Landslið

A karla – Landsliðið mætt til Indónesíu

Tveir vináttuleikir framundan við heimamenn

8.1.2018

A landslið karla er nú komið til Indónesíu þar sem liðið mætir heimamönnum í tveimur vináttuleikjum. Fyrri leikurinn verður í borginni Yogyakarta fimmtudaginn 11. janúar og sá síðari í Jakarta sunnudaginn 14. janúar. 

Leikmenn komu til Yogyakarta í gær eftir langt og strangt ferðalag. Létt æfing var tekin á hótelsvæðinu í dag og síðan var haldið í stutta skoðunarferð í Hindúa hofið Prambanan en það var byggt á 9. öld. 

Áhugi fjölmiðla á íslensku leikmönnunum er mikill og fylgir töluverður fjöldi Indónesískra miðla liðinu eftir hvert fótmál. 

Næstu tveir dagar fara í að safna orku eftir ferðalagið en tímamismunur á milli Indónesíu og Íslands eru 7 klst. Það er því er lögð mikil áhersla á að leikmenn hvílist vel það sem eftir lifir dags en á morgun verður haldið á æfingasvæðið þar sem byrjað verður að fara yfir leikskipulagið sem lagt verður upp með í leikjunum tveimur. 

Myndir frá Indónesíu er að finna á Facebook síðu KSÍ.




Mót landsliða




Landslið




Aðildarfélög




Aðildarfélög