelli 3. september og Danmörku ytra 7. september.  Ólafur hefur valið 21 leikmann í hópinn fyrir þessa leiki sem eru upphafið af undankeppni fyrir EM 2012.

Viðtökur hjá félögunum við knattþrautum KSÍ hafa verið frábærar líkt og í fyrra en Einar Lars er enn á ferðinni með knattþrautirnar.  Hér að neðan má sjá dagskrá næstu daga en fjölmörg félög hafa verið heimsótt og margir snjallir knattspyrnukrakkar hafa spreytt sig á þrautunum.

Um helgina varð ljóst hvaða félög mætast í úrslitakeppni 1. deildar kvenna og 3. deildar karla.  Úrslitakeppnirnar hefjast næstkomandi laugardag og er, að venju, boðið upp á hörkuviðureignir.

Þrír leikmenn íslenska kvennalandsliðsins náðu áfanga í landsleikjafjölda á árinu.  Sara Björk Gunnarsdóttir og Rakel Hönnudóttir léku sinn 25. A-landsleik og Hólmfríður Magnúsdóttir lék sinn 50. A-landsleik á árinu.  Þær voru allar heiðraðar að loknum leik Íslands og Frakklands.

Tæplega fimmtíu ungum stúlkum sem sýndu góða ástundun og góðar framfarir í knattþrautum KSÍ í sumar voru veittar viðurkenningar í hálfleik á viðureign Íslands og Frakklands í undankeppni HM 2011.  Fyrir leikinn stóðu þær heiðursvörð þegar liðin gegnu inn á völlinn og á meðan þjóðsöngurinn var leikinn. 

Íslensku stelpurnar biðu lægri hlut gegn Frökkum á Laugardalsvelli í dag.  Lokatölur urðu 0 - 1 eftir að markalaust var í leikhléi.  Þar með eru möguleikar íslenska liðsins úr sögunni um sæti á HM í Þýskalandi en franska liðið hefur tryggt sér sæti í umspili um að komast þangað.

Sigurður Ragnar Eyjólfsson, þjálfari A-landsliðs kvenna, hefur tilkynnt hvernig byrjunarliðið verður gegn Frökkum í hinum mikilvæga leik á Laugardalsvellinum á laugardag kl. 16:00. Katrín Jónsdóttir fyrirliði verður með í leiknum.

Eins og kynnt hefur verið hafa knattþrautir KSÍ staðið yfir í allt sumar hjá félögum víðs vegar um landið.  Á landsleik Íslands og Frakklands á laugardag verður tæplega fimmtíu stúlkum sem tóku þátt í knattþrautunum veitt viðurkenning fyrir frábæra ástundun og framfarið í knatttækni.

KSÍ stendur fyrir fjölskylduhátíð fyrir kvennalandsleik Íslands og Frakklands á Laugardalsvelli á laugardag.  Hátíðin hefst kl. 14:30 og því er um að gera að mæta snemma og gera sér glaðan dag, ná góðri upphitun fyrir leikinn, fá sér eins og eina pulsu, spreyta sig á boltaþrautum og hoppa og skoppa í þar til gerðum kastölum.  Leikurinn sjálfur hefst kl. 16:00.

Dregið verður í 32-liða úrslit Meistaradeildar kvenna í höfuðstöðvum UEFA í dag kl. 12:00.  Í hattinum eru tvö íslensk lið, Valur og Breiðablik.  Valur komst beint í 32-liða úrslit, en Breiðablik komst í gegnum undanriðil sem haldinn var hér á landi eins og kunnugt er.

Eins og kunnugt er mætast Ísland og Frakkland í undankeppni HM 2011 kvenna á Laugardalsvelli á laugardag.  Stelpurnar okkar komu saman til æfinga á miðvikudag og var æft á Hofstaðavelli í Garðabæ.  Mikil eftirvænting er í hópnum og leikmenn hlakka til verkefnisins.

Aga- og úrskurðarnefnd KSÍ hefur tekið fyrir mál Umf. Neista Djúpavogi gegn Umf. Langnesinga á Þórshöfn.  Kærandi taldi að kærði hefði teflt fram ölöglegum leikmanni í viðureign liðanna í Íslandsmóti 5. flokks karla.

Hér að neðan má sjá dagskrá Knattþrauta KSÍ næstu vikur.  Einar Lars, sem sér um þrautirnar, verður á ferðinni að venju.  Einhver félög eiga eftir að bóka tíma, en það skýrist nánar í þessari viku.  Á meðal áfangastaða að þessu sinni eru Þorlákshöfn, Kópavogur og Mosfellsbær.

Fyrsti útileikur Íslands í undankeppni EM 2010 er gegn frændum vorum Dönum.  Leikið verður á hinum fræga Parken í Kaupmannahöfn og fer leikurinn fram þriðjudaginn 7. september.

