Landslið
A landslið kvenna

A kvenna - 6. sætið á Algarve Cup

Danir höfðu betur í leik um 5. sætið

7.3.2012

Íslenska kvennalandsliðið hafnaði í 6. sæti á Algarve Cup sem lauk í dag.  Íslendingar biðu lægri hlut gegn Dönum í leik um 5. sætið, 1 - 3.  Það var Hólmfríður Magnúsdóttir sem skoraði mark Íslands undir lok fyrri hálfleiks og minnkaði þá muninn í 1 - 2.

Danir fengu sannkallaða óskabyrjun og skoruðu strax á 2. mínútu.  Þeir bættu svo við öðru marki á 17. mínútu.  Íslenska liðið komst svo smám saman meira inn í leikinn er leið á hálfleikinn og á 44. mínútu skoraði Hólmfríður Magnúsdóttir eftir að hafa hirt boltann af markverði Dana.

Íslenska liðið byrjaði síðari hálfleikinn vel en Danir voru aldrei langt undan og fengu bæði lið góð færi í síðari hálfleiknum.  Hólmfríður og Gunnhildur Yrsa fengu bestu færi Íslands í síðari hálfleiknum en það voru Danir sem skoruðu eina mark hálfleiksins á 88. mínútu og fögnuðu sigri í leikslok.  Farið var að draga af báðum liðum undir lok leiksins enda fjórði leikurinn á átta dögum.

 


Mót landsliða




Landslið




Aðildarfélög




Aðildarfélög