Landslið
Við erum öll í íslenska landsliðinu!

Ísland - Albanía þriðjudaginn 10. september - Miðasala hafin

Lokaspretturinn hafinn í undankeppni HM 2015

30.8.2013

Nú fer í hönd lokaspretturinn í undankeppni HM 2014 en framundan eru fjórir síðustu umferðirnar í riðlakeppninni. Íslendingar eru í harðri baráttu í riðlinum en annað sætið getur gefið sæti í umspili um sæti á HM í Brasilíu. Mótherjar Íslendinga á Laugardalsvelli, þriðjudaginn 10. september kl. 19:00, verða Albanir sem sitja sem stendur í öðru sæti riðilsins, einu stigi á undan Íslendingum.

Ísland vann sætan sigur í fyrri leik liðanna í Tirana og eru strákarnir staðráðnir í því að endurtaka leikinn og koma sér í góða stöðu í riðlinum. Stuðningur áhorfenda er gríðarlega mikilvægur í þessu verkefni og getur einfaldlega gert gæfumuninn.

Miðasala á þennan mikilvæga leik er nú hafin og minnt er á að veittur er 500 króna afsláttur ef miðar eru keyptir í forsölu. Þá er 50% afsláttur fyrir 16 ára og yngri og reiknast sá afsláttur af fullu verði.

Tryggjum okkur miða í tíma – Áfram Ísland!

Miðaverð: (Ath forsöluafsláttur af fullu verði er 500 kr, fram að leikdag)
Svæði-Rautt, Fullt verð 4.000 kr, 16 ára og yngri 2.000 kr
Svæði-Blátt, Fullt verð 3.000 kr, 16 ára og yngri 1.500 kr
Svæði-Grænt, Fullt verð 2.000 kr, 16 ára og yngri 1.000 kr

Allir á völlinn og styðjum strákana í baráttunni!

Miðasala Ísland - Albanía


Mót landsliða




Landslið




Aðildarfélög




Aðildarfélög