Landslið
Við erum öll í íslenska landsliðinu!

Undankeppni HM - Ísland mætir Færeyjum kl. 18:15 - Leikskrá

Frítt inn á Laugardalsvöll í kvöld

18.9.2017

Ísland mætir Færeyjum í undankeppni HM 2019 í kvöld og fer leikurinn fram á Laugardalsvelli.  Leikurinn hefst kl. 18:15 og er frítt á völlinn.  Þetta er fyrsti leikur Íslands í þessari undankeppni og jafnframt í fyrsta skiptið sem þessar þjóðir mætast í mótsleik hjá A landsliði kvenna.


Önnur lið í riðli Íslands eru Þýskaland, Tékkland og Slóvenía, en í október mætir Ísland Þýskalandi og Tékklandi ytra.

HM 2019 fer fram í Frakklandi dagana 1.-30. júní 2019, en leikið verður í Lyon, París, Nice, Montpellier, Rennes, Le Havre, Valenciennes, Reims og Grenoble.

Það lið sem vinnur riðilinn fer beint á HM, en fjögur bestu lið í 2. sæti fara í umspil um tvö laus sæti í Frakklandi. Það er því nauðsynlegt að byrja keppnina vel, en Ísland hefur aldrei komist á HM, hvort sem það er í karla- eða kvennaflokki.

Ísland endaði í 2. sæti síns riðils í undankeppni HM 2015, en var ekki með nægilega góðan árangur til að komast í umspil. Það sama á einnig við um undankeppni HM 2011. 

Frítt á leikinn

Frítt verður fyrir alla á leikinn og er því ekkert annað að gera en að fjölmenna á Laugardalsvöll og hvetja stelpurnar okkar til sigurs.

Stuðningsmannasvæði (fan zone)

Stuðningsmannasvæði eða Fan Zone verður fyrir leik Íslands gegn Færeyjum í dag, þar sem áhorfendur geta hitað upp fyrir leikina og byggt upp stemningu. 

Frítt verður á leikinn og hvetjum við því fólk til að mæta snemma, gera sér glaðan dag og fara síðan og hvetja stelpurnar okkar.

Upphitun hefst tveimur klukkustundum fyrir leikina og er aðgangur ókeypis og öllum opinn. 

Á svæðinu verður boðið upp á andlitsmálningu og hoppukastala auk þess sem Tólfan mætir á svæðið klukkutíma fyrir leik til að keyra upp stemninguna. Veitingasala verður á svæðinu, sala á Áfram Ísland varningi sem og salernisaðstaða. 

Viðburðurinn verða staðsettir á bílastæðunum fyrir framan Laugardalsvöll og vegna þeirra verða bílastæðin lokuð. Fólk er beðið um að hafa það í huga þegar komið verður á völlinn að færri bílastæði verða í boði í Laugardalnum en venja er á landsleikjum og því um að gera að nýta almenningssamgöngur. 

Áfram Ísland!



Mót landsliða




Landslið




Aðildarfélög




Aðildarfélög