Landslið
U21 landslið karla

U21 karla - Æft á keppnisvellinum í dag

Leikið gegn Dönum í umspili fyrir úrslitakeppni EM 2015 á föstudag

9.10.2014

Strákarnir í U21 æfa í dag á keppnisvellinum, Aalborg Stadium, en þar fer fram fyrri leikur Danmerkur og Íslands í umspili um sæti í úrslitakeppni EM 2015 á morgun.  Liðið æfði tvisvar í gær og endurheimti þá farangur sinn sem hafði tekið auka ferðalag.

Þar sem farangurinn var ekki kominn í tæka tíð fyrir fyrri æfingu gærdagsins þá var brugðið til þess ráðs að fá lánaðan æfingafatnað hjá AaB, heimaliðinu hér í Álaborg.  Var það auðsótt og eiga Álaborgarmenn miklar þakkir skildar fyrir liðlegheitin.  Seinni æfingin fór hinsvegar fram í öllu kunnuglegri æfingafatnaði en þá hafði farangurinn borist til Álborgar en báðar æfingar gærdagsins fóru fram á glæsilegu æfingasvæði AaB.

Íslendingar í Álaborg og víðar ætla ekki að láta sitt eftir liggja og ætla að styðja okkar stráka á morgun.  Þeir ætla að koma saman á John Bull Pub um 14:30 á leikdag og leggja svo á stað á völlinn á milli 16:30 og 17:00.  Þar ætla þeir að koma sér fyrir í stúku sem ætluð er aðkomuliðum, við inngang 7 og 8.  Frítt er inn á völlinn í Álaborg og eru Íslendingar á svæðinu hvattir til þess að fjölmenna á völlinn. 




Mót landsliða




Landslið




Aðildarfélög




Aðildarfélög