Villa

Engin gögn voru send. Vinsamlegast farið aftur til baka og reynið aftur

REGLUGERÐ KSÍ UM KNATTSPYRNUMÓT

1. ALMENN ÁKVÆÐI

1. 1.      Knattspyrnumót

1          Öll knattspyrnumót og knattspyrnuleikir skulu fara fram samkvæmt lögum ÍSÍ, knattspyrnulögum KSÍ, Móta- og keppendareglum ÍSÍ, reglugerð þessari, svo og starfsreglum knattspyrnuráða, sem samþykktar hafa verið af viðkomandi héraðssambandi og staðfestar af KSÍ.

2          Samþykktir Alþjóðaknattspyrnusambandsins (FIFA) og Knattspyrnu-sambands Evrópu (UEFA) eru bindandi fyrir KSÍ.

3          Þar sem nefnt er knattspyrnuráð eða ráð í reglum þessum er eins átt við héraðsstjórn, þar sem knattspyrnuráð er ekki stofnað.

1. 2.      Hlutgengi

1          Hlutgengir til þátttöku í knattspyrnumótum eru leikmenn sem eru félagar í því félagi, sem þeir keppa með og uppfylla ákvæði reglugerða KSÍ um félagaskipti leikmanna og stöðu félaga og leikmanna.

1. 3.      Aldursflokkaskipting

1        

• 1. aldursflokkur: Frá og með því almanaksári er leikmaður verður 20 ára.
• 2. aldursflokkur: Frá og með því almanaksári er leikmaður verður 17 ára og fram til þess almanaksárs er hann verður 19 ára og að því meðtöldu.
• 3. aldursflokkur: Frá og með því almanaksári er leikmaður verður 15 ára og fram til þess almanaksárs er hann verður 16 ára og að því meðtöldu.
• 4. aldursflokkur: Frá og með því almanaksári er leikmaður verður 13 ára og fram til þess almanaksárs er hann verður 14 ára og að því meðtöldu.
• 5. aldursflokkur: Frá og með því almanaksári er leikmaður verður 11 ára og fram til þess almanaksárs er hann verður 12 ára og að því meðtöldu.
• 6. aldursflokkur: Að því almanaksári er leikmaður verður 10 ára og að því meðtöldu.

2          Hverjum aldursflokki má skipta niður í lið eftir getu. Skal skipta 1. aldursflokki svo, að besta liðið heiti meistaraflokkur og næstbesta 1. flokkur. Öðrum aldursflokkum skal skipt niður í A, B og C lið og svo framvegis.

1. 4.      Framkoma og ábyrgð

1          Félög, iðkendur, forystumenn og aðrir skulu jafnan sýna drengskap og forðast hvaðeina sem rýrt gæti álit almennings á íþróttinni og koma fram af hollustu,  heiðarleika og sönnum íþróttaanda. Þeir sem taka þátt í starfi knattspyrnuhreyfingarinnar skulu leitast við að gera ekkert það sem til vanvirðu má telja fyrir íþróttina.

2          Sérhvert félag er ábyrgt fyrir framkomu leikmanna, forráðamanna,  félagsmanna og stuðningsmanna sinna og allra þeirra sem hafa hlutverk á vegum þess í tengslum við kappleik.

1. 5.      Trygging iðkenda

1          Allir samningsbundnir leikmenn skv. reglugerð KSÍ um samninga og stöðu félaga og leikmanna skulu vátryggðir skv. reglugerð KSÍ um samninga og stöðu félaga og leikmanna. Félagi er skylt að senda KSÍ afrit af tryggingarskírteini sínu fyrir slíka leikmenn og skal það gert fyrir 30. apríl.

1. 6.      Verðlaunagripir og verlðaunapeningar

1          Stjórn KSÍ veitir verðlaunagripi sem vinnast til eignar í öllum mótum á vegum KSÍ þar sem keppt er til úrslita. Í Landsbankadeild karla og kvenna, Bikarkeppni og Deildarbikarkeppni KSÍ skal einnig veita verðlaunagripi sem sigurvegari varðveitir þar til keppt er um hann næst. Stjórn KSÍ getur sett ítarlegri reglur um einstaka verðlaunagripi.

2          Verði hætt að keppa um verðlaunagrip, sem um hefur verið keppt í landsmóti eða móti, sem er opið fleiri héruðum en einu, skal hann falinn stjórn KSÍ til varðveislu og ráðstöfunar.

3          Félög, sem hafa undir höndum verðlaunagripi, sem keppt er um í mótum á vegum KSÍ, skulu skila þeim til Mótanefndar eigi síðar en einum mánuði áður en viðeigandi keppni næsta árs lýkur.

4          Sigurvegurum í mótum og þeim sem hafna í 2. sæti skal veita verðlaunapeninga skv. ákvörðun stjórnar KSÍ.

5          Fjöldi verðlaunapeninga til verðlaunahafa skal vera 20 en þó skal félagi heimilt að verðlauna fleiri þátttakendur gerist þess þörf. Þegar við á skal fjöldi verðlaunapeninga vera 14 (innanhússknattspyrna og miniknattspyrna).

2. KEPPNISREGLUR

2. 1.      Takmörkun á hlutgengi

1          Enginn má leika með yngri aldursflokki en honum ber.

2          Félagi er heimilt að sækja um sérstaka undanþágu frá grein 2.1.1 fyrir leikmann 15 ára og yngri, ef um er að ræða félagslegar eða læknisfræðilegar ástæður. Umsókn félags skal staðfest af forráðamanni leikmanns og henni skal fylgja vottorð viðurkennds fagaðila, t.d. félagsráðgjafa, sálfræðings eða læknis.

3          Eldri og yngri aldursflokkar mega ekki keppa innbyrðis.

4          Taki fleiri en eitt lið frá sama félagi þátt í móti, má enginn leikmaður leika nema með einu liði. Í yngri aldursflokkum er mótanefnd heimilt að víkja frá þessu ákvæði samkvæmt nánari reglum þar um.

5          Enginn leikmaður má taka þátt í nema einum kappleik sama daginn, nema um sé að ræða leiki í úrslitakeppni eða hraðkeppni, og þá einungis í einum aldursflokki.

6          Félagi er heimilt að sækja um sérstaka undanþágu frá reglu 2.1.5. ef sýnt þykir að viðkomandi félag getur ekki mannað 11 manna lið í 3. eða 4. flokki nema með því að nota leikmann úr yngri flokki sem þó hefur leikið sama dag.  Undanþágubeiðni skal skila skriflega til mótanefndar KSÍ a.m.k. þremur sólarhringum fyrir leik og ber mótanefnd að svara umsókn a.m.k. sólarhring fyrir leik.

7          Félagi er heimilt að láta konur taka þátt í keppni með liði karla í 4. aldursflokki og enn yngri flokkum.

2. 2.      Lágmarksfjöldi leikmanna

1          Keppni getur ekki hafist, ef færri en 7 leikmenn úr sama liði eru mættir, þegar 10 mínútur eru liðnar frá því að keppni átti að hefjast. Skal hinn skipaði dómari þá gefa skýrslu til viðkomandi knattspyrnuráðs innan 48 klst., um að leikur hafi ekki getað farið fram og tilgreina ástæður.

2          Verði leikmenn liðs færri en 7 skal dómari slíta leiknum. Viðkomandi lið telst hafa tapað leiknum 0 - 3 nema staðan hafi verið óhagstæðari fyrir liðið og skal þá sú staða skráð sem úrslit leiksins.

2. 3.      Leikskýrsla

1          Leikskýrsla skal gefin á þeim eyðublöðum, sem KSÍ gefur út eða gefin er út í umboði þess.

2          Áður en leikur hefst skal forráðamaður heimaliðs afhenda dómara útfyllta leikskýrslu með nöfnum þeirra leikmanna, sem hefja eiga leik auk varamanna, sem mega ekki vera fleiri en 5. Númer hvers og eins skal tilgreint á leikskýrslunni í samræmi við númer á keppnisbúningi. Einnig skal skrá á skýrsluna nöfn liðsstjórnar, allt að 5 manna. Í Landsbankadeild, Bikarkeppni KSÍ í meistaraflokki (aðalkeppni) og Meistarakeppni KSÍ, mega varamenn ekki vera fleiri en 7 og allt að 7 menn í liðsstjórn. Á leikskýrslu skal tilgreina kennitölu leikmanna og liðstjórnar, sbr. þó 4. grein.

3          Leikmenn sem hefja leik í keppni 11 manna liða, sbr. þó 4. grein, skulu bera númer 1 til 11 og varamenn númer 12 til 16. Markverðir skulu bera númer 1, 12 eða 16. Leikmenn skulu skráðir í númeraröð á leikskýrslu.

4          Leikmaður sem leikur í Landsbankadeild karla skal hafa sama númer í öllum leikjum í deildinni og einnig þegar hann tekur þátt í bikarkeppni KSÍ í meistaraflokki. Leikmenn hvers félags í meistaraflokki sem tekur þátt í Landsbankadeild karla skulu númeraðir frá 1 - 30 þannig að hvert númer er aðeins úthlutað einum leikmanni. Þurfi félag að nota fleiri leikmenn skal nýr leikmaður bera númer 31, sá næsti 32 o. s. frv. Félög í Landsbankadeild karla skulu tilkynna KSÍ um númer leikmanna fyrir 1. maí ár hvert. Leikmenn skulu skráðir þannig á leikskýrslu að fyrst skal skrá markvörð og síðan aðra leikmenn sem hefja leik. Varamarkvörður skal skráður fyrstur í hópi varamanna. Á leiksskýrslu skal skrá númer leikmanns í stað kennitölu.

5          Að leik loknum gengur dómari frá leikskýrslu og skal hann rita á skýrsluna hverjir hafi gerst brotlegir við starfsreglur Aganefndar KSÍ. Leikskýrsluna skal setja í póst næsta virka dag eftir leik eða henni komið þann dag á skrifstofu KSÍ. Í meistaraflokki karla og kvenna skal dómarinn sjá um skýrsluskil en heimalið í öðrum flokkum.

6          Félögum ber skylda til að skrá upplýsingar á leikskýrslum í heimaleikjum sínum í gagnagrunn KSÍ sem hér greinir:

• a) Úrslit leiks skulu skráð strax að leik loknum.
• b) Allar upplýsingar á  leikskýrslu í meistaraflokki skulu skráðar innan 2. klst. frá því að leik lýkur.
• c) Í keppni 11 manna liða (öðrum en meistaraflokki) skal skrá upplýsingar á leikskýrslu innan sólarhrings frá því að leik lýkur. Nauðsynlegt er að skrá áminningar, brottvísanir og nöfn dómara.
• d) Í keppni 7 manna liða skal skrá upplýsingar á leikskýrslu innan sólahrings frá því að leik lýkur. Nauðsynlegt er að skrá nöfn dómara.

2. 4.      Búnaður leikmanna

1          Allir leikmenn sama kappliðs, að undanskildum markverði, skulu vera í eins litum búningi. Búningar skulu vera í samræmi við reglugerð KSÍ um búnað knattspyrnuliða og samþykktir af KSÍ. Sé einhver leikmanna í búningi, sem frábrugðinn er búningi félaga hans, skal dómari víkja honum af leikvelli þar til ákvæði þessu hefur verið fullnægt.

2          Séu búningar beggja liðanna svo líkir, að dómara veitist örðugt að greina á milli, skal það félag sem á heimaleik halda sínum aðalbúningi.

3          Knattspyrnuskór sem notaðir eru í kappleikjum skulu vera í samræmi við knattspyrnulög KSÍ. Félögum (vallaryfirvöldum) skal heimilt að setja bann við notkun á grasskóm á grasvöllum sínum í landsmótum allra flokka nema meistaraflokkum. Grasskór eru allir takkaskór sem hafa skrúfaða takka. Félög skulu tilkynna KSÍ fyrir 15. mars hvort þau hyggist notfæra sér heimild þessa og er sú ákvörðun bindandi fyrir keppnistímabilið. Ákvörðun hvers félags skal birt í félagatali í Handbók KSÍ. Dómarar skulu kynna sér ákvæði þessi þegar við á og sjá um að þeim sé framfylgt.

2. 5.      Keppnisknettir

1          Það félag eða ráð, sem fyrir leik á að ráða, skal leggja til knött og varaknetti.

3. MÓTAREGLUR

3. 1.      Þátttökuréttur

1          Félög innan ÍSÍ eiga rétt á að taka þátt í opinberum knattspyrnumótum.

2          Í landsmótum getur aðeins tekið þátt eitt lið frá hverju félagi í hverju móti.

3          Heimilt er tveimur félögum eða fleiri að senda sameiginlegt lið til keppni í landsmótum. Félag getur ekki tekið þátt í landsmótum með eigið lið á sama tíma og það á aðild að liði með öðru félagi eða öðrum félögum í sama aldursflokki.

4          Ákveði tvö eða fleiri félög að senda sameiginlegt lið til þátttöku í landsmótum skal sameiginlega liðið halda sæti þess félags, sem rétt á til að leika í hæsta riðli eða deild næsta keppnistímabil.

5          Ákveði félag, sem á aðild að sameiginlegu liði að senda eigið lið til þátttöku í landsmótum viðkomandi aldursflokks skal líta svo á, að hið sameiginlega lið hafi hætt þátttöku. Félög, sem eiga aðild að sameiginlegu liði sem hættir keppni þurfa að hefja keppni að nýju í lægsta riðli eða deild í viðkomandi aldursflokki. Félög geta þó sótt um að halda sæti sameiginlega liðsins, sem þau áttu aðild að. Stjórn KSÍ er heimilt að fallast á slíka ósk.

