Nýir þjálfarar A og U21 kvenna ráðnir

Knattspyrnusamband Íslands hefur ráðið Jörund Áka Sveinsson sem þjálfara A landsliðs kvenna og Elísabetu Gunnarsdóttir sem þjálfara U21 landsliðs kvenna næstu tvö árin. Elísabet verður jafnframt aðstoðarmaður Jörundar með A landsliðið. Jörundur og Elísabet eru á meðal virtustu þjálfara landsins, hafa bæði lokið hæstu mögulegu þjálfaramenntun sem í boði er hjá KSÍ og hafa náð mjög góðum árangri með þau lið sem þau hafa þjálfað. Á myndinni hér til hliðar má sjá þau Jörund og Elísabetu ásamt formanni og framkvæmdastjóra KSÍ. Smellið á myndina til að stækka hana.