Landslið

A kvenna - Leikið gegn Noregi í dag á La Manga

Leikurinn hefst klukkan 17:00 að íslenskum tíma

23.1.2018

A landslið kvenna leikur í dag æfingaleik gegn Noregi, en leikurinn fer fram á La Manga þar sem liðin eru í æfingabúðum. Leikurinn hefst klukkan 17:00 að íslenskum tíma og verður hægt að nálgast beina útsendingu á vefsíðu norska knattspyrnusambandsins. 

Þónokkrir nýliðar eru í hópnum og eru t.a.m fimm leikmenn sem hafa ekki enn leikið landsleik. Freyr Alexandersson, landsliðsþjálfari, telur þetta gott tækifæri fyrir óreyndari leikmennina.

,,Fyrst og síðast erum við að vonast eftir að sjá leikmennina þroskast í nýjum hlutverkum og taka eitt skref fram á við. Leikmenn sem hafa verið inn og út úr hópnum ásamt nýliðum fá stór hlutverk og nýja áskorun. Við þurfum á því að halda sem lið að leikmenn þroskist hratt á jákvæðan hátt, það er mikið pláss fyrir bætingu hjá okkur, það er skemmtilegt verkefni."

Ísland hefur verið á La Manga síðan á fimmtudaginn síðastliðinn og endar ferð sína þar á að spila við Noreg. Freyr er spenntur fyrir leik dagsins:

,,Við nálgumst leikinn á þann hátt að við viljum sjá góða frammistöðu, við höfum undirbúið liðið eins vel og kostur er á ef tekið er inn í samhengið; stutt samvera og árstími. Ef að leikmenn skila góðri frammistöðu og réttu hugarfari þá verð ég ánægður með verkefnið í heild sinni. Það breytist aldrei að þegar leikmenn klæðast landsliðsbúningi Íslands þá er um sérstakt stund að ræða, ég hvet leikmenn okkar til þess að njóta stundarinnar, það er gríðarlega mikilvægt."

Leikurinn verður í beinni útsendingu á vef norska knattspyrnusambandsins og má nálgast hann hér að neðan:

Vefur norska knattspyrnusambandsins





Mót landsliða




Landslið




Aðildarfélög




Aðildarfélög