Hægt er að kaupa miða hér á þennan leik. 

Ísland og Frakkland mætast á laugardalsvelli á laugardag kl. 16:00 í toppslag riðilsins í undankeppni HM 2011.  Þýskt dómaratríó verður á leiknum, Hvít-rússneskur eftirlitsmaður og tékkneskur dómaraeftirlitsmaður.  Fjórði dómarinn er hins vegar íslenskur.

Það verður íslenskur dómarakvartett að störfum í Evrópudeild UEFA á fimmtudag, á leik FC BATE Borisov frá Hvíta-Rússlandi og portúgalska liðsins CS Marítimo.  Dómari leiksins verður Kristinn Jakobsson.

Einar Lars hefur verið á ferð og flugi um landið síðustu daga með knattþrautir KSÍ.  Þátttaka hefur verið afar góð og hafa krakkarnir skemmt sér konunglega.  Í þessum túr var farið á Sauðárkrók, Húsavík, Akureyri, Ólafsfjörð, Grenivík og Snæfellsnes.

Eins og kynnt hefur verið réðust Keflvíkingar í það metnaðarfulla verkefni að halda undanriðil í Evrópukeppni Futsal (UEFA Futsal Cup).  Af þessu tilefni komu tveir fulltrúar UEFA sem sjá um útbreiðslu Futsal til landsins og héldu kynningarfund um Futsal. 

Keflvíkingar töpuðu stórt öðrum leik sínum í Evrópukeppninni í Futsal, sem fram fór á Ásvöllum í Hafnarfirði á sunnudag.  Lokatölur 5-17 fyrir KBU France.  Keflavík komst þó í 2-0, en þá tóku Frakkarnir öll völd á leiknum og röðuðu inn mörkum. Staðan 2-10 í hálfleik. 

Keppni í G riðli undankeppni Evrópukeppninnar í Futsal (Futsal Cup) hófst í gær á Ásvöllum með tveimur leikjum.  Keflvíkingar urðu fyrsta íslenska liðið til að vinna Evrópusigur í Futsal þegar þeir lögðu sænska liðið í Vimmerby, 10 - 6.  Keflvíkingar mæta í dag, sunnudag, franska liðinu KB France.

FH-ingar tryggðu sér í dag annan bikarmeistaratitilinn í sögu félagsins með fjögurra marka sigri á KR á Laugardalsvellinum að viðstöddum 5.438 áhorfendum.  Fyrstu tvö mörk leiksins komu úr vítaspyrnum, báðar í fyrri hálfleik.

Íslenska kvennalandsliðið er í 16. sæti á styrkleikalista FIFA sem gefinn var út í dag.  Listinn er gefinn út á þriggja mánaða fresti og hefur Ísland hækkað um tvö sæti frá því listinn var síðast gefinn út.

FH og KR mætast í úrslitaleik VISA-bikarsins á laugardag, í leik þar sem aðsóknarmet að bikarúrslitaleik gæti verið slegið.  Metið var sett árið 1999 þegar ÍA og KR mættust á Laugardalsvellinum og 7.401 áhorfandi mætti á völlinn. 

Úrtökumót drengja 2010 fer fram að Laugarvatni dagana 20.-22. ágúst næstkomandi.  Á sjöunda tug drengja hafa verið boðaðir á úrtökumótið, allir fæddir 1995, og koma þeir frá félögum víðs vegar af landinu.

Úrslitaleikir VISA-bikarsins fara fram á Laugardalsvelli um helgina.  Úrslitaleikur karla verður á laugardag kl. 18:00 og úrslitaleikur kvenna á sunnudag kl. 16:00.  Mikil spenna er fyrir báða leikina og von á góðri aðsókn.

Handhafar A-passa frá KSÍ fá aðgöngumiða á úrslitaleik VISA-bikarsins milli FH og KR afhenta föstudaginn 12. ágúst frá kl. 09:00 - 16:00. Miðarnir verða afhentir á skrifstofu KSÍ gegn framvísun skírteinis.  Leikurinn fer fram á Laugardalsvelli laugardaginn 14. ágúst og hefst kl. 18:00.

Laugardaginn 14. ágúst hefja Keflvíkingar þátttöku sína í Evrópukeppninni í Futsal (Futsal Cup) og verður riðill Keflavíkur leikinn á Ásvöllum í Hafnarfirði.  Fyrsti leikur Keflavíkur er gegn Vimmerby frá Svíþjóð og hefst hann kl. 17:30 en á undan leika CF Eindhoven frá Frakklandi og KBU France frá Frakklandi og hefst þeirra leikur kl. 15:00.

Ísland og Liechtenstein mættust í vináttulandsleik á Laugardalsvellinum í kvöld.  Leikurinn var heldur bragðdaufur og niðurstaðan 1-1- jafntefli.  Þetta var síðasti leikur íslenska liðsins fyrir undankeppni EM 2012, sem hefst með heimaleik við Norðmenn 3. september.

