Mótamál

Ólöglegur leikmaður hjá KFR

Leikur þeirra gegn Reyni S. dæmdur tapaður 3-0

31.3.2017

Skrifstofa KSÍ hefur staðfest að KFR tefldi fram ólöglegu liði gegn Reyni S. í leik í Lengjubikar meistaraflokks karla, sem fram fór 25. mars síðastliðinn.  Úrslitum leiksins er því breytt, í samræmi við grein 10.1 í reglugerð KSÍ um knattspyrnumót og Reyni S. dæmdur sigur 3-0. 

Í reglugerðum KSÍ um deildarbikarkeppni karla og kvenna, greinum 10.1 og 11.2 segir: 

10. SEKTIR
10.1 Lið, sem mætir ólöglega skipað til leiks, skal sæta sekt að upphæð kr. 30.000 og að auki kr. 30.000 fyrir hvern leikmann sem ekki hefur keppnisleyfi með viðkomandi félagi og tekur þátt í leiknum. Félag, sem notar leikmann, þjálfara eða forystumann í leikbanni, skal sæta sektum að upphæð kr. 100.000. 

11. STJÓRN KEPPNINNAR
11.2 Félag, sem notar leikmann sem ekki hefur keppnisleyfi með því eða notar leikmann, þjálfara eða forystumann í leikbanni, telst hafa tapað leiknum með markatölunni 0-3 nema tap hafi verið stærra, þá skal sú markatala ráða. Staðfesti skrifstofa KSÍ að þátttakandi hafi verið óhlutgengur í leik skal mótanefnd þegar í stað skrá úrslit leiksins skv. ofangreindu og tilkynna það viðkomandi félögum. Heimilt er að kæra slíka skráningu til aga- og úrskurðarnefndar KSÍ og skal kærufrestur telja frá þeim degi sem tilkynningin er gefin út. 

Neðangreindur leikmaður lék ólöglegur með KFR:
Nafn leikmanns: Dagur Þórðarson
Leikur: Reynir S – KFR
Dagsetning: 25. mars 2017
Ástæða: Leikmaður ekki skráður í KFR - Skráður í ÍBV 

Í samræmi við ofangreinda reglugerð eru úrslit leiksins skráð 3-0 og KFR er sektað um kr. 60.000.-




Mótamál




Aðildarfélög




Aðildarfélög


Skráning úrslita

Leiðbeiningar Úrslit leikja í öllum flokkum má skrá með SMS-skeyti eða í gegnum aðgang viðkomandi félags að ksi.is í gegnum Séraðgerðir hér að ofan