Landslið

Ekki verður af leik U21 karla við Katar

Katarska liðið heldur heim á leið vegna veðurs og aðstæðna í Tyrklandi – KSÍ hefur kallað eftir skýringum

5.1.2016

U21 landslið karla er nú statt í Antalya í Tyrklandi í boði Knattspyrnusambands Katar vegna fyrirhugaðs vináttulandsleiks gegn U23 landsliði Katar miðvikudaginn 6. janúar.  Síðla dags á mánudag 4. janúar bárust fulltrúum KSÍ þær upplýsingar frá fulltrúum katarska liðsins að vegna veðurs og aðstæðna í Antalya myndi liðið halda heim til Katar áður en leikur liðanna færi fram.  

Því er ljóst að ekki verður af leiknum, sem var liður í undirbúningi íslenska liðsins fyrir leik í undankeppni EM 2017 gegn Makedóníu í marsmánuði.  Íslenska liðið mun engu að síður dvelja áfram við æfingar í Tyrklandi fram yfir áætlaðan leikdag.

KSÍ hefur kallað eftir skýringum frá katarska knattspyrnusambandinu.


Mót landsliða




Landslið




Aðildarfélög




Aðildarfélög