Það var engu líkara en vel á fjórða þúsund áhorfendur leiksins væri að dreyma þegar þeir litu á markatöfluna í Kaplakrika í dag að loknum leik U21 landsliða Íslands og Þýskalands.  Strákarnir okkar unnu þar ótrúlegan en verðskuldaðan 4-1 sigur á ríkjandi Evrópumeisturunum og slógu þá þar með út úr keppninni. 

Byrjunarlið U21 landsliðs karla gegn Þýskalandi hefur verið tilkynnt, en liðin mætast í Kaplakrika í dag og hefst leikurinn kl. 16:15.  Eyjólfur Sverrisson stillir upp í 4-5-1 / 4-3-3 eins og hann hefur gert lengst af í keppninni.

Ólafur Jóhannesson landsliðsþjálfari hefur tilkynnt byrjunarlið Íslands gegn Liechtenstein, en liðin mætast í vináttuleik á Laugardalvellinum í kvöld og hefst hann kl. 19:30.  Uppstillingin er nokkuð hefðbundin, 4-5-1 / 4-3-3.

Ísland situr áfram í 79. sæti á lítið breyttum styrkleikalista FIFA fyrir karlalandslið, sem gefinn var út í dag.  Mjög lítið er um breytinga rá listanum, enda afar fáir leikir sem fara fram í mánuðinum eftir úrslitakeppni HM.

Strákarnir í U17 luku leik á Norðurlandamótinu sem fram fór í Finnlandi með því að leggja Skota í leik um 5. sætið.  Eftir venjulegan leiktíma var staðan 1 - 1 og jafnaði Hjörtur Hermannsson úr vítaspyrnu þegar skammt var eftir af leiknum. 

Steinþór Freyr Þorsteinsson hefur dregið sig út úr landsliðshópnum fyrir vináttulandsleikinn við Liechtenstein á miðvikudag vegna meiðsla.  Í hans stað hefur Ólafur Jóhannesson landsliðsþjálfari valið Ólaf Pál Snorrason.

Strákarnir í U17 tókust á við Englendinga í dag en þetta var lokaleikur liðsins í riðlakepni Norðurlandamótsins sem fram fer í Finnlandi.  Lokatölur urðu 2 - 1 Englendingum í vil og kom sigurmark þeirra á lokasekúndum í uppbótartíma leiksins.

Ákveðinn hefur verið nýr leiktími á úrslitaleik VISA bikars karla en þar mætast FH og KR á Laugardalsvelli, laugardaginn 14. ágúst.  Leikurinn hefst kl. 18:00 en ekki kl. 14:00 eins og áður var áætlað.

Í tengslum við úrslitaleiki í VISA bikarkeppni karla og kvenna mun Knattspyrnuþjálfarafélag Íslands í samstarfi við Knattspyrnusamband Íslands standa fyrir ráðstefnu.  Undanfarin ár hafa þessir viðburðir verið afar vel sóttir af þjálfurum.  Í ár verður ráðstefnan haldin sameiginleg á laugardaginn 14. ágúst í húsakynnum KSÍ í Laugardal.   Ráðstefnan er öllum opin.

Blikastúlkur standa í stórræðum næstu daga því hér á landi fer fram riðill þeirra í forkeppni Meistaradeildar kvenna og fara fyrstu leikirnir fram í dag á Kópavogsvelli.  Blikar mæta Levadia Tallinn frá Eistlandi kl. 18:00 en á undan leika Juvisy Essone frá Frakklandi og Targu Mures frá Rúmeníu kl. 15:00.

Það er sannkallaður risaslagur sem boðið er uppá þegar FH og KR mætast í úrslitaleik VISA bikars karla.  Leikurinn fer fram á Laugardalsvelli, laugardaginn 14. ágúst og hefst kl. 18:00.  Það er jafnan mikið fjör á vellinum þegar þessi félög mætast.  Ekki er síður mikil stemning utan vallar enda eru bæði þessi félög ákaflega vel studd í sínum leikjum.

Strákarnir í U17 mæta gestgjöfum Finna á Norðurlandamótinu í dag og hefst leikurinn kl. 15:30.  Þetta er annar leikur strákanna á mótinu en þeir biðu lægri hlut gegn Dönum í gær, 3 - 0, eftir að staðan hafði verið markalaus í leikhléi.

Knattþrautir KSÍ eru komnar á fullt eftir stutt hlé í síðustu viku.  Einar Lars er nú á Norðurlandi og leyfir hressum knattspyrnukrökkum í 5. flokki að spreyta sig á þrautunum.  Hér að neðan má sjá dagskrá næstu daga.

Eyjólfur Sverrisson, landsliðsþjálfari U21 karla, hefur valið hóp sinn er mætir Þjóðverjum í undankeppni fyrir EM 2011.  Leikurinn fer fram á Kaplakrikavelli, miðvikudaginn 11. ágúst kl. 16:15.

