Mannvirki
Námskeið í grasvallafræðum
Tveir fulltrúar KSÍ sóttu námskeiðið
Endurmenntun Landbúnaðarháskóla Íslands tók höndum saman við Knattspyrnusamband Íslands (KSÍ), Golfsamband Íslands (GSÍ), Samtök íþrótta- og golfvallastarfsmanna á Íslandi (SÍGÍ) og Íþrótta- og tómstundasvið Reykjavíkur (ÍTR) og setti saman námskeiðsröð í grasvallarfræðum.
Kristinn V. Jóhannsson og Sigurður Þórðarson, starfsmenn á Laugardalsvelli, sóttu námskeiðið fyrir hönd KSÍ.
Námskeiðaröðin er öllum opin en einkum ætluð starfsmönnum íþrótta- og golfvalla sem ekki hafa hlotið neina formlega menntun á þessu sviði. Markmiðið er að nemendur verði betur í stakk búnir til að sjá um viðhald grasvalla (golf- og knattspyrnugrasvalla) til að hámarka endingu þeirra og gæði.
