Styrkir til uppbyggingar knattspyrnumannvirkja
Hægt er að sækja um styrk úr mannvirkjasjóði KSÍ vegna nýframkvæmda
Mannvirkjasjóði KSÍ er ætlað að styðja við nýframkvæmdir knattspyrnumannvirkja á Íslandi til þess að skapa iðkendum, stjórnendum og áhorfendum sem besta aðstöðu.
Mannvirkjasjóður KSÍ styrkir hvers kyns nýframkvæmdir og getur hámarksstyrkur við hvert verkefni orðið 15 milljónir króna en að jafnaði ekki meira en sem nemur þriðjungi af raunkostnaði framkvæmdar. Við úthlutun styrkja skal sérstaklega tekið mið af stöðu umsækjanda gagnvart leyfiskerfi KSÍ og skulu umsóknir sem miða að því að uppfylla ákvæði leyfiskerfis KSÍ njóta forgangs við úthlutun úr sjóðnum.
Aðeins aðildarfélög KSÍ geta sótt um styrk.
Umsókn um styrk úr Mannvirkjasjóði KSÍ skal berast framkvæmdastjóra KSÍ fyrir 1. apríl ár hvert. Í umsókn skulu eftirfarandi upplýsingar m.a. koma fram:
- Fyrirhugaðar framkvæmdir og tilgangur þeirra
- Verk- og tímaáætlun
- Staðfesting á fjármögnun
- Staðfesting viðkomandi sveitarfélags á framkvæmdunum og skuldbindingar þess vegna þeirra
Framkvæmdastjóri KSÍ metur umsóknir og hefur mannvirkjanefnd KSÍ til ráðgjafar auk þeirra aðila sem hann telur ástæðu að leita til. Framkvæmdastjóri gerir tillögu til stjórnar um úthlutun úr sjóðnum. Við mat á umsóknum skal m.a. tekið tillit til núverandi stöðu knattspyrnumannvirkja og aðstöðu, og þarfa félags vegna þátttöku í Íslandsmóti og vegna leyfiskerfis KSÍ.
Styrkur úr Mannvirkjasjóði KSÍ er að jafnaði greiddur út að loknum framkvæmdum viðkomandi verkefnis en heimilt er að greiða út styrkinn í fleiri greiðslum ef ástæða þykir til og fyrir liggur samþykkt stjórnar KSÍ
Gert er ráð fyrir að í Mannvirkjasjóður KSÍ muni á árunum 2012-2015 veita árlega a.m.k. 30 milljónir króna til aðildarfélaga.
