Landslið
UEFA EURO 2016

Leikjahrina í undankeppni EM 2016 framundan

Leikið í þremur riðlum þrjá daga í röð - stakur leikur á þriðjudag

26.3.2015

Eins og knattspyrnuáhugafólki er eflaust kunnugt er leikjahrina framundan í undankeppni EM karlalandsliða 2016.  Um helgina fara fram 26 leikir í riðlunum níu, en einn leikur fer síðan fram á þriðjudag.  Að venju eru margir spennandi leikir á dagskrá.

Á föstudag verður leikið í C-E-G riðlum, þar sem m.a. Eistlendingar, sem taka á móti íslendingum í vináttuleik 31. mars, mæta Svisslendingum og Spánverjar fá Úkraínumenn í heimsókn.  Þá mæta Svíar Moldóvum í Chisinau og Svartfellingar taka á mótu Rússum.

Laugardagurinn býður upp á þéttan leikjapakka, þar sem fara fram leikir í A-H-B riðlum.  Ísland er í A-riðli og mætir Kasakstan í Astana og í Hollandi er stórleikur milli Hollendinga og Tyrkja.  Norðmenn sækja Króata heim til Zagreb og Belgar taka á móti Kýpverjum.

Leikið verður í D-F-I riðlum á sunnudag.  Nýjasta UEFA-aðildarþjóðin, Gíbraltar, leikur gegn liði Skotlands á Hampden Park í Glasgow og Þjóðverjar sækja Georgíumenn heim.  Færeyingar verða í eldlínunni í Rúmeníu og í Lissabon mætast heimamenn, Portúgalar, og Serbar.

Á þriðjudag er síðan einn leikur, Ísrael - Belgía, sem átti upphaflega að fara fram á fyrsta leikdegi undankeppninnar í september 2014, en var frestað.

Leikjahrinan 


Mót landsliða




Landslið




Aðildarfélög




Aðildarfélög