6          Félög sem ákveða að senda sameiginlegt lið til keppni skv. þessari grein, skulu gera um það skriflegt samkomulagt og senda stjórn KSÍ til staðfestingar fyrir 19. janúar, til þess að það geti öðlast gildi á komandi keppnistímabili. Í slíku samkomulagi skal koma fram m.a. hver beri fjárhagslega ábyrgð á samstarfinu, framkvæmd samstarfsins og stöðu félaga við slit.

3. 2.      Lögmæti kappleiks

1          Kappleikur er því aðeins gildur, að farið sé eftir reglum KSÍ og ÍSÍ. Knattspyrnuráð getur bannað, að kappleikur fari fram, ef sýnt þykir, að ekki muni farið eftir gildandi reglum.

3. 3.      Knattspyrnuvellir

1          Allir knattspyrnuleikir á vegum KSÍ skulu fara fram á leikvöllum, sem uppfylla kröfur reglna KSÍ fyrir knattspyrnuvelli á Íslandi.

2          Félög skulu tilkynna KSÍ um stærð keppnisvalla sinna og gerð fyrir 20. janúar ár hvert. Uppfylli keppnisvöllur félags ekki kröfur um lágmarksstærð skal umsókn þess um þátttöku í mótum á vegum KSÍ hafnað. KSÍ skal gera grein fyrir keppnisvöllum félaganna í Handbók KSÍ undir félagatali.

3. 4.      Mótanefnd KSÍ

1          Yfirstjórn landsmóta skal vera í höndum sérstakrar Mótanefndar KSÍ, sem skal skipuð 3 mönnum. Skal formaður vera stjórnarmeðlimur KSÍ, en hinir tilnefndir af stjórn KSÍ.

2          Þátttökutilkynningar í landsmótum utanhúss skulu berast skrifstofu KSÍ á sérstökum eyðublöðum fyrir 20. janúar. Félög sem rétt eiga til þátttöku í landsdeildum meistaraflokks skulu þó staðfesta þátttöku sína þar með formlegum hætti fyrir 1. nóvember árið áður.

3          Stjórn KSÍ skal í samráði við mótanefnd, ákveða þátttökugjöld í landsmótum og bikarkeppnum, hverju sinni fyrir meistaraflokk karla og kvenna, en yngri flokkar skulu einungis greiða skráningargjald fyrir hvern aldursflokk í sömu keppnum að upphæð kr. 1.200,- fyrir hvern flokk. Þátttökutilkynningar verða ekki teknar til greina nema með fylgi helmingur þátttöku- og skráningargjalda, helmingur heildargjalds vegna ferða- og uppihaldskostnaðar dómara- og aðstoðardómara vegna leikja í deildakeppni (ef við á) og ógreiddar skuldir fyrra árs. Eftirstöðvar þessara gjalda skal inna af hendi eigi síðar en 30. apríl sama ár ella hefur þátttökutilkynningin ekki verið staðfest.

4          Mótanefndin skal annast niðurröðun allra leikja, þar með taldir landsleikir, gestaleikir og pressuleikir og hafa um það samráð við viðkomandi héraðssambönd. Skal því starfi lokið fyrir 1. mars og skal þá prentuð leikjaskrá, sem send skal þátttökuaðilum.

5          Mótanefnd er heimilt að færa lið niður um riðil/deild í yngri flokkum, berist henni rökstudd ósk um það frá stjórn hlutaðeigandi félags með þátttökutilkynningu.

6          Ef sæti losnar í riðli/deild í yngri flokkum skal mótanefnd ákveða hvaða  félag tekur sætið sem losnar.

7          Það skal vera megin regla að félög geti ekki átt tvö lið í sama riðli/deild í 11 manna liðum

8          Milli kappleikja hjá sama liði skulu líða minnst 2 heilir dagar, en heimilt er mótsstjórn að stytta þennan tíma ef nauðsyn krefur.

9          Sambandsaðilar annast framkvæmd leikja hver í sínu héraði, en undir stjórn Mótanefndar KSÍ.

10         Þeir sambandsaðilar sem sjá um framkvæmd leikja, skulu í einu og öllu fara eftir útgefinni leikjaskrá. Í Landsbankadeild karla, 1. deild karla og aðalkeppni Bikarkeppni KSÍ í meistaraflokki karla skal senda Mótanefnd skilagrein yfir fjölda áhorfenda, tekjur og gjöld strax að leik loknum og eigi síðar en 8 dögum frá því að leikur fór fram.

11         Farist kappleikur fyrir eftir ákvörðun mótsstjórnar eða dómara vegna veðurs eða annarra orsaka eða leik er hætt áður en fullum leiktíma er náð, skal leikurinn fara fram næsta dag sem fær þykir og við verður komið.

12         Breyting á útgefinni leikjaskrá varðandi leiktíma og leikstað er aðeins heimil að fenginni heimild Mótanefndar eða landshlutafulltrúa, þar sem við á. Komi félög sér saman um breytingar á leikdegi skal Mótanefnd heimilt að samþykkja það. Ef leikaðilar breyta leiktíma og leikstað, án samþykkis Mótanefndar, telst leikurinn ógildur og skal Mótanefnd setja hann á að nýju. Sé hins vegar ekki um að ræða leik í meistaraflokki karla eða kvenna, skal Mótanefnd heimilt að láta úrslit leiksins standa, ef að öðru leyti hefur verið farið eftir reglum KSÍ og ÍSÍ. Mótanefnd skal hins vegar haga niðurröðun þannig á næsta ári, að viðkomandi félög missi einn heimaleik sinn í sömu keppni og sama aldursflokki. Ef lið er svipt einum eða fleiri heimaleikjum skal það gert eftir töfluröð, sbr. 3. 6.

13         Hraðmót félaga skal tilkynna Mótanefnd KSÍ fyrir 1. mars ár hvert og þau dagsett í samráði við hana.

14         Mótanefnd annast framkvæmd úrslitaleikja og úrslitakeppna í yngri flokkum karla og kvenna, en getur falið einstökum félögum að hafa umsjón með keppni. Mótanefnd er heimilt án endurgjalds að setja úrslitaleik í yngri aldursflokkum á völl félags sem tekur þátt í mótum yngri aldursflokka. Mótanefnd skal í samráði við Dómaranefnd KSÍ hafa eftirlit með úrslitaleikjum og eftir því sem unnt er framkvæmd úrslitakeppna, sem félögum er falið að annast.

15         Ef félög vilja taka til sín og hafa umsjón með úrslitakeppni í yngri flokkum karla eða kvenna skulu þau tilkynna Mótanefnd það fyrir 1. júlí.  Umsókn félags um tiltekna keppni er eingöngu bindandi fyrir félagið ef það hefur unnið sér rétt til að taka þátt í henni. Umsóknirnar eru ekki bindandi fyrir Mótanefnd en þær skulu hafa forgang ef kostur er á því.  Óheimilt er að láta leiki í úrslitakeppni fara fram á gervigrasi, nema bæði liðin samþykki.

16         Heimboð erlendra knattspyrnuflokka svo og utanferðir innlendra flokka skulu vera í samráði við viðkomandi knattspyrnuráð og Mótanefnd KSÍ.

17         Mótanefnd getur heimilað félögum á einstökum landssvæðum að senda úrvalslið í úrslitakeppni einstakra móta.  Umsókn frá hlutaðeigandi félögum skulu berast mótanefnd KSÍ fyrir 1. júlí.

3. 5.      Dómgæsla

1          Með þátttökutilkynningum í landsmót og bikarkeppnir skal tilgreina nafn á einum starfandi dómara næsta keppnistímabil, fyrir hvert lið, sem tilkynnt er þátttaka fyrir.

2          KSÍ skal vera ábyrgt fyrir dómara í leikjum í eftirfarandi mótum:

a.         öllum deildum meistaraflokks karla og kvenna,

b.         úrslitakeppni 3. deildar karla og 1. deildar kvenna, 

c.          bikarkeppni meistaraflokks karla og kvenna,

d.         meistarakeppni karla og kvenna,

e.         úrslitakeppnum yngri flokka og eldri flokks,

f.          í keppni U23 ára liða karla,

g.         A og B deild 2. flokks karla,

h.         bikarkeppni 2. flokks karla frá 8-liða úrslitum.

            KSÍ skal einnig vera ábyrgt fyrir aðstoðardómurum í sömu leikjum, þar sem þess er krafist, nema í riðlakeppni 3. deildar karla og 1. deildar kvenna og 2. flokks karla.

3          Heimalið skal vera ábyrgt fyrir dómara í leikjum í eftirfarandi flokkum og mótum:

a.         landsmóti yngri flokka karla og kvenna (riðlakeppni), [en þó ekki í A og B deild 2. flokks karla,]

b.         bikarkeppni yngri flokka karla og kvenna, [en þó ekki í bikarkeppni 2. flokks karla frá 8-liða úrslitum,]

c.          eldri flokkur (riðlakeppni),

            Heimalið skal vera ábyrgt fyrir aðstoðardómurum í leikjum í eftirfarandi flokkum og mótum:

a.         3. deild karla (riðlakeppni) og 1. deild kvenna (riðlakeppni),

b.         í keppni U23 ára liða karla,

c.          landsmót (riðlakeppni) og bikarkeppni 2. flokks karla og kvenna,

d.         eldri flokki (riðlakeppni).

4          KSÍ getur falið félagi, sem hefur umsjón með úrslitakeppni í yngri flokkum karla og kvenna, að annast dómgæslu í viðkomandi keppni.

5          Þátttökulið í úrslitakeppni yngri flokka skulu hvert tilnefna einn dómara og skal hann starfa við leiki keppninnar skv. ákvörðun keppnisstjórnar.

6          Hafi dómari eða aðstoðardómarar með tilskilin réttindi ekki mætt til leiks innan 30 mínútna frá því að hann átti að hefjast, skal leik frestað og settur á að nýju á heimavelli aðkomuliðs, enda hafi verið boðað til leiksins með minnst 48 klst. fyrirvara. Þessi regla á því aðeins við um þau tilvik þegar heimalið ber ábyrgð á mætingu dómara og aðstoðardómara, samanber 3. málsgrein.

7          Sömu tímamörk og að ofan greinir gilda einnig þegar KSÍ ber ábyrgð á dómara og/eða aðstoðardómurum. Skal í slíkum tilfellum setja leikinn á að nýju á sama velli og áður. Greiðir KSÍ þá allan kostnað vegna dómara og/eða aðstoðardómara, svo og ferðakostnað aðkomuliðs.

8          Noti dómari rétt sinn til að fresta leik eða slíta skal hann ganga frá skýrslu og skýra ástæðu ákvörðunar sinnar. Slík skýrsla skal send Móta- og Aganefnd KSÍ næsta virka dag eftir leik.

9          Dómari, sem lætur undir höfuð leggjast að senda skýrslu getur misst dómararéttindi sín.

10         Af hverjum leik sem fram fer í Landsbankadeild, 1. og 2. deild karla og Landsbankadeild kvenna skal heimaliðið greiða ákveðið gjald til að standa undir ferða- og uppihaldskostnaði dómara og aðstoðardómara vegna leikja í viðkomandi deild. KSÍ ákveður upphæð þessa gjalds í ofangreindum deildum og greiðslur til dómara vegna uppihaldskostnaðar og akstur eigin bifreiða. Verði afgangur af gjaldinu skal hann endurgreiddur liðum viðkomandi deildar. Nægi gjaldið hins vegar ekki fyrir öllum kostnaði, skulu lið viðkomandi deildar greiða það sem á vantar. Í A og B deild Íslandsmóts 2. flokks karla skal heimalið greiða gjald eins og að ofan greinir fyrir dómara.

3. 6.      Töfluröð í stigakeppni

1          Leikjum í stigakeppni skal raðað niður fyrirfram og skal leikið eftir þessum töflum.

            3-4 lið:

            1. umferð          1-4       2-3

            2. umferð          4-3       1-2

            3. umferð          2-4       3-1

            5-6 lið:

            1. umferð          1-6       2-5       3-4

            2. umferð          1-2       5-3       6-4

            3. umferð          3-1       4-5       2-6

            4. umferð          2-3       1-4       6-5

            5. umferð          5-1       3-6       4-2

            7-8 lið:

            1. umferð          1-8       2-7       3-6       4-5

            2. umferð          1-2       7-3       6-4       8-5

            3. umferð          3-1       4-7       5-6       2-8

            4. umferð          1-4       2-3       7-5       8-6

            5. umferð          5-1       4-2       6-7       3-8

            6. umferð          1-6       2-5       3-4       8-7

            7. umferð          7-1       6-2       5-3       4-8

            9-10 lið:

            1. umferð          1-10      2-9       3-8       4-7       5-6

            2. umferð          10-6      1-2       9-3       8-4       7-5

            3. umferð          2-10      3-1       4-9       5-8       6-7

            4. umferð          10-7      1-4       2-3       9-5       8-6

            5. umferð          3-10      5-1       4-2       6-9       7-8

            6. umferð          10-8      1-6       2-5       3-4       9-7

            7. umferð          4-10      7-1       6-2       5-3       8-9

            8. umferð          10-9      1-8       2-7       3-6       4-5

            9. umferð          5-10      9-1       8-2       7-3       6-4

            11-12 lið:

            1.  umferð         2-11      3-10      4-9       5-8       6-7       1-12

            2.  umferð         8-6       9-5       10-4      11-3      1-2       12-7

            3.  umferð         3-1       4-11      5-10      6-9       7-8       2-12

            4.  umferð         9-7       10-6      11-5      1-4       2-3       12-8

            5.  umferð         4-2       5-1       6-11      7-10      8-9       3-12

            6.  umferð         10-8      11-7      1-6       2-5       3-4       12-9

            7.  umferð         5-3       6-2       7-1       8-11      9-10      4-12

            8.  umferð         11-9      1-8       2-7       3-6       4-5       12-10

            9.  umferð         6-4       7-3       8-2       9-1       10-11    5-12

            10. umferð        1-10      2-9       3-8       4-7       5-6       12-11

            11. umferð        7-5       8-4       9-3       10-2      11-1      6-12

2          Fyrri talan táknar heimalið. Ef leikin er tvöföld keppni, snúast tölurnar við í seinni umferðinni.

3          Ef mörg lið frá sama héraði eða nærliggjandi svæði eiga að leika á sama degi er Mótanefnd heimilt að víkja frá ákvæðum þessum.

