Mótamál
Meistarakeppni KSÍ - KR hafði betur
Íslandsmeistarar KR sigruðu bikarmeistara Fylkis 2-1 í Meistarakeppni KSÍ, sem fram fór í Egilshöll í kvöld. Leikurinn var afar hraður og fjörugur og greinilegt að liðin eru að komast í hörkuform. Sverrir Sverrisson kom Fylki yfir um miðbik fyrri hálfleiks eftir góða sókn upp hægri kantinn, en skömmu síðar jöfnuðu KR-ingar með sjálfsmarki varnarmanns Fylkis. Einar Þór Daníelsson skoraði síðan sigurmarkið undir lok fyrri hálfleiks með góðu skoti vinstra megin úr vítateignum. Ekkert mark var skorað í síðari hálfleik og KR bar því sigur úr býtum í fyrstu Meistarakeppni KSÍ síðan 1998.
