Lög og reglugerðir
Knattspyrnusamband Íslands

Breyting á reglugerð - Bráðabirgðaákvæði vegna félagaskipta

Vegna félagaskipta og leikheimilda í Lengjubikarnum keppnistímabilið 2012

26.1.2012

 

Stjórn KSÍ samþykkti á fundi sínum þann 25. janúar bráðabirgðaákvæði í reglugerð KSÍ um félagaskipti, samninga og stöðu leikmanna og félaga vegna félagaskipta og leikheimilda í deildarbikarkeppni (Lengjubikarnum) keppnistímabilið 2012.  Bráðabirgðaákvæðið er svohljóðandi:

Ný grein 3.6. (Bráðabirgðaákvæði fyrir keppnistímabilið 2012).

Leikmaður sem er handhafi keppnisleyfis sem tekur gildi 22. febrúar 2012 hefur heimild til að taka þátt í deildarbikarkeppni KSÍ (Lengjubikarnum) með nýja félaginu frá og með þeim degi er keppnisleyfið er gefið út.

Greinargerð:

Deildarbikarkeppni KSÍ (Lengjubikarinn) hefst nú áður en félagaskiptagluggi opnar þann 22. febrúar.  Þeim félögum er leika í deildarbikarnum áður en félagaskiptaglugginn opnar er með þessu gert kleift að leika með leikmenn sem hafa fengið útgefið keppnisleyfi sem tekur gildi 22. febrúar 2012.  Rétt er að benda á að ekki er hægt að hefja félagaskiptaferli hjá leikmönnum sem eru að skipta um félag á milli landa,  og fara  í gegnum rafrænt félagaskiptakerfi FIFA (TMS),  fyrr en 22. febrúar 2012.  Keppnisleyfi er þó hægt að gefa út fyrr á leikmenn sem hafa félagaskipti á milli landa og þurfa ekki að fara í gegnum rafrænt félagaskiptakerfi (TMS), s.s. áhugamenn.




Lög og reglugerðir




Aðildarfélög




Aðildarfélög