Landslið
Verðlaunagripurinn og Eiríkur Stefán Ásgeirsson, formaður SÍ

Knattspyrnufólk og knattspyrnulið áberandi

Samtök íþróttafréttamanna hafa opinberað hvaða íþróttafólk á möguleika á kjöri til íþróttamanns ársins, liðs ársins og þjálfara ársins

23.12.2014

Samtök íþróttafréttamanna hafa nú birt nöfn þeirra tíu íþróttamanna sem flest atkvæði hluti í kjöri félagsmanna á íþróttamanni ársins 2014.  Að venju er knattspyrnufólk áberandi í kjörinu og eru þau Gylfi Þór Sigurðsson og Sara Björk Gunnarsdóttir á meðal tíu efstu.  Gylfi Þór var einmitt kjörinn íþróttamaður ársins í fyrra og er nú í fjórða sinn á topp 10.  Sara Björk er á topp 10 í þriðja sinn.

Samtökin velja jafnframt lið ársins og þjálfara ársins og þar á knattspyrnan sína fulltrúa.  A landslið karla og meistaraflokkur karla hjá Stjörnunni eru tvö af þremur tilnefndum liðum ársins.  Rúnar Páll Sigmundsson, þjálfari meistaraflokks karla hjá Stjörnunni, og Heimir Hallgrímsson, annar af þjálfurum A landsliðs karla, eru tveir af þremur sem tilnefndir eru sem þjálfarar ársins.

Lokaniðurstaðan verður opinberuð í sérstöku hófi þann 3. janúar næstkomandi og verður viðburðurinn í beinni sjónvarpsútsendingu á RÚV. 

Nánar á vef Samtaka íþróttafréttamanna


Mót landsliða




Landslið




Aðildarfélög




Aðildarfélög