Landslið
Við erum öll í íslenska landsliðinu!

Ísland - Danmörk á morgun - Kemur fyrsti sigurinn gegn Dönum?

Leikur þjóðanna í undankeppni EM á Laugardalsvelli á laugardaginn kl 18:45

3.6.2011

Á morgun, laugardaginn 4. júní, mætast Ísland og Danmörk í undankeppni EM í knattspyrnu og hefst leikurinn á Laugardalsvelli kl. 18:45.  Forsala aðgöngumiða er á heimasíðu midi.is og fer hver að vera síðastur til þess að tryggja sér miða í forsölu.  Miðasala á Laugardalsvelli hefst kl. 12:00

Okkar strákar eru með eitt stig í riðlinum en Danir hafa sjö stig og eru jafnir Portúgölum að stigum en Norðmenn eru í efsta sæti riðilsins með tíu stig.

Ísland var afar óheppið að tapa gegn Dönum á Parken í fyrri leik liðanna, en þá skoruðu þeir dönsku eina mark leiksins í uppbótartíma. Okkar piltar vilja eflaust ólmir hefna þess taps og vinna jafnframt fyrsta sigur Íslands á Danmörku í leik hjá A-landsliði karla.

Þessar þjóðir hafa mæst 21 sinni í gegnum tíðina og hafa Danir unnið 17 sinnum og 4 leikjum hefur lokið með jafntefli. Fyrsti A landsleikur Íslands var einmitt gegn Dönum, en þá var leikið á Melavellinum og unnu Danir 3-0 sigur.

Sjáumst á vellinum!

Miðaverð (í forsölu til og með 3. júní)
Rautt Svæði, 5.000 kr (4.500 í forsölu)
Blátt Svæði, 3.500 kr (3.000 í forsölu)
Grænt Svæði, 2.000 kr (1.500 í forsölu)

Hólf á Laugardalsvelli


Mót landsliða




Landslið




Aðildarfélög




Aðildarfélög