Landslið
Tap gegn Norðmönnum hjá U18 karla
Leika við Ungverja á föstudaginn kl. 14:30
Íslenska U18 karlalandsliðið laut í lægra haldi fyrir Norðmönnum á æfingamóti í Tékklandi í dag. Norðmenn höfðu betur 2-1 en Íslendingar leiddu í hálfleik 0-1. Það var Arnar Sveinn Geirsson sem kom Íslendingum yfir í fyrri hálfleik en það dugði ekki strákunum sem fengu á sig tvö mörk í síðari hálfleiknum.
Liðið leikur sinn síðasta leik í riðlinum á föstudaginn þegar leikið verður gegn Ungverjalandi. Leikurinn hefst kl. 14:30 að íslenskum tíma.
