Landslið
Icelandair

Fimm manns reyna að hitta þverslána frá vítateigsboganum

Möguleiki á glæsilegum ferðavinningi frá Icelandair

8.10.2010

Í hálfleik á viðureign Íslands og Portúgals í undankeppni EM 2012, sem fram fer á þriðjudag, munu fimm heppnir vallargestir fá tækifæri til að spreyta sig í erfiðri en skemmtilegri þraut. 

Þrautin felst í því að spyrna knetti frá vítateigsboganum (efst á boganum) með það fyrir augum að hitta þverslána.  Hver og einn af þessum fimm fær aðeins eina tilraun, og vinningurinn ef það tekst er af glæsilegri tegundinni - ferð fyrir tvo til Evrópu með Icelandair!

Þessir fimm aðilar verða dregnir út af handahófi í gegnum miðasölukerfi Miða.is.  Haft verður samband við þá á í síðasta lagi á mánudag, þannig að þeir geti verið klárir í slaginn rétt fyrir hálfleik á þriðjudag.

Aðeins verður dregið úr seldum miðum, þannig að þeir sem fá miða eftir öðrum leiðum (heiðursstúka, fjölmiðlar, samstarfsaðilar KSÍ), verða ekki í pottinum.

Á þessu ári hefur Icelandair staðið fyrir einum svona viðburði, en það var í hálfleik á viðureign Íslands og Noregs í september.  Þá spyrntu 3 þátttakendur af 30 metra færi og enginn hitti.  Á síðasta ári stóð Icelandair fyrir tveimur svona viðburðum, á leikjum Íslands við Holland og Noreg í undankeppni HM 2010, og var í báðum tilfellum um að ræða 3 þáttakendur, sem fengu eina tilraun hver til að hitta slána frá vítateig.  Af þessum 6 spyrnum hittu 4 þverslána, og þar af allir 3 þátttakendurinir á leiknum við Noreg!

Hverjir verða dregnir út fyrir leikinn við Portúgal?  Fylgist með ....

Á bakvið tjöldin (7)

Mynd - Þrír þátttakendur á leik Íslands og Noregs í fyrra hittu allir slána og unnu þar með allir ferðavinning frá Icelandair.


Mót landsliða




Landslið




Aðildarfélög




Aðildarfélög