Landslið

Dregið í dag í undankeppni HM kvenna

Hægt er að fylgjast með drættinum beint á vef UEFA

25.4.2017

Í hádeginu í dag verður dregið í riðla í undankeppni HM kvenna. Ísland er meðal þjóða og er núna í öðrum styrkleikaflokki. Það kemur svo í ljós fljótlega eftir dráttinn hvenær íslenska liðið hefur leik í undankeppninni.

Ísland er í potti með Hollandi, Skotlandi, Danmörku, Austurríki, Belgíu og Rússlandi og dragast því ekki með þessum liðum í riðil. Undankeppnin hefst þann 11. september og lýkur 4. september 2018. 

Leikið verður í sjö riðlum í undankeppninni og mun efsta liðið úr hverjum riðli fara beint á lokamótið sem verður í Frakklandi 2019. Fjögur lið með besta árangurinn í öðru sæti leika svo um tvö laus sæti á lokamótinu í umspili. 

Hægt er að lesa um dráttinn og framkvæmd hans hérna en bein útsending frá drættinum hefst klukkan 11:30 að íslenskum tíma.


Mót landsliða




Landslið




Aðildarfélög




Aðildarfélög