Landslið
Eiður og Hemmi Hreiðars á æfingu fyrir leik Skotlands og Íslands

Landsliðið æfir á Broadwood Stadium

Ástandið á hópnum mjög gott á fyrstu æfingunum

30.3.2009

Strákarnir í íslenska landsliðinu eru nú í Glasgow þar sem þeir undirbúa sig fyrir landsleikinn við Skota á miðvikudaginn.  Leikurinn er í undankeppni fyrir HM 2010 og verður leikinn á Hampden Park.  Leikurinn hefst kl. 19:00 að íslenskum tíma og verður í beinni útsendingu á Stöð 2 Sport.

Landsliðið æfði stuttu eftir komuna til Glasgow í gær og í dag eru fyrirhugaðar tvær æfingar.  Myndirnar er fylgja með fréttinni eru teknar af hinum margsaga búningastjóra, Birni Ragnari Gunnarssyni, á æfingunni í morgun.  Íslenska liðið æfir á heimavelli 1. deildar liðsins Clyde og heitir völlur þeirra Broadwood Stadium.  Allar æfingar íslenska liðsins fara fram á þessum velli nema æfingin annað kvöld, sem fer fram á sjálfum Hampden Park.

Félagið Clyde er sögufrægt félag í Skotlandi og var stofnað árið 1877 og hefur félagið hið sérstaka gælunafn "The Bully Wee"  Leikvangurinn er þó öllu yngri, var tekinn í notkun árið 1994.  Clyde hefur átt erfitt uppdráttar á tímabilinu og verma neðsta sætið í næst efstu deildinni í Skotlandi sem stendur.

Myndir: Hér að neðan má sjá nýliðann Birki Bjarnason á æfingunni í morgun og í baksýn er Ármann Smári Björnsson.  Á næstu mynd má sjá þá Hermann Hreiðarsson og Eið Smára Guðjohnsen.

Birkir Bjarnason á æfingu fyrir leik Skotlands og Íslands í undankeppni HM 2010

Eiður og Hemmi Hreiðars á æfingu fyrir leik Skotlands og Íslands


Mót landsliða




Landslið




Aðildarfélög




Aðildarfélög