Íslensku stelpurnar mæta þeim frönsku í undankeppni fyrir HM 2011 en leikurinn fer fram á Laugardalsvellinum, laugardaginn 21. ágúst kl. 16:00. Þetta er síðasti heimaleikur Íslands í undankeppninni og sá mikilvægasti til þessa því góður sigur fleytir íslenska liðinu í efsta sæti riðilsins.  Miðasala á þennan leik var opnuð í dag

Strákarnir í U17 hefja leik í dag á Norðurlandamótinu sem fram fer í Finnlandi.  Fyrstu mótherjar Íslendinga verða Danir og hefst leikurinn kl. 15:30 að íslenskum tíma.  Gunnar Guðmundsson, landsliðsþjálfari, hefur tilkynnt byrjunarlið sitt í leiknum í dag.

Í gærkvöldi varð ljóst að það verða KR sem mæta FH í úrslitum VISA bikars karla en úrslitaleikurinn sjálfur fer fram á Laugardalsvelli, laugardaginn 14. ágúst.  KR lagði fram af velli í undanúrslitunum en FH bar sigurorð af Víkingi Ólafsvík.

Hans-Peter Zaugg, landsliðsþjálfari Liechtenstein, hefur tilkynnt landsliðshóp sinn er mætir Íslendingum í vináttulandsleik á Laugardalsvelli, 11. ágúst næstkomandi.  Þetta er síðasti undirbúningsleikur íslenska liðsins áður en undankeppni EM 2012 en þar hefja Íslendingar leik gegn Noregi.

Laugardaginn 31. júlí lokar félagaskiptaglugginn og frá og með 1. ágúst eru öll félagaskipti, innanlands og til landsins, óheimil.  Fullfrágengin félagaskipti innanlands þurfa að hafa borist skrifstofu KSÍ fyrir miðnætti, laugardaginn 31. júlí.  Forráðamönnum félaga er sérstaklega bent á að vera tímanlega ef reyna á að fá félagaskipti erlendis frá.

Fjölmargir leikir eru á dagskránni í kvöld og þ.á.m. er heil umferð í 1. deild karla.  Á leik HK og Gróttu á Kópavogsvelli verður norskur dómari við stjórnvölinn en hann heitir Håvard Hakestad.  Er þetta hluti af samstarfi knattspyrnusambanda Norðurlandanna um dómaraskipti.

Egil Olsen, landsliðsþjálfari Noregs, hefur tilkynnt leikmannahópinn er mætir Frökkum í vináttulandsleik, miðvikudaginn 11. ágúst í Noregi.  Norðmenn eru sem kunnugt er, fyrstu mótherjar okkar Íslendinga í undankeppni fyrir EM 2012.  Íslendingar mæta Liechtenstein í vináttulandsleik á Laugardalsvelli sama dag.

Tveir stórleikir eru framundan í undanúrslitum VISA bikars karla.  Á Kaplakrikavelli, á morgun miðvikudaginn 28. júlí, mætast FH og Víkingur Ólafsvík.  Hinn leikurinn fer fram á KR velli, fimmtudaginn 29. júlí, en þá taka KR á móti Fram.  Báðir leikirnir hefjast kl. 19:15.

Kristinn Jakobsson verður í eldlínunni í dag en þá dæmari hann leik PFC Lovech frá Búlgaríu og MSK Zilina frá Slóvakíu í Meistaradeild UEFA og verður leikið í Lovech í Búlgaríu.  Kristni til aðstoðar verða þeir Sigurður Óli Þorleifsson og Jóhann Gunnar Guðmundsson.  Varadómari er Erlendur Eiríksson.

Þessa vikuna eru knattþrautir KSÍ ekki á ferðinni en Einar Lars tekur upp þráðinn að nýju strax eftir helgi og heimsækir nokkur félög á Norðurlandi í næstu viku en dagskrá vikunnar er hér að neðan.

UEFA hefur nú hrundið af stað metnaðarfullri áætlun um þjálfun og menntun knattspyrnudómara framtíðarinnar (25 – 30 ára). Í þeim tilgangi hefur verið komið á fót “menntasetri” knattspyrnudómara í höfuðstöðvum samtakanna í Nyon í Sviss.

Landsliðskonurnar Katrín Ómarsdóttir og Þóra B. Helgadóttir voru á ferðinni í vikunni en þá heimsóttu þær knattspyrnustelpur á Austur- og Norðausturlandi.  Þær héldu fyrirlestra, stjórnuðu æfingum og ræddu við stelpurnar um boltann og annað sem bar á góma.

