Leikir íslenskra félagsliða í Evrópumótum

Alla leiki íslenskra félagsliða í Evrópumótum félagsliða má sjá í gagnagrunni KSÍ.  Smellið annað hvort á Mótalisti eða Leikir félaga í valmyndinni hér til vinstri á síðunni, og afmarkið leit með viðeigandi hætti.

Hverjir leika í Evrópumótum félagsliða?

Meistaradeild UEFA

Íslandsmeistararnir leika í Meistaradeild UEFA (hét Evrópukeppni meistaraliða til kepnistímabilsins 1991/1992, en Meistaradeild UEFA frá og með keppnistímabilinu 1992/1993).  Árin 1994, 1995 og 1996 léku Íslandsmeistarar fyrra árs í UEFA-bikarnum, en sneru aftur í Meistaradeildina 1997.

UEFA-bikarinn

Það lið sem verður bikarmeistari og það lið sem hlýtur 2. sætið í efstu deild. Hafi liðið sem hlaut 2. sæti í efstu deild einnig orðið bikarmeistari tekur það lið þátt sem hlaut 3. sæti í efstu deild. Frá 1999 hafa bikarmeistarar tekið þátt í UEFA-bikarnum þar sem Evrópukeppni bikarhafa var lögð niður.

Evrópukeppni bikarhafa

Bikarmeistararnir léku í Evrópukeppni bikarhafa, nema sama lið hafi orðið Íslandsmeistari. Í því tilfelli tók þátt liðið sem hafnaði í 2. sæti bikarkeppninnar. Evrópukeppni bikarhafa var lögð niður árið 1999 og fara sigurvegarar í bikarkeppninni nú í UEFA-bikarinn.

Intertoto-keppnin

Það lið sem hlýtur 3. sætið í efstu deild leikur í Intertoto-keppninni, en hafi það lið orðið bikarmeistari, þá það lið sem hlaut 4. sætið.

Evrópukeppni félagsliða kvenna

Íslandsmeistararnir leika í Evrópukeppni félagsliða kvenna.