Landslið
U18-karla-Svithjodarmot

U19 karla - Sigur á Svíum í síðasta leik Svíþjóðarmótsins

Ísland hafnaði í þriðja sæti

21.9.2013

Strákarnir í U19 unnu góðan sigur á Svíum í lokaleik liðsins á Svíþjóðarmótinu.  Lokatölur urðu 3 - 2 fyrir Ísland sem leiddu í leikhléi, 1 - 0.  Íslenska liðið hafnaði í þriðja sæti á þessu móti en Norðmenn höfðu sigur.

Íslenska liðið spilaði vel í leiknum og Ásgeir Sigurgeisson náði forystunni á 25. mínútu eftir laglegt samspil.  Þetta var þriðja mark Ásgeirs í þremur leikjum mótsins.  Þannig var staðan í leikhléi en Tómas Ingi Urbancic skoraði svo tvö mörk í síðari hálfleik með fjögurra mínútna millibili, á 62. og 66. mínútu.  Góð staða Íslands en heimamenn gáfust ekki upp og skoruðu tvö mörk undir lok leiksins, á 86. og 88. mínútu.  En þeir komust ekki lengra og okkar strákar gátu fagnað sigri.

 


Mót landsliða




Landslið




Aðildarfélög




Aðildarfélög