Lög og reglugerðir

Viðamiklar breytingar á reglugerð KSÍ um félagaskipti, samninga og stöðu leikmanna og félaga

Forráðamenn félaga hvattir til þess að kynna sér þessar breytingar gaumgæfilega

12.4.2016

Á fundi stjórnar KSÍ 7. apríl sl. samþykkti stjórn KSÍ breytingar á reglugerð KSÍ um samninga, félagaskipti og stöðu leikmanna og félaga. Breytingar þessar byggja í grundvallaratriðum á niðurstöðum vinnuhóps um félagaskipti og samninga en skipan vinnuhópsins byggir á ályktunartillögu sem lögð var fyrir og samþykkt á 68. ársþingi KSÍ þann 15. febrúar 2014.

Tekið hefur verið tillit til þeirrar gagnrýni sem kom fram á kynningarfundum um fyrirhugaðar breytingar og ákvað stjórn KSÍ að breyta þeim hlutföllum sem það félag sem leikmaður er samningsbundinn við fær, áður en félagaskiptagjaldi er skipt á milli uppeldisfélaga.

Aðrar breytingar á reglugerðinni byggja á ályktunartillögu sem lögð var fyrir og samþykkt á 70. ársþingi KSÍ 2016 og varðar breytingar á reglum um skráningargjald vegna félagaskipta.

Forráðamenn félaga hvattir til þess að kynna sér þessar breytingar gaumgæfilega en þær er að finna í dreifibréfi sem sent hefur verið á öll félög og má finna hér að neðan.

Dreifibréf nr. 4 - Breytingar á reglugerð KSÍ um félagaskipti, samninga og stöðu leikmanna og félaga




Lög og reglugerðir




Aðildarfélög




Aðildarfélög