Mótamál

Drög að niðurröðun leikja í Pepsi-deildunum og Inkasso-deildinni 2018 tilbúin

Valur - KR opnunarleikur í Pepsi deild karla

29.12.2017

Mótanefnd KSÍ hefur birt drög að leikjaniðurröðun Pepsi-deildanna og Inkasso-deildarinnar. Íslandsmeistarar Vals í Pepsi-deild karla fá KR í heimsókn í opnunarleik Pepsi-deildar karla föstudagskvöldið 27. apríl. Pepsi-deild kvenna hefst svo fimmtudaginn 4. maí með leik Stjörnunnar og Breiðabliks. 

Fyrir keppnistímabilið 2018 var niðurröðun leikja unnin með öðrum hætti en venjulega. Ekki var dregið í töfluröð líkt og mörg undanfarin ár. Þess í stað réðst númer liða í töflunni (töfluröðinni) af þeim óskum sem félögin komu á framfæri við nefndina, þ.e. hvernig best væri að uppfylla óskir viðkomandi félaga. Nefndin náði með þessari aðferð að verða við flestum óskum félaganna. 

Dregið úr leikjamagni meðan HM fer fram 

Dregið er verulega úr fjölda leikja meðan HM fer fram. Þannig er gert ráð fyrir að einungis Evrópuliðin leiki í Pepsi-deild karla meðan riðlakeppni HM fer fram. Á sama tíma fer fram ein umferð í Inkasso-deildinni og tvær umferðir í Pepsi-deild kvenna. Helgast það af því að gera þarf hlé í Pepsi-deild kvenna frá 4-14 júní vegna landsliðsverkefna. Ekki er útilokað að einstök félög muni óska eftir færslum vegna HM. Er því ekki útilokað að einhverjir leikir muni færast til af þeim sökum.

Niðurröðun í öðrum deildum 

Vinna stendur yfir við niðurröðun leikja í 1. deild kvenna, 2. deild karla og 3. deild karla. Stefnt er að því að birta drög leikja þar um miðjan janúar. 

Vinna við niðurröðun leikja í 2. deild kvenna og 4. deild karla hefst um leið og þátttaka liggur fyrir. Drög leikja í þeim mótum verður birt um miðjan febrúar.




Mótamál




Aðildarfélög




Aðildarfélög


Skráning úrslita

Leiðbeiningar Úrslit leikja í öllum flokkum má skrá með SMS-skeyti eða í gegnum aðgang viðkomandi félags að ksi.is í gegnum Séraðgerðir hér að ofan