Leyfiskerfi
Valbjarnarvöllur

Öll 24 félögin hafa skilað leyfisgögnum

Í janúar er skilað öllum leyfisgögnum öðrum en fjárhagslegum

8.2.2017

Öll 24 félögin sem undirgangast leyfiskerfi KSÍ fyrir keppnistímabilið 2017, þ.e. félögin í Pepsi-deild karla og Inkasso-deild karla, hafa skilað leyfisgögnum.  Leyfisstjórn hefur þegar farið yfir gögnin og gert athugasemdir þar sem við á.

Gögnin sem skilað er í janúar (skilafrestur 15. janúar) snúa að öllum þáttum öðrum en fjárhagslegum.  Hér er átt við mannvirkjaþætti (afnotasamninga við sveitarfélög, framkvæmdaáætlanir, vallarleyfi), starfsfólk og stjórnun (ráðningasamningar þjálfara), knattspyrnulega þætti (læknisskoðun leikmanna (PD), uppeldi ungra leikmanna) og lagalega þætti (lög félags og samþykktir, skipurit, ábyrgðarmenn).

Fjárhagslegum leyfisgögnum (ársreikningar, staðfesting á engum vanskilum við leikmenn og þjálfara, fjárhagsáætlanir, o.fl.) er svo skilað 20. febrúar.




Leyfiskerfi




Aðildarfélög




Aðildarfélög