3. 7.      Stigakeppni

1          Í stigakeppni skulu allir leikir vera jafnlangir, uns einn hefur keppt við alla og allir við einn.

2          Í stigakeppni gefur sigur liði 3 stig, jafntefli 1 stig og tap ekkert stig, nema annað sé tekið fram í reglugerð móts. Sigurvegari í stigakeppni er það lið sem hlýtur flest stig og í 2. sæti er það lið sem hlýtur næst flest stig o.s.frv.

3          Röð liða í stigakeppni ákvarðast samkvæmt eftirfarandi:

            a.         Fjöldi stiga.

            b.         Markamismunur (skoruð mörk að frádregnum fengnum mörkum).

            c.          Fjöldi skoraðra marka.

            d.         Fjöldi stiga í innbyrðis leikjum.

            e.         Markamismunur í innbyrðis leikjum.

            f.          Fjöldi skoraðra marka í innbyrðis leikjum.

            g.         Fjöldi skoraðra marka á útivelli í innbyrðis leikjum.

            Ef stig eru jöfn, telst það lið fyrst sem hefur mestan markamismun og ef hann er einnig jafn, telst  það lið fyrst sem hefur skorað flest mörk. Nægi þetta ekki, ráða úrslit úr innbyrðis leikjum röð. Ef úrslit fást ekki skv. framangreindu í meistaraflokki karla eða kvenna, skulu liðin leika úrslitaleik (úrslitaleiki ef fleiri en tvö) ef nauðsyn krefur, en í öðrum flokkum skal ákvarða röð með hlutkesti.

3. 8.      Leikið til þrautar

1          Þegar leikið er til þrautar í útsláttarkeppni skal framlengt ef jafnt er eftir venjulegan leiktíma. Ef enn er jafnt skal fara fram vítaspyrnukeppni. Í vítaspyrnukeppni keppa liðin með 5 vítaspyrnum, teknum af 5 leikmönnum hvors liðs á sama mark. Hlutkesti ræður hvort liðið byrjar, en þau skiptast á um að spyrna. Sé enn jafnt, skal vítaspyrnukeppninni fram haldið með einni spyrnu á hvort lið, þar til úrslit fást. Sami leikmaður getur ekki spyrnt aftur fyrr en allir samherjar hans hafa spyrnt. Aðeins leikmenn á leikvelli í leikslok, geta tekið þátt í slíkri vítaspyrnukeppni.

2          Ef lið skilja jöfn í úrslitaleik að loknum venjulegum leiktíma, skal fram-lengja leikinn og sé enn jafnt skal fara fram vítaspyrnukeppni.

3          Ekki skal gefa leikhlé milli hálfleikja í framlengingu, heldur hefja leik að nýju strax og lið hafa skipt um vallarhelming.

3. 9.      Knattspyrnumót KSÍ

3. 9. 1.  Meistaraflokkur karla

Leiktími: 90 mín. (2 x 45 mín.)

Leikhlé: 5 mín.

Framlenging: 30 mín. (2 x 15 mín.)

Skiptingar: Heimilt að setja þrjá varamenn inn á í leik. Í 3. deild er heimilt að setja alla (fimm) varamenn inn á í leik.

Stærð knattar: 5. - Heimalið eða framkvæmdaraðili leiks skal leggja til 5 eins knetti í leikjum í Landsbankadeild karla, aðalkeppni bikarkeppni KSÍ og meistarakeppni KSÍ, en 3  í öðrum leikjum. Allir knettirnir eru jafngildir. Skiptiknöttur skal vera aftan við hvort mark og við hvora hliðarlínu fyrir miðju, þar sem við á, í umsjón boltakrakka, sem heimalið eða framkvæmdaraðili leiks skipa. Boltakrakkar skulu auðkenndir og fjöldi þeirra ekki vera færri en sex þar sem 5 knettir eru notaðir.

3. 9. 1. 1.          Íslandsmót

1          Í  Íslandsmóti  meistaraflokks karla skal þátttakandi liðum skipt í 4 deildir. Landsbankadeild skal skipuð 10 liðum, 1. deild 12 liðum, 2. deild 10 liðum og 3. deild skal skipuð þeim aðilum, sem ekki eiga lið í Landsbankadeild, 1. og 2. deild. Stjórn KSÍ ákveður á hverju ári hvert skuli vera nafn Landsbankadeildar.  [Ákvæði til bráðabirgða 2006:  Einungis neðsta lið 1. deildar 2006 flyst í 2. deild en þrjú efstu lið 2. deildar 2006 flytjast í 1. deild.  Á sama hátt  flyst aðeins neðsta lið 2. deildar 2006 í 3. deild og þrjú efstu lið 3. deildar 2006 flytjast í 2. deild.]

2          Í öllum deildum er leikin tvöföld umferð og leikur hvert lið tvo leiki gegn hverju hinna liðanna, heima og heiman. Keppnin er stigakeppni.

3          Mótanefnd KSÍ annast niðurröðun leikja og skal miðað að því, að hvert lið leiki einn leik í viku. Þó má raða þéttar niður ef nauðsyn þykir til að mati Mótanefndar.

4          Mótanefnd skal að öllu jöfnu raða leikjum í síðustu tveimur umferðum í Landsbankadeild karla á sama tíma. Sama gildi um síðustu umferð í 1. deild karla. Leikir í þessum umferðum, sem geta haft úrslitaáhrif á stöðu liða í efstu sætum (rétt til þátttöku í Evrópukeppni) skulu ávallt fara fram á sama tíma. Sama á við um leiki, sem geta haft úrslitaáhrif á fall úr deild. Liði, sem ferðast til leiks í þessum umferðum, er óheimilt að treysta á flug á leikdegi og skal nota annan ferðamáta til að komast á leikstað á réttum tíma.

5          Lögð skal áhersla á að leikir fari fram á grasvöllum. Sé önnur vallargerð valin, malarvöllur eða gervigrasvöllur, skal framkvæmdaraðili leiks (heimalið) tilkynna aðkomuliði um það með sólarhrings fyrirvara.

6          Stjórn KSÍ skal ákveða keppnisfyrirkomulag í 3. deild þegar þátttaka liggur fyrir. Fyrst skal fara fram svæðisbundin riðlakeppni og síðan úrslitakeppni um sæti í 2. deild.

7          Tvö efstu liðin í 1. deild færast næsta leikár upp í Landsbankadeild. Tvö neðstu liðin í Landsbankadeild færast næsta leikár niður í 1. deild og tvö neðstu liðin í 1. deild færast næsta leikár niður í 2. deild.

8          Tvö efstu liðin í 2. deild færast næsta leikár upp í 1. deild og tvö neðstu lið 2. deildar færast næsta leikár niður í 3.deild.

9          Ef lið dregur sig úr eða er vísað úr keppni, má það hefja þátttöku í 3. deild. Ef um er að ræða lið í Landsbankadeild, 1. eða 2. deild, skal liðið í 3. sæti næstu deildar fyrir neðan flytjast upp um deild.

10         Það félag, sem ferðast til leiks greiðir sjálft ferða- og  uppihaldskostnað leikmanna sinna. Beinan kostnað vegna leiksins greiðir heimaliðið.

11         Tekjur af seldum aðgöngumiðum renni til heimaliðs, en tekjur af útvarpi og sjónvarpi skiptist milli leikaðila. Hafi félag ferðast til leiks, sem síðan er aflýst, án þess að unnt hafi verið að tilkynna félaginu það áður en ferðin hófst, á félagið rétt á greiðslu helmings ferðakostnaðar fyrir 18 manns (þar sem það á við), enda hafi ferðin hafist á eðlilegum tíma. Mótanefnd KSÍ sker úr ágreiningi um ferðakostnaðinn. Við aðgöngumiðasölu skal skylt að nota númeraða rúllumiða. Hafi leiknum verið aflýst með minnst 24  klst. fyrirvara á aðkomulið ekki rétt á greiðslu helmings ferðakostnaðar. Hugsanlegar greiðslur til lækna eða nuddara o.s.frv. vegna meiðsla leikmanna teljast ekki kostnaður leiksins.

12         Mótanefnd KSÍ ákveður lágmarksverð aðgöngumiða. Miðaverð taki eðlilegum verðbreytingum milli ára.

13         Ókeypis aðgang hafa:

• 1.         Þeir aðilar, sem hafa aðgöngukort samkvæmt reglugerð útgefinni af stjórn KSÍ.
• 2.         Hvert félag skal hafa rétt til 30 frímiða að leikjum þeirrar deildar, sem það leikur í.

[Ákvörðun stjórnar KSÍ um 3. 9. 1. 1. 6: Í 3. deild karla 2006 skal liðum skipt í fjóra riðla. Í A riðli eru lið af Suðurlandi, í B riðli eru lið af Suðurlandi og Vestfjörðum, í C riðli eru lið af Vestur- og Norðvesturlandi, í D riðli eru lið af Norðaustur- og Austurlandi.

Tvö efstu lið í hverjum riðli fara í úrslitakeppni, en þrjú efstu liðin í henni færast næsta leikár upp í 2. deild.

Í úrslitakeppninni skal leikin útsláttarkeppni heima og heiman sem hér segir:

• 8 liða úrslit - fyrri leikir B2 - A1, C2 - B1, D2 - C1, A2 - D1
• 8 liða úrslit - seinni leikir A1 - B2, B1 - C2, C1 - D2, D1 - A2

Sigurvegarar í 8 liða úrslitum halda áfram keppni og leika sem hér segir:

• Undanúrslit - fyrri leikir B2/A1 - D2/C1, C2/B1 - A2/D1
• Undanúrslit - seinni leikir A1/B2 - C1/D2, B1/C2 - D1/A2

Fyrirkomulag útsláttarkeppninnar skal vera þannig, að það lið kemst áfram, sem skorað hefur fleiri mörk samanlagt í báðum leikjum viðkomandi liða. Fáist ekki úrslit þannig, skal það lið komast áfram sem skorað hefur fleiri mörk á útivelli. Fáist ekki úrslit þannig, skal framlengt í síðari leik liðanna og sé enn jafnt (enn gildir að það lið kemst áfram sem skorað hefur fleiri mörk á útivelli), skulu úrslitin ráðin með vítaspyrnukeppni.

Sigurvegarar í undanúrslitum skulu síðan leika úrslitaleik á hlutlausum velli og liðin sem biðu ósigur leika um 3. sæti. Leikið skal til þrautar í báðum leikjum.]

3. 9. 1. 2.          Bikarkeppni KSÍ

1          Þátttaka í Bikarkeppni KSÍ er heimil öllum félögum og  aðilum ÍSÍ.

2          Hverjum þátttökuaðila skal heimilt að senda eitt lið til keppni.

3          Allir leikmenn félags eru hlutgengir til leiks með liði félagsins.

4          Keppt skal samkvæmt útsláttarfyrirkomulagi, þannig að sigurvegari leiks heldur áfram keppni en taplið er úr leik. Draga skal um hvað lið mætast og skal það lið sem dregið er á undan leika á heimavelli sbr. þó 6. gr. Keppnin skal vera tvískipt:

            a.         Undankeppni

            b.         Aðalkeppni

5          Í undankeppni taka þátt öll lið nema þau, sem taka þátt í Landsbankadeild. Svæðakeppni skal viðhöfð í undankeppninni og keppni liðanna hagað svo, að 6 lið komist áfram í aðalkeppnina. Skal undankeppni lokið eigi síðar en 30. júní.

6          Aðalkeppnin skal hefjast eftir 30. júní og hefja þá liðin sem leika í Landsbankadeild þátttöku. Í fyrstu umferð aðalkeppni (16 liða úrslitum) skulu liðin úr undankeppninni leika á heimavelli ef þau dragast á móti liði úr Landsbankadeild. Úrslitaleikur og undanúrslitaleikir bikarkeppninnar skulu fara fram á Laugardalsvelli og skal keppninni ljúka í lok ágúst eða í september. Mótanefnd skal þó heimilt að láta leiki í undanúrslitum fara fram annars staðar en á Laugardalsvelli við sérstakar aðstæður. Mótanefnd annast framkvæmd leikjanna í samráði við leikaðila.

7          Í keppninni skal leikið til þrautar. Sé jafnt eftir venjulegan leiktíma skal framlengt og sé enn jafnt skal fara fram vítaspyrnukeppni.

8          Venjulegur kostnaður við leiki, þ. e. 20% framkvæmdargjald til heimaliðsins, ferðakostnaður keppnisliða (fargjald fyrir allt að 22) og ferða- og uppihaldskostnaður dómara greiðist að jöfnu af báðum leikaðilum. Leita skal hagkvæmustu flutningsleiða. Tekjur af seldum aðgöngumiðum og tekjur af útvarpi og sjónvarpi skulu skiptast jafnt milli leikaðila. Allar aðrar tekjur skulu renna til heimaliðs, nema leikaðilar komist að öðru samkomulagi.

9          Í úrslitaleik og undanúrslitaleikjum skulu leikaðilar eiga rétt á öllu auglýsingasvæði við leikvöllinn. Í úrslitaleik skal þó KSÍ eiga rétt á 40 metra auglýsingasvæði miðsvæðis meðfram langhlið vallar og 20 metra til hvors enda fyrir fasta styrktaraðila. Svæði því sem kemur í hlut leikaðila, skulu þeir skipta með sér til helminga og hljóta óskiptar tekjur hvor fyrir sig af sölu eigin svæðis, nema leikaðilar komist að öðru samkomulagi.

