Leyfiskerfi
Þrjú félög í 1. deild uppfylla allar kröfur fyrir félag í efstu deild
HK, ÍA og Víkingur R. uppfylla allar A-forsendur
Leyfisstjóri gaf sérstaka skýrslu á fundi leyfisráðs í dag, þriðjudag, um það hvaða félög í 1. deild uppfylltu kröfur fyrir félög í efstu deild. HK, ÍA og Víkingur R. uppfylla allar kröfur sem gerðar eru til félaga í efstu deild, allar A-forsendur leyfishandbókarinnar.
Þá lagði leyfisstjóri einnig mat á gögn Njarðvíkur, en Njarðvíkingar óskuðu sérstaklega eftir því að undirgangast leyfiskerfið og taka þátt í leyfisferlinu fyrir keppnistímabilið 2009, þó svo að félagið léki í 2. deild, sem fellur ekki undir leyfiskerfi KSÍ. Njarðvík uppfyllir kröfur fyrir félög í 1. deild 2009.
