Landslið
U17 landslið karla

U17 karla leikur um 3. sætið á NM

Höfnuðu í 2. sæti riðilsins með sigri á Svíum á fimmtudag

9.8.2013

U17 landslið karla vann góðan 2-1 sigur á Svíum á Opna Norðurlandamótinu, sem fram fer í Noregi.  Með sigrinum tryggði liðið sér 2. sæti riðilsins og þar með leik um þriðja sætið á mótinu á laugardag, þar sem mótherjarnir verða Norðmenn.

Íslenska liðið byrjaði leikinn gegn Svíum af miklum krafti og var komið með tveggja marka forystu eftur rúman stundarfjórðung.  Krafturinn virðist hafa komið sænska liðinu í opna skjöldu og nýttu þeir Óttar Magnús Karlsson og Ragnar Már lárusson sér það með því að skora íslensku mörkin.  Svíarnir náðu reyndar að svara fyrir sig með marki á 24. mínútu, en fleiri urðu mörkin ekki í leiknum og okkar drengir sigldu þremur stigum í höfn.

Leikurinn við Noreg um 3. sætið fer sem fyrr segir fram á laugardag, á Fart Stadium í Övre Vang, og hefst kl. 11:00 að íslenskum tíma.


Mót landsliða




Landslið




Aðildarfélög




Aðildarfélög