10         Hugsanlegt tap greiðist af leikaðilum að jöfnu. Verði að aflýsa leik, gilda sömu ákvæði og í Íslandsmóti.

11         Af leikjum í aðalkeppni skal greiða gjald í sameiginlegan sjóð af nettótekjum þar sem til tekna eru aðeins taldir seldir aðgöngumiðar, sem hér segir:

            Af leikjum í 2. umferð aðalkeppni 10%.

            Af leikjum í 3. umferð aðalkeppni 10%.

            Af undanúrslitaleikjum 15%.

            Af úrslitaleik 15%.

12         Sameiginlegum sjóði, sem skal vera í vörslu gjaldkera KSÍ, skal skipt þannig, að fyrst er greitt tap, sem þátttakendur hafa orðið fyrir og skal greitt hlutfallslega, nægi sjóðurinn ekki fyrir öllu tapinu. Verði afgangur, skiptast eftirstöðvarnar milli þátttakenda í hlutfalli við greiðslur í sjóðinn.

13         Um aðgöngumiða gilda sömu ákvæði og í Íslandsmóti eftir því sem við á.

            Ákvæði til bráðabirgða: Árið 2005 skal bikarkeppnin fara fram skv. ákvæðum sem voru í gildi um keppnina 2004, þ.e. aðalkeppni skal hefjast með 32 liða úrslitum og 16 efstu lið í Íslandsmóti 2004 skulu þá hefja þátttöku.

3. 9. 1. 3.          Meistarakeppni KSÍ

1          Árlega skal fara fram leikur milli Íslandsmeistara og bikarmeistara KSÍ.

2          Mótanefnd KSÍ annast framkvæmd leiksins í samráði við leikaðila.

3          Sé sama félag í senn Íslandsmeistari og bikarmeistari skulu Íslandsmeistararnir leika gegn liði því sem varð nr. 2 í Landsbankadeild.

4          Verði jafnt að venjulegum leiktíma loknum, skal framlengt og verði þá enn jafnt, skal knýja fram úrslit með vítaspyrnukeppni.

5          Venjulegur kostnaður við leiki, þ. e. vallarleiga, ferðakostnaður keppnisliða (fargjald fyrir allt að 22) og ferða- og uppihaldskostnaður dómara greiðist að jöfnu af báðum leikaðilum. Leita skal hagkvæmustu flutningsleiða. Tekjur af seldum aðgöngumiðum og tekjur af útvarpi og sjónvarpi skulu skiptast jafnt milli leikaðila.

6          Hagnaður eða halli af leiknum skal skiptast jafnt milli leikaðila.

7          KSÍ veitir verðlaun til sigurliðs og viðurkenningu til leikmanna beggja liða.

3. 9. 2.  Lið leikmanna 23 ára og yngri í 1. aldursflokki karla

Aldur:  23 ára á almanaksárinu og yngri (auk 6 eldri leikmanna)

Leiktími:  90 mín. (2 x 45 mín.)

Leikhlé:  5 mín.

Framlenging:  30 mín. (2 x 15 mín.)

Skiptingar:  Heimilt er að setja alla (fimm) varamenn inn á í leik.

Stærð knattar:  5.

3. 9. 2. 1.     Íslandsmót

1          Þátttökurétt hafa öll félög sem taka þátt í Íslandsmóti meistaraflokks sama keppnistímabil.

2          Liðum skal skipt í deildir eftir getu og heimilt er að skipta deildum í 2 riðla. Leikin skal stigakeppni, einföld umferð eða tvöföld umferð heima og heiman, háð fjölda liða. Lið skulu færast milli deilda eftir árangri og sigurvegari í efstu deild telst Íslandsmeistari. Mótanefnd ákveður nánar um keppnisfyrirkomulag þegar þátttaka liggur fyrir.

3          Hlutgengir til leiks í hvert sinn eru allir leikmenn hvers félags sem eru 23 ára á almanaksárinu og yngri, auk 6 eldri leikmanna.

4          Liðin skulu sjálf standa straum af ferðakostnaði sínum, en annan kostnað vegna leiksins greiðir heimalið.

5          KSÍ skal vera ábyrgt fyrir dómara í mótinu, en heimalið fyrir aðstoðardómurum.

6          KSÍ skal veita verðlaun til keppninnar.

3. 9. 3.  2. flokkur karla

Aldur: 19 ára á almanaksárinu og yngri.

Leiktími: 90 mín. (2 x 45 mín.)

Leikhlé: 5 mín.

Framlenging: 30 mín. (2 x 15 mín.)

Skiptingar: Heimilt er að setja alla (fimm) varamenn inn á í leik.

Stærð knattar: 5.

3. 9. 3. 1.          Íslandsmót

1          Liðum skal skipt í deildir eftir getu. A deild skal skipuð 8 liðum, B deild 8 liðum og C deild skal skipuð þeim félögum sem ekki eiga lið í A eða B deild.  Heimilt er að skipta C deild í tvo riðla.  Séu lið 5 eða færri í riðli, er Mótanefnd heimilt að hafa allt að fjórfalda umferð í viðkomandi riðli.  Sigurvegari í A deild telst Íslandsmeistari.

2          Þau tvö lið, sem verða neðst í A deild falla næsta keppnisár niður í B deild, en tvö efstu liðin í B deild taka sæti þeirra í A deild. Þau tvö lið, sem verða neðst í B deild falla næsta keppnisár niður í C deild, en tvö efstu liðin í C deild taka sæti þeirra í B deild. Sé C deild leikin í tveimur riðlum skulu tvö efstu lið hvors riðils leika til úrslita um tvö laus sæti í B deild skv. ákvörðun mótanefndar.

3          Ef lið í A deild dregur sig úr eða er vísað úr keppni, skal það hefja keppni í C deild að ári, en liðið í 3 sæti í C deild skal í staðinn flytjast í B deild.

4          Í öllum deildum skal leikin tvöföld umferð og leikur hvert lið tvo leiki gegn hverju hinna liðanna, heima og heiman.  Keppnin er stigakeppni.

5          Í því tilfelli þegar félag er með tvö A lið í móti gildir: Leikmaður sem leikið hefur með liði 1 er ekki heimilt að leika með liði 2 fyrr en eftir næsta leik hjá liði 2 þar á eftir.

6          Einnig skal vera sjálfstæð keppni meðal 2. aldursflokks B liða er ber nafnið 2. flokkur B. Leitast skal við að B liðin leiki við sömu andstæðinga og A liðin. Útkoma liða í 2. flokki B hefur engin áhrif á 2. flokk A. Hlutgengir til leiks í hvert sinn eru allir leikmenn hvers félags nema þeir sem léku næsta leik á undan með A liði félagsins í Íslandsmóti með þeirri undantekningu að leikmaður sem kom inn á í síðari hálfleik þess leiks er heimilt að leika með B liði félagsins.

 [Ákvæði til bráðabirgða skv. ákvörðun stjórnar KSÍ: Keppnistímabilið 2006 leika 9 lið í B deild. Þau þrjú lið, sem verða neðst í B deild falla næsta keppnisár niður í C deild, en tvö efstu liðin í C deild taka sæti þeirra í B deild)

3. 9. 3. 2.          Bikarkeppni KSÍ

1          Þátttaka í Bikarkeppni KSÍ er heimil öllum félögum og  aðilum ÍSÍ.

2          Hver þátttökuaðili getur aðeins sent eitt lið til keppni. Keppt skal samkvæmt útsláttarfyrirkomulagi, þannig að sigurvegari leiks heldur áfram keppni en tapliðið er úr leik. Við niðurröðun er Mótanefnd heimilt að taka tillit til styrkleika liða, landsvæða og ferðakostnaðar.

3          Í keppninni skal leikið til þrautar. Sé jafnt eftir venjulegan leiktíma skal framlengt og sé enn jafnt skal fara fram vítaspyrnukeppni.

4          Ferðakostnaður (fargjald fyrir 18 manns) greiðist að jöfnu af báðum leikaðilum, enda sé leitað hagkvæmustu flutningsleiða.

3. 9. 4. 3. flokkur karla

11 MANNA LIÐ

Aldur: 16 ára á almanaksárinu og yngri.

Leiktími: 80 mín. (2 x 40 mín.)

Leikhlé: 5 mín.

Framlenging: 20 mín. (2 x 10 mín.)

Skiptingar: Heimilt er að setja alla (fimm) varamenn inn á í leik.

Stærð knattar: 5.

3. 9. 4. 1.          Íslandsmót - 11 manna lið

1          Liðum skal skipt í riðla eftir getu. A riðill skal skipuð 8 liðum, B riðill 8 liðum og C riðill skal skipuð þeim félögum sem ekki eiga lið í A eða B riðli.  Heimilt er að skipta C riðli í tvo eða þrjá hópa ef þurfa þykir. Einnig er mótanefnd heimilt að skipta C riðli í hópa eftir landshlutum telji hún ástæðu til.

2          Þau tvö lið, sem verða neðst í A riðli falla næsta keppnisár niður í B riðil, en tvö efstu liðin í B riðli taka sæti þeirra í A riðli.  Þau tvö lið, sem verða neðst í B riðli falla næsta keppnisár niður í C riðil. Tvö efstu liðin í C riðli skulu flytjast í B riðil næsta keppnisár.  Ef C riðli er skipt í hópa skal mótanefnd ákveða fyrirkomulag úrslitakeppni C riðils sem ákvarði hvaða félög flytjist í B riðil og hvaða félag teljist sigurvegari C riðils.

3          Í öllum riðilum skal leikin tvöföld umferð og leikur hvert lið tvo leiki gegn hverju hinna liðanna, heima og heiman. Þó er mótanefnd heimilt að gera undantekningu varðandi C riðla og fjölga þar umferðum.  Keppnin er stigakeppni.

4          Eftir riðlakeppni skal fara fram úrslitakeppni um Íslandsmeistaratitilinn. Í úrslitakeppninni skulu leika sigurvegarar A, B og C riðils og lið í öðru sæti A riðils. Leikið er með útsláttarfyrirkomulagi. Í undanúrslitum leikur A1 gegn C1 og A2 gegn B1. Síðan skal leika um 1. og 3. sætið. Riðlakeppni fari fram á tímabilinu júní til ágúst og úrslitakeppni í september.

5          Einnig skal vera sjálfstæð keppni meðal 3. aldursflokks B liða er ber nafnið 3. flokkur B. Leitast skal við að B liðin leiki við sömu andstæðinga og A liðin.  Útkoma liða í 3. flokki B hefur engin áhrif á 3. flokk A. Hlutgengir til leiks í hvert sinn eru allir leikmenn hvers félags nema þeir sem léku næsta leik á undan með A liði félagsins í Íslandsmóti með þeirri undantekningu að leikmaður sem kom inn á í síðari hálfleik þess leiks er heimilt að leika með B liði félagsins.

6          Í því tilfelli þegar félag er með tvö A lið í móti gildir: Leikmaður sem leikið hefur með liði 1 er ekki heimilt að leika með liði 2 fyrr en eftir næsta leik hjá liði 2 þar á eftir.

3. 9. 4. 2.          Bikarkeppni KSÍ

1          Þátttaka í Bikarkeppni KSÍ er heimil öllum félögum og aðilum ÍSÍ.

2          Hverju félagi er heimilt að senda eitt lið til keppni.

3          Keppnin er svæðakeppni og skal landinu skipt í fjögur svæði: Suður- og Vesturland, Vestfirði, Norðurland og Austurland.

4          Á Suður- og Vesturlandi skal leikið með útsláttarfyrirkomulagi þannig, að sigurvegari leiks heldur áfram en taplið er úr leik. Það lið, sem á undan er dregið, skal leika á heimavelli. Leika skal til þrautar í öllum umferðum. Sé jafnt eftir venjulegan leiktíma skal framlengt og sé enn jafnt skal fara fram vítaspyrnukeppni.

5          Á hinum landssvæðunum skal leikið með sama hætti og á Suður- og Vesturlandi. Mótanefnd er þó heimilt að láta leika með útsláttar-fyrirkomulagi þannig, að bæði er leikið heima og heiman. Þar kemst það lið áfram, sem skorað hefur fleiri mörk samanlagt í báðum leikjum viðkomandi liða. Fáist ekki úrslit þannig, skal það lið komast áfram sem skorað hefur fleiri mörk áútivelli. Fáist ekki úrslit þannig, skal framlengt í síðari leik liðanna og sé enn jafnt (enn gildir, að það lið kemst áfram sem skorað hefur fleiri mörk á útivelli), skulu úrslitin ráðin með vítaspyrnukeppni.

6          Félag sem ferðast til leiks, skal greiða ferða- og uppihaldskostnað sinn.

7          KSÍ skal gefa bikara til keppninnar, einn í hverjum landshluta.

7 MANNA LIÐ

Aldur: 16 ára á almanaksárinu og yngri.

Leiktími: 70 mín. (2 x 35 mín.)

Leikhlé: 5 mín.

Framlenging: 15 mín. (2 x 7,5 mín.)

Skiptingar: Skv. reglugerð um miniknattspyrnu.

Stærð knattar: 5.

3. 9. 4. 3.          Íslandsmót - 7 manna lið

1          Um fjölda leikmanna og leikvöll skal fylgja reglugerð KSÍ um miniknattspyrnu. Leikreglur skulu fylgja knattspyrnulögum KSÍ og reglugerð KSÍ um knattspyrnumót nema annað sé tekið fram í reglugerð KSÍ um miniknattspyrnu.

