Samningar við Ásgeir og Loga ekki endurnýjaðir

Stjórn KSÍ hefur ákveðið að endurnýja ekki samninga við þjálfara A landsliðs karla, þá Ásgeir Sigurvinsson og Loga Ólafsson, en samningar þeirra renna út 31. október næstkomandi. 

Ásgeiri og Loga eru þökkuð góð störf með landsliðið síðastliðin ár.

Stjórn KSÍ hefur falið formanni KSÍ að ræða við Eyjólf Sverrisson um að taka við starfi landsliðsþjálfara.