Strákarnir í U18 biðu lægri hlut gegn jafnöldrum sínum frá Noregi í dag en leikurinn var síðasti leikur liðanna í Svíþjóðarmótinu.  Lokatölur urðu 2 - 0 Norðmönnum í vil eftir að þeir höfðu leitt með einu marki í leikhléi.

KSÍ hefur gefið út bækling sem hefur að geyma leiðbeinandi upplýsingar um byggingu knattspyrnuleikvanga á Íslandi.  Bæklingurinn hefur þegar verið sendur til aðildarfélaga KSÍ en þeir sem hafa áhuga á að nálgast hann geta séð hann hér að neðan eða haft samband við skrifstofu KSÍ.

Hér má sjá viðtal við Heimi Guðjónsson en viðtalið er hluti af endurmenntun fræðsludeildar KSÍ.

Strákarnir í U18 karla mæta Svíum í dag í öðrum leik sínum á Svíþjóðarmótinu sem fram fer þessa dagana.  Íslendingar lögðu Wales í fyrsta leiknum, 2 -1 en Svíar gerðu markalaust jafntefli gegn Norðmönnum.  Kristinn R. Jónsson, landsliðsþjálfari, hefur tilkynnt byrjunarlið sitt fyrir leikinn í dag sem hefst kl. 17:00 að íslenskum tíma.

Hér á síðunni er hægt að sjá hvaða knattspyrnuskólar aðildarfélaga KSÍ hafa fengið gæðavottorð KSÍ og UEFA.  Það er útbreiðslunefnd sem að sér um úthlutun og eftirlit þessara gæðavottorða.  Einnig er að finna hvaða félög þurfa að gera til þess að knattspyrnuskólar þeirra fái slíkt gæðavottorð.

Fyrsti útileikur Íslands í undankeppni fyrir EM 2012 verður gegn Dönum, þriðjudaginn 7. september, á Parken.  Það er jafnan einstök stemning sem fylgir landsleikjum á Parken og margir Íslendingar sem hafa áhuga á að sjá okkar stráka eiga við Dani.

FH leikur seinni leik sinn í annarri umferð forkeppni Meistaradeildar Evrópu í kvöld þegar þeir taka á móti Bate Borisov frá Hvíta Rússlandi.  Leikurinn fer fram á Kaplakrikavelli og hefst kl. 19:15.

Aga- og úrskurðarnefnd hefur tekið fyrir kæru Keflavíkur gegn Njarðvík vegna leiks félaganna í eldri flokki karla sem fram fór 10. júní síðastliðinn.  Í úrskurðarorðum kemur fram að Keflavík er dæmur 0 - 3 sigur í leiknum og Njarðvík dæmt í 5.000 króna sekt.

Gunnar Guðmundsson, landsliðsþjálfari U17 karla, hefur valið hópinn er leikur á Norðurlandamótinu sem fram fer í Finnlandi dagana 1. - 9. ágúst.  Liðið er í riðli með Dönum, Finnum og Englendingum en einnig verður leikið um sæti á mótinu.

Strákarnir í U18 landsliðinu hefja í dag leik á Svíþjóðarmótinu þegar þeir mæta Wales og hefst leikurinn kl. 14:30 að íslenskum tíma.  Leikið er á Laholm vellinum í Halland en auk þessara þjóða leika einnig Svíþjóð og Noregur og hefst þeirra leikur kl. 17:00.

Knattþrautirnar rúlla á fullri ferð við frábærar viðtökur en Einar Lars heimsækir nokkur Reykjavíkurfélög í vikunni.  Einar heimsótti Vestfirði og Vesturland í síðustu viku.  Þar var hann í frábæru veðri og fékk jafnvel enn betri móttökur.

Handhafar A-passa frá KSÍ fá aðgöngumiða á leikinn Breiðablik - Motherwell afhenta þriðjudaginn 20. júlí frá kl. 13:00 - 15:00. Miðarnir verða afhentir í afgreiðslu Smárans gegn framvísun skírteinis. 

KSÍ heldur VI. stigs þjálfaranámskeið í Wokefield Park, Englandi dagana 9.-16. janúar 2011.  Reiknað er með að fleiri þjálfarar sæki um námskeiðið en hægt er að taka inn. Umsækjendur verða að hafa lokið KSÍ V þjálfaranámskeiði eða verða að taka KSÍ V þjálfaranámskeið sem haldið verður í nóvember á þessu ári.

Landsliðskonurnar Katrín Ómarsdóttir og Þóra B. Helgadóttir munu heimsækja nokkur bæjarfélög á norðaustur- og austurlandi dagana 20.-23. júlí og stýra þar æfingum fyrir ungar knattspyrnustelpur.

Þorlákur Árnason og Ólafur Þór Guðbjörnsson, landsliðsþjálfarar U17 og U19 kvenna, hafa valið hópa sína fyrir vináttulandsleiki gegn Færeyjum sem fara fram 24. og 25. júlí næstkomandi.  Leikið verður ytra og fara leikirnir fram í Klaksvík og Fuglafirði.