2          Hverju félagi, sem þátttöku tilkynnir, skal heimilt að senda tvö lið til keppni.

3          Leikmaður er aðeins hlutgengur með einu liði gegn sama félagi. Hlutgengir til leiks í hvert sinn eru allir leikmenn hvers félags nema þeir sem hófu næsta leik á undan með 11 manna liði félagsins í Íslandsmóti eða bikarkeppni.

4          Mótinu er skipt í tvo hluta, svæðakeppni og úrslitakeppni. Keppnin er stigakeppni.

5          Mótanefnd er heimilt að láta keppni á einstökum svæðum fara fram í hraðmótum, ef viðkomandi aðilar æskja þess og einnig að stytta leiktímann í hraðmótum.

6          Í úrslitakeppni getur Mótanefnd heimilað einstökum svæðum að senda úrvalslið. Sigurvegari í úrslitakeppni telst Íslandsmeistari.

3. 9. 5.  4. flokkur karla

11 MANNA LIÐ

Aldur: 14 ára á almanaksárinu og yngri.

Leiktími: 70 mín. (2 x 35 mín.)

Leikhlé: 5 mín.

Framlenging: 20 mín. (2 x 10 mín.)

Skiptingar: Skipti á leikmönnum skulu fara fram fyrir miðri hliðarlínu

vallarins og mega fara fram hvenær sem er í leiknum. Skiptimanni er því

heimilt að ganga til leiks þegar einhver leikmaður í liði hans hefur yfirgefið

leikvöllinn fyrir miðri hliðarlínu án þess að tilkynna dómaranum um það.

Leikmaður, sem skipt hefur verið út af leikvelli, má ganga til leiks á ný.

Stærð knattar: 4.

3. 9. 5. 1.           Íslandsmót - 11 manna lið

1          Keppnin skal vera svæðakeppni og skal landinu skipt í svæði:

                        Suðurland, Vesturland og Vestfirðir (A og B riðill),

                        Norðurland (E riðill) og

                        Austurland (F riðill).

            Keppnin er stigakeppni.

2          Þau tvö lið sem verða neðst í A riðli falla næsta keppnisár niður í B riðil en tvö efstu liðin í B riðli taka sæti þeirra í A riðli.

3          Ef lið í A riðli dregur sig úr eða er vísað úr keppni, skal það hefja keppni í B riðli að ári, en liðið í 3. sæti í B riðli skal í staðinn flytjast í A riðil.

4          Í því tilfelli þegar félag er með tvö A lið í móti gildir: Leikmaður sem leikið hefur með liði 1 (A lið) er ekki heimilt að leika með liði 2 fyrr en eftir næsta leik hjá liði 2 þar á eftir.

5          Einnig skal vera sjálfstæð keppni meðal 4. aldursflokks B liða er ber nafnið 4. flokkur B. Leitast skal við að B liðin leiki við sömu andstæðinga og A liðin. Útkoma liða í 4. flokki B hefur engin áhrif á 4. flokk A. Hlutgengir til leiks í hvert sinn eru allir leikmenn hvers félags nema þeir sem hófu næsta leik á undan með A liði félagsins í Íslandsmóti. 

6          Séu lið 6 eða færri í riðli, er Mótanefnd heimilt að hafa tvöfalda umferð.  Mótanefnd skal leitast við að hafa ekki færri leiki en átta á hvert lið.

7          Mótanefnd er heimilt að láta keppni á einstökum svæðum fara fram í hraðmótum, ef viðkomandi aðilar æskja þess.

8          Eftir svæðakeppni skal fara fram úrslitakeppni um Íslandsmeistaratitilinn og skal skipa liðum í tvo riðla sem hér segir: (Úrslitakeppni skal ekki fara  fram í keppni 4. flokks B).

Riðill 1:  A1, A3, B2 og C1.

Riðill 2:  A2, B1, E1 og F1.

            Ef F1 tekur ekki þátt í úrslitakeppni kemur E2 í stað þess.

9          Í úrslitakeppni skal leikið sem hér segir:

Leikdagar 1:  A1 - E1 og B2 - C1  /  A2 - F1 og B1 - A3.

Leikdagur 2:  A1 - B2 og E1 - C1  /  F1 - A3 og A2 - B1.

Leikdagur 3:  C1 - A1 og B2 - E1  /  B1 - F1 og A3 - A2.

            (Hér táknar A1:  Lið nr. 1 í A riðli í undankeppni o.s.frv.)

10         Sigurvegarar riðla í úrslitakeppni skulu leika úrslitaleik um Íslands-meistaratitilinn skv. ákvörðun mótanefndar og skal leikið til þrautar.  Ef jafnt er eftir venjulegan leiktíma skal framlengt.  Sé enn jafnt skal fara fram vítaspyrnukeppni.  KSÍ skal greiða allan ferðakostnað við leikinn og skal hann miðast við 18 manns.

11         Keppnin skal hefjast í maílok og ljúka í ágústlok.

7 MANNA LIÐ

Aldur: 14 ára á almanaksárinu og yngri.

Leiktími: 60 mín. (2 x 30 mín.)

Leikhlé: 5 mín.

Framlenging: 15 mín. (2 x 7,5 mín.)

Skiptingar: Skv. reglugerð um miniknattspyrnu.

Stærð knattar: 4.

3. 9. 5. 2.          Íslandsmót - 7 manna lið

1          Um fjölda leikmanna og leikvöll skal fylgja reglugerð KSÍ um mini-knattspyrnu. Leikreglur skulu fylgja knattspyrnulögum KSÍ og reglugerð KSÍ um knattspyrnumót nema annað sé tekið fram í reglugerð KSÍ um mini-knattspyrnu.

2          Hverju félagi, sem þátttöku tilkynnir, skal heimilt að senda tvö lið til keppni.

3          Leikmaður er aðeins hlutgengur með einu liði gegn sama félagi. Hlutgengir til leiks í hvert sinn eru allir leikmenn hvers félags nema þeir sem hófu næsta leik á undan með 11 manna liði félagsins í Íslandsmóti.

4          Mótinu er skipt í tvo hluta, svæðakeppni og úrslitakeppni. Keppnin er stigakeppni.

5          Mótanefnd er heimilt að láta keppni á einstökum svæðum fara fram í hraðmótum, ef viðkomandi aðilar æskja þess og einnig að stytta leiktímann í hraðmótum.

6          Í úrslitakeppni getur Mótanefnd heimilað einstökum svæðum að senda úrvalslið. Sigurvegari í úrslitakeppni telst Íslandsmeistari.

3. 9. 6. 5. flokkur karla

Aldur: 12 ára á almanaksárinu og yngri.

Leiktími: 40 mín. (2 x 20 mín.)

Leikhlé: 5 mín.

Framlenging: 15 mín. (2 x 7.5 mín.)

Skiptingar: Skv. reglugerð um miniknattspyrnu.

Stærð knattar: 4.

3. 9. 6. 1.          Íslandsmót

1          Um fjölda leikmanna, leikvöll og leiktíma skal fylgja reglugerð KSÍ um miniknattspyrnu. Leikreglur skulu fylgja knattspyrnulögum KSÍ og reglugerð KSÍ um knattspyrnumót nema annað sé tekið fram í reglugerð KSÍ um miniknattspyrnu.

2          Keppnin skal vera svæðakeppni og skal landinu skipt í 4 svæði:  Suður- og Vesturland (A, B og C riðill), Vestfirðir (D riðill), Norðurland (E riðill) og Austurland (F riðill).  Keppnin er stigakeppni. Sigur í B liði gefur 2 stig.

3          Hverju félagi, sem tilkynnir þátttöku, er skylt að senda tvö lið til keppni, A og B lið. Auk þess er þeim félögum er þess óska heimilt að senda C og D lið í mótið. Mótanefnd KSÍ getur veitt undanþágu og gefið heimild til að senda eitt lið til keppni, A lið.

4          Sameiginlegur stigafjöldi A og B liðanna ræður röð félaganna.  Stigafjöldi C og D liða skal reiknaður óháð keppni A og B liða. C og D lið leika í sama riðli og A og B lið. Taki aðeins A lið þátt í mótinu getur það ekki unnið sér rétt til þátttöku í úrslitakeppni.

5          Þau tvö félög sem verða neðst í A riðli falla næsta keppnisár niður í B riðil en tvö efstu félögin í B riðli taka sæti þeirra í A riðli.  Þau tvö félög sem verða neðst í B riðli falla næsta keppnisár niður í C riðil en tvö efstu félögin í C riðli taka sæti þeirra í B riðli.

6          Ef lið í A riðli dregur sig úr eða er vísað úr keppni, skal það hefja keppni í C riðli að ári, en liðið í 3. sæti í C riðli skal í staðinn flytjast í B riðil.

7          Séu lið 6 eða færri í riðli, er Mótanefnd heimilt að hafa tvöfalda umferð.  Mótanefnd skal leitast við að hafa ekki færri leiki en átta á hvert lið.

8          Mótanefnd er heimilt að láta keppni á einstökum svæðum fara fram í hraðmótum, ef viðkomandi aðilar æskja þess.

9          Eftir svæðakeppni skal fara fram úrslitakeppni um Íslandsmeistaratitilinn  og skal skipa félögum í fjóra riðla sem hér segir: (Úrslitakeppni skal ekki fara fram í keppni C og D liða).

Riðill 1:  A1,  A3 og  C1.

Riðill 2:  A4,  B2 og  B3.

Riðill 3:  A2,  E1 og  D1.

Riðill 4:  B1,  E2 og  F1.

            Ef keppni fer ekki fram í D riðli skal lið F2 koma í stað D1.

10         Riðlar 1 og 2 skulu fara fram á Suður- eða Vesturlandi, en riðlar 3 og 4 á Vestfjörðum, Norður- eða Austurlandi.  Leika skal sem hér segir:

Leikdagar 1.1:  A1 - A3, A4 - B2, E1 - A2 og B1 - E2.

Leikdagur 1.2:  A1 - C1, A4 - B3, E1 - D1 og B1 - F1.

Leikdagur 2.1:  A3 - C1, B2 - B3, A2 - D1 og E2 - F1.

Leikdagur 2.2:  1R1 - 2R2, 2R1 - 1R2, 1R3 - 2R4 og 2R3 - 1R4.

Leikdagur 3:  Sigurvegari 1R1 - 2R2   -   sigurvegari 2R1 - 1R2 og sigurvegari 1R3 - 2R4   -   sigurvegari 2R3 - 1R4.

            (Hér táknar A1:  Lið nr. 1 í A riðli í undankeppni o.s.frv. og 1R1:  Lið nr. 1 í riðli 1 í úrslitakeppni o.s.frv.)

11         Leikirnir, sem taldir eru upp á leikdögum 2.2 og 3 og leikurinn um Íslands-meistaratitilinn skulu fara þannig fram, að B lið skal leika á undan A liði. Þá er leikið eftir útsláttarfyrirkomulagi þannig, að það félag sem hlýtur fleiri stig samanlagt úr leikjum B og A liðanna telst sigurvegari. Ef stigin eru jöfn eftir leik A liðanna skal framlengt og sé enn jafnt skal fara fram vítaspyrnu-keppni. Sigurvegarar á leikdegi 3 skulu síðan leika um Íslandsmeistara-titilinn viku síðar samkvæmt ákvörðun Mótanefndar.  KSÍ skal greiða allan ferðakostnað við leikinn og skal hann miðast við 25 manns.

12         Leikmaður getur aðeins verið hlutgengur með einu liði (A, B, C eða D) sama leikdaginn. Leikmaður getur aðeins leikið fyrir eitt lið félags (A eða B lið) í úrslitakeppni. Í því tilfelli þegar félag er með tvö A og B lið í móti gildir: Leikmaður sem leikið hefur með liði 1 (A eða B lið) er ekki heimilt að leika með liði 2 fyrr en eftir næsta leik hjá liði 2 þar á eftir.

13         Svæðakeppnin skal hefjast í maílok og ljúka í vikulok um miðjan ágúst en úrslitakeppnin um Íslandsmeistaratitilinn skal hefjast á næsta miðvikudegi.

3. 9. 7.  6. flokkur karla

Aldur: 10 ára á almanaksárinu og yngri.

Leiktími: 30 mín. (2 x 15 mín.)

Leikhlé: 5 mín.

Framlenging: 10 mín. (2 x 5 mín.)

Skiptingar: Skv. reglugerð um miniknattspyrnu.

Stærð knattar: 3.

3. 9. 7. 1.          Pollamót KSÍ

1          Um fjölda leikmanna, leikvöll og leiktíma skal fylgja reglugerð KSÍ um miniknattspyrnu. Leikreglur skulu fylgja knattspyrnulögum KSÍ og reglugerð KSÍ um knattspyrnumót nema annað sé tekið fram í reglugerð KSÍ um miniknattspyrnu.

2          Hverju félagi, sem þátttöku tilkynnir, skal heimilt að senda fjögur lið til keppni, eitt í keppni A liða, eitt í keppni B liða, eitt í keppni C liða og eitt í keppni D liða.

3          Leikmaður er einungis hlutgengur með einu liði (A, B, C eða D) í hverju móti.

4          Keppt skal í riðlum eftir fjölda þeirra félaga sem þátttöku tilkynna. Félög, sem vilja taka til sín og hafa umsjón með riðli skulu tikynna Mótanefnd það fyrir 15. mars.

5          Umsóknirnar eru ekki bindandi fyrir Mótanefnd, en þær skulu hafa forgang ef kostur er. Mótanefnd KSÍ skal annast niðurröðun í riðla með tilliti til umsóknanna og skal hún taka mið af eftirfarandi:

            a.         Að eigi séu færri en fjögur félög í riðli.

            b.         Að hafa þau félög saman í riðli sem eru á sama landssvæði eftir því sem frekast er unnt.

