Landslið
Sigurdur-Ragnar-Eyjolfsson

Sigurður Ragnar - "Þetta verða jafnir og erfiðir leikir"

Ísland mætir Úkraínu í umspili fyrir úrslitakeppni EM 2013

21.9.2012

Í dag var dregið um það hvaða þjóðir mundu mætast í umspili fyrir úrslitakeppni EM kvenna 2013 sem fram fer í Svíþjóð.  Ísland mun mæta Úkraínu í þessum umspilsleikjum og verður fyrri leikurinn ytra, 20. eða 21. október, en sá síðari á Laugardalsvelli, 24. eða 25. október.  Heimasíðan fór á stúfana og spurði landsliðsþjálfarann, Sigurð Ragnar Eyjólfsson, hvernig honum litist á mótherjana?

"Mér líst ágætlega á þennan drátt.  Ég átti mér ekkert draumalið því öll liðin í umspilinu eru sterk.  Þetta verður bara flott áskorun fyrir okkur.  Úkraína  fór í síðustu lokakeppni EM í Finnlandi 2009.  Þær voru svo að vinna Finnland í Finnlandi fyrir nokkrum dögum síðan og það eru flott úrslit hjá þeim, en þær hafa líka misstigið sig.  Af úrslitum þeirra að dæma undanfarin ár í landsleikjum eru þær með svipað sterkt lið og við eða örlítið veikara.  Þetta verða því jafnir og erfiðir leikir en okkur hlakkar til að takast á við krefjandi verkefni."


Mót landsliða




Landslið




Aðildarfélög




Aðildarfélög