Ísland leikur fyrsta leikinn gegn Frökkum
Dregið var í hádeginu í dag í úrslitakeppni EM kvenna 2009
Í dag var dregið í úrslitakeppni EM kvenna 2009 en drátturinn fór fram í Finlandiahöllinni í Helsinki. Ísland lenti í riðli með Þýskalandi, Noregi og Frökkum og mun leika fyrsta leikinn gegn Frökkum, mánudaginn 24. ágúst í Tampere. Við Norðmenn verður leikið fimmtudaginn 27. ágúst, í Lahti og lokaleikur Íslands í riðlinum er við heimsmeistara Þjóðverja, sunnudaginn 30. ágúst í Tampere.
Dregið var við hátíðlega athöfn að viðstöddum forseta Finnlands, Tarja Halonen og forseta UEFA, Michel Platini.
Ljóst er að verkefni kvennlandsliðsins verður erfitt í þessari fyrstu úrslitakeppni A landsliðs í knattspyrnu. Mótherjarnir í riðlakeppninni eru allt gríðarlega sterkar knattspyrnuþjóðir og verður spennandi að sjá stelpurnar okkar takast á við verkefnið á næsta ári.
Keppnin hefst sunnudaginn 23. ágúst á Olympíuleikvangnum í Helsinki þegar gestgjafarnir taka á móti Dönum Úrslitaleikurinn fer fram á sama leikvangi, fimmtudaginn 10. september.
A riðill
- Finnland
- Úkraína
- Danmörk
- Holland
B riðill
- Þýskaland
- Ísland
- Noregur
- Frakkland
C riðill
- Svíþjóð
- England
- Rússland
- Ítalía