Íslensk félög verða í eldlínunni í kvöld en bæði KR og Breiðablik leika fyrri leiki sína í annarri umferð undakeppni Evrópudeildar UEFA.  KR mætir Karpaty frá Úkraínu á KR vellinum og hefst leikurinn kl. 19:15.  Breiðablik leikur sinn fyrsta Evrópuleik í karlaflokki í kvöld þegar þeir leika gegn skoska liðinu Motherwell á Fir Park.  Leikurinn hefst kl. 18:45 að íslenskum tíma.

Hér má sjá hvaða knattspyrnuskólar aðildarfélaga okkar hafa fengið gæðavottorð KSÍ og UEFA en útbreiðslunefnd KSÍ sér um úthlutun og eftirliti með þessum gæðavottorðum.

Íslandsmeistarar FH hefja leik í Meistaradeild UEFA í dag þegar þeir mæta Bate Borisov frá Hvíta Rússlandi á Gorodskoi vellinum í Borisov.  Leikurinn hefst kl. 16:00 að íslenskum tíma en síðari leikurinn verður á Kaplakrika 21. júlí.

Íslenska karlalandsliðið fer upp um 11 sæti á nýjum styrkleikalista FIFA sem gefinn var út í dag.  Ísland er nú í 79. sæti listans.  Nýkrýndir heimsmeistarar Spánverja eru í efsta sætinu og mótherjar þeirra í úrslitaleik HM, Hollendingar, eru í öðru sæti.

Eftir að dregið hafði verið í undanúrslitum VISA bikarsins í dag fór hinn ljóðmælti, Dagur Sveinn Dagbjartsson, á stúfana og fékk viðbrögð við drættinum.  Hér má sjá viðtal við Ólaf Þór Guðbjörnsson, þjálfara kvennaliðs Stjörnunnar.

Eftir að dregið hafði verið í undanúrslitum VISA bikarsins í dag fór hinn ljóðmælti, Dagur Sveinn Dagbjartsson, á stúfana og fékk viðbrögð við drættinum.  Hér má sjá viðtal við Brynjar Gauta Guðjónsson fyrirliða Víkings Ólafsvíkur.

RÚV kynnti í dag hverjir hefðu skarað fram úr í fyrri helmingi Pepsi-deildar kvenna.  Besti þjálfari umferða 1-9 var Freyr Alexandersson hjá Val, besti leikmaðurinn Mateja Zver hjá Þór/KA og Valsmærin Dagný Brynjarsdóttir var valin efnilegasti leikmaðurinn.

Í dag var dregið í undanúrslitum VISA bikars karla og kvenna og fór drátturinn fram í höfuðstöðvum KSÍ.  Hjá konunum fá Íslands- og bikarmeistarar Vals Þór/KA í heimsókn og ÍBV tekur á móti Stjörnunni.  Hjá körlunum verður Reykjavíkurslagur í Vesturbænum þegar KR tekur á móti Fram og Íslandsmeistarar FH taka á móti 2. deildarliði Víkings Ólafsvíkur.

Í dag hófst miðasala á leik Íslands og Noregs en þetta er fyrsti leikur Íslands í undankeppni fyrir EM 2012.  Leikurinn fer fram föstudaginn 3. september á Laugardalsvelli og hefst kl. 19:00.  Miðasala fer fram, sem fyrr, í gegnum miðasölukerfi hjá midi.is.

Kristinn Rúnar Jónsson, landsliðsþjálfari U18 karla, hefur valið hóp til að leika á Svíþjóðarmótinu sem leikið verður dagana 20. - 24. júlí.  Mótherjar Íslands í þessu móti eru, auk heimamanna, Noregur og Wales.

Í hádeginu í dag verður dregið í undanúrslitum karla og kvenna og fer drátturinn fram í höfuðstöðvum KSÍ.  Dregið verður bæði hjá körlum og konum og verða félögin sett í skálina góðu kl. 12:00.

Í kvöld kemur í ljós hvaða félög leika í undanúrslitum VISA bikars karla en þrír leikir fara þá fram í kvöld 8 liða úrslitum.  KR tekur á móti Þrótti, Fram og Valur mætast á Laugardalsvellinum og í Ólafsvík taka heimamenn á móti Stjörnunni.  Leikirnir á KR vellinum og Laugardalsvellinum hefjast kl. 19:15. en leikurinn í Ólafsvík hefst kl. 20:00

Knattþrautir KSÍ fara viðreist um landið og í síðustu viku var Einar Lars á Austurlandi og heimsótti iðkendur í 5. flokki.  Einar ferðaðist um 1400 kílómetra á fjórum dögum í þessum heimsóknum og var vel tekið.