6          Mótinu er skipt í tvo hluta, undankeppni og svæðisbundna úrslitakeppni. Keppnin er stigakeppni.

7          Undankeppnin skal leikin í júlí en úrslitakeppnin skal leikin um miðjan ágúst þar sem rétt til þátttöku eiga þau félög sem höfnuðu í fyrsta sæti í sínum riðli ásamt því félagi sem hefur umsjón með úrslitakeppninni.

8          Í úrslitum skal leikið til úrslita í A, B, C og D liðum.  Miða skal við að á SV-landi taki 8 lið þátt í úrslitum í tveimur riðlum þar sem leikið er til úrslita að lokinni riðlakeppni. Á Norður- og Austurlandi skal miðað við að leikið sé í einum 4 liða riðli. Mótanefnd setur frekari ákvæði um úrslitakeppni ef þörf krefur.

9          Það félag sem sigrar í úrslitakeppni telst Pollameistari KSÍ á viðkomandi svæði.

3. 9. 8.  Eldri flokkur karla

Aldur: 30 ára á almanaksárinu og eldri.

Leiktími: 70 mín. (2 x 35 mín.)

Leikhlé: 5 mín.

Framlenging: 20 mín. (2 x 10 mín.)

Skiptingar: Skipti á leikmönnum skulu fara fram fyrir miðri hliðarlínu vallarins og mega fara fram hvenær sem er í leiknum. Skiptimanni er því heimilt að ganga til leiks þegar einhver leikmaður í liði hans hefur yfirgefið leikvöllinn fyrir miðri hliðarlínu án þess að tilkynna dómaranum um það. Leikmaður, sem skipt hefur verið út af leikvelli, má ganga til leiks á ný.

Stærð knattar: 5.

3. 9. 8. 1.          Íslandsmót

1          Hlutgengir til þátttöku eru leikmenn sem verða 30 ára á almanaksárinu og eldri.

2          Leikmenn, sem taka þátt í deildakeppninni og/eða Bikarkeppni KSÍ, eru ekki hlutgengir á leikárinu.

3          Hverju félagi er heimilt að senda tvö lið til keppni. Sami leikmaður félags er þá aðeins hlutgengur með öðru liðinu.

4          Mótanefnd skal ákveða fyrirkomulag mótsins þegar þátttaka liggur fyrir. Ef næg þátttaka fæst skal liðum skipað í riðla og leikin einföld umferð. Keppni í riðlum er stigakeppni. Að lokinni riðlakeppninni skal fara fram úrslitakeppni skv. ákvörðun mótanefndar.

5          Liðin skulu sjálf standa straum af ferðakostnaði sínum, en annan kostnað vegna leiksins greiðir heimalið.

6          KSÍ skal veita verðlaun og viðurkenningu til sigurvegara mótsins.

3. 9. 9.  Eldri flokkur karla 40 ára og eldri

Aldur: 40 ára á almanaksárinu og eldri.

Leiktími: 60 mín. (2 x 30 mín.)

Leikhlé: 5 mín.

Framlenging: 15 mín. (2 x 7,5 mín.)

Skiptingar: Skv. reglugerð um miniknattspyrnu.

Stærð knattar: 5.

3. 9. 9. 1.          Íslandsmót

1          Hlutgengir til þátttöku eru leikmenn sem verða  40 ára á almanaksárinu og eldri.

2          Leikmenn, sem taka þátt í deildakeppninni og/eða Bikarkeppni KSÍ, eru ekki hlutgengir á leikárinu.

3          Um fjölda leikmanna og leikvöll skal fylgja reglugerð KSÍ um mini-knattspyrnu. Leikreglur skulu fylgja knattspyrnulögum KSÍ og reglugerð KSÍ um knattspyrnumót nema annað sé tekið fram í reglugerð KSÍ um mini-knattspyrnu.

3          Mótanefnd skal ákveða fyrirkomulag mótsins þegar þátttaka liggur fyrir.

4          Liðin skulu sjálf standa straum af ferðakostnaði sínum, en annan kostnað vegna leiksins greiðir heimalið.

5          KSÍ skal veita verðlaun og viðurkenningu til sigurvegara mótsins.

3. 9. 10.            Meistaraflokkur kvenna

Leiktími: 90 mín. (2 x 45 mín.)

Leikhlé: 10 mín.

Framlenging: 30 mín. (2 x 15 mín.)

Skiptingar: Heimilt að setja þrjá varamenn inn á í leik. Í 1. deild er heimilt að setja alla (fimm) varamenn inn á í leik.

Stærð knattar: 5. - Heimalið eða framkvæmdaraðili leiks skal leggja til þrjá eins knetti í sérhvern kappleik. Allir knettirnir eru jafngildir, en skiptiknöttur  skal vera fyrir aftan hvort mark í umsjón boltakrakka. Heimalið skal skipa boltakrakka fyrir aftan hvort mark og þeir skulu auðkenndir.

3. 9. 10. 1.        Íslandsmót

1          Í Landsbankadeild kvenna skulu vera 8 lið og skal leikin tvöföld stigakeppni, heima og heiman. Liðið sem hafnar í 8. sæti flyst í 1. deild næsta ár en liðið sem hafnar í 7. sæti skal leika aukaleiki um sæti í Landsbankadeild kvenna á næsta ári, heima og heiman, við liðið sem hafnar í 2. sæti í 1. deild. Draga skal um hvort liðið fær fyrst heimaleik í þessum aukaleikjum. Mótanefnd er heimilt að flytja lið upp í Landsbankadeild kvenna, þannig að ávallt verði ekki færri en átta lið í deildinni. Tilkynni 10 lið eða færri þátttöku í landsmóti meistaraflokks kvenna, er Mótanefnd heimilt að láta þau öll leika í Landsbankadeild kvenna. Stjórn KSÍ ákveður á hverju ári hvert skuli vera nafn Landsbankadeildar kvenna.

2          Í 1. deild skulu vera þau lið, sem ekki eiga sæti í Landsbankadeild kvenna. Heimilt er að skipa liðum í riðla eða svæðakeppni viðhöfð. Leikin skal tvöföld stigakeppni, heima og heiman. Sigurvegari í 1. deild skal færast í Landsbankadeild kvenna næsta ár en liðið í 2. sæti skal leika aukaleiki við liðið í 7. sæti Landsbankadeildar kvenna um sæti í Landsbankadeild kvenna á næsta ári. Sigurvegarar riðla eða svæðakeppna og liðin í öðru sæti í riðlum sem telja sex eða fleiri lið skulu vinna sér rétt til að taka þátt í úrslitakeppni, þar sem leikin er einföld stigakeppni um sætin tvö í Landsbankadeild kvenna.

3          Mótanefnd skal að öllu jöfnu raða leikjum í síðustu umferð í Landsbankadeild kvenna á sama tíma. Leikir í þessari umferð, sem geta haft úrslitaáhrif á stöðu liða í efstu sætum skulu ávallt fara fram á sama tíma. Sama á við um leiki, sem geta haft úrslitaáhrif á fall úr deild. Liði, sem ferðast til leiks í þessari umferð, er óheimilt að treysta á flug á leikdegi og skal nota annan ferðamáta til að komast á leikstað á réttum tíma.

4          Lögð skal áhersla á að leikir fari fram á grasvöllum. Sé önnur vallargerð valin, malarvöllur eða gervigrasvöllur, skal framkvæmdaraðili leiks (heimalið) tilkynna aðkomuliði um það með sólarhrings fyrirvara.

5          Það félag, sem ferðast til leiks greiðir sjálft ferða- og  uppihaldskostnað leikmanna sinna. Beinan kostnað vegna leiksins greiðir heimaliðið.

            [Fyrirkomulag 1. deildar kvenna 2006 skv. ákvörðun stjórnar KSÍ:

            Í 1. deild kvenna 2006 skal liðum skipt í tvo riðla, einn á Suður-  og Vesturlandi og einn á Norður- og Austurlandi. 

           Í úrslitakeppni fara tvö efstu lið hvors riðils. Þar skal leikin útsláttarkeppni heima og heiman sem hér segir:

            Undanúrslit - fyrri leikir:  B2-A1 / A2-B1

            Undanúrslit - seinni leikir:  A1-B2 / B1-A2

            Fyrirkomulag útsláttarkeppninnar skal vera þannig, að það lið kemst áfram, sem skorað hefur fleiri mörk samanlagt í báðum leikjum viðkomandi liða. Fáist ekki úrslit þannig, skal það lið komast áfram sem skorað hefur fleiri mörk á útivelli. Fáist ekki úrslit þannig, skal framlengt í síðari leik liðanna og sé enn jafnt (enn gildir að það lið kemst áfram sem skorað hefur fleiri mörk á útivelli), skulu úrslitin ráðin með vítaspyrnukeppni.

            Sigurvegarar í undanúrslitum skulu síðan leika úrslitaleik á hlutlausum velli. Sigurvegari 1. deildar kvenna flyst næsta leikár í Landsbankadeild kvenna. Liðið í öðru sæti leikur við liðið í 7. sæti Landsbankadeildar kvenna um laust sæti næsta leikár í Landsbankadeild kvenna.]

3. 9. 10. 2.        Bikarkeppni KSÍ

1          Þátttaka í Bikarkeppni KSÍ er heimil öllum félögum og  aðilum ÍSÍ.

2          Hver þátttökuaðili getur aðeins sent eitt lið til keppni. Keppt skal samkvæmt útsláttarfyrirkomulagi, þannig að sigurvegari leiks heldur áfram keppni en taplið er úr leik. Við niðurröðun er Mótanefnd heimilt að taka tillit til styrk-leika liða, landsvæða og ferðakostnaðar.

3          Í keppninni skal leikið til þrautar. Sé jafnt eftir venjulegan leiktíma skal framlengt og sé enn jafnt skal fara fram  vítaspyrnukeppni.

4          Venjulegur kostnaður við leiki, þ. e. 20% framkvæmdargjald til heimaliðsins, ferðakostnaður keppnisliða (fargjald fyrir allt að 22) og ferða- og uppihaldskostnaður dómara greiðist að jöfnu af báðum leikaðilum. Leita skal hagkvæmustu flutningsleiða. Tekjur af seldum aðgöngumiðum og tekjur af útvarpi og sjónvarpi skulu skiptast jafnt milli leikaðila. Allar aðrar tekjur skulu renna til heimaliðs, nema leikaðilar komist að öðru samkomulagi.

5          Tekjur af hverjum leik skulu skiptast jafnt milli leikaðila. Þó skal heimaliðið eitt fá tekjur af leikskrá.

6          Hugsanlegt tap greiðist af leikaðilum að jöfnu.

7          Mótanefnd KSÍ ákveður lágmarksverð aðgöngumiða. Miðaverð taki eðlilegum verðbreytingum milli ára.

8          Úrslitaleikur bikarkeppninnar skal fara fram á Laugardalsvelli í ágúst-mánuði, nema að leikaðilar séu báðir ásáttir um annan leikstað, að höfðu samráði við KSÍ.

3. 9. 10. 3.        Meistarakeppni KSÍ

1          Árlega skal fara fram leikur milli Íslandsmeistara og bikarmeistara KSÍ.

2          Mótanefnd KSÍ annast framkvæmd leiksins í samráði við leikaðila.

3          Sé sama félag í senn Íslandsmeistari og bikarmeistari skulu Íslandsmeistararnir leika gegn liði því sem varð nr. 2 í Landsbankadeild.

4          Verði jafnt að venjulegum leiktíma loknum, skal framlengt og verði þá enn jafnt, skal knýja fram úrslit með vítaspyrnukeppni.

5          Venjulegur kostnaður við leiki, þ. e. vallarleiga, ferðakostnaður keppnisliða (fargjald fyrir allt að 22) og ferða- og uppihaldskostnaður dómara greiðist að jöfnu af báðum leikaðilum. Leita skal hagkvæmustu flutningsleiða. Tekjur af seldum aðgöngumiðum og tekjur af útvarpi og sjónvarpi skulu skiptast jafnt milli leikaðila.

6          Hagnaður eða halli af leiknum skal skiptast jafnt milli leikaðila.

7          KSÍ veitir verðlaun til sigurliðs og viðurkenningu til leikmanna beggja liða.

3. 9. 11.            2. flokkur kvenna

Aldur: 19 ára á almanaksárinu og yngri.

Leiktími: 90 mín. (2 x 45 mín.)

Leikhlé: 10 mín.

Framlenging: 30 mín. (2 x 15 mín.)

Skiptingar: Heimilt er að setja alla (fimm) varamenn inn á í leik.

Stærð knattar: 5.

3. 9. 11. 1.        Íslandsmót

1          Liðum skal skipt í deildir eftir getu. A deild skal skipuð 8 liðum, en B deild skal skipuð þeim liðum, sem ekki leika í A deild. Heimilt er að skipta B deild í tvo eða þrjá riðla, t.d. eftir landshlutum. Sigurvegari í A deild telst Íslandsmeistari. 

2          Í A deild skal leikin tvöföld umferð og leikur hvert lið tvo leiki gegn hverju hinna liðanna, heima og heiman. Séu lið 5 eða færri í B deild (eða riðli), er Mótanefnd heimilt að hafa allt að fjórfalda umferð í viðkomandi deild (eða riðli). Keppnin er stigakeppni.

3          Þau tvö lið, sem verða neðst í A deild, falla næsta keppnisár niður í B deild, en tvö efstu liðin í B deild taka sæti þeirra í A deild. Sé B deild leikin í tveimur eða fleiri riðlum skal Mótanefnd tilkynna við upphaf móts, hvaða reglur gilda um færslu í A deild á næsta keppnisári. 

4          Í því tilfelli þegar félag er með tvö A lið í móti gildir: Leikmaður sem leikið hefur með liði 1 er ekki heimilt að leika með liði 2 fyrr en eftir næsta leik hjá liði 2 þar á eftir.

