Landslið

U17 karla – Tap í fyrri leiknum gegn Skotlandi

Liðin mætast aftur á fimmtudag

23.2.2016

U17 ára landslið karla tapaði 2-1 fyrir Skotum í vináttulandsleik sem fram fór í Skotlandi í kvöld, þriðjudag. 

Ekkert mark var skorað í fyrri hálfleik en Skotar komust yfir á 51. mínútu með marki Liam Burt. Markið kom gegn gangi leiksins en íslenska liðið var líklegra til að komast yfir þegar markið kom. 

Skotarnir sóttu í sig veðrið og voru líklegri til að bæta við marki eftir en það var samt íslenska liðið sem jafnaði metin. Stefán Alexander Ljubicic skoraði mark Íslands á 77. mínútu og flest stefndi í jafntefli í leiknum. Það voru samt Skotar sem áttu seinasta orðið en Lewis Morrisson skoraði sigurmarkið á 80. mínútu. 

Þjóðirnar mætast aftur á fimmtudaginn en leikurinn hefst klukkan 13:00.


Mót landsliða




Landslið




Aðildarfélög




Aðildarfélög