Lög og reglugerðir

Breytingar á reglugerð - Viðræður við leikmenn

Breytingar taka gildi 16. október næstkomandi

2.8.2017

Á fundi stjórnar KSÍ 13. júlí sl. samþykkti stjórn KSÍ breytingar á reglugerð KSÍ um félagaskipti, samninga og stöðu leikmanna og félaga. Breytingar þessar eru til samræmis við samþykktir ársþings KSÍ 2016 og snúa að reglum um hvenær megi hefja viðræður við leikmenn.

 Samþykkti þingið að skipaður yrði starfshópur til að fjalla um breytingarnar og voru niðurstöður hópsins kynntar á ársþingi KSÍ 2017. Breytt reglugerðarákvæði hafa nú verið samþykkt og munu þau taka gildi þann 16. október 2017. 

Eftir breytingar verður félagi heimilt að eiga í samningaviðræðum og skrifa undir samning við leikmann í öðru félagi eftir að sex mánuðir eru til loka samningstíma leikmannsins við sitt núverandi félag. Þó skal hafa það í huga að félag sem hyggst hefja samningaviðræður við leikmann, eftir að sex mánuðir eru til loka samningstíma hans við sitt núverandi félag, skal þá þegar tilkynna stjórn þess félags, um það skriflega og með sannanlegum hætti áður en samningaviðræður hefjast við leikmanninn. 

Sama á við þegar leikmaður hyggst hefja samningaviðræður við annað félag, en þá ber leikmanni að tilkynna stjórn núverandi félags áður en þær viðræður hefjast. 

Meðfylgjandi er dreifibréf nr. 11/2017 þar sem breytingarnar eru kynntar nánar.

Dreifibréf nr.11.




Lög og reglugerðir




Aðildarfélög




Aðildarfélög