3. 9. 11. 2.        Bikarkeppni KSÍ

1          Þátttaka í Bikarkeppni KSÍ er heimil öllum félögum og aðilum ÍSÍ.

2          Hver þátttökuaðili getur aðeins sent  eitt lið til keppni. Keppt skal samkvæmt útsláttarfyrirkomulagi, þannig að sigurvegari leiks heldur áfram keppni en tapliðið er úr leik. Við niðurröðun er Mótanefnd heimilt að taka tillit til styrkleika liða, landsvæða og ferðakostnaðar.

3          Í keppninni skal leikið til þrautar. Sé jafnt eftir venjulegan leiktíma skal framlengt og sé enn jafnt skal fara fram vítaspyrnukeppni.

4          Ferðakostnaður (fargjald fyrir 18 manns) greiðist að jöfnu af báðum leikaðilum, enda sé leitað hagkvæmustu flutningsleiða.

7 MANNA LIÐ

Aldur: 19 ára á almanaksárinu og yngri.

Leiktími: 70 mín. (2 x 35 mín.)

Leikhlé: 5 mín.

Framlenging: 15 mín. (2 x 7,5 mín.)

Skiptingar: Skv. reglugerð um miniknattspyrnu.

Stærð knattar: 5.

3. 9. 11. 3.        Íslandsmót - 7 manna lið

1          Um fjölda leikmanna og leikvöll skal fylgja reglugerð KSÍ um mini-knattspyrnu. Leikreglur skulu fylgja knattspyrnulögum KSÍ og reglugerð KSÍ um knattspyrnumót nema annað sé tekið fram í reglugerð KSÍ um mini-knattspyrnu.

2          Hverju félagi, sem þátttöku tilkynnir, skal heimilt að senda tvö lið til keppni.

3          Leikmaður er aðeins hlutgengur með einu liði gegn sama félagi. Hlutgengir til leiks í hvert sinn eru allir leikmenn hvers félags nema þeir sem hófu næsta leik á undan með 11 manna liði félagsins í Íslandsmóti.

4          Mótinu er skipt í tvo hluta, svæðakeppni og úrslitakeppni. Keppnin er stiga-keppni.

5          Mótanefnd er heimilt að láta keppni á einstökum svæðum fara fram í hraðmótum, ef viðkomandi aðilar æskja þess og einnig að stytta leiktímann í hraðmótum.

3. 9. 12.            3. flokkur kvenna

11 MANNA LIÐ

Aldur: 16 ára á almanaksárinu og yngri.

Leiktími: 80 mín. (2 x 40 mín.)

Leikhlé: 5 mín.

Framlenging: 20 mín. (2 x 10 mín.)

Skiptingar: Heimilt er að setja alla (fimm) varamenn inn á í leik.

Stærð knattar: 5.

3. 9. 12. 1.        Íslandsmót - 11 manna lið

1          Liðum skal skipt í riðla eftir getu. A riðill skal skipuð 8 liðum, B riðill skal skipuð þeim félögum sem ekki eiga lið í A riðli.  Heimilt er að skipta B riðli í tvo eða þrjá hópa ef þurfa þykir. Einnig er Mótanefnd heimilt að skipta B riðli í hópa eftir landshlutum telji hún ástæðu til.

2          Þau tvö lið, sem verða neðst í A riðli falla næsta keppnisár niður í B riðil, en tvö efstu liðin í B riðli taka sæti þeirra í A riðli.  Ef B riðli er skipt í hópa skal mótanefnd ákveða fyrirkomulag úrslitakeppni B riðils sem ákvarði hvaða félög flytjist í A riðil og hvaða félag teljist sigurvegari B riðils.

3          Í öllum riðlum skal leikin tvöföld umferð og leikur hvert lið tvo leiki gegn hverju hinna liðanna, heima og heiman. Þó er Mótanefnd heimilt að gera undantekningu varðandi B riðla. Keppnin er stigakeppni.

4          Eftir riðlakeppni skal fara fram úrslitakeppni fjögurra liða  um Íslandsmeistaratitilinn skv. ákvörðun Mótanefndar.  Riðlakeppni skal hefjast í maílok og ljúka í byrjun september.

5          Einnig skal vera sjálfstæð keppni meðal 3. aldursflokks B liða er ber nafnið 3. flokkur B. Leitast skal við að B liðin leiki við sömu andstæðinga og A liðin.  Útkoma liða í 3. flokki B hefur engin áhrif á 3. flokk A. Hlutgengir til leiks í hvert sinn eru allir leikmenn hvers félags nema þeir sem léku næsta leik á undan með A liði félagsins í Íslandsmóti með þeirri undantekningu að leikmaður sem kom inn á í síðari hálfleik þess leiks er heimilt að leika með B liði félagsins.

6          Í því tilfelli þegar félag er með tvö A lið í móti gildir: Leikmaður sem leikið hefur með liði 1 er ekki heimilt að leika með liði 2 fyrr en eftir næsta leik hjá liði 2 þar á eftir.

 3. 9. 12.           3. flokkur kvenna

11 MANNA LIÐ

Aldur: 16 ára á almanaksárinu og yngri.

Leiktími: 80 mín. (2 x 40 mín.)

Leikhlé: 5 mín.

Framlenging: 20 mín. (2 x 10 mín.)

Skiptingar: Heimilt er að setja alla (fimm) varamenn inn á í leik.

Stærð knattar: 5.

3. 9. 12. 1.        Íslandsmót - 11 manna lið

1          Liðum skal skipt í riðla eftir getu. A riðill skal skipuð 8 liðum, B riðill skal skipuð þeim félögum sem ekki eiga lið í A riðli.  Heimilt er að skipta B riðli í tvo eða þrjá hópa ef þurfa þykir. Einnig er Mótanefnd heimilt að skipta B riðli í hópa eftir landshlutum telji hún ástæðu til.

2          Þau tvö lið, sem verða neðst í A riðli falla næsta keppnisár niður í B riðil, en tvö efstu liðin í B riðli taka sæti þeirra í A riðli.  Ef B riðli er skipt í hópa skal mótanefnd ákveða fyrirkomulag úrslitakeppni B riðils sem ákvarði hvaða félög flytjist í A riðil og hvaða félag teljist sigurvegari B riðils.

3          Í öllum riðlum skal leikin tvöföld umferð og leikur hvert lið tvo leiki gegn hverju hinna liðanna, heima og heiman. Þó er Mótanefnd heimilt að gera undantekningu varðandi B riðla. Keppnin er stigakeppni.

4          Eftir riðlakeppni skal fara fram úrslitakeppni fjögurra liða  um Íslandsmeistaratitilinn skv. ákvörðun Mótanefndar.  Riðlakeppni skal hefjast í maílok og ljúka í byrjun september.

5          Einnig skal vera sjálfstæð keppni meðal 3. aldursflokks B liða er ber nafnið 3. flokkur B. Leitast skal við að B liðin leiki við sömu andstæðinga og A liðin.  Útkoma liða í 3. flokki B hefur engin áhrif á 3. flokk A. Hlutgengir til leiks í hvert sinn eru allir leikmenn hvers félags nema þeir sem léku næsta leik á undan með A liði félagsins í Íslandsmóti með þeirri undantekningu að leikmaður sem kom inn á í síðari hálfleik þess leiks er heimilt að leika með B liði félagsins.

6          Í því tilfelli þegar félag er með tvö A lið í móti gildir: Leikmaður sem leikið hefur með liði 1 er ekki heimilt að leika með liði 2 fyrr en eftir næsta leik hjá liði 2 þar á eftir.

3. 9. 12. 2.        Bikarkeppni KSÍ

1          Þátttaka í Bikarkeppni KSÍ er heimil öllum félögum og aðilum ÍSÍ.

2          Hverju félagi er heimilt að senda eitt lið til keppni.

3          Keppnin er svæðakeppni og skal landinu skipt í fjögur svæði: Suður- og Vesturland, Vestfirði, Norðurland og Austurland.

4          Á Suður- og Vesturlandi skal leikið með útsláttarfyrirkomulagi þannig, að sigurvegari leiks heldur áfram en taplið er úr leik. Það lið, sem á undan er dregið, skal leika á heimavelli. Leika skal til þrautar í öllum umferðum. Sé jafnt eftir venjulegan leiktíma skal framlengt og sé enn jafnt skal fara fram vítaspyrnukeppni.

5          Á hinum landssvæðunum skal leikið með sama hætti og á Suður- og Vesturlandi. Mótanefnd er þó heimilt að láta leika með útsláttar-fyrirkomulagi þannig, að bæði er leikið heima og heiman. Þar kemst það lið áfram, sem skorað hefur fleiri mörk samanlagt í báðum leikjum viðkomandi liða. Fáist ekki úrslit þannig, skal það lið komast áfram sem skorað hefur fleiri mörk á útivelli. Fáist ekki úrslit þannig, skal framlengt í síðari leik liðanna og sé enn jafnt (enn gildir, að það lið kemst áfram sem skorað hefur fleiri mörk á útivelli), skulu úrslitin ráðin með vítaspyrnukeppni.

6          Félag sem ferðast til leiks, skal greiða ferða- og uppihaldskostnað sinn.

7          KSÍ skal gefa bikara til keppninnar, einn í hverjum landshluta.

7 MANNA LIÐ

Aldur: 16 ára á almanaksárinu og yngri.

Leiktími: 70 mín. (2 x 35 mín.)

Leikhlé: 5 mín.

Framlenging: 15 mín. (2 x 7,5 mín.)

Skiptingar: Skv. reglugerð um miniknattspyrnu.

Stærð knattar: 5.

3. 9. 12. 3.        Íslandsmót - 7 manna lið

1          Um fjölda leikmanna og leikvöll skal fylgja reglugerð KSÍ um mini-knattspyrnu. Leikreglur skulu fylgja knattspyrnulögum KSÍ og reglugerð KSÍ um knattspyrnumót nema annað sé tekið fram í reglugerð KSÍ um mini-knattspyrnu.

2          Hverju félagi, sem þátttöku tilkynnir, skal heimilt að senda tvö lið til keppni.

3          Leikmaður er aðeins hlutgengur með einu liði gegn sama félagi. Hlutgengir til leiks í hvert sinn eru allir leikmenn hvers félags nema þeir sem hófu næsta leik á undan með 11 manna liði félagsins í Íslandsmóti.

4          Mótinu er skipt í tvo hluta, svæðakeppni og úrslitakeppni. Keppnin er stiga-keppni.

5          Mótanefnd er heimilt að láta keppni á einstökum svæðum fara fram í hraðmótum, ef viðkomandi aðilar æskja þess og einnig að stytta leiktímann í hraðmótum.

3. 9. 13.            4. flokkur kvenna

Aldur: 14 ára á almanaksárinu og yngri.

Leiktími: 70 mín. (2 x 35 mín.)

Leikhlé: 5 mín.

Framlenging: 20 mín. (2 x 10 mín.)

Skiptingar: Skipti á leikmönnum skulu fara fram fyrir miðri hliðarlínu

vallarins og mega fara fram hvenær sem er í leiknum. Skiptimanni er því

heimilt að ganga til leiks þegar einhver leikmaður í liði hans hefur yfirgefið

leikvöllinn fyrir miðri hliðarlínu án þess að tilkynna dómaranum um það.

Leikmaður, sem skipt hefur verið út af leikvelli, má ganga til leiks á ný.

Stærð knattar: 4.

3.9. 13. 1.         Íslandsmót - 11 manna lið

1          Keppnin skal vera svæðakeppni og skal landinu skipt í svæði:

                        Suðurland, Vesturland og Vestfirðir (A og B riðill),

                        Norðurland (E riðill) og

                        Austurland (F riðill).

            Keppnin er stigakeppni.

2          Þau tvö lið sem verða neðst í A riðli falla næsta keppnisár niður í B riðil en tvö efstu liðin í B riðli taka sæti þeirra í A riðli.

3          Ef lið í A riðli dregur sig úr eða er vísað úr keppni, skal það hefja keppni í B riðli að ári, en liðið í 3. sæti í B riðli skal í staðinn flytjast í A riðil.

4          Í því tilfelli þegar félag er með tvö A lið í móti gildir: Leikmaður sem leikið hefur með liði 1 (A lið) er ekki heimilt að leika með liði 2 fyrr en eftir næsta leik hjá liði 2 þar á eftir.

5          Einnig skal vera sjálfstæð keppni meðal 4. aldursflokks B liða er ber nafnið 4. flokkur B. Leitast skal við að B liðin leiki við sömu andstæðinga og A liðin. Útkoma liða í 4. flokki B hefur engin áhrif á 4. flokk A. Hlutgengir til leiks í hvert sinn eru allir leikmenn hvers félags nema þeir sem hófu næsta leik á undan með A liði félagsins í Íslandsmóti. 

6          Séu lið 6 eða færri í riðli, er Mótanefnd heimilt að hafa tvöfalda umferð.  Mótanefnd skal leitast við að hafa ekki færri leiki en átta á hvert lið.

7          Mótanefnd er heimilt að láta keppni á einstökum svæðum fara fram í hraðmótum, ef viðkomandi aðilar æskja þess.

8          Eftir svæðakeppni skal fara fram úrslitakeppni um Íslandsmeistaratitilinn skv. ákvörðun Mótanefndar. 

9          Keppnin skal hefjast í maílok og ljúka í ágústlok.

7 MANNA LIÐ

Aldur: 14 ára á almanaksárinu og yngri.

Leiktími: 60 mín. (2 x 30 mín.)

Leikhlé: 5 mín.

Framlenging: 15 mín. (2 x 7,5 mín.)

Skiptingar: Skv. reglugerð um miniknattspyrnu.

