Mótamál
Jólamót Kópavogs haldið í 21. skipti
Jólamót Kópavogs 2004 í knattspyrnu verður haldið dagana 27. - 30. desember næstkomandi og er keppt í öllum yngri flokkum karla og kvenna, frá 2. flokki til 7. flokks. Mótið er nú haldið í 21. skipti, en það hefur farið fram á hverju ári frá 1984 og til 2001 héldu Breiðablik og HK mótið til skiptis í Digranesi og Smáranum. Nú halda Breiðablik og HK mótið sameiginlega í þriðja skipti og fer það fram í knattspyrnuhöllinni Fífunni, íþróttahúsinu Digranesi og íþróttahúsinu Smáranum.
