Landslið
Æfingabúðir A landsliða karla í janúar 2012

Æfingabúðunum lokið

Stíf fundarhöld og kraftmiklar æfingar

14.1.2012

Eins og kynnt hefur verið valdi Lars Lagerbäck, þjálfari A landsliðs karla, tæplega 30 manna hóp sem var kallaður saman til æfinga hér á landi.  Þessi hópur hefur æft og fundað stíft síðustu daga.  Lars hefur farið ítarlega yfir sínar hugmyndir með leikmönnum og sýnt þær í verki á æfingum. 

Þessum æfingabúðum lauk í dag, laugardag, með því að hópnum var skipt í tvö lið sem léku í 2x30 mínútur.  Heimir Hallgrímsson, aðstoðarþjálfari liðsins stjórnaði af bekknum öðrum megin, og hinum megin var við stjórnvölinn Sigurður Ragnar Eyjólfsson, þjálfari A landsliðs kvenna.  Aðeins eitt mark var skorað í leiknum, enda varnir beggja liða þéttar.  Enda hefur Lars þá grunnhugmynd að byggja leikaðferð sinna liða á öflugum varnarleik og leist honum afar vel á frammistöðu þessara leikmanna, sem leika með liðum hér á landi og í Skandinavíu.

Æfingabúðir A landsliðs karla í janúar 2012

Næsta verkefni karlalandsliðsins eru vináttulandsleikir við Japan og Svartfjallaland í lok febrúar.  Fyrri leikurinn er ekki á alþjóðlegum leikdegi og má búast við að leikmennirnir í þeim leik verði flestir úr þeim hópi sem æft hefur hér á landi síðustu daga.


Mót landsliða




Landslið




Aðildarfélög




Aðildarfélög