Mannvirki
Nýr gervigrasvöllur á Seltjarnarnesi
Krakkar úr 5. flokki tóku fyrstu skóflustungurnar
Fyrstu skóflustungur að nýjum gervigrasvelli á Seltjarnarnesi voru teknar í gær og eru þetta sannarlega stór tíðindi fyrir knattspyrnuna á nesinu. Það voru stúlkur og drengir úr 5. flokki Gróttu sem tóku fyrstu skóflustungurnar að nýja gervigrasvellinum, sem verður staðsettur þar sem á malarvöllurinn er nú.
Nokkur fjöldi fólks var mættur til að vera vitni að þessum langþráða draumi Seltirninga. Jónmundur Guðmarsson bæjarstjóri hélt stutt ávarp og að því loknu tók Ásgerður Halldórsdóttir við og fór yfir þróun vallarins.
