Mótamál

Fjármagn frá UEFA og KSÍ til íslenskra félagsliða

Framlög frá UEFA og KSÍ til barna- og unglingastarfs aðildarfélaga KSÍ

30.11.2017

UEFA hefur ákveðið, líkt og áður, að hluti af þeim tekjum sem sambandið hafði af Meistaradeild UEFA (Champions League) 2016/2017 skuli renna til félaga í öllum aðildarlöndum UEFA til eflingar knattspyrnu barna- og unglinga. Uppgjör vegna Meistaradeildarinnar sem lauk vorið 2017 hefur nú farið fram og fá íslensk félög um 59 milljónir króna í sinn hlut til barna- og unglingastarfs. Samkvæmt ákvörðun UEFA skulu öll framlög vegna Meistaradeildar UEFA til barna – og unglingastarfs renna til félaga í efstu deild. Framlag UEFA skiptist því á milli félaga í Pepsi-deild karla.

Stjórn KSÍ hefur samþykkt að leggja til 56,8 milljónir króna til viðbótar til barna-og unglingastarfs sem skiptist á milli aðildarfélaga í öðrum deildum og utan deilda.   Samþykkt stjórnar KSÍ byggir á samráði við aðildarfélögin og almennri sátt um skiptingu fjármunanna.  Greiðslan til félaganna skal renna óskipt til eflingar knattspyrnu barna og unglinga frá yngstu iðkendum til og með 2. aldursflokks karla og kvenna.  Samtals er því framlag til barna- og unglingastarfs fyrir árið 2017 áætlað um 116,7 milljónir króna.

UEFA setur eftirfarandi skilyrði fyrir greiðslu sinni til félaga í Pepsi-deild karla:

  1. Greiðslan fer í gegnum viðkomandi knattspyrnusamband.
  2. Aðeins félög sem leika í efstu deild og uppfylla lágmarks kröfur leyfiskerfis viðkomandi knattspyrnusambands varðandi barna- og unglingastarf geta fengið greiðslu.
  3. Fjárhæðin skiptist á milli félaganna samkvæmt ákvörðun stjórnar viðkomandi sambands.
  4. Félög sem tóku þátt í Meistaradeild UEFA 2016/2017 skulu ekki fá hlutdeild í þessari greiðslu.

Í samræmi við ofangreind skilyrði ákvað stjórn KSÍ að framlag UEFA rynni til þeirra félaga sem léku í Pepsi-deild karla árið 2017 en í þeirri deild hefur KSÍ innleitt leyfiskerfi (m.a. kröfur um samþykkta áætlun um uppeldisstarf).


Samþykkt stjórnar KSÍ um úthlutun fjármagns UEFA og KSÍ til barna- og unglingastarfs 2017:

  1. Framlag UEFA til aðildarfélaga til eflingar knattspyrnu barna- og unglinga rennur til þeirra félaga sem léku í Pepsi-deild karla árið 2017.  Félög úr Pepsi-deild fá kr. 4.994.356 hvert.  Úthlutun er háð því að félög haldi úti starfsemi í yngri flokkum og hafi samþykkta áætlun um uppeldisstarf skv. leyfisreglugerð KSÍ.  Framlag UEFA rennur einungis til félaga í Pepsi-deild karla skv. ákvörðun UEFA.
  2. Framlag KSÍ til eflingar knattspyrnu barna og unglinga að upphæð 56,8 milljónum króna rennur til félaga í Inkasso deild karla, 2. deild karla, 3. deild karla, 4. deild karla og aðildarfélaga KSÍ utan deilda 2017. Hvert félag í Inkasso deild karla fær kr. 2.400.000, félag í 2. deild karla fær kr. 1.500.000, önnur félög í deildarkeppni kr. 1.000.000 og félög utan deildarkeppni kr. 1.000.000.  Úthlutun er háð því að félög haldi úti starfsemi í yngri flokkum beggja kynja og skulu félög sem eru utan deildarkeppni (eða eru ekki með starfsemi hjá báðum kynjum)  framvegis sækja um styrk til barna- og unglingastarfs og sýna fram á starfsemi sína.
  3. Greiðslan til félaganna skal renna óskipt til eflingar knattspyrnu barna og unglinga frá yngstu iðkendum til og með 2. aldursflokks karla og kvenna.
  4. Dæmi um kostnaðarliði í þessu starfi eru laun þjálfara, ferðakostnaður vegna þátttöku í keppni, aðstöðuleiga, kaup á tækjum og áhöldum.

Rétt er að fram komi að þegar um samstarfsfélög er að ræða hljóta þau félög er að því samstarfi standa styrk ef þau sinna barna- og unglingastarfi.

Eftirfarandi tafla sýnir greiðslur í milljónum króna frá UEFA vegna Meistaradeildarinnar 2016/2017 og frá KSÍ til barna- og unglingastarfs aðildarfélaga KSÍ.  Styrkurinn kemur til greiðslu 1. desember 2017.

Pepsi-deild karla Upphæð
Breiðablik 4.994.356
FH 4.994.356
Fjölnir 4.994.356
Grindavík 4.994.356
ÍA 4.994.356
ÍBV 4.994.356
KA 4.994.356
KR 4.994.356
Stjarnan 4.994.356
Valur 4.994.356
Víkingur Ó 4.994.356
Víkingur R 4.994.356
Inkasso deild karla Upphæð
Fram 2.400.000
Fylkir 2.400.000
Grótta 2.400.000
Haukar 2.400.000
HK 2.400.000
ÍR 2.400.000
Keflavík 2.400.000
Leiknir F 2.400.000
Leiknir R 2.400.000
Selfoss 2.400.000
Þór 2.400.000
Þróttur R 2.400.000
2.deild karla Upphæð
Afturelding 1.500.000
Höttur 1.500.000
Magni 1.500.000
Sindri 1.500.000
Tindastóll 1.500.000
Vestri 1.500.000
Víðir 1.500.000
Völsungur 1.500.000
Önnur félög í deildarkeppni og sameiginleg lið í efri deildum - þátttaka í KSÍ mótum (bæði kyn) Upphæð
Dalvík/Reynir 1.000.000
Einherji 1.000.000
KF  1.000.000
Reynir S 1.000.000
Þróttur V 1.000.000
Ægir 1.000.000
Álftanes 1.000.000
Hamar 1.000.000
KFR 1.000.000
Skallagrímur 1.000.000
Snæfell 1.000.000
Hvöt 1.000.000
Kormákur 1.000.000
Austri 1.000.000
Valur Rfj 1.000.000
Þróttur N 1.000.000
Samtals 116.732.272




Mótamál




Aðildarfélög




Aðildarfélög


Skráning úrslita

Leiðbeiningar Úrslit leikja í öllum flokkum má skrá með SMS-skeyti eða í gegnum aðgang viðkomandi félags að ksi.is í gegnum Séraðgerðir hér að ofan