Landslið
EM kvenna 2013 í Svíþjóð

Stærsta úrslitakeppni EM kvenna hingað til

Á annað hundrað þúsund aðgöngumiða seldir

9.7.2013

Áhuginn fyrir úrslitakeppni EM 2013 í Svíþjóð er mikill og mun meiri en nokkru sinni áður.  Þá virðist vera sama hvar stigið er niður fæti.  Umgjörðin hefur aldrei verið glæsilegri og leggja UEFA, sænska Knattspyrnusambandið og borgirnar sem leikið er í mikið í verkefnið.  Borgirnar eru vel merktar mótinu, sem og flugvellir, aðdáendasvæði og aðrir opinberir staðir.  Sjálfboðaliðar sem starfa við mótið skipta hundruðum og eru hreinlega út um allt, í þar til gerðum merktum klæðnaði, auk þess að bifreiðar merktar EM 2013 sjást víða.
EM kvenna 2013 í Svíþjóð

Nú þegar hafa verið seldir á annað hundrað þúsund aðgöngumiðar á mótið, þar á meðal er uppselt á opnunarleik Svíþjóðar og Danmerkur, og útlit fyrir metsölu.  Fjölmiðlar hér í Svíþjóð fjalla mjög mikið um EM 2013 og eru myndir frá undirbúningnum á forsíðum flestra blaða.  UEFA hefur upplýst að umfjöllun í aðdraganda EM kvenna 2013 sé meiri en umfjöllun um EM U21 karla í Ísrael var á sama tímapunkti, þ.e. daginn fyrir fyrsta leik.

EM kvenna 2013 í Svíþjóð

Ríflega 700 fulltrúar fjölmiðla hafa fengið aðgang að leikjum mótsins, fleiri en nokkru sinni áður, og er það fjölgun um 300 frá síðasta móti þegar síðasta met var sett.

Umfang sjónvarpsútsendinga hefur jafnframt aldrei verið meira.  Á hverjum einasta leik verða 10 tökuvélar sjónvarps og á sjálfum úrslitaleiknum verða þær 11 talsins.  Leikirnir verða í beinni útsendingu í sjónvarpsstöðum í átta löndum, auk þess sem Eurosport sýnir beint frá keppninni.

Land Sjónvarpsstöð
England BBC
Finnland YLE
Frakkland M6/W9
Holland NOS
Ísland RÚV
Noregur NRK
Svíþjóð TV4
Þýskaland ARD/ZDF
  Eurosport  - Alþjóðlegar útsendingar

Allt gefur þetta til kynna þann vöxt sem er í kvennaknattspyrnu í Evrópu og sívaxandi vinsældir hennar.  Öll umgjörð er sambærileg við önnur stórmót í knattspyrnu.  Það er heitt í Svíþjóð þessa dagana og EM 2013 er svo sannarlega heitasta umræðuefnið.

EM kvenna 2013 í Svíþjóð


Mót landsliða




Landslið




Aðildarfélög




Aðildarfélög