KSÍ endurnýjar samning við Errea

Nýr landsliðsbúningur kynntur til sögunnar síðar á árinu

11.1.2008

Knattspyrnusamband Íslands hefur framlengt samning sinn  við ítalska íþróttavöruframleiðandann Errea sem staðið hefur síðan 2002 og munu landslið Íslands leika í búningum frá fyrirtækinu næstu 4 árin. 

Samningurinn nær yfir búnað og búninga á öll landslið Íslands og er umtalsvert hagstæðari en fyrri samningur.  Í framhaldinu verður nýr landsliðsbúningur kynntur til sögunnar síðar á árinu.

Það er heildverslunin Safalinn sem er með umboð fyrir Errea hér á Íslandi.