Stærð knattar: 4.

3. 9. 13. 2.        Íslandsmót - 7 manna lið

1          Um fjölda leikmanna og leikvöll skal fylgja reglugerð KSÍ um miniknattspyrnu. Leikreglur skulu fylgja knattspyrnulögum KSÍ og reglugerð KSÍ um knattspyrnumót nema annað sé tekið fram í reglugerð KSÍ um miniknattspyrnu.

2          Hverju félagi, sem þátttöku tilkynnir, skal heimilt að senda tvö lið til keppni.

3          Leikmaður er aðeins hlutgengur með einu liði gegn sama félagi. Hlutgengir til leiks í hvert sinn eru allir leikmenn hvers félags nema þeir sem hófu næsta leik á undan með 11 manna liði félagsins í Íslandsmóti.

4          Mótinu er skipt í tvo hluta, svæðakeppni og úrslitakeppni. Keppnin er stigakeppni.

5          Mótanefnd er heimilt að láta keppni á einstökum svæðum fara fram í hraðmótum, ef viðkomandi aðilar æskja þess og einnig að stytta leiktímann í hraðmótum.

3. 9. 14.            5. flokkur kvenna

Aldur: 12 ára á almanaksárinu og yngri.

Leiktími: 40 mín. (2 x 20 mín.)

Leikhlé: 5 mín.

Framlenging: 15 mín. (2 x 7.5 mín.)

Skiptingar: Skv. reglugerð um miniknattspyrnu.

Stærð knattar: 4.

3. 9. 14. 1.        Íslandsmót

1          Um fjölda leikmanna, leikvöll og leiktíma skal fylgja reglugerð KSÍ um miniknattspyrnu. Leikreglur skulu fylgja knattspyrnulögum KSÍ og reglugerð KSÍ um knattspyrnumót nema annað sé tekið fram í reglugerð KSÍ um miniknattspyrnu.

2          Keppnin skal vera svæðakeppni og skal landinu skipt í 4 svæði:  Suður- og Vesturland (A, og B riðill), Vestfirðir (D riðill), Norðurland (E riðill) og Austurland (F riðill).  Keppnin er stigakeppni. Sigur í B liði gefur 2 stig.

3          Hverju félagi, sem tilkynnir þátttöku, er skylt að senda tvö lið til keppni, A og B lið. Auk þess er þeim félögum er þess óska heimilt að senda C og D lið í mótið. Mótanefnd KSÍ getur veitt undanþágu og gefið heimild til að senda eitt lið til keppni, A lið.

4          Sameiginlegur stigafjöldi A og B liðanna ræður röð félaganna.  Stigafjöldi C og D liða skal reiknaður óháð keppni A og B liða. C og D lið leika í sama riðli og A og B lið. Taki aðeins A lið þátt í mótinu getur það ekki unnið sér rétt til þátttöku í úrslitakeppni.

5          Þau tvö félög sem verða neðst í A riðli falla næsta keppnisár niður í B riðil en tvö efstu félögin í B riðli taka sæti þeirra í A riðli. 

6          Ef lið í A riðli dregur sig úr eða er vísað úr keppni, skal það hefja keppni í B riðli að ári, en liðið í 3. sæti í B riðli skal í staðinn flytjast í A riðil.

7          Séu lið 6 eða færri í riðli, er Mótanefnd heimilt að hafa tvöfalda umferð.  Mótanefnd skal leitast við að hafa ekki færri leiki en átta á hvert lið.

8          Mótanefnd er heimilt að láta keppni á einstökum svæðum fara fram í hraðmótum, ef viðkomandi aðilar æskja þess.

9          Eftir svæðakeppni skal fara fram úrslitakeppni um Íslandsmeistaratitilinn  skv. ákvörðun Mótanefndar.  Úrslitakeppni skal ekki fara fram í keppni C og D liða.

10         Leikmaður getur aðeins verið hlutgengur með einu liði (A, B, C eða D) sama leikdaginn. Leikmaður getur aðeins leikið fyrir eitt lið félags (A eða B lið) í úrslitakeppni. Í því tilfelli þegar félag er með tvö A og B lið í móti gildir: Leikmaður sem leikið hefur með liði 1 (A eða B lið) er ekki heimilt að leika með liði 2 fyrr en eftir næsta leik hjá liði 2 þar á eftir.

3          Keppnin skal hefjast í maílok og ljúka í ágústlok.

3. 9. 15.            6. flokkur kvenna

Aldur: 10 ára á almanaksárinu og yngri.

Leiktími: 30 mín. (2 x 15 mín.)

Leikhlé: 5 mín.

Framlenging: 10 mín. (2 x 5 mín.)

Skiptingar: Skv. reglugerð um miniknattspyrnu.

Stærð knattar: 3.

3. 9. 15. 1.        Hnátumót

1          Um fjölda leikmanna, leikvöll og leiktíma skal fylgja reglugerð KSÍ um miniknattspyrnu. Leikreglur skulu fylgja knattspyrnulögum KSÍ og reglugerð KSÍ um knattspyrnumót nema annað sé tekið fram í reglugerð KSÍ um miniknattspyrnu.

2          Hverju félagi, sem þátttöku tilkynnir, skal heimilt að senda þrjú lið til keppni, eitt í keppni A liða, eitt í keppni B liða og eitt í keppni C liða.

3          Leikmaður er einungis hlutgengur með einu liði (A, B eða C) í hverju móti.

4          Keppt skal í riðlum eftir fjölda þeirra félaga sem þátttöku tilkynna. Félög, sem vilja taka til sín og hafa umsjón með riðli skulu tilkynna Mótanefnd það fyrir 15. mars.

5          Umsóknirnar eru ekki bindandi fyrir Mótanefnd, en þær skulu hafa forgang ef kostur er. Mótanefnd KSÍ skal annast niðurröðun í riðla með tilliti til umsóknanna og skal hún taka mið af eftirfarandi:

            a.         Að eigi séu færri en fjögur félög í riðli.

            b.         Að hafa þau félög saman í riðli sem eru á sama landssvæði eftir því sem frekast er unnt.

6          Mótinu er skipt í tvo hluta, undankeppni og svæðisbundna úrslitakeppni. Keppnin er stigakeppni.

7          Undankeppnin skal leikin í júlí en úrslitakeppnin skal leikin um miðjan ágúst þar sem rétt til þátttöku eiga þau félög sem höfnuðu í fyrsta sæti í sínum riðli ásamt því félagi sem hefur umsjón með úrslitakeppninni.

8          Í úrslitum skal leikið til úrslita í A, B, og C liðum.  Miða skal við að á SV-landi taki 6 lið þátt í úrslitum í tveimur riðlum þar sem leikið er til úrslita að lokinni riðlakeppni. Á Norður- og Austurlandi skal miðað við að leikið sé í einum 4 liða riðli. Mótanefnd setur frekari ákvæði um úrslitakeppni ef þörf krefur.

9          Það félag sem sigrar í úrslitakeppni telst Hnátumeistari KSÍ á viðkomandi svæði.

4. MÓTMÆLI, KÆRUR, VIÐURLÖG OG SEKTIR

4. 1.      Kærur

1          Öll mótmæli varðandi undirbúning kappleiks, keppnisvöll, dómara, aðstoðardómara, boltastærð eða annað viðvíkjandi framkvæmd leiksins, skulu borin fram við dómara fyrir leikinn af fararstjórn eða fyrirliða, ella hafa leikaðilar fyrirgert rétti sínum til að kæra ástandsbrot.

2          Kæra skal lögð fram á skrifstofu KSÍ innan tilskilins frests eins og kveðið er á um í lögum um dómstóla Knattspyrnusambands Íslands. Um málatilbúning að öðru leyti fer samkvæmt fyrrnefndum lögum.

3          Þótt félag sé uppvíst að leikbroti, losar það ekki mótaðilann við keppnisskyldu.

4          Mótsstjórn sker úr öllum vafaatriðum varðandi framkvæmd móts eða einstakra leikja, og hún hefur rétt til þess að breyta leikstað eða leikstund.

4. 2.      Ekki mætt til keppni

1          Lið, sem ekki mætir til leiks og hefur engar gildar ástæður, telst hafa tapað leiknum, 0-3. Viðkomandi lið getur ekki orðið sigurvegari í yfirstandandi móti eða riðli, getur ekki flust í næstu deild eða riðil fyrir ofan næsta keppnistímabil og getur ekki varist falli, þurfi markamismunur að skera úr um röð neðstu liða. Viðkomandi leikur getur heldur ekki ráðið úrslitum er grípa þarf til markamismunar við ákvörðun sætis hjá sigurvegaranum og skulu mörk í leikjum gegn því félagi, sem mætti ekki til leiks, ekki teljast með í slíkum tilfellum. Mótanefnd skal haga niðurröðun í næsta móti þannig, að lið sem ekki hefur mætt til leiks án gildra ástæðna, fái ekki leik á heimavelli gegn viðkomandi liði.

2          Lið, sem ekki mætir til keppni tvo leikdaga í móti, skal vísað úr mótinu.

3          Lið, sem mætir til leiks með færri en 7 leikmenn, er ekki heimilt að hefja leikinn og telst ekki hafa mætt til hans.

4. 3.      Ólöglega skipað lið

1          Lið, sem mætir ólöglega skipað til leiks og félag sem notar leikmann, þjálfara, eða forystumann í leikbanni, telst hafa tapað leiknum með markatölunni 0-3 nema tap hafi verið stærra, þá skal sú markatala ráða.

2          Leikmaður, sem hefur vísvitandi sagt rangt til um aldur sinn, skal sæta leikbanni til loka keppnistímabilsins.

3          Ef leikskýrsla er vísvitandi ranglega fyllt út, t.d. með því að falsa nafn eða kennitölu þátttakanda, skal liðið sem í hlut á tapa leiknum með markatölunni 0-3 nema tap hafi verið stærra, þá skal sú markatala ráða.

4          Þjálfari eða forystumaður sem stuðlar að því að nafn eða kennitala er fölsuð á leikskýrslu skal sæta leikbanni eða banni frá stjórnunarstörfum í knattspyrnu í allt að eitt ár. 

4. 4.      Sektir

1          Lið, sem ekki mætir til leiks skal greiða allan kostnað af leiknum vegna dómara, vallar, auglýsinga og ferðalaga mótaðilans og sæta þar að auki sekt, sem nemi 50% af ferðakostnaði til viðkomandi leikstaðar, en þó aldrei lægri upphæð en kr.  26.850, sem renni til mótaðila. Sé um að ræða leik í keppni, þar sem leikið er heima og heiman, skal sektin nema fullum ferðakostnaði fyrir 18 manns til viðkomandi leikstaðar, auk þess sekt að upphæð kr. 109.800 í meistaraflokki en kr. 26.850 í öðrum flokkum.

2          Ef lið hættir þátttöku í móti eftir upphaf þess eða er vísað úr móti skv. 4.2.2. skal það tapa áunnum stigum, sæta leikbanni til loka keppnistímabilsins, sæta sektum og er ekki undanþegið skaðabótaskyldum. Lið, sem dregur sig út úr móti fyrir 14. apríl, skal sæta sekt, kr. 4.515 og eftir þann dag skal beita sekt að upphæð kr. 16.050.

3          Lið, sem mætir ólöglega skipað til leiks, skal sæta sekt að upphæð allt að kr. 24.000. Félag sem notar leikmann, þjálfara eða forystumann í leikbanni skal sæta sekt að upphæð allt að kr. 178.500 sé brotið framið í keppni á vegum KSÍ í meistaraflokki karla eða kvenna. Sé brotið framið í öðrum flokkum skal sektin vera allt að kr. 24.000.

4          Félag sem fyllir rangt út leikskýrslu getur sætt sekt að upphæð allt að kr. 24.000 í meistaraflokki en 12.000 í öðrum flokkum. Sé um vísvitandi brot að ræða skal sektin vera allt að kr. 48.000 í meistaraflokki en 24.000 í öðrum flokkum.

5          Lið, sem breyta leiktíma og leikstað án samþykkis Mótanefndar, skulu sæta sekt að upphæð kr. 16.050 hvort lið. Allar sektir skulu renna til KSÍ nema annars sé getið.

6          Farist fyrir, að skipa boltakrakka í leikjum meistaraflokks karla og kvenna skal heimalið sæta sekt, kr. 6.000.- á leik.

7          Vanræksla á skráningu úrslita í gagnagrunn KSÍ varðar sektum, kr. 100 kr. á leik. Vanræksla á skráningu upplýsinga á leikskýrslu í gagnagrunn KSÍ varðar dagsektum, kr. 55 á dag. Vanræksla á skilum á leikskýrslum varðar dagsektum, kr. 55 á dag.

8          Vanræki sambandsaðili að senda skilagrein yfir fjölda áhorfenda, tekjur og gjöld innan tilskilins frests, getur Mótanefnd beitt dagsektum að upphæð kr. 55 á dag og renna þessar sektir til reksturssjóðs KSÍ. Sé um verulegar van-efndir að ræða, getur Mótanefnd útilokað viðkomandi sambandsaðila frá þátttöku í landsmótum og bikarkeppnum á næsta keppnistímabili.

9          Félag sem vanrækir sektargreiðslur missir rétt til þátttöku í keppnum á næsta keppnistímabili.

10         KSÍ ákveður og annast innheimtu sektarfjár og sér um að greiða til við-komandi aðila.

11         Sektarupphæðir skulu breytast í samræmi við breytingar á aðgöngumiða-verði í Landsbankadeild karla.

4. 5.      Ólögmætur kappleikur

1          Sé kappleikur háður í banni KSÍ skal aðgangseyrir gerður upptækur og renna til KSÍ.

            Samþykkt á ársþingi KSÍ 1993 með breytingum 1994 - 2005.