Íslensku stelpurnar í U17 ára landsliðinu töpuðu í dag naumlega fyrir Noregi 2:1 í Norðurlandamótinu í knattspyrnu og enduðu því í 4. sæti mótsins. Noregur varð með sigrinum Norðurlandsmeistari þar sem tvö gestalið kepptu um sigurinn en þar bar Bandaríkin sigurorð af Þjóðverjum 2:0.

Leyfisstjóri hefur fundað með 11 af 12 félögum í Pepsi-deild karla á fyrstu tveimur mánuðum keppnistímabilsins. Þessir fundir eru haldnir með það fyrir augum að tryggja að félögin uppfylli skilyrði um hæfni starfsmanna sem bera ábyrgð á þjónustu við fjölmiðla og málum tengdum öryggi og gæslu.

Þorlákur Árnason, þjálfari U17 landsliðs kvenna, hefur tilkynnt byrjunarlið Íslands, sem mætir Noregi í leik um þriðja sætið á  Opna Norðurlandamótinu í dag.  Mótið fer fram í Danmörku og hefst leikurinn kl. 12:30 að íslenskum tíma.

Nú er keppni í Pepsi-deild karla liðlega hálfnuð, því 11. umferð var leikin í gær að undanskildum leik Fylkis og KR sem var frestað vegna þátttöku liðanna í Evrópudeild UEFA.  Aðsóknin á leikina hefur verið með besta móti en á leikina 65 hafa 77.794 áhorfendur mætt á leikina til þess sem gerir 1.200 áhorfendur að meðaltali á hvern leik.

Átta liða úrslit VISA bikars kvenna fara fram í dag og í kvöld en fyrsti leikurinn hefst kl. 16:00 í Vestmannaeyjum þegar að 1. deildarlið ÍBV tekur á móti Haukum.  Aðrir leikir hefjast kl. 19:15 en þá tekur Stjarnan á móti Grindavík, FH tekur á móti Þór/KA og Fylkir fær Íslands- og bikarmeistara Vals í heimsókn.

Íslenska unglingalandsliðið, U17 vann í kvöld verðskuldaðan 3:2 sigur á Svíum í síðasta leik liðanna í riðlinum á Opna Norðurlandamótinu sem haldið er í Danmörku. Ísland spilar því um þriðja sætið á mótinu gegn Noregi á laugardag og geta með sigri orðið Norðurlandameistarar þar sem USA og Þýskaland leika úrslitaleikinn, en þær þjóðir eru báðar gestaþjóðir á mótinu.

KR tryggði sér þátttökurétt í annarri umferð forkeppni Evrópudeildar UEFA þegar liðið gerði jafntefli á útivelli gegn Glentoran frá Norður Írlandi.  Lokatölur urðu 2 - 2 en KR vann heimaleikinn örugglega, 3 - 0.  Fylkismenn eru hinsvegar fallnir úr leik eftir 1 - 3 tap fyrir Torpedo frá Hvíta Rússlandi

Þorlákur Árnason, þjálfari U17 landsliðs kvenna, hefur tilkynnt byrjunarlið Íslands, sem mætir Svíum í Opna Norðurlandamótinu í dag.  Mótið fer fram í Danmörku og hefst leikurinn kl. 17:00 að íslenskum tíma.

U17 ára lið Íslands í knattspyrnu kvenna tapaði í dag naumlega fyrir Þjóðverjum 1:0 á Norðurlandamótinu í knattspyrnu sem haldið er í Danmörku. Íslensku stelpurnar geta þrátt fyrir það verið stoltar af frammistöðu sinni í leiknum en þær sýndu aga, baráttu og sterka liðsheild.

Dregið hefur verið í riðla í Futsal-bikar UEFA og eru Keflvíkingar, ríkjandi Íslandsmeistarar í Futsal, gestgjafar í G-riðli forkeppninnar.  Riðillinn er fjögurra liða og fer fram á tímabilinu 14. til 22. ágúst.  Liðin í riðlinum koma úr fjórum styrkleikaflokkum.

Seinni leikir Fylkis og KR í forkeppni Evrópudeildar UEFA fara fram á fimmtudag.  Fylkir leikur gegn Torpedo Zhodino á Laugardalsvelli og hefst sá leikur kl. 19:00.  KR-ingar mæta Glentoran á The Oval í Belfast og hefst sá leikur kl. 18:30 að íslenskum tíma.

Þorlákur Árnason, þjálfari U17 landsliðs kvenna, hefur tilkynnt byrjunarlið Íslands, sem mætir Þjóðverjum í Opna Norðurlandamótinu í dag.  Mótið fer fram í Danmörku og hefst leikurinn kl. 17:30 að íslenskum tíma.

U17 landslið kvenna leikur um þessar mundir í Norðurlandamótinu, sem fram fer í Danmörku að þessu sinni.  Stelpurnar unnu góðan 1-0 sigur á Finnum í fyrsta leik og Íris Eysteinsdóttir tók viðtal við þjálfarann, Þorlák Árnason, að leik loknum.

