Landslið
Byrjunarliðið gegn Noregi í Osló, 6. september 2008.  Mynd: Hörður Snævar Jónsson á fotbolti.net

Hópurinn valinn fyrir Holland og Makedóníu

Leikið við Holland heima 6. júní og Makedóníu úti 10. júní

26.5.2009

Á blaðamannafundi í höfuðstöðvum KSÍ í dag voru tilkynntir landsliðshópar hjá A landsliði karla og U21 karla.  Hjá A landsliði karla eru framundan tveir leikir í undankeppni HM 2010.  Tekið verður á móti Hollandi á Laugardalsvellinum, laugardaginn 6. júní kl. 18:45.  Miðvikudaginn 10. júní verður svo leikið við Makedóníu ytra og hefst sá leikur kl. 15:45 að íslenskum tíma.

Viðtal við Ólaf Jóhannesson

Holland er í efsta sæti riðilsins og hefur sigrað í öllum fimm leikjum sínum til þessa.  Með sigri gulltryggir hollenska liðið sér sæti í úrslitakeppni HM 2010 í Suður Afríku.  Ísland er í þriðja sæti riðilsins með fjögur stig eftir fimm leiki.  Skotar eru í öðru sæti með sjö stig.

Englendingurinn Mike Dean mun dæma leikinn gegn Hollandi en hann dæmdi á dögunum úrslitaleik á milli Burnley og Sheffield United um sæti í ensku úrvalsdeildinni en leikið var á Wembley.

Stórþjóðin Holland hefur reynst okkur Íslendingum erfið hindrun á knattspyrnuvellinum.  Þjóðirnar hafa mæst 12 sinnum og hafa Hollendingar sigrað í níu leikjum, tvisvar hefur orðið jafntefli og Íslendingar hafa einu sinni farið með sigur af hólmi.  Það var árið 1961 þegar áhugamannalandslið Hollands var lagt af velli á Laugardalsvelli, 4-3.

Jafnara er komið á milli Íslands og Makedóníu á knattspyrnuvellinum.  Þjóðirnar hafa mæst þrisvar sinnum og hafa þjóðirnar unnið sinnhvorn leikinn og einum leik hefur lokið með jafntefli.  Markatalan úr þessum þremur leikjum er jöfn, 2-2.

Miðasala á Ísland – Holland hefur gengið vel og eru landsmenn hvattir til þess að tryggja sér miða í tíma.

Mætum í bláu og látum í okkur heyra!

Hópurinn


Mót landsliða




Landslið




Aðildarfélög




Aðildarfélög