Sparkvallaátak KSÍ í fullum gangi

Sparkvallaátak KSÍ er í fullum gangi og hafa fjölmargir sparkvellir verið vígðir á síðustu vikum. Nýir vellir hafa verið vígðir í Grundarfirði, Ólafsvík, Höfn í Hornafirði, Fáskrúðsfirði og Neskaupstað og nýr völlur verður vígður á Akranesi í þessari viku.

Eftir vígslu sparkvallar á Höfn í Hornafirði gátu krakkarnir ekki beðið eftir því að komast inn á hann til að leika sér í knattspyrnu. Skóbúnaðurinn var af ýmsu tagi.