Stelpurnar í U17 unnu sigur í sínum fyrsta leik á Norðurlandamótinu sem hófst í dag í Svíþjóð.  Lokatölur urðu 1-0 íslensku stelpunum í vil og leiddu þær eftir fyrri hálfleikinn.  Á morgun verður leikið við Þýskaland.  Það var Íris Björk Eysteinsdóttir sem sendi okkur eftirfarandi umsögn um leikinn.

Þorlákur Árnason, landsliðsþjálfari U17 kvenna, hefur tilkynnt byrjunarlið sitt er mætir Finnum í fyrsta leik liðsins á Norðurlandamótinu sem fram fer í Danmörku.  Leikurinn í dag hefst kl. 15:00 að íslenskum tíma.

Í þessari viku mun Einar Lars Jónsson fara um Austfirði og heimsækja þar aðildarfélög með knattþrautir KSÍ í farteskinu.  Einar hefur ferðalagið í dag þegar hann heimsækir Hött á Egilsstöðum en dagskrá næstu daga má sjá hér að neðan.

Tvö íslensk félagslið voru í eldlínunni í Evrópudeild UEFA í gær en þá fóru fram fyrri leikir í fyrstu umferð undakeppninni.  KR vann góðan 3 - 0 sigur á Glentoran frá Norður Írlandi á heimavelli en leikið var á KR velli.  Fylkir beið hinsvegar lægri hlut með sömu markatölu fyrir Torpedo frá Hvíta Rússlandi en leikið var ytra.

KSÍ hefur sett á laggirnar opinbera Facebook-síðu sína, sem verður með svolítið öðruvísi sniði en vefur sambandsins, ksi.is.  Á Facebook-síðunni (KSÍ - Knattspyrnusamband Íslands) er póstað ýmsu áhugaverðu efni tengdu íslenskri knattspyrnu.

Vegna þátttöku Fylkis í Evrópudeild UEFA hefur neðangreindur leikur verið færður aftur um einn dag.

Fylkir og KR verða bæði í eldlínunni á morgun, fimmtudaginn 1. júlí, þegar þau leika í fyrstu umferð Evrópudeildar UEFA.  Fylkir leikur á útivelli gegn Torpedo Zhodino frá Hvíta Rússlandi og hefst leikurinn kl. 15:30 að íslenskum tíma.  KR leika hinsvegar á heimavelli sínum gegn Glentoran frá Norður Írlandi og hefst sá leikur kl. 19:15.

Búið er að ákveða leikdaga í 8 liða úrslitum VISA bikars karla en leikur FH og KA hefur verið færður framar vegna þátttöku FH í Meistaradeild Evrópu.  Sá leikur fer fram fimmtudaginn 1. júlí kl. 18:00 en aðrir leikir umferðarinnar eru mánudaginn 12. júlí kl. 19:15.

Eins og alþjóð veit stendur nú yfir úrslitakeppni HM í knattspyrnu í Suður-Afríku.  Landsmenn eru límdir við skjáinn.  Börnin fara ekki varhluta af þessu HM-æði frekar en aðrir.

Í dag var dregið í 8 liða úrslitum VISA bikars kvenna en þar hafa Valsstúlkur titil að verja.  Þær eiga erfiðan leik fyrir höndum þar sem þær halda upp í Árbæ og leika þar við Fylki.  Það var Dagur Sveinn Dagbjartsson sem ræddi við fyrirliða bikarmeistaranna, Katrínu Jónsdóttur, eftir að dregið hafði verið í dag.

Það eru ekki bara íslensk félagslið sem verða í eldlínunni í Meistaradeild og Evrópudeild UEFA í júlímánuði heldur verða einnig íslenskir dómarar og dómaraeftirlitsmenn við störf á þessum vettvangi.

Í dag var dregið í 8 liða úrslitum VISA bikars kvenna og var dregið í höfuðstöðvum KSÍ.  Eitt lið úr 1. deild er ennþá í keppninni, ÍBV og drógust þær heima gegn Haukum.  Núverandi handhafar titilsins, Valur, fara í Árbæinn.

Hér má sjá viðtal við Nönnu Rut Jónsdóttur, markvörð ÍBV, sem tekið var eftir að dregið hafði verið.

Vefstjórn ksi.is leitar hér með eftir aðstoð aðildarfélaga KSÍ og annarra aðila.  Okkur vantar myndir úr leikjum og af æfingum félagsliða til notkunar með fréttum og öðru efni á heimasíðu okkar. 

Sem kunnugt er ferðast Einar Lars Jónsson til aðildarfélaga með knattþrautir KSÍ í sumar.  Knattþrautunum hefur verið vel tekið og áhugi krakkanna mikill.  Hér að neðan má sjá hvar Einar verður á ferðinni á næstu dögum.