Verðlaun fyrir besta grasvöllinn í ensku úrvalsdeildinni

Highbury valinn bestur - Íslendingur í starfsliðinu

27.6.2006

Nýlega voru veitt verðlaun fyrir besta grasvöllinn í ensku úrvalsdeildinni og voru það vallarstarfsmenn á Highbury, heimavelli Arsenal, sem hlutu verðlaunin. 

Í starfsliði Highbury er Íslendingurinn Kristinn V. Jóhannsson, sem er einmitt á meðal þeirra sem sjá til þess að grasvöllurinn sé í sem bestu ásigkomulagi yfir keppnistímabilið.

Vallarstjóri Highbury er Paul Burgess, en hann hefur einmitt komið hingað til lands ásamt Kristni og unnið við grasið á Laugardalsvelli í nokkur skipti.

Kristinn V. Jóhannsson er lengst til vinstri á myndinni, Paul Burgess er honum á vinstri hönd.