Landslið
Byrjunarlið Íslands gegn Svíum á Algarve Cup 2011.

Byrjunarlið Íslands í úrslitaleiknum á Algarve

Ein breyting á byrjunarliðinu frá síðasta leik.

8.3.2011

Sigurður Ragnar Eyjólfsson, landsliðsþjálfari, hefur tilkynnt byrjunarliðið sem mætir Bandaríkjunum kl. 17:00 á morgun.  Um er að ræða sjálfan úrslitaleikinn á Algarve Cup og er þetta í fyrsta skiptið sem Ísland kemst svo langt á þessu geysisterka móti.  Mótherjarnir úr Vesturheimi eru hinsvegar að leika í ellefta skiptið til úrslita í þessari keppni og þar af er þetta níunda keppnin í röð þar sem þeir leika úrslitaleikinn.  Bandaríkin hafa unnið þessa keppni alls sjö sinnum og eru núverandi handhafar titilsins.

Hægt verður að fylgjast með textalýsingu frá leiknum á Facebooksíðu KSÍ en traustir heimildarmenn á staðnum munu sjá til þess að fréttirnar berist þangað hratt og örugglega.

Ein breyting er á byrjunarliðinu frá því í síðasta leik en Guðbjörg Gunnarsdóttir kemur í markið í stað Þóru Helgadóttur.

Byrjunarliðið:

Markvörður: Guðbjörg Gunnarsdóttir

Hægri bakvörður: Þórunn Helga Jónsdóttir

Vinstri bakvörður: Ólína G. Viðarsdóttir

Miðverðir: Sif Atladóttir og Katrín Jónsdóttir, fyrirliði

Tengiliðir: Edda Garðarsdóttir og Sara Björk Gunnarsdóttir

Sóknartengiliður: Katrín Ómarsdóttir

Hægri kantur: Dóra María Lárusdóttir

Vinstri kantur: Hallbera Guðný Gísladóttir

Framherji: Margrét Lára Viðarsdóttir

 


Mót landsliða




Landslið




Aðildarfélög




Aðildarfélög