Úrslitin ráðin í 2. riðli A-deildar karla

Eftir 2-0 sigur Framara á FH-ingum á þriðjudag er ljóst hvaða fjögur lið úr 2. riðli A-deildar komast í 8-liða úrslit deildarbikarsins.

KR-ingar hafa tryggt sér sigurinn í riðlinum og mæta í 8-liða úrslitum því liði sem hafnar í 4. sæti í 1. riðli A-deildar. Þróttarar hafna í öðru sæti og leika gegn liðinu í þriðja sæti í hinum riðlinum. FH mætir liðinu í öðru sæti 1. riðils og Keflvíkingar, sem urðu fjórðu, mæta sigurvegurum 1. riðils. Úrslitin í 1. riðli ráðast á fimmtudag en þá fara þar fram 3 leikir. Átta liða úrslitin fara fram á þriðjudag og miðvikudag í næstu viku.