Landslið
Riðlaskiptingin klár fyrir Algarve Cup 2009
Ísland í riðli með Bandaríkjunum, Danmörku og Noregi
Skipt hefur verið í riðla á Algarve Cup 2009 en íslenska kvennalandsliðið mun þar leika í B riðli með Bandaríkjunum, Danmörku og Noregi. Þetta mót er góður undirbúningur fyrir úrslitakeppni EM í Finnlandi næsta sumar.
Margar af sterkustu þjóðum heims í kvennaknattspyrnu taka þá í þessu móti en í A riðli leika Þýskaland, Kína, Svíþjóð og Finnar. Sterkustu þátttökuþjóðunum er raðað í A og B riðla og er þetta í fyrsta skiptið sem Ísland leikur þar. Áður hefur Ísland leikið í C riðli en þar leika núna Austurríki, Portúgal, Pólland og Wales.
Mótið hefst 4. mars en lýkur 11. mars þegar